餃子館

营业中

休息中

平常食開不過不失，今日行過堂食無咩人，我仲諗住外賣係快個堂食，所以唔想等。點知！！！堂食既遲過我落單仲快過我食完走埋，我個外賣仲耐個堂食好多，等左半個鐘都未有，我話取消，佢串串共話取消都冇得退返錢喎🤯🤯🤯🤯🤬。你自己漏單仲咁大聲氣，以後一定唔會再幫襯。* 本人確認自行付費HKD41（港元四十一元正）作膳食之用。*本人確認，當日晚膳概無使用任何優惠、試食優惠、獲提供任何用膳優惠或其他會影響本人對該餐廳的意見及印象的優惠，致使本人給予是次評價。*進食前未知食品質素，故未有拍照留念。

一直都食開呢間餃子舖，佢而家仲搬埋舖頭添，佢嘅芝士餃呢真係好好食好香口，另外粟米餃都係餡多皮薄，佢嘅靈魂就係佢嘅豬骨湯真係好濃郁，但係又唔感覺吾係味精，如果肚餓啲佢仲可以加個上海麵或者烏冬咁樣。仲有佢哋嘅辣菜脯都好好食。

💢無諗過食個外賣都要受氣！今晚叫咗幾隻煎餃子，結果等咗成個鐘都仲未有，要發火問佢先肯去廚房睇睇，最後先發現漏單😡 職員態度冷冰冰，完全冇一句道歉，仲係度推嚟推去，最後就咁一句「下次留意」。🤯越諗越嬲，係咪我俾咗錢就唔使理？👎 淨係做哂其他單，一收咗錢就唔理。咁樣對客真係冇respect，仲有冇心做好生意呀？💔以後一定唔會再幫襯，大家訂之前真係三思！平心而論味道係唔錯，一直咁多年都有幫襯。但咁下次我仲敢唔敢再嚟？服務態度咁差，點會有回頭客？真係要好好檢討一下啦！👎幾好食都無用！#差評 #服務態度 #漏單 #失望 #香港食評 #顧客體驗 #未來唔再光顧 #改善服務

餃子可以但湯變淡左好多，滿心期待再去食不過湯底無左從前個種濃膠魚湯，有時朋友到天水圍都會推薦這店但現在怕別人失望了，希望你地睇到大家評價可以改善，做回讓天水圍人驕傲的食店！

第一次去天水圍新北江食餃子，本身勁鍾意食餃子，滿心期待。😢見到到店員忙碌，坐低等咗一陣見冇店員，就自己行過去搵店員落單，唔知係咪我冇聽清楚定點，買完咗之後，佢俾個號碼牌，我就坐低咗。點知突然個店員有啲惡咁樣話我哋買左外賣，唔好坐喺度等，叫我哋讓個位出嚟，俾後來嘅客人坐低。後來嗰兩位客人都有啲唔好意思咁坐低咗喺我哋原本個位。我先發覺原來我落咗係外賣單。咁我唯有禮貌咁解釋話第一次嚟食，問返可唔可以轉堂食。因為店舖仲有三份一吉位。個職員不屑咁話：「買咗外賣就唔可以堂食，我哋老闆嘅規矩係咁，以前喺舊舖都係咁。」 我話：「但係我買咗冇地方食，可以點算？」個店員話要食就去隔離公園食😩好似趕客咁。唔評論店員嘅趕客態度，佢啲餃子真心幾大隻，味道就正正常常，但一肚氣底下食而無味啦。😢唔會再幫襯。

今日嗌咗湯餃八隻加上海麵已經叫咗要分湯返到屋企發現啲湯好似加晒水咁成碗湯淡而無味佢哋仲好意思叫人淨係買湯真心以前好好食嘅就算態度差都冇所謂但係而家真係越嚟越難食難聽啲講應該都冇下次

叫仔仔去買2碗外賣素餃子上海麵，講明要清水湯。共$90。返到屋企，見隻碗嘅 size ，已知唔妥。一開蓋一夾...無上海麵。叫咗仔仔拎返2碗餃去問清楚...畢竟聽錯落錯嘅都係店員如果$45/碗係唔包麵嘅，就請店員補錢加返。結果係...唔畀補錢，要麵就嗌淨麵。嗌淨麵要$15；其實補錢只需補$7。無言...態度真係一次差一次...佢哋好好生意㗎，我試過嗌1個外賣餃子麵要等一個鐘多。今次個餃子..仲帶點酸臭味...唉

個阿叔態度極差，我買外賣（一打生餃，一碗大湯，一份豬耳），佢自己執漏野重係度EE哦哦，搞左一輪終於執齊俾我，跟住我問佢有冇跟菜脯，佢好唔耐煩咁答我：有架啦，齊架啦。我望極都唔見有，所以再問佢，跟住佢態度好差咁掉盒菜脯落個袋，重要話買生餃一向都冇跟菜脯，而家都俾埋我唔好再講。（我記得幾年前買過生餃係有跟既，不過佢話冇就冇啦）最後我俾返啲菜脯佢決定下次唔會再幫襯…..都幾可惜，因為我都食左好多年，搬走左有時都會特登走入天水圍幫襯…. 可惜個阿叔咁樣，慳返🤷🏻‍♀️

餃子館天水圍新北江商場地下A106號舖餃子是很多人喜愛的主食，一間美味的餃子店就更加難能可貴。而天水圍有一間奇特的餃子店，在openrice有不少負評，主要是說老板的惡劣態度，與店舖的美味餃子成強烈對比。元宵節當日我與小絲來到天水圍賞花燈，早到了就來新北江商場先吃過晚飯再出發。我們大約傍晚6時到，小店座位不多，只有大約6~10個位，視乎老板會不會在店外開枱加位。這時剛好有2個吉位可以坐。一坐下，老板就會叫你落單再緊接收錢。因為即叫即煮，大約10~15分就煮好。在等待的途中，不停有客人來堂食和外賣，客人一個接一個來下單，熱鬧情況好比賞花燈的市民。先不評論老板的態度、為人、性格各樣...這店出品的餃子很大隻，比過往吃過的餃子都要大。我點的是芝士豬肉併紫菜豬肉+上海面=$58味道的調味近乎沒有咸的味道，能夠食到食材本身的味道。豬肉的比例較多，所以芝士味與紫菜味不算很強烈。因為餃子真的很巨大，所以加了上海麵即時有點後悔，麵的份量不算多，但連埋餃子就過多。上海麵質素一般，大可以不加。這碗餃子除了餃子是一大亮點外，湯底亦極之有驚喜，看餐牌，湯底是魚膠淮山粟米豬骨湯(無味精)，的確是無味精，連用來加

前後光顧都有六、七年左右，近幾年外賣居多，味道冇以前咁好味，個湯嘅味道有時候比較淡，但仍然一個月會幫襯一至兩次，老公係食到最後嘅時候，想飲埋啲湯，就發現一粒黑色嘅物體⋯⋯

天水圍新北江好多種類嘅嘢食選擇我鍾意佢小店為多，冇咩大集團連鎖店然而有一間賣餃子，佢嘅煎餃同湯餃都好出色，聽聞佢元朗都係有分店突然間好想食香口嘢，所以選擇坐低粟米香菇豬肉餃雞肉香菇木耳餃芝士豬肉 湯餃紫菜豬肉 湯餃呢幾款係我特別鍾意食嘅由於一個人嘅食量有限，我選擇咗粟米香菇豬肉餃，仲要煎香，轉煎餃+$2（煎餃不設跟湯），加上海面要+7（加底+$2）6隻/$428隻/$49 我選擇咗食八隻，不過最後都食淨三隻🤣粟米香菇豬肉餃，粟米好甜又爽，同埋佢嘅餃子係有肉汁，煎得香口佢每隻餃係好大隻，食完好滿足

呢間餃子館係以前喺新北江成日食嘅飯堂！湯底主打無味精魚膠淮山粟米豬骨湯底，超耐冇食，隔咗年幾之後再食下佢先～餃子雙拼 HK$51芝士豬肉湯餃+ 粟米香菇豬肉湯餃！每粒都勁多餡料，大大隻咁！可惜之前覺得最驚艷嘅芝士豬肉餃芝士味已經冇之前咁濃郁，有少少失望！反而粟米香菇豬肉餃就維持到水準，有粟米更加咬口食落好香甜！湯底仍舊都係咁好飲，唔小心飲哂成碗～

每次去都等勁耐，所以建議大家電話打去落定單先，或者用外賣平台app 落定單先，特別推介大家飲佢個湯底，唔算非常重料，但係味道好夠，而且餃子係我暫時食過最大隻嘅👍

平時用openrice落單，而家冇左呢個功能，唯有打電話叫外賣自取。6:30pm打電話落單，6:45到左都係未拎得，等到7:00pm都仲未有，仲打電話俾我問我叫左啲咩🤷‍♀️🤷‍♀️心諗咩事。之後仲拎個錯嘅雙拼餃俾我，同我講我叫嘅6隻餃子俾錯左人，我話唔要雙拼，個阿叔竟然同我講「冇辦法㗎，退翻錢俾你囉，一係就重新整過」請問我打電話尼落單嘅意義係咩？等左我45分鐘仲要受氣，做錯野一句唔好意思都冇聽到

簡直係不知所謂大大話話都叫由細食到大琴日去食 漏單搞到我等左半個鐘佢收我錢既 叫我坐低 過左半個鐘 我見人地遲過我都有得食咪問下佢 佢竟然重新問我想食啲咩 叫我俾錢😑我話你漏咗單喎，我半個鐘前已經俾咗，佢就賴我話：你自己調咗枱姐，十幾張單你仲調枱，已經夠亂㗎啦賴我話我調枱所以先漏單但我調枱個時佢仲幫我手執枱😑😑😑而嗰時都未開始多人最後佢攞碗已經浸到淋晒嘅餃子餃子擺落我張枱嗰度 仲話睇返閉路電視啦 係你調枱咋 之後我就同佢對罵佢 食埋嗱嗱聲走 以後唔會再幫襯激到我