餃子店

营业中

休息中

剛上完堂經過餃子店去買外賣，點了乾炒雞河，回到家食時，食到落底係無雞肉，只是一盒齋炒河，非常不老實，真係冇諗到連食材都呃食客！唔好話比錯我囉，收了$41。大家呢以後呢喺呢間嘢買外賣嘅話呢自己呢小心，買完要檢查清楚。

夜麻麻想食嗰宵夜，不如嚟大角咀餃子店，星期一至六營業至凌晨二點，星期日全日休息。雖然叫餃子店，原來仲有好多小炒可以食，一次過滿足晒大家口味。🍚肉碎蛋炒飯 $45一上菜已經聞到香味，炒飯火候啱啱好，米飯粒粒分明，非常推薦。價錢又合理，份量夠兩個人一齊share食。🥘乾炒豬河 $40本來驚炒河一定會好油，但又還好，餐廳好貼心，炒河可以自選牛/豬/雞肉，啱哂唔食牛既我。味道不錯，河粉口感有彈性，必食之選！🥟湯餃 $30見餐廳叫餃子店，就必叫份湯餃試吓，價錢好平，30蚊有八粒，大大粒都幾juicy，但味道就平平無奇，建議留肚食小炒。

落咗囍臨大角咀這間，真係激發咗我個食慾！首先，椒鹽九肚魚真係爆嘴，炸到外脆內嫩，椒鹽撈得恰到好處，味道正啦！炸餃子皮薄餡靚，咬落去即刻「嘶嘶」作響，雞翼都唔係蓋的，外皮炸得金黃香脆，撈落芝麻更加香口。跟住，蠔餅真係贏晒！脆致致，蠔肉飽滿得滯，一啖一個，嘖嘖美味👍！點止如此，薑蔥蟹慳得嚟又新鮮，撈到我滿嘴都係蟹膏，足足碌著兩隻滿足晒！黃金蝦嘅咸蛋黃外衣簡直係罪惡誘惑，每一啖咸香輕爽，係咁滑口，驚喜之選！至於豉椒蟶子，呢個就真係惹味得黎犀利，每一口都夠晒食指大動💥。最後啲乾炒牛河雖然稍為乾身，但都算係過得去啦，至少呢度嘅鑊氣夠威！啖啖荔心，呢度嘅美食幾有食到「心滿意足」嘅feel，下次一定要再黎，多謝曬！🍴🔥

🍊 餐廳名稱：餃子店 🐝 味道：8/10環境：7/10整體分數：8/10/💰人均：$50-100———————————————————隱世平民餐廳真係好襯佢地，而因店舖名稱是餃子店，原來暗地裡海鮮小炒極為出色，性價都一樣十分高。真係感覺做街坊生意同外賣居多，因為入面好少位～椒鹽九肚魚 💰$65每一條被炸到金黃色既九肚魚，表皮酥脆可口，而魚肉嫩滑乾身，配搭掛上魚肉既蒜粒、椒粒，鹹香而帶有一丁點的微辣，十分惹味！欖菜肉碎蛋炒飯 💰$45炒飯有鑊氣，而且飯粒之間乾身，粒粒分明，冇太多油膩味，份量都可多，一個人食真係好足夠。加埋蛋同埋欖菜，味道層次更豐富。煎雞翼4隻 💰$20雞翼有少少乾身，但仍然保持酥脆。會想食完飲翻罐啤酒。不過沒有太大的驚喜，算是過下煎雞翼的癮。

今日喺迪士尼睇埋煙花先出嚟食晚餐🎇 唔係好多選擇見到呢間小店都幾出名🤪 格局比較迫感覺都既平民Feel💰 但係食物價錢非常抵食👍🏻 如果唔介意比較油同重口味 同埋接受到環境既可以一試😅⭐️ 煎蠔仔餅 🦪充滿鑊氣而且蠔仔好飽滿🔥 唯獨食到最後煎蛋會索曬油就食唔落⭐️ 皮蛋瘦肉粥 🍲粥底口感不錯有米粒既口感🤍 皮蛋瘦肉調味就一般 🥩勝在唔太鹹⭐️ 煎釀茄子 🍆⭐️ 煎釀青椒 🫑⭐️ 煎椰菜餃子 🥟⭐️ 煎韭菜餃子 🥬整體煎物都比較油同埋餃子皮比較乾同硬☹️ 青椒帶微辣口感不錯💚但其他比較不推

第二次來這家店幫襯，貪度夠平民地道風味，今次點左一個滑蛋濕炒牛河（$45），炒得有穫氣，牛肉夠多，抵食另加左一個煎釀茄子🍆（$10/4件），略嫌油分比較多，但四件都好大件。特別喜歡呢家店既食物唔會好咸，味道較健康

#餃子店 之前係大角咀食過牛什麵，朋友話係附近有一間叫餃子店既小店都唔錯。不過我對餃子唔算情有獨鍾，點知朋友竟然話「邊個叫你食餃子，叫你食牛河呀」🤣今日去咗試，朋友叮囑我唔好咁早去，因為依度比較晏開，下午三點後去會穩陣d，唔怪得之冇乜印象，因為我一般都係中午左右四圍逛。今次要試 #乾炒牛河 ，雖然係單點，$40，份量都唔少，河粉夠晒味，色水唔錯，有芽菜同蔥等配料，牛肉都算嫩滑，唔會乾柴晒，亦都唔會用食粉處理到過晒龍，認真唔錯👍 整體味道偏重味，如果食淡口既朋友可能會覺得偏咸，我就可以接受，下次再去我會試吓叫少咸。係網上見到依間店都有唔少平價海鮮食，不過今日唔食得太多，所以就叫咗個兒時最愛既 #椒鹽九肚魚 ，$55。炸得好好，唔會好厚粉，夠脆之餘唔會乾晒，九肚魚好滑，真係好食❤️ 係第二度食隨時七八十蚊，依度$55搞掂。真係唔講唔知原來餃子店除咗餃子仲有咁多野食，門面真係唔多覺，大角咀真係有唔少臥虎藏龍😁餃子店大角咀大角咀道157號中美樓地下@foodiehck2022 #港飲港食平靚正 #大角咀美食 #小店 #抵食

朋友講大角咀有一間叫「餃子店」的老牌小店，在區內享負盛名。著名的並不是他們的餃子，反而是他們的小炒小菜，所以買個外賣試下。乾炒牛河，份量十足，牛肉嫩滑河粉條條分明不油膩 。

叫佢做隱世平民海鮮店真是一點都沒錯，因店舖名稱是餃子店，又怎會估到它的海鮮小炒這麽出色，而且性價比極高。若非朋友介紹，決不會摸進去光顧，內裡沒有奢華装修，衹有4張枱，相信做街坊生意和外賣居多，翻開餐牌，嚇我一跳，價格恍惚回到十五年前，尤其是海鮮特別扺食。其實它還有餃子等食品供應，很多路過街坊光顧。一坐下有點餓，立即叫了它的煎釀三寶，它的餃子應該叫炸餃子才對，炸得餃皮卜卜脆，送啤酒一流。好了，主角海鮮來了，先來的是薑葱蠔，生蠔雖然不是很大，勝在肥美肉厚，而且炒功出色，極之惹味。再來是豉椒炒蜆，同樣火候十足，份量不少呀！老闆明哥知我們喝啤酒，介紹酥炸墨魚咀給我們，果然爽呀！蒸的海鮮陸續開始上枱，一份中蝦搭上蟶子一起蒸，非常特別。跟着來的是帶子拼花甲，吃得出海鮮非常新鮮味美，面上鋪的粉絲把所有精華索盡，更是好吃。最後大家想飽肚一點，終於多來了一客雞絲冷麵，沒想到這店海鮮小炒出色之餘，做這個冷麵也有一手。原來老闆每天都會親往街市精挑合時抵食的海鮮，難怪海鮮這麽新鮮而價格相宜。

大角咀搵食，老實講，單憑鋪面目測，行過10次都唔會入去，隨了毫不起眼，還十分之簡陋，大約4張4人卡位枱，不過枱椅是整潔的，舖面叫餃子店，你以為專長是食餃子，就真的徹底被整了😄店子居然以海鮮最吸引，真係估你唔到，而且真係平、靚、正，點了一個豉椒炒聖子$60元，一個薑葱炒蠔$55元，兩者均十分惹味，毫不欺客，材料十足，另外一碗蝦蟹粥$45元，蝦彈口，美味，蟹也不錯，可惜粥則是一般，本來還想要粉絲蒸扇貝，可惜無貨，下次再試。

煎韭菜餃子椒鹽瀨尿蝦豉椒蟶子蠔仔粥作為多年老街坊，某幾間「餃子店」真喺由細食到大，近年又有一間打住「餃子店」名號嘅店，今日一於嚟試試佢。首先喺個韭菜餃真喺好唔得🤦🏻‍♂️🤦🏻‍♂️🤦🏻‍♂️似炸餃多過煎餃，皮厚又硬，d餡又乾。D瀨尿蝦肉又散又霉🤦🏻‍♂️🤦🏻‍♂️不過算啦，一分錢一分貨。個蟶子先大鑊，粒粒都腥臭🤦🏻‍♂️🤦🏻‍♂️🤦🏻‍♂️🤦🏻‍♂️🤦🏻‍♂️。個蠔仔粥夠足料，又有胡椒粉味，都可以遮一遮個腥臭味。

見有人話佢既小炒好出色，所以就試下😋買左椒鹽魚腩$55返到屋企打開個盒好香🤩有5件(相中食左1件)，份量多而且好大舊，魚肉好嫩唔腥，有少量細骨，好香口，少少辣好惹味，呢個價錢係幾抵食👍🏻另外叫左個乾炒牛河$40如果可以咸多少少就更好，不過都唔錯，食得出好夠鑊氣，牛肉好淋估唔到小店會有綠茶蕨餅賣😍$20一盒，有7-8舊咁多，比donki既更煙韌同甜，個人比較鍾意呢間蕨餅多d，性價比高仲買左當日既老火湯係蓮藕章魚湯$25，無影到相，好大碗，有湯料，飲落無味精好似屋企煲既湯，後悔淨係買左一碗🤣整體嚟講，小店抵食而且質素高，平日6點左右落單，等左兩三個字，即叫即整👍🏻下次一定試埋其他小炒😍

📍 @#餃子店 in Tai Kwok Tsui Chinese Food: 💛💛💛💛 🤍Décor: 💛💛💛🤍🤍Service:💛💛💛🤍🤍Price Value: 💛💛💛💛💛Price Range:💰 $60-$100Favourite:💖 Stir-fried beef noodle ------------------------------- Beef was so tender and this dish is surprisingly not too oily - Fresh ingredients- Casual Cantonese cuisine------------------------------𝙿𝚕𝚎𝚊𝚜𝚞𝚛𝚎 𝚘𝚗 𝚝𝚑𝚎 𝚕𝚒𝚙𝚜, 𝚕𝚒𝚏𝚎𝚝𝚒𝚖𝚎 𝚘𝚗 𝚝𝚑𝚎 𝚑𝚒𝚙𝚜 🐰𝙻𝚒𝚙𝚜 𝚏𝚘𝚕𝚕𝚘𝚠 : @eatwithbunny_ ✨

大角咀 餃子店$10 5粒炸魚蛋$10 4隻煎椰菜餃子$10 4隻煎韭菜餃子炸魷魚鬚$50一份乾炒雞河40一碟有牛豬雞俾你揀另外有粥食 又有小炒見到隔離枱食炸田雞🤣我驚類似青蛙嘅動物睇人食算🥲

餃子店💛煎韭菜餃子 $10/4煎釀茄子X煎釀青椒 $10/4炸魷魚鬚 $45椒鹽九肚魚 $50王老吉x2 $8x2人均消費: $65.5 (2人)-煎韭菜餃子🥟$10 4隻真係超抵呀！但可惜入邊有肉 我唔可以食🥺但係其實啲肉好細粒 所以唔好見到不過超香韭菜味！好多韭菜其實我覺得與其話佢係煎我覺得係炸多啲👻．煎釀茄子🍆X煎釀青椒🫑超多油🤣兩個都好肥美😚完全唔係平時街邊見到嗰啲好鬼瘦魚肉份量適中不過有啲容易分開．炸魷魚鬚 炸得好脆炸衣唔會同條魷魚鬚分開Good😜．椒鹽九肚魚九肚魚好淋好軟 入口即溶🤤不過有時會食到少少嘅骨同埋食嘅時候小心啲 仲有啲油好容易bit入口 之後辣親個嘴仔🥺上面就有啲避風塘嘅粒粒食落去有啲麻辣嘅感覺😚😚😚不過對我來講有啲辣🥵．王老吉食緊熱氣嘢驚嘅同時梗係要飲番啲類似涼茶嘅物體🧉一嚟解下油膩二嚟冇咁熱氣👻．整體上即叫即炸 好熱辣辣但佢啲嘢食都係會比較多油🥺所以佢都特登擺喺牛油紙上面旁邊落有甜豉油同埋紅醋俾我哋落．Ps: 我好佩服自己嗰日可以食到咁多炸嘢同油膩嘢🙈-其實唔係好記得有乜嘢想講🤭基於太耐先寫有特別 或者我記得有咩想講 我先寫👆🏽-10/1/2022 eat其