飲茶 (朗豪坊) (已結業)

去開朗豪坊行街見到飲茶6點幾難得唔洗等位即刻去食。我地叫左小食雞絲拉皮，冷盤啱曬而家啲咁熱嘅時候食，有雞絲、紅蘿蔔絲、蔥花加麻醬配埋滑一滑嘅粉皮，口感不錯！另一個小食係川醬皮蛋，辣辣地幾野問，食到唔停口。點心叫左我最鐘意嘅蟹籽燒賣，綠色嘅皮好特別，入面有蝦面頭又有蟹籽好足料！一籠八戒，個饀係叉燒，見到個名就一定要叫，好搞笑。上菜見到個樣係豬仔包當然相機食先，very cute!!睇住流奶又係搞笑名，入面係流沙奶黃。睇見都唔捨得食，好得意！食完出嚟見到好多人等位，真係好彩我地早入去食。

同老人家走去飲茶..打算比小小新鮮感她們..所以預約左【飲茶】..招牌既'奶皇包'好可愛..見到餐廳每檯都有order..熱辣辣好好味..小朋友最中意..因為好生動..另外我地都有試其他點心..例如有平時我地最中意食既就係燒賣..所以黎到1定有order黎試試..顏色吸引..味道都ok..好滿足..仲有試腸粉同埋炸蝦..都好好食既..不過老人家覺得相對平時酒樓就貴價1點點..呢點點價格就係比佢地既賣相

我好耐之前去尖沙咀分店食過都印象唔錯原本想book 返尖沙咀分店 但到九點先有 所以就試旺角分店用openrice book都算方便叫左既前菜 包 同 炒粉絲 其實都幾好食前菜我同朋友都中意個豆腐好夠凍同好滑但到之後係甜品拼盤個布丁一黎到我就非常失望我叫甜品 係因為好想見到個個藍色雲棉花糖但黎到擺低既 係求其放左d頭髮碎咁既野完全貨不對辦我見到個下呆左 完全唔識反應楊枝甘露布丁味道都好普通 偏甜糖不甩同煎堆波波都ok ge整體味道都ok 但唔叫甜品會開心好多同埋價錢都偏貴 唔太抵食

與朋友相約晚飯，選了位置方便的朗豪坊內的「飲茶」。餐廳位於food court旁，十分容易找到。先點了三款包點，分別是一籠八戒(叉燒包)、睇住流奶(奶黃包)和吉川奶子(抹茶流沙包)。個人最喜愛叉燒包，皮薄餡多。而抹茶流沙包抹茶味若能濃點則更好。再點了櫻花蝦炒飯，份量不小，足夠四人分享。飯粒分明，帶點點鹹香味。最後點了洛神花黑豚肉，洛神花醬味道酸酸甜甜，頗為討好。但黑豚肉卻煮至過熟，令肉質偏韌，實在是可惜。

同家人午餐去食得意點心，由於我哋冇book位，等位等了15至20分鐘。我哋四個人叫了六款點心，分別係一籠八戒，紅都面晒，睇住流奶，炒腸粉，鴿吞鳳梨，近朱者赤，全部菜名都好得意有趣。一籠八戒係叉燒包，可愛豬仔造型紅都面晒係辣味肉包，微辣惹味睇住流奶係流沙奶皇包，熱辣辣香濃奶皇流出，好好味炒腸粉普通，較油鴿呑鳳梨係鳳梨酥，以雀仔放進鳥籠造型上菜，十分可愛，鳳梨酥鬆化，涵料滿滿近朱者赤係紅菜頭汁咸魚雞粒炒飯。惹味香口，但較油。

來飲茶，一來到food court附近，大堆排隊的人群，一片亂，帶著家人老嫩嬰兒一行9人，心想：慘了訂了位8點，侍應禮貌地請我們等了又等，近8時半入座，門外仍有滿滿等位的食客，部分不滿，有幾位在發脾氣，侍應匆忙地安頓我們，為我們準備2張嬰兒椅，家人問好談天看餐牌，我觀察著，沒有侍應催促我們下單，只有友善又匆忙地請我們「慢慢看，可以下單就叫我們」。在旺角，雖然已8時，這種量度和體諒度，值得欣賞。香橙冬瓜，香甜清新酸甜又涼快。冬瓜的清新香味和橙的酸甜竟然很配合。有人說這是甜品喲，有人說這特別開胃可口，小孩說這是啫喱，小小孩追著吃。七彩茄子。有一點辣，有點異國香料，但茄子吸油，這凍小吃就顯得有點油了。蒜蔥雞。可口也入味，以凍吃來說，這雞的肉質尚可，蒜香足，用料也足，而整道菜最好吃的，是伴碟的蓮藕，它們有雞的甜，調味的咸香，蓮藕的鮮甜，是搶鏡的配角。這賣相一般的花膠荷葉飯，是綽頭吧。小籠很小，而籠的深度比一般的籠只有一半！飯量很少，相中匙子放下到底就是這深度了。飯很黏，卻是煮得太久，而不是花膠的膠質。花膠和花膠汁是後期放入的吧，大有快餐店豬扒飯加汁的感覺⋯⋯幸好花膠沒有腥味，也是夠軟的。羽衣甘

有朋自遠方來，一行成11人又有小朋友，約出去食飯最好就係揀啲有得訂座嘅餐廳啦！💕平時食開西餐嘅朋友提議想試吓中餐，所以決定去朗豪坊嘅飲茶試吓！😋流口水雞雞肉採用左雞卷嘅做法，完全冇骨，所以食起嚟嘅時候非常之方便兼啖啖肉😋個人覺得叫得口水雞辣味可以再加重返少少！旁邊嘅辣椒乾口感都幾特別，有啲似蔬果脆片，不過咸咗啲！炒蝦腸粉蝦既份量都算足，而蝦肉嘅質地都爽脆彈牙既！腸粉都好有豉油王風味！呢個真係唔錯！蟹籽燒賣真心普通咗啲....除咗個皮係綠色之外...冇乜特別🤣一籠八戒賣相可愛嘅豬仔叉燒包🐷小朋友一見到就搶着話想食💕結果當然係食得好滋味啦！所以encore 多一籠先夠喉😆睇住流奶🤣個名係衰咗少少，其實就係奶黃流沙包！咬開嘅時候要小心啲，因為啲流沙真係好澎湃!又係小朋友必食推介💕椒鹽鬍鬚🧔其實就係椒鹽魷魚鬚，外皮香口酥脆，肉質嫩滑！正！💕辣蟻粉絲我本身都好鍾意食粉絲😍呢個粉絲軟硬度剛剛好唔會太冧，豬肉碎帶少少辣，好惹味！幾乎俾我一個人食晒😂青瓜皮蝦顧名思義就係用薄片嘅青瓜卷住鮮蝦，上面鋪咗啲類似蒜泥白肉嘅蒜蓉醬，作為前菜小食都幾清新開胃，唔錯嘅！舉手雞花類似菠蘿咕嚕肉嘅做法，不過換咗做雞搥，

因為慶祝朋友生日，一早打電話訂左枱，去到不需要等，直接安排入座。一坐低, 淨係隻金魚碟都忍唔住拎起電話影張相先。再望住個餐牌，好多賣相都好吸引，最後叫左雞絲拉皮、三杯醉雞、啤醋木耳、蟹子燒賣、櫻花蝦飯，當然唔少得賣相好得意的睇住流奶及胭脂玫瑰。大部份食物味道都可以，而且夠熱，反而賣相好得意的睇住流奶及胭脂玫瑰就好睇唔好食!睇住流奶其實是流沙奶黃包，原意是用筷子在眼位置篤一個小洞，用力擠出裏面的流沙餡料，就能「睇住流奶」，可惜一籠3個都因為蒸得太熟，做不出「流奶」的效果，很失望!至於胭脂玫瑰其實是曼頭，一點味也沒有!

突然夜晚想食中餐，朗豪坊呢間好多人，茶水麻麻，好淡冇茶味，但螞蟻上樹（即係炒粉絲）係最好味既一道茶，三杯醉雞唔好食，冇酒味好淡又冇雞味怪怪的感覺😅😅😅五色茄子好味，微辣，個醬好正。雞絲涼皮，唔錯，但極少雞絲😅😅醉雞係最差!完全冇味。螞蟻粉絲堅好食，好香口，有肉碎少量，仲可以簡全素唔要肉，不過都係得好少，兩個人食剛剛好。魷魚須熱辣辣好好食，但份量好少，好香口有炸蒜，最重要唔會好厚麵粉，炸到剛剛好，又很新鮮。$79略貴

呢排成為“無飯家庭”成員，有但口去潮拜下，好唔好食未知，但已被佢地D Q樣吸引咗，雖然心中知道咁樣川醬皮蛋收$49😭💔🙈但心受唔住誘惑，死死地點咗肥嘟嘟幾可愛呀我地兩個人，最後叫咗成七八碟嘢🙈🙊，眼闊肚窄😬😁唯有放開肚皮食啦，有色蝦餃睇得食得，睇住流奶好呀！真的睇住小心燙咀呀炒腸粉都好香好惹味，可能開始飽了，呢個粉絲就覺麻麻地了原本想食多個甜品的呢下實在無留到肚了都好，留返個值口再返來試下其它，雖然是貴食物唔值錢，值心思包到佢值

雖然價錢有少少偏貴 但食物味道真係好 ， 因為可以網上訂座 ， 到現場好快就可以入座 上菜都十分快 。 員工服務好 環境清潔度也十分好 ，椒鹽鬍鬚極力推薦！ 因為上網見到朋友話流心奶黃包一定要試食 所以叫左一籠 ， 奶黃真係好正！賣相都十分可愛～ 下次會嘗試其他菜式～

今日放假，約大哥一齊到旺角「飲茶」。等位只需5分鐘，即可安排，開放式廚房，廳面座位如同美食廣場，很吵鬧。「彩虹」蝦餃：很足料，皮稍硬，可接受。豬仔包：即叉燒饀料，幾特別，整體賣相一流，留下深刻印象。味道可接受，性比價因人而異，我認為年輕人會受落

週末當然要出去逛逛、輕鬆下！旺角當然係好多人逛既旺區、剩係行朗豪坊都有排逛！累了、當然就要食下野補充下能量！平時番工都唔會有時間飲杯茶、食個包、lee間位於朗豪坊中層既茶室、就夠方便喇！茶室走中上路線、喺得旺區、價格都未必太親民、不過都可接收！環境寬敞、光猛、又整潔！可以舒舒服服嘆個茶！食具用上湖水綠色、好舒服、清新既感覺！點心有圖、精緻可愛既點心造型、真係有點令人有選擇困難証！螞蟻🐜上樹、即炒粉絲、好野味、雖然無咩配料、不過炒得乾身、好食有好多人都喜愛既流沙包、加上可愛造型、相機食一輪後先食、唔係只有外在美、流心都做得好好、不太甜、推介黑松露透明波波、一咬開、黑松露香氣撲鼻、多料、皮又唔厚、好味綠色既燒賣、有點感覺怪怪的、食到原隻蝦、好足料、彈牙爽口飲茶少不免會叫d炸物、lee個炸雲吞又脆又足料、叫人停不了口、雖然有6隻、不過同男朋友好快清左、推介可以舒舒服服嘆點心、唔駛同d一家大細、公公婆婆去酒樓迫；食物質素高、造型靚、有空食下、真不錯！

以前飲茶，都會即時諗起朝早去茶樓食一盅兩件。不過上星期五晚上，朋友約了我去飲茶，我以為佢講笑，夜晚邊度會有茶飮㗎。原來旺角朗豪坊有間餐廳叫做「飲茶」，顧名思義，這間餐廳真係有茶飲喎，不過唔係傳統嘅點心，係點心加fusion 菜。 菜名叫炸BB鴿，即是紅燒乳鴿；皮脆肉嫩，保留好多肉汁，兩個人分享，剛剛好。此菜叫龍鬚芥蘭，只選用芥蘭莖部，開邊，然後以刀切齒狀花，頗像龍鬚。味道清爽可口。櫻花蝦炒飯。當這炒飯送上枱時，濃厚嘅櫻花蝦乾已撲鼻而至，令人垂涎。飯粒粒粒可見，粒粒彈牙，飯中所用嘅鮮蝦，還保留鮮蝦香味同口感，唔似一般酒樓酒食肆以食粉醃制過嘅蝦仁，只有彈牙，但係冇蝦味，最驚喜嘅係一啲都唔油膩。好可愛哦！其實係鳳梨酥，不過名字叫「鴿吞鳳梨」，外皮做成鴿子樣，外酥內香甜，食後齒頰流看。這個是呷醋木耳，木耳以中日配料調味，鎮江醋加日本芥辣（wasabi) 調配，很特別，微酸微辣，加上爽脆嘅木耳，令人食過不停。

第一次去飲茶食因為見到包點賣相唔錯試一試。有網上訂座,等了10分鐘就有得入座。試了奶王包&叉燒包,一籠3個,味道不錯,但價錢略貴。另外紅油抄手味道較甜沒有辣味,感覺不是正宗的味道。兩大兩小食了$7xx