餃子工坊 (已結業)

在漫畫<<將太的壽司>>入面，很多時都說只要能夠創作出一道招牌壽司，壽司店的生意就能夠起死回生，對於這個說法，我一向其實有點保留。這天來到位於屯門新墟的餃子工坊，餃子的款式頗有創意，我點了一碗紫菜湯餃試試。紫菜的味道當然很熟悉，但原來紫菜拌絞肉作內餡包成的餃子是如此美味，紫菜好像韮菜般有提味的作用味道卻沒有韮菜般霸道，雖然我覺得這店的湯底沒有很特別，而且坐下來也沒有很舒適，但絕對會為了這道紫菜餃再來，將太果然說得沒錯，只要有一道招牌菜就能招來客人。另外，飲品點了比較特別的洛神花茶，不過明明印象中的洛神花茶味道是和利賓納一樣，但這兒的落神花茶比較酸一點，喝起來就好像大澳有名的紫貝天葵，可能是因為加糖的份量不同吧﹗

琴日同老公仔仔去左屯門新墟食lunch, 返家時經過e間舖， 聽過朋友講佢款三重芝士餃子幾特別，咁就諗住買黎試試， 哇! $35/8隻唔平，但如果好食都抵既。點餐後要等約10分鐘，行緊回家時，偷偷地攞左隻食， 哇， 咁油既， 食左一啖成咀都係油，令餃子皮個口感唔太好， 油膩又厚， 咬落有少少既芝士味， 裏面包左好大舊豬肉， 但佢d豬肉好多根位，佢裏面跟埋一盒醋同一盒辣椒醬既調味料， 加埋一齊食仲唔好味，因d調味料太搶， 完全食唔到餃子既味道 。。。食物味道整體30分

新年時節, 一年一度的大假, 留在屯門早上睇睇早場輕鬆一下。散場之後在四圍走走, 感受這幾年屯門的改變, 想找家未吃過的餐廳。走出商場看到這家餃子店, 價錢不貴, 所以入去試試。食店主打餃子, 有湯餃同煎餃兩種, 餡料選擇也不少。不過不知是新年的緣故還是還是一向都是這樣, 食店基本上座無虛席, 但是樓面只得一人在做。所以入座十分鐘, 我面前用過的碗筷都未執拾。 我人一向貪心, 希望可以響一次就試晒大部分菜式。所以我點了一個京蔥羊肉與海鮮湯餃雙拼, 另加上海拉麵。另外再加一份雜錦煎餃。 雙拼餃子, HK$35/八隻。加上海拉麵需另加HK$7。湯底是簡單清湯, 味道不濃。 上海麵條味淡但有咬口, 爽滑, 如果加點豆辦醬會好點。 海鮮餃, 是餐廳的主打。餡料有蝦仁及帶子, 爽口可口的蝦肉加上鮮味而香的帶子。口感不錯, 餃子皮也滑, 加上少少豉油豆辦醬幾好。 京蔥羊肉餃, 羊肉有明顯羶味, 肉香。個人認為吃羊肉不羶不如不吃, 不過看旁邊的港女太太邊吃邊埋怨肉過羶, 相信不是人人能接受。反而個人認為京蔥份量不夠, 吃不出京蔥惹味。 雜錦煎餃, 由三款餃子組成, 每款兩隻, 要價HK$28。 第一

改名後第一次光顧時間: 晚上8時45分左右留意到除了裝修, 班底全面不同, 而且根據門口poster, 置樂還有另一分店不同未裝修前, 落單改作用紙仔, 自己選再交店員我落單時未有留意 (OK係我大意), 一心想選餃子麵但選錯了餃子 ($20) +擔擔麵 ($26)店員並未提醒 (OK明白, 可能知我大食)到餃子送到時我還蠢蠢的問我的麵在那, 店員才說餃子與麵係分開上的我再望下單, 才知我真的overlook了, 餃子+麵底只係 +7蚊 (以前來$26)我係選了餃子 + 擔擔麵OK FINE無問題係我大意未裝修前每台都會有一支不太辣的辣醬以我知好多人都會落很多, 我係其中一位麵到後, 發現, 台面只有一瓶得 3份1 的辣醬再望望, 以前果種, 全店只有1支, 就係好鬼鼠的放在收銀後面要問先比你..........那辣醬好貴的嗎?

落堂放工好攰，又唔想食太濟太飽既晚餐，來呢間餃子工坊就啱曬啦！30蚊一個雙拼餃子餐配面，對於學生同打工仔都唔算太貴。餃子方面，餃子款式都算多，中意食新式餃子既朋友可以試下芝士餃子，京蔥羊肉餃，海鮮餃或者韓式泡菜餃。中意傳統口味餃子既朋友一樣可以食菜肉餃或者粟米冬菇豬肉餃。每一款餃子都可以選擇湯餃或者煎餃，價錢一樣，各適其好。味道分量方面，先講面底，上海面口感彈牙湯底亦有鮮濃既雞湯味，可見店家對傳統上海面既製法略知一二，一碗面既分量亦適中，剛好飽肚。不論雙拼或者單款，餃子數量統一為六粒。我就試一試創新傳統各一款，點左粟米冬菇豬肉煎餃同芝士煎餃。粟米冬菇豬肉餃肉餡足料，湯汁亦都鎖左係肉入面，咬落去既肉都帶有鮮味既湯，算係出色既煎餃。芝士煎餃相對稍嫌有點美中不足，本應芝士跟豬肉的完美配合是好事，但係食多幾粒芝士煎餃既時候就會變得好溜。總括來講，舖頭仔雖然細細地但係都算坐得舒服，又有冷氣。食物味道同份量都ok，值得一試。

因為太好食，所以已經食過幾次。餃子都是自己包，十分足料而且多汁。更有多款選擇。除了餃子還有上海麵同小食。但麵食的味道就十分清淡， 並不推薦。環境還可以。算是清楚乾淨。裝修簡單，小店風格。價格上就不太抵。沒有提供套餐

今日去屯門凱都睇戲,原來附近增加了不少新的小店。包括我今次食這間餃子店。入去到不是很多桌(大約30位),而餐牌東西是以餃子為主。很開心見 到羊肉餃,十分期待。最後我同男人叫了一碗8隻什錦餃,一碗羊肉餃和一個小吃餃子皮夠薄,材料豐富,沒有因隻餃材料太多而爛,味道夠而吾咸。最重要係羊肉餃沒有失望,好有羊肉味同少許䓤味。土絲切得都正常粗度,辣度都夠。吾會太淋有口感。這店的餃子絕對會再來和平日有戲票飲品平2元。

新開o個時食過次, 海鮮餃簡直係驚為天人!呢個價錢有咁多海鮮料, 抵!o尋晚再去食, 入到去已經覺得好污糟, D座位有油我地叫左一碗玉米餃, 一碗海鮮餃米線, 兩碗餃子都完全唔熟, 見到仲係透明O既魚肉= =最過份係同店員反映, 佢拎返兩碗野入廚房, 撈起生餃子俾返同一碗米線叫我食住先, 大佬, 碗米線掂過生野架! 點食呀?!嬲到走左!賣餃子的竟然連餃子都煮唔熟, 仲可以有咩期望呢?

睇完醫生，難得經過~ 而且開張了一排都未試~餐單主打豬肉餃，有煎餃 同 湯餃兩款~韮菜湯餃~ 不錯車打芝士煎餃~ 正!! 其創新的味道，超愛!! ^3^加配飲品$7~ 荳漿 / 汽水雖然選擇不多，但勝在貴精不貴多~~ 讚!!

知道附近咗開新嘢食餃子，一直都好想去但次次都好多人，終於打風個日同老婆一齊去試吓，叫齊三款煎餃同一碗湯餃，本來諗住叫韮菜餃，但個待應好细心，見我老婆大肚提意唔好食韮菜唔知真唔真，但係好窩心！最後叫咗粟米香菇餃，三款煎都好特別同大大隻，無諗過餃子都可以加入芝士，紫菜同香辣哩啲元素，芝士餃啲汁噴到成枱都係，粟米香菇餃又香又甜好特别，個湯底好似有種香茅味唔似一般粉麵檔永遠都只係用大地魚湯，總括嚟講食物有質素又夠創意，待應好細心好有禮貌，最重要食飽飽都唔駛100蚊，真係可以晚晚食都得！

早在一兩個月前 就聞知屯門新墟一間吃餃子的新餐廳開張了，但一直興趣不大 沒有光顧。這天朋友說想試一下，所以就跟他來了。一坐下的就拿了餐牌來去，料不到 這裏的餐牌只有一張 餐廳上只有5-6款水餃 3款煎餃 4-5款小食 水餃及煎餃可以配上粉面或是淨食在香港的餐廳而言 這裡選擇真的很少 連到便利店買飲料也要用上五至十分鐘選購的筆者 也很快就可以點菜 我選了辣醬煎餃（忘了名字）配上海面 大約30-34元 有5-6隻 配粉面 我忘記了 煎餃辣醬味並不多 一點也不辣 味道沒有太大特色 不知是現今即食產品（或是包裝食品？）水準高了 還是香港普遍食店的水準低下 這裏的煎餃 雖然或許是自家製 但水準只是跟超級市場買到的差不多還有一小吐糟 就是作為一間吃餃子的餐廳 桌上並沒有提供醬料 醬汁用的碟 送上食品時亦沒有提供。而上海面 湯底一般 用餐後不會感到口渴 總算沒有太多的味精 面質頗佳 不會太淋或太硬 但用來盛裝上海面的碗太大了 使人感覺這裡的分量很少雖然三十多元 在香港而言 價錢算是正常 不貴 但也不便宜但同樣價錢 我會選其他餐廳 或是同是吃餃子的 各方面也勝過此店的連鎖食店 - 八X雲集 總結是 餃

店舖毗鄰西鐵站，只須幾分鐘便可到達，地點方便。店內裝修簡約，環境舒適、整潔，座位約設二十個，空間不算太大。桌上齊整的放滿了調味品、餐具及餐巾，十分體貼。是次點了韭菜餃配上海湯麵($26，5隻餃子)，韭菜餃皮薄且滑，長身的餃子讓客人不會吃得狼狽。韭菜爽脆香口、肉質鮮嫩，份量剛剛好，就算一連吃五隻也沒有肥膩感。麵條爽滑彈牙，不會煮得過火，實屬難得。湯底清，卻不是沒有味道的清，那種清把濃郁的韭菜餃完全襯托出來，這湯底定必下過不少苦心。邊品嚐這午餐，邊看到他們在努力的包餃子，那一絲不苟的認真從餃子中傳遞給每一位食客，放進嘴裡，心頭是微暖的。環境舒適、整潔，價錢合理，食物有質素，更重要的是，家，溫馨的感覺，盡在。餃子工坊。