影片
港铁中环站 L 出口, 步行约4分钟
继续阅读
电话号码
36194344
36194366
营业时间
今日营业
11:00 - 21:00
星期一至日
11:00 - 21:00
以上资料只供参考，请与餐厅确认详情
今日同老公去咗金鐘參加一場品嚐巧克力活動後，就係金鐘搵食。金鐘大部份餐店價位高，幸好竟然俾我見到間「餃掂」，係今個月新開的，價格合理，岩我哋。環境光鮮企理，光猛明亮，全部都好新淨。座位數目中等，坐得舒服。餃子共有十多款，其中有兩款新品。灼、煎和湯三種烹調方式，仲有外賣生餃子。另有手工雲吞、麵食、前菜小食、湯、飲品和特製品。店員俾咗一小碟酸蘿蔔($0)，酸咪咪又爽脆，醃得入味，越食越開胃，好適合做開餐前小吃。次次都要招牌龍鳳松茸雙湯餃配狀元九鼎湯($92/8隻)，今次都唔例外。熱辣辣嘅狀元九鼎湯($0/跟餃子) 足料炮製，好鮮香，味道濃郁，飲完好滿足。餃子大大隻，鮮香嘅豬肉無肥膏，配了不少爽口嘅松茸或幽香嘅黑松露，好矜貴，鮮香美味。另一款揀咗煎大滿貫素餃($58/7隻)，隻隻金黃，好靚仔! 即點即煎，熱辣辣，外皮香脆可口。饀料有黃豆乾、中芹、冬菇和紅蘿蔔粒，色彩和口感都好豐富，芹菜味突出，幾特別!仲點咗兩款小食，有夏日推介嘅涼拌爽脆白菜絲($26)，又真係好爽脆，仲幾香辣惹味，刺激味蕾。黃金原味皮蛋($30) 金金黃黃，係溏心，好靚仔，又黏又彈，不錯！大家都要自家製熱蜂蜜檸檬薏米水($20/杯；28/支)，不過我要支裝飲多啲。清新嘅檸檬味，甜度岩岩好，而大量嘅薏米就煲到腍晒，飲晒食晒都幾飽肚。
继续阅读
🥟🥟🥟喺餃掂只係得太子一間舖頭嘅時候，我已經好鍾意食呢度嘅餃子，我覺得真材實料個湯又好好飲，所以到到今時今日開咗咁多分店我都一直有去食。前排發現金鐘開咗間新分店我真係覺得好開心，因為近我公司可以多啲去食。😔😔😔但係有一日我去金鐘呢間分店叫咗10隻湯餃子，當我咬落第一粒餃子嘅時候發現啲肉好軟，有啲似咬落啲刺身度嗰種軟嘅感覺，常人都知道食咗生嘅豬肉🐷🐷係會生寄生蟲🦠🪱🦠，所以我都好驚🫨🫨即刻吐返出嚟睇，我見到中間啲豬肉係粉紅色透明🥩嘅，所以我就問樓面一個戴眼鏡嘅阿姐啲豬肉其實熟咗未，我係完全平心靜氣咁樣講嘅，亦都唔係投訴，純粹係好怕食咗啲生嘅豬肉，跟住個阿姐就係咁話佢哋啲餃子係用新鮮豬肉做，所以熟咗都係粉紅色嘅，粉紅色嘅豬肉係熟嘅一定係熟嘅，跟住佢就成碗拎返入廚房叫廚房再煮耐啲，所以我都影唔切相做record，跟住我就聽到廚房個阿姐好大聲咁嗌出嚟話佢煮咗成5分鐘，所以啲豬肉一定係熟嘅，而且粉紅色嘅豬肉都一定係熟嘅。😭😭😭😭😭😭😭😭😭😭😭😭😭😭😭之後，另一個樓面扎住一條長馬尾說話有鄉音嘅好肥阿姐，佢就一路好惡咁啤住我一路行去我隔離張枱度執枱，佢一路執隔離張枱嘅時候仲特登擰返過嚟啤住我，係咁不斷藐嘴，藐到我好心寒，跟住佢仲好似好得戚咁樣一路執其他枱一路好大聲咁喺度唱歌，其實我覺得真係好奇怪🤯🤯點解啲阿姐會喺度咁大聲咁唱歌，成件事真係好離奇。🫣🫣跟住隔咗一陣，戴眼鏡個阿姐就再拎返碗湯餃俾我，我見碗湯餃得返九隻餃子，咁即係廚房阿姐將我咬過嗰粒餃子掉咗，再將剩返嗰9隻餃子放返落啲唔知水定湯度再煮過，咁即係唔係重新煮一碗新嘅出嚟，我覺得呢一點喺衛生上係有問題嘅。🏥🏥🥺🥺🥺我呢啲打工仔，返完成日工仲要加班真係好辛苦😢😢，諗住去食返啲好嘢，點知遇着件咁嘅事真係好委屈😩😩，其實我而家真係驚咗唔敢再去呢間舖頭，希望舖頭可以改善吓啦，無謂俾啲咁低質素嘅阿姐影響咗餃掂啲咁高質嘅食物呀嘛……
继续阅读
見到佢做裝修就已經期待，終於附近有餃子店！已經嗌咗好多次，4款餃子最愛係雲耳椰菜豬肉餃，其實4款都絕對足了，小資女們食7隻都夠晒作為一個lunch! 試過2個女仔食10隻湯餃 + 冷麵，一樣咁飽👍🏻價錢係附近黎講都好抵食最正係個湯，完全食唔到味精，飲成碗都唔口渴絕對係無限encore 之選
继续阅读
平時如果唔係好肚餓，但係又夠鐘食野的話，我通常都會選擇食餃子 🥟呢間餃子店而家開到周圍都係 😂 我仲記得我第一次食係銅鑼灣分店，搞搞下連公司附近都開埋 😂金鐘寸金尺土，鋪面預左係細架啦！好好彩我今日係下午茶時間入黎，唔洗排隊 ✌️我本身想叫龍鳳松茸雙湯餃（好誇張既名 😂），但係店員當時話得返黑松露餃咁我就叫左黑松露餃8隻湯上等緊餃子既期間，店員送左一小碟醃蘿蔔比我意外地好味 😋 醃製味唔重（我好怕好鹹或者好酸），爽脆同埋輕微酸酸甜甜 😄另外仲叫左個山楂雪梨水 🍐原來$20都幾大支，飲落去就知好足料，甜度亦剛剛好因為天氣凍，我問店員有無得揀熱飲，竟然有！十分貼心 ❤️呢度既餃子食開，都係品質保證架啦！尤其可以見到每隻餃子既size都大大隻，而且好飽滿，咬落去淡淡肉呢隻黑松露餃子好在就係黑松露份量落得剛好，唔會太搶最鍾意係佢個湯🥣 粉葛魚湯好呀，滋補祛濕～而且你係飲得出零味精，好似屋企煲出黎既湯咁，放心成碗飲曬 😄
继续阅读
韭菜餃（10隻）首先韭菜餃皮夠薄又彈牙，韭菜嘅香氣喺咬開嗰一刻爆出嚟，餡料仲混咗啲豬肉，汁多而唔膩，比例啱啱好，而且湯底好濃郁又有鮮味，絕對唔係平時其他舖頭嗰啲味精湯底！🧄芫茜餃（10隻）至於芫茜餃咬落感受到將芫茜嘅清香，但又唔會太勁，就算我朋友唔係特別鍾意食芫荽都覺得幾好食，舖頭有獨家秘製嘅醬汁，沾少少食辣得黎又惹味！🌿香煎軟心芝士餃（10隻）講到煎餃子，就一定要推介香煎軟心芝士餃。呢款餃子煎到金黃香脆，咬開嘅時候芝士就會溶化流出，勁邪惡！芝士唔會太膩，又帶少少鹹香味，真係啱晒芝士控！🧀自家制山楂雪梨水（支）飲品方面，餐廳有自家制嘅飲品，我地點左山楂雪梨水，唔係一般市面果啲太甜嘅糖水，佢甜度啱啱好，仲帶有一陣酸酸甜甜嘅果香，山楂嘅酸味可以解膩，飲落非常清新。🥤蜜餞雞翼（5隻）最後點左蜜餞雞翼，雞翼外層刷咗一層蜜餞醬，帶有輕微焦糖香味，仲有陣陣蜂蜜嘅甜香。雞翼肉質鮮嫩，咬落去啲汁會喺口腔爆開，味道鹹中帶甜，好有層次。🍗
继续阅读