影片
食家推介
刚刚在这里吃午饭，看到餐牌叫咗一个咖哩饭餐加八只饺子，包埋一个前菜，我拣咗芽菜，小食到了，哇！一食落去啲芽菜咸到飞起，食咗两口之后根本不能够继续食落去。跟著我问 侍应可否可以换，侍应竟话日本也是这样做的。我深信，我去过日本咁多次，我都未试过咁咸嘅芽菜。日本嘅芽菜用嚟做小食系清甜，同埋用柚子加少少盐，不会令到芽菜咸到好似食盐咁样。跟著我换咗椰菜，都还可以。之后攞咗个咖哩饭过嚟。个咖哩饭原来得个一碗仔，上面得一嚿薯仔同一嚿红萝卜，少得可怜，好像下午茶餐。饮品只得冻饮没有热饮。我心想，不如叫杯热水好过，但系又系包埋所以叫咗个无糖可乐。食完65蚊9折我都唔知食咗啲乜嘢。
继续阅读
我最钟意食饺子，上网见到呢到既饺子味道新奇，连朱古饺都有，就抱住以身试伏既心态过黎食。本身冇乜期望，但原来味道一啲都唔会伏，仲几有特色，感觉好新奇。店铺嘅装饰充满特色。饺子款式丰富，生姜饺子真系闻所未闻，不过今次第一次食，都系食返佢哋嘅招牌饺子先！我地叫左几款小食。自家制香辣青瓜渍：辣度不算高。凉拌芽菜：芽菜爽口。蟹子沙律：而我最钟意就系呢款前菜，蟹子份量好慷慨，食到最后一啖都仲有。而青瓜清新解腻，配上酱汁味道不错。蟹肉海老特长豪华饺子个人觉得呢款系必嗌，虽然价钱比较进取，但味道确实不错，入面都几足料，有原条蟹棒系入面。饺子四种盛合，啱晒选择困难症嘅我，可以一次过试晒四款饺子，包括海老饺子，蘑菇饺子，九条葱饺子，野菜豚肉饺子，配上特制酱汁。海老饺子好似虾饺，而野菜豚肉饺子最清新，最岩我口味。食返个朱古力饺子配雪糕做甜品先🍦
继续阅读
约了在鲗鱼涌工作的朋友吃饭,地铁站附近年多了很多特色食肆,今晩去吃日式饺子。门面有日式风味!先来瓶饮品,绿茶可乐和赤富士提子水,清清地,不会太甜!塩曲椰菜~新鲜椰菜洒上芝麻,还有很香的蔴油味。爽脆清新!人气之选no.1 是Chao Chao 饺子鸡肉芝士饺子 ~个人较喜欢人气no.2的鸡肉芝士饺子。芝士饀料有特色,烟烟靭靱几好味!蟹肉海老特长豪华饺子棒~未见过咁长的饺子,外皮香脆,蟹肉有鲜味!饺子3种盛合~海老饺子、磨菇饺子、京都九条葱饺子。店员提示海老饺子要点海盐,皮薄通透,饀料鲜味!咖喱汤乌冬~咖喱汤底美味,粟米芯、蜜糖豆、红萝卜令香浓咖喱带甘甜,乌冬够弹牙,好味!朱古力饺子配雪糕~原来甚么都可以做饺子,甜的饺子最有特色,咸味薄脆包著和暖而微甜的朱古力酱,夹著雪糕吃,甜味恰到好处! 外冷内暖,咸甜交融,几特别!日本不少食肆专门店都已经营多年,昭和46年,查ㄧ查即是1971 年,原来都已47年,在日本全国已有约40间分店。原来很多不同食材都可做饺子,外型也不拘限于传统模样。这是日式饺子有趣的特式!
继续阅读
放工同同事去食少少野先返屋企叫左几款饺子，两杯Asahi (一送一)，黎个日式饱肚happy hour~柚子胡椒饺子饺子小小的，肉馅带微微的胡椒香，饺子皮超薄，微微煎香后沾饺子汁同食，正！鸡翼饺子用鸡皮充当饺子皮包著肉馅，加上鸡肉更满足！还有翼尖可以咬咬～蟹肉海老特长豪华饺子呢款饺子海鲜味超丰富，食得出浓浓的蟹肉虾肉味，不会只有假蟹棒的味！沾沙律酱同食，很不错！饺子3种盛合有puri puri海老饺子，磨菇饺子，九条葱饺子海老饺子要沾海苔盐食，像虾饺😂九条葱饺子吃得出香葱味特浓磨菇饺子无乜特别，偏淡，所以沾了辣味噌同食
继续阅读
因为知道阿妈好钟意食饺子所以就特登带佢去一间有好多饺子嘅店铺我哋一坐低 店员就有礼貌地比个餐牌我哋首先我就嗌咗个蟹子沙律卖相好靓 而且青瓜丝既粗幼都适中之后叫咗一个饺子set一个set入面有一款饺子一个乌冬同埋一款渍物我就叫左个椰菜 鸡肉芝士饺子 同埋日式乌冬个椰菜好爽脆个椰菜鸡肉饺子就好得意 真系食得出有芝士日式乌冬我就好钟意 因为个汤好清淡而且乌冬嘅口感好烟银之后我哋就叫咗个牛筋豆腐煮我劲钟意 因为同日本居酒屋一样都系有魔芋系入面
继续阅读