影片
午餐时间，想揾间简简单单的餐厅食个午饭，行到红磡被转角位这店名吸引"饭聚", 我笑了一笑，几幽默！好，我去饭一饭聚先。中式餐厅格局，比茶餐厅高级，店员很有礼貌咁招呼我，中午时段客人密质质，店员很好，见我女人仔一个，细心安排我在另外两名靓太的枱搭坐，眼见靓太都食紧糖水！！咩事会有糖水架？！咁搞笑？？！原来是午饭套餐，有小菜+白饭+汤+糖水！哗，劲惊喜$44蚊，大家x都唔得了，仲要有糖水！我点了蒸鸡, 有例汤，仲有糖水红豆沙真系好大碟，我系大食妹，现在有时遇上因价就货的食店，会将食物分量减少，我有时食完好像无食架，这间饭聚完全合我何车！ ~例汤~唔系茶餐厅盐水例汤，这鸡脚汤味甜，够热，老火汤感觉，饮完唔口干，真材实料，鸡脚都仲好完整，感觉良好。~蒸鸡~很新鲜，出晒烟咁上枱，店员细心提醒我，碟边好热。鸡蒸得很滑，没有多余的粉，个味做得好自然，就好像屋企饭，个汁唔咸，捞饭好开胃。~白饭~讲真，劲大碗！遇上其他细食靓女，应该两个人"些牙"都仲得。饭香热，软硬适中！唔错！~红豆沙~好味，谂住送既就无咩期望啦，讲真仲好食过咩记咩记廿几蚊碗果啲啰！红豆起晒沙，最重要系唔太甜。$44食到今餐，我好满足！ 观察到餐厅墙上贴满晚饭菜式，水煮鱼，鸡煲，好像仲正！我谂要晚饭再黎。Btw..饭聚。。。个名真系好顶瘾，约班fd嚟饭饭聚聚先
继续阅读
今日奶奶生日，虽然之前已经庆祝左，但正日都应该食餐好啲嘅。 试过饭聚嘅小菜，质素颇高，不过价钱亦唔平，所以平时好少帮衬。今日试左佢地嘅鸡煲，因为有小朋友，我地选择走辣，味道比对面一品淡，但鸡肉好嫩滑，连鸡胸都唔鞋，赞! 相信如果加少少辣一定更好味!不足之处系其他火㶽料选择少，我地叫左一只鸡，送一碟菜，另叫粉肠同一碟小菜腰果牛柳粒，男人们似乎未够满足，再叫半只鸡，好饱好饱呀！
继续阅读
话说早排2个人经过红磡揾晚饭食, 经过见到<饭聚>价钱OK就入去试下啦试左过铁锅牛肉饭同一个炒四季豆四季豆就无咩特别, 但系要赞下铁锅牛肉饭, 饭面铺满紫洋葱同牛肉, 肉多而且滑食到尾都仲有好多牛肉, 唔错!讲返前晚星期六, 咁岩有个朋友生日就想揾间无咁难揾位既食肆食餐饭, 所以一行9人就再试试<饭聚>订位既时间老板娘话鸡同某D海鲜需要预订而生日主角又比较喜欢食海鲜, 老板娘就好好咁话:不如当日我落街市睇下有咩新鲜海鲜, 到时打比你决定啦!真系好服务啦最后海鲜系买左圣子皇, 两只大膏蟹同一条小海斑晚饭当日我地9个人点左1.拍青瓜 - 小辣, 够爽2.沙姜鸡脚 - 沙姜味浓, 炆得好林3.纪子猪骨鸡脚老火汤 - 多料好味4.三味骨(椒盐, 咕噜, 镇江) - 椒盐同咕噜都好味, 镇江就够味不过纹得唔够耐 5.黄金虾 - 外面脆卜卜, 但d虾肉仲系软身岩岩好6.炸子鸡 - 皮脆肉嫩, 唔错7.什菌炒翠肉瓜 - 足料, 不过无特别8.蒜蓉粉丝蒸圣子皇 - 大只够鲜甜 9.姜葱炒膏蟹 - 呢个要赞下, 真系一到上菜净系见到2只蟹盖cover哂个身, 真系净系食个盖都开心死, 有膏够肥又多肉, 老板娘真识简10.清蒸海斑 - 条鱼新鲜, 不过d鱼豉油就淡左d11.寿包 - 呢个坚正, 新鲜热辣, 当个个食饱都仲赞好味12.红枣糖水 - 老板娘仲惊我地唔饱送个糖水叹下埋单$1700老板娘好有heart, 服务又好, 你估我订左成千蚊海鲜佢唔怕我走数呀!所以我觉得好既食肆系要赞既唔好意思, 无映低相....快个相机食先, 个个一离就食
继续阅读
其实呢间嘢都开左一段日子, 但始于冇机会食到. 咁岩有一日放假又唔想谂食乜, 结果就走左入去试下!霸皇花猪骨汤 - 一坐底就有人拎左好大碗霸皇花猪骨汤嚟, 一睇就知足料而且味道都唔错葱油鸡 - 虽然望落去好似好细碟, 但其实分量都唔少. 而鸡当然系冻鲜的, 但煮得唔会好老,加埋个葱油汁送饭一流雪耳糖水 - 食完仲有个糖水, 甜度岩岩好, 食完真系好满足!
继续阅读
I love the fish sets at this place!!It is only $40 including rice, soup and dessert!!Dessert:I don't like Chinese desserts anyway! but it came with it.Soup:There was no MSG, so the soup was quite good.Tried the fish twice, they were fresh and steamed just right because the fish was soft and supple.Black beans were my favourite.◎ⓢⓤⓟⓔⓡⓢⓤⓟⓔⓡⓖⓘⓡⓛ◎Price: $40Service: OKService charge: noYummy factor: okEnglish Menu: no◎ⓢⓤⓟⓔⓡⓢⓤⓟⓔⓡⓖⓘⓡⓛ◎
继续阅读