影片
营业时间
今日营业
11:30 - 22:00
星期一至日
11:30 - 22:00
以上资料只供参考，请与餐厅确认详情
有关餐厅
朋友好想食餃子，於是去了銅鑼灣景隆街19號海都大廈地下3號舖～餃掂手工餃子雲吞專門店～港鐵銅鑼灣站D4出口，步行約3至4分鐘。店內裝修簡潔，座位清潔寬敞，牆上掛了很多特色介紹餃子的圖畫，服務員禮貌招待。菜譜豐富，多款餃子和雲吞、老火湯、米線、四川涼皮、餐前醃漬小食和自家製的飲品等。狀元九鼎湯$22入口便知是老火湯，且火喉十足，香濃粉葛鯪魚味，湯汁稠密，飲用後喉嚨非常舒服暢順。蜂蜜檸檬薏米水$20這店自家製飲品，入口感到潤喉舒服，甜度剛好，消暑解渴。龍鳳松茸煎雙餃$98（8隻）每隻餃子包得漲卜卜，香氣四溢和熱騰騰，皮薄餡靚，內有豬肉碎、香菇、黑松茸、白松茸、松茸味道極香濃、非常彈牙又好味。玉蟹雲吞皇（5隻）$50橙紅色的雲吞，皮薄軟滑，餡料豐富，蟹粉和蟹肉充滿整隻雲吞，美味至極。麻辣松花皮蛋$26巧手醃製，入口即溶，香氣滿口，少許麻辣提升皮蛋的質感及味道。四川涼皮$33涼皮柔軟滑溜又彈牙，巧手調味，配上葱粒、花生粒、紅椒粒、香蒜粒和青瓜絲，非常惹味。
继续阅读
呢排收工搭巴士番屋企時，巴士總是會經過景隆街方向，平日小妹搭巴士都非常喜歡坐窗邊睇風景、望吓有咩新餐廳咁😆，近日望吓望吓發現有間叫做《餃掂》嘅店，印象中又好似冇食過，今日細妹難得放假，於是一齊去試吓呢間位於銅鑼灣景隆街嘅餃子店～《餃掂》 😃小妹二人叫咗一份煎餃🥟（8隻）、一份雙拼湯餃（10隻）、兩款小食及兩杯飲品，份量全部都啱啱好，仲好好食添🤤🤤🤤🥕酸蘿蔔（自家醃製）▫️▫️食餃子前，先食幾顆酸蘿蔔先，酸酸甜甜好開胃😚🥟龍鳳松茸雙煎餃（黑白松露）▫️▫️個名望落高級，食落更有驚喜添😍 煎餃香噴噴熱辣辣，要襯熱食先好食😋，黑松露味香濃（小妹形容為西式菇餃）；白松露則少少🤏🏻似中式松茸，松露味比黑松露較為輕，兩者都好好食，喜歡黑松露嘅朋友一定會非常高興😊！🥟粟米豬肉+椰菜雲耳雙拼湯餃（跟狀元九鼎湯）▫️▫️湯底好似阿媽煲嗰啲湯🤭因為無味精，同用咗九款食材熬製而成，材料有粉葛、順德活鯪魚、香山活鲫魚、紅蘿蔔、扁豆、赤小豆、新會陳皮、蜜棗、鮮排骨等，非常美味；▫️▫️除咗湯頭出色外，兩款餃子都好有特色🫶🏻 餃子大大隻、外型🥟同emoji一樣樣架😙而且豬肉彈牙，粟米大粒新鮮超甜，椰菜雲耳爽口，令口感層次更豐富❣️🪽蜜餞雞翼（3隻）▫️▫️掛滿蜜糖🍯嘅雞翼，認真唔話得😍🌶️麻辣松花皮蛋▫️▫️好滑溜嘅皮蛋，小妹本身喜愛食皮蛋，因此覺得好好食😋🥂山楂雪梨水（凍）🥂蜂蜜檸檬薏米水（凍）▫️▫️兩杯飲品冰涼低糖，飲完好舒服😌餃子沾醬有4款不同，分別是菜脯辣椒醬、四川辣椒醬、甜豉油及醋，小妹兩姊妹都推薦煎餃沾豉油🥳🥳返到屋企嗝返啖氣出嚟，仲聞到好香松露味😆，呢間餃掂嘅餃子好有特色&意外驚喜🫶🏻
继续阅读
今日約左人係銅鑼灣飲野，事前諗住係附近求其食少少野打式，揀左間餃子店估唔到有驚喜！呢間「餃掂」見佢咁有特別用黑白松茸黎整餃子，即時吸引到我！黑白松茸雙拼煎餃，一次過試晒兩款，即叫即煎都唔洗等好耐，煎得好香口一啲都無燶，咬落勁脆卜卜聽到有聲，入面好多肉汁，食落去流晒出黎，松茸亦落得好多一啲都唔孤寒，好濃味好出色！椰菜豬肉湯餃，呢湯底係用左狀元九鼎湯，飲落好重豆香好好飲，唔係味精湯，食完餃子忍唔住飲埋啲湯。至於餃子都唔輸蝕，湯餃吸晒啲湯汁變到大大粒，入面椰菜絲令肉餃好爽口，不錯。小食方面亦有特式，黃金皮蛋唔係好多地方食到，好甘香。日本流心蛋配上黑白松茸同樣好夾，可以食到松茸本身既味道。食完飲返杯蜂蜜檸檬薏米水同山楂雪梨水，清甜又健康。
继续阅读
餃掂手工餃子雲吞專門店-𝙲𝚊𝚞𝚜𝚎𝚠𝚊𝚢𝚋𝚊𝚢🥟🥟🥟我相信大家對呢間餃子店都唔陌生，因為佢都有幾間分店對於餃子愛好者冇可能唔識😂😂湯餃子𝚜𝚎𝚝 $𝟼𝟶 (𝟷𝟶𝚙𝚌𝚜) 配狀元九鼎湯大白菜豬肉餃同埋粟米豬肉餃個湯無味精，飲到好重料！好正😂😂餃子勁大粉，好足料！！！壽喜燒牛肉煎餃 $𝟻𝟾 (𝟾𝚙𝚌𝚜)當然係要一碟湯餃一碟煎餃🤩🤩剪到金黃色，個邊夠哂脆，中間又有少少煙靭感，入邊都係爆哂料！！！日本龍鳳蛋 $𝟹𝟸 一碟 （配黑白松露醬）我次次黎都會食蛋😂😂因我我係雞蛋愛好者，同埋松露醬係都係我最愛🩷好香好滑👍餃子愛好者必食之選👯♀️👯♀️👯♀️
继续阅读
餃子🥟典故其實原名叫「嬌耳」！但係對我嘅定義就係家嘅溫暖！一家人一齊包餃子🥟其實係一個好好嘅活動⋯⋯以前阿嫲包嘅餃子係好好味嘅！但係唔知點解我就係我能夠承傳佢嘅廚藝！🙈🙈⋯⋯這間餃子店就比我食到嫲嫲嘅味道！知道呢間店主鼎力支持慈善公益！係良心嘅餃子店！支持👏👏⋯⋯至尊松茸豬肉餃松茸香氣十足！芳香濃郁！豬肉餡料豐富！超大隻！鮮味又多汁！餡料充足！咁多款餃子之中，我係覺得佢最好味🤤推介！😋😋⋯⋯壽喜燒牛肉餃其實好多地方係冇牛肉嘅餃子！我朋友係牛魔王⋯⋯牛肉餃子，最好就係煎餃！因為能夠帶出佢牛肉嘅香味！餡料非常豐富，充滿牛油脂香氣！香煎軟心芝士餃芝士迷一定唔可以錯過呢個芝士餃子！咬開芝士和肉汁超豐富！粟米粒又帶出鮮甜味😋⋯⋯！外皮脆卜卜⋯⋯雲耳椰菜豬肉餃雲耳椰菜菜增加爽脆口感！又能帶出豬肉嘅鮮味⋯⋯煮後外皮都能保持煙靭⋯⋯內餡仲好飽滿添⋯⋯狀元九鼎湯飲出粉葛、順德活鯪魚超正⋯⋯而且一啲都冇味精⋯⋯非常正氣⋯⋯山楂雪梨水山楂雪梨水係自家製嘅⋯⋯好香山楂味⋯⋯非常潤喉⋯⋯
继续阅读