餃子坊

营业中

休息中

路跟荃灣友去掃街入定去路德圍，走了一個圈，林林總總既餐廳、街邊食、甜品舖、台灣飲品店等，都應有盡有。大大話話目測都有成30幾間，每日一間都要食一個月，果然好多人都話路得圍就像小小士林夜市 (台北出名夜市)。玩完當然不忙打包番去比屋企人懶得煮，簡左間餃子🥟店，賣點係師父有幾十年經驗，每日即包唔會隔夜，等外賣途中，同姐姐傾計仲話每日採購新鮮菜肉包無味精原汁原味。🥟 全部大混合 即師父任簡十件, 韭菜、椰菜、白菜、粟米、芫茜、牛肉、香菇、芝士八種口味保證試齊種口味。餃子煎得外皮好香脆，皮厚薄適中😍內餡肉爆滿。尤其牛肉餃大力推介，肉味好濃，一咬即爆汁❗ 冬姑餃菇味十足，更唔會太油膩💯 其實都幾得意, 要咬開先知自己食緊乜😳❗美味雲吞雲吞是鳳尾雲吞那種，$28有10粒豬肉餡細細粒，一啖Chu入口啱啱好，湯底好香既瑤柱味夠哂鮮。手拍青瓜青瓜是小小條溫室青瓜的品種，偏向爽脆多汁，配上蒜泥、辣椒、香醋及辣油作醒胃前菜絕對合適特色皮蛋是糖心皮蛋, 無聽錯是糖心皮蛋😍😍😍😍😍淋上特色黑醋汁灑上蔥粒，非常好食。番到屋企再夾左啲酸薑一齊夾住食，不得之了，非常開胃。

路德圍出名多好野食涼浸浸既天氣最岩就係食餃子🤤12:00左右見到員工仲係度備料佢地既餃子係每日即包 餡料既菜同肉都係新鮮即製師父仲有十幾年包餃子既經驗添啊叫左全部大混合 (10隻) $48即係全部味道既餃子都有啊!今日冇白菜餃 唔緊要都仲有6種可以試👅粟米餃👅香菇餃👅韭菜餃👅椰菜餃👅芫茜餃👅牛肉餃講左湯底先 標榜絕無添加任何包括味精香料使用新鮮瑤柱、豬骨、魚等客人食到原汁原味再講餃子🥟 每一款餃子都有主食材嘅香味鮮味但我印象最深刻嘅就係芫茜餃 佢嘅香味雖然濃烈但係又唔會蓋過豬肉本身嘅鮮味各位芫茜控可以一試.👅酸辣雲耳 $20酸味唔重 辣味唔搶雲耳爽脆好味😋 同出面果啲煮到林晒既好唔同唔錯 推薦👍🏻👍🏻👍🏻.👅豆漿 $12本身見佢雪櫃得凍既 試下問佢有冇熱店員話可以幫我加熱 太好了🥹枝裝豆漿 乾淨衛生👍🏻

路德圍出名多好嘢食，今日突然想食餃子，見呢間「餃子坊」唔貴又多選擇，就一於黎試下。餐廳有八款餃可以選擇，可以揀湯餃或煎餃，亦可以雙拼，今日要咗粟米餃拼香菇餃，再加個酸辣雲耳小食。同師傅傾開，原來已經有十幾年包餃子經驗，每粒餃子都係每日用鮮肉新鮮即包，保證夠晒足料鮮味。酸辣雲耳 :雲耳夠清爽，味道酸酸辣辣，非常惹味，配菜仲有洋蔥絲同辣椒粒，夠晒刺激，作為開胃小食一流。粟米餃 + 香菇餃 :餃子好快就送到，餃子大大粒，賣相非常吸引。食餃子前當然要先試試湯，一碗好味嘅湯絕對可以為餃子錦上添花，湯底鮮甜無味精，配餃子食最適合。粟米餃皮夠薄，豬肉餡飽滿，粟米鮮甜爽口，味道清清地無咁膩。香菇餃入口好香，有濃濃嘅菇味，香菇切得細細粒夠淋，同粟米餃比又係另一種唔同嘅風味。食完餃子飲返支豆漿，感覺份外滿足。

我好喜歡品嘗餃子🥟 有時覺得喜歡的程度，會差點以為自己是上海妹妹啦！🥰😆如果只有自己一個，想平平地數十元食到美食，我更會想起簡單啲來到這間位置係荃灣的小店食餃子！這間荃灣小店的老闆好有心，全部餃子🥟每日即包，肉餡是鮮肉整成，以及師父有十幾年包餃子的經驗！我點了韮菜鮮肉餃子 🥟及芫茜餃子🥟🌿 大大粒脹卜卜，十粒真的好飽！小食推介可點辣椒雲耳🌶️ 健康又開胃！餃子坊 荃灣路德圍26-28號安富大廈地舖

平時食餃子🥟都係去開大型連鎖店今日去咗路德圍食晏，去咗小店試下餃子先🥟原來呢間小店廚師👨🏻‍🍳係曾經主理連鎖店餃子水準有返咁上下🤟🏻有各款菜肉餃，可以選擇湯餃或煎湯餃選擇咗白菜餃🥬同牛肉餃每款餃子🥟嘅皮都好薄而且口感軟滑白菜餃鮮甜，餡料好多，配鮮骨湯更上一層樓牛肉餃滿滿嘅牛肉，多汁juicy好香濃牛肉味，比起傳統豬肉餃，味道更特出🤤煎餃揀咗韭菜餃同香菇餃煎餃大概等15分鐘，外皮金黃色一咬落去，口感香脆肉軟餡肉非常香口！韭菜餃嘅韭菜份量非常多，味道香甜多汁！餃子坊 荃灣路德圍26-28號安富大廈地舖

肥C9肥食記《餃子坊》平時肥C9好小會去荃灣個邊，咁岩約左朋友係個邊，緊係出動覓食先啦🤤🤤因為最近工作都比較忙，所以事前都無做功課，諗住邊行邊搵。無意中比我發現依間餃子坊，諗左陣，好似好耐無食餃子啦！一於入去啦😆我叫左雙拼新鮮湯餃（韮菜餃+香菇餃），價錢都係$48咋吾算太貴👍🏻👍🏻另外仲加咗份青瓜同埋支豆漿，好大食咁午餐一個人都食咗$80😛😛所以肥係有原因的。講返餃子🥟佢個皮係好煙韌嗰種唔係軟淋淋嘅，我個人來講覺得呢種餃子皮比較有質感。餡料亦都味道剛剛好，本身都猶豫緊叫唔叫香菇餃，因為唔係間間香菇餃都做得好味🙈不過餃子坊呢個香菇餃又做得唔錯香菇味好濃郁🤤另外韭菜餃識落都係好濃好香👍🏻👍🏻下次拉埋朋友一齊再試埋其他餃子先☺️

天氣凍最岩就係食餃子🥟，荃灣路德圍有間新開既餃子店舖「餃子坊」。同老闆傾左陣原來師傅已經有十幾年包餃子既經驗。餃子款式不太多，分別有8款，亦有數款小食和雲吞。芝士餃 $48 （10粒），轉煎餃另加$3餃子煎得好靚，絕無燶底👍🏻👍🏻外皮煎得香脆，肉汁豐富。‼️餃子係即日包，絕不過夜。‼️肉餡更是鮮肉製成秘製醬汁沾煎餃更加惹味👍🏻👍🏻👍🏻粟米餃 $43 （10粒）皮薄，餡多，粟米甜😋湯底清甜，似沒有添加味精。

荃灣路德圍多小店就大家都知，好多間都未有時間試下。尋晚去好姊妹屋企一齊睇世界盃，諗住買d小食食住睇，見到呢間餃子坊就啱哂😀 Search過先知原來師傅有幾十年包餃子經驗，店舖餃子每日新鮮即包，肉餡係用鮮肉製成，用料十足👍🏼👍🏼餃子共有8隻味選擇，樣樣都想試嘅我地真係花多眼亂🤩 結果我地叫左10隻煎餃10隻湯餃share食🥟湯餃10隻 - 韭菜餃拼粟米餃 ($43)🥣 - 食餃之前先飲淡清湯，湯底都唔簡單，係大量豬骨熬製而成，底下仲有好多瑤柱絲，好有老火湯feel😋 餃子方面，餃子皮厚薄適中，入面脹卜卜滿滿嘅餡。韭菜味道香濃，粟米餃鮮甜，2樣都無揀錯😁煎餃10隻 - 牛肉餃拼芝士餃 ($51)🥟 - 煎餃最緊要餃子皮煎得香脆，我地雖然係外賣，但係拎到返屋企依然保持脆口，值得一讚👍🏼 牛肉餃有d似食山竹牛肉，入面仲有馬蹄撈埋，幾夾。芝士餃其實係芝士粟米餃，粟米鮮甜之餘再加上香濃芝士，真係食到唔停口🤤 呢款係我最愛，有機會再食要叫哂10隻芝士餃先得😎

📍荃灣路德圍出名多野食，今次搵左呢間餐廳食🥟 店名直接叫餃子坊，簡簡單單🥟 又幾好食😋 我地2個人 叫左3款食物：🥬🥟椰菜湯餃 $32/7粒 👉🏻 個湯唔係味精湯 真係煲出嚟嘅湯底，可以飲晒，估唔到仲有好多干瑤柱 好抌本🤭🧀🌽🥟 芝士粟米煎餃 $37/7粒 👉🏻 芝士餃子只可以煎，無湯既。餃子底面都有煎過脆卜卜，而且係眼見到嘅皮薄，望到入邊有好多黃色嘅芝士🧀🧀🧀🧀🧀🧀😋🌶️ 涼皮 $35 👉🏻 涼皮凍凍地，係店舖特製醬汁，醋多偏酸，有粒粒蒜蓉同埋辣椒仔，重口味之選🤭餐廳仲可以買生餃外賣，食嘢呢半個鐘左右都見到有好多人入嚟買外賣，呢個天氣凍凍地，買返去打邊爐都啱晒🤭🤭

朋友知我鐘意食餃子，推介我試下呢間位於荃灣既餃子坊，餃子每日新鮮即包，而且用既係新鮮豬肉同新鮮蔬菜，包餃既師傅亦有十幾年包餃子的經驗，而且價錢非常親民，今晚一於買返屋企同屋企人一齊食啦~🌟新鮮湯餃: 椰菜餃 + 香菇餃 ($48/10隻)佢地既湯底用上大量新鮮魚、瑤柱同豬骨熬製而成，非常鮮甜，另外店員都好細心地將餃子同湯分開拎，唔怕浸到腍哂，椰菜餃用上新鮮椰菜，口感清新，香菇餃都好香濃，皮薄餡靚🌟煎餃: 粟米餃 + 韭菜餃 ($43; 煎餃+$3)揀左雙拼湯餃當然要試埋佢地既煎餃啦，煎餃額外加3蚊，煎到外表夠香脆，韭菜餃味道濃郁，粟米餃都好好食，餃子控記得bookmark呢間餃子坊啦💯

尋日Lunch食咗4隻煎餃唔夠止癮，今日一於搵間餃子店 食盡佢荃灣呢間主打新鮮蔬菜同肉質嘅手工餃子，全人手每日新鮮製，揀咗4款餃子，一次過試唔同口味湯底用魚．豬骨同瑤柱製成，無添加味精，清甜夠健康✨韭菜餃韭菜同豬肉係完美嘅配搭，粒粒飽肚好香口✨粟米餃粟米餃加入餃子，味道相對清淡，但口感豐富✨芫茜餃 芫茜控必試，芫茜味濃郁，好新鮮✨芝士餃加芝士同粟米粒，餡料都幾多，煎香後亦唔會好油膩最鍾意都係韭菜餃平民街坊小店，比起連鎖經營嘅質數更高，用心製作又抵食

🚩 餃子坊 (荃灣)唔知有冇人同我一樣都係超鍾意食餃子～食湯餃就暖笠笠，煎餃就香脆可口🙌🏻依間位於路德圍嘅餃子坊，佢哋嘅餃子都係每日新鮮人手包，湯底仲要絕無添加，一粒鹽一粒糖都冇‼️一於等我依個餃子怪試吓好唔好食啦！〰️〰️〰️〰️〰️〰️〰️〰️〰️〰️〰️〰️〰️〰️〰️🌈白菜餃拼牛肉餃 （湯）$48不得不讚嘅係佢個湯真係好鮮甜，碗底仲有好多瑤柱白菜餃好有家的味道，清甜隔離白菜嘅爽口牛肉餃滿滿都是牛肉，口感較紮實不過略嫌牛肉有筋，純粹個人喜好～🌈粟米餃拼香菇餃（煎） $51佢哋全部餃子都係即叫即煎，新鮮熱辣粒粒前後都煎至金黃粟米粒粒飽滿，爆汁，最喜歡吃～香菇餃裡面菇菇多過肉‼️超濃菇味

荃灣路德圍嘅美食實在太多了(✿ﾟ▽ﾟ)ノ最近又新開左間手工餃子店店舖雖然行平民小店路線🥟餃子餡同外型都好樸實簡單 款式亦唔係搞咩𝚐𝚒𝚖𝚖𝚒𝚌𝚔嘢 但勝在味道幾好 似住家溫暖牌餃子( ˘ ³˘)重點係每日新鮮即包 肉餡夠新鮮 價錢亦實惠啊.香菇餃.韭菜餃.粟米餃.椰菜餃［雙拼7粒$③④ ｜ 10粒$④⑧］四款餃都以豬肉做餡 餡料紮實 有鮮味～菜同肉嘅比例適中 皮亦唔會太粉太厚✨香菇味最香🤎韭菜就比較濃味 但唔會太重口味粟米餃同椰菜餃就清甜爽脆🌽特別係粟米粒好多.除左煎餃湯餃 仲有雲吞同幾款小食 係低調但有質素嘅平民小店（＾ω＾）

今日行完荃灣，經過路德圍，見到依間餃子雲吞專賣店，本身都幾鐘意食餃子，所以就打算入黎試下。😛我地叫左兩碗雙拼湯餃，分別係韭菜拼粟米以及芫茜拼香菇，份量係揀左7粒，另外再加一份涼皮。🤓韭菜餃拼粟米餃，我個人比較鍾意韭菜餃😆，因為比較香，以及韭菜切得大粒，有咬口，但粟米餃反而因為粟米比較硬身而失色左。芫茜餃拼香菇餃，依兩個我就比較鐘意芫茜餃😂，因為芫茜香味夠，而香菇餃亦都唔錯，只係唔夠芫茜餃出色。🤪涼皮既質感幾好，煙煙韌韌咁，但我麻麻地佢地既汁，因為佢哋既汁有落醋，偏酸。🤔

📍喜歡食餃子嗎❓我最近我係荃灣搵到一間超好食嘅餃子小店🥟呢間小店嘅師傅有幾十年包餃子嘅經驗❤而且佢哋嘅餃子仲係即日即包添👍肉餡係用新鮮豬肉製造✅湯底亦🈚️味精架😍😍價錢又親民💰抵食呀🥳🥳🥟大混合10粒 $48🔥呢度啲餃子真係超吸引呀🥳粒粒都大大隻又脹卜卜🥟🥟若果你同我一樣都係款款都想試吓✅你就一定要叫呢個「大混合」餃子喇👍呢個大混合餃子🈶️7⃣️種唔同嘅口味架🥳我最鍾意佢地個粟米餃🥟同埋椰菜餃🥟好新鮮🔥超彈牙呀🥳🥳▪️韭菜餃▪️椰菜餃▪️白菜餃▪️粟米餃▪️芫荽餃▪️牛肉餃▪️冬菇餃🥟雲吞麵10隻🌈佢哋除咗餃子正之外🥟雲吞都唔錯架✅唔好睇佢嘅雲吞細細粒🔥佢d蝦肉都好彈牙架播👍🍜淨麵 $18