餃子冰室

营业中

休息中

👍🏼抵食指數：⭐️⭐️⭐️⭐️😋好食程度：⭐️⭐️⭐️⭐️入到長洲，除咗食大魚蛋之外，原來仲有一樣名物，就係餃子啦！呢間冰室嘅餃子款式好特別，好多口味都係獨一無二，有 #鹹蛋黃黃金餃、 #蜆肉芫荽餃、 #印第安餃、 #黑白土匪餃等等，好多較特別嘅味道都可以係度搵到！有別於其他餃子店，唔係韭菜餃，就係豬肉玉米餃，無咩驚喜同新意！今次叫咗鹹蛋黃黃金餃，一隻隻黃金脆皮餃子，賣相好適合打卡，入口仲好正，唔太油膩，外皮包住一層鹹蛋黃醬，再加埋脆皮嘅餃子皮，口味非常獨到！餃子內仲要係爆汁，非常 juicy ，CP值極高！而佢嘅蒸 #辣菜脯鮮蝦餃 都值得推薦， #菜脯 同 #蝦肉 好爽口，又唔係好辣，感覺清清地，好適食完較濃味嘅鹹蛋黃黃金餃後，再品嚐，感覺會比較平衡，又唔會太膩啊～溫提：因為小店座位同人手有限，大家需要自行拎飛仔排隊～ 

入長洲一定會嚟食，馳名爆汁餃子🤤多汁又大粒，好正！而且餃子款式好多，實有一款啱你食🤣煎餃蒸餃乜都有，店鋪環境唔算大，不過整潔乾淨👍🏻我差唔多款款餃子都試過，每次必叫以下兩款😋鹹蛋黃黃金餃（只限炸）$36即炸熱辣辣，一上枱已經聞到濃濃鹹蛋黃香味🔥店員好重手，落咗勁多鹹蛋黃🤤每粒餃子都佈滿鹹蛋黃，仲要起沙的🤤咬落脆卜卜，而且味道超級濃郁，但係又唔會好滯，一人食3-4粒啱啱好！邪惡度爆燈🔥😈好味道同樣爆燈！🔥😈非常惹味蜆肉芫荽餃（只限蒸）$36食完濃味餃子，食下清清地嘅蒸餃😋蜆肉鮮味好出，完全冇腥味！配埋芫荽非常夾，仲要爆汁😝好值得試！打卡都好靚😝

長洲近年越來越多特色餐廳，其中餃子冰室口味新奇得嚟又多選擇。當日假期，朋友二人等位約30分鐘。鋪頭都幾細，座位比較逼。叫咗一份鹹蛋黃煎餃做下午茶，加一杯冰糖紅棗桃膠沙冰。餃子皮煎得好香脆，彬上鹹蛋黃醬，唔會過分乾身。入面亦都充滿內汁，點上醋十分夾。沙冰無咩特別，足料但唔係特別出味，但係下午玩完飲都係好舒服。

餃子冰室可以話係來長洲除左食大魚蛋，芒果糯米糍之外既必食之店，一間主打餃子既小店，有多款特色餃子，我哋今次作為小食咁食，所以淨係揀左兩款餃子，分別係黑白土匪餃同人氣之選鹹蛋黃黃金餃，都係限定半煎炸。餃子來到熱辣辣，外皮炸到金黃，土匪餃灑上黑白芝麻同孜然粉，食落好有土匪雞翼既味道，外皮脆口，餡料豐富，一句講哂，好食。黃金餃唔同既地方係用鹹蛋黃作調味，咸咸香香，相當惹味。作為小食，餃子冰室真係啱啱好，佢哋都有飯類揀，真係任君選擇。🐻

呢日同朋友特登入長洲玩，除咗大魚蛋同炸雪糕呢啲小食之外，聽到呢間餃子好出名，就黎試下！我地糾結咗好耐叫咩餃子，最後叫咗鹹蛋黃黃金煎餃（佢得煎餃揀），同埋蔥爆牛肉蒸餃🥟鹹蛋黃黃金煎餃，超級香濃鹹蛋黃味！煎得好香脆！食落就覺得熱氣嗰種🤣呢個係驚喜嘅，但食多咗就覺得膩🤔蔥爆牛肉蒸餃就正常發揮，皮都薄，餡都多，牛肉幾多汁！我地食一隻鹹蛋黃餃就用蔥爆牛肉餃黎中和下味蕾😆雖然鹹蛋黃煎餃有驚喜，但我諗我會encore蔥爆牛肉餃多啲😬

嚟到長洲，除咗食魚蛋同芒果糯米糍之外，都可以嚟試下呢間餃子店食過幾次之後會推介以下幾款食物:鹹蛋黃金餃即叫即整，入口嘅時候，小心辣襯個嘴仔。有大量鹹蛋黃包住隻脆卜卜嘅餃。食落去爆汁，味道唔會過咸，不過真係太邪惡，要同人開心share先好嗌呢款餃。蜆肉芫茜餃鐘意食芫荽嘅，一定要試!  平時食開芫荽餃都係配豬肉。芫茜配蜆肉仔嘅combination有鮮味得嚟，更加有咬口。餃子皮薄餡料多，咬落去鮮甜多汁，好食。配餃子嘅醬料都好高質餃子都唔細份，每人預食8隻就會啱啱好。6隻餃+茶 $52

每次黎長洲都會到訪既餃子店，朋友帶過我來一次後就將呢間店收藏了，店舖很細午餐時段多數等位，菜單很有特色而且選擇很多唔會一次食得哂但值得再訪，有別於一般既傳統餃子店睇得出很用制作印第安餃 5 隻$42香料豐富咖喱粉同辣椒為餃子帶來了濃郁的香氣和獨特的風味。鹹蛋黃黃金餃4隻 加酸辣湯 $ 49結合了鮮嫩的餃子和香濃的鹹蛋黃，餃子上再加上鹹蛋黃製食既醬具有濃厚的鹹味和奶油般的質地。為整道菜帶來了獨特的濃郁風味，經過半煎炸既酥脆的外皮，讓它們變得酥脆。這種酥脆的外皮與內部的餡料形成了口感上的對比，增添了食物的口感層次再加埋酸辣湯平衡左煎餃既油膩感。蜆肉芫茜餃 8隻 $69（只限蒸）真係十分推薦！本身我都麻麻地臭茜，但店主真係整得好好食 ，蜆肉同芫茜好match而且蜆肉都多一粒餃子有3-4粒蜆肉一啲都唔手軟，就係呢款餃令我二訪！

每次黎長洲都會到訪既餃子店，朋友帶過我來一次後就將呢間店收藏了，店舖很細午餐時段多數等位，菜單很有特色而且選擇很多唔會一次食得哂但值得再訪，有別於一般既傳統餃子店睇得出很用制作印第安餃 5 隻$42香料豐富咖喱粉同辣椒為餃子帶來了濃郁的香氣和獨特的風味。鹹蛋黃黃金餃4隻 加酸辣湯 $ 49結合了鮮嫩的餃子和香濃的鹹蛋黃，餃子上再加上鹹蛋黃製食既醬具有濃厚的鹹味和奶油般的質地。為整道菜帶來了獨特的濃郁風味，經過半煎炸既酥脆的外皮，讓它們變得酥脆。這種酥脆的外皮與內部的餡料形成了口感上的對比，增添了食物的口感層次再加埋酸辣湯平衡左煎餃既油膩感。蜆肉芫茜餃 8隻 $69（只限蒸）真係十分推薦！本身我都麻麻地臭茜，但店主真係整得好好食 ，蜆肉同芫茜好match而且蜆肉都多一粒餃子有3-4粒蜆肉一啲都唔手軟，就係呢款餃令我二訪！

嚟到這家餐廳試吓佢哋嘅招牌餃子，正！我一入口就被南乳豆卜餃雷到💥，入口即溶嘅豆卜同鮮潤嘅肉餡結合得就係一絕，瞬間讓人掂晒。酸辣湯麻麻哋，但係勁好飲，有種起勁後續劲，餃子食到嗌曬係要來一碗嘅。再講下鹹蛋黃黃金餃，勁！這個邪惡嘅組合，外皮酥脆，撈上金黃滑溜嘅鹹蛋黃醬，味道豐富得黎仲有層次，咬落去真係有種喺味蕾上嘅煙花爆炸🎇。麻油白雲雞中翼嘅話，就有點家常味，溫暖又慰藉。至於沙冰🍧，我就覺得腐竹蛋花洋薏米沙冰特別咁滑，你唔試下點識！竹蔗茅根甘筍沙冰就清新爽口，飲罐涼茶嘅感覺，解渴之選喇。總括落嚟，個餐又火爆又得意，餃子款式多，口味正，真係食貨到嚟一定要打卡嘅好地方。食完跟住杯沙冰，無論係解膩定解暑都正！哩啲，真係喺街頭巷尾都搵唔到。下次一定要同三五知己再嚟轉場食盡所有隻隻！👍🏻

各位食友，我啱啱去咗間好出名嘅餃子店，份量正、新鮮出爐，保證你食完仲想再食！我一啲都唔駛客氣咁拎起個煎餃黎，酥脆外皮配上彈牙嘅肉餡，啖啖肉的感覺真係正！🥟 嗰啲孜然香氣啊，真係勁過癮，好過癮嘅，同埋果然唔同凡響，係黑白土匪餃嚟。話晒，蔥爆牛肉餃都唔錯撻，滋味一流，一啖牛肉嗰種嫩滑而且味正，香輪輪嘅蔥香掛住，好有層次。同時嗰個薄皮蒸到啱啱好，我食嘅每一啔都覺得似詩似畫。另外個沙冰喺炎炎夏日嘅救星，腐竹蛋洋薏米沙冰清新得嚟，微甜而且入口清爽，每啖都飲得到夏天嘅氣息。這家餃子店簡直就係長洲嘅美食寶藏，大家下次去長洲玩，記得留肚試下！🥢🍻

相信未食或者食過嘅人睇到topic應該已經估到系邊間，冇錯就系餃子冰室，開咗一段時間依然人氣旺盛，同朋友等咗30-40分鐘先可以入座，座位亦偏狹窄，擺放手袋要就位啊🥸👜✿ 黑白土匪餃+ 酸辣湯 $59餐廳有吾同套餐搭配，朋友就揀咗加酸辣湯，黑白土匪餃模仿土匪雞翼，有黑白芝麻🖤🤍同埋孜然粉，但呢款竟然比想像中一般😵感覺孜然味其實吾算明顯。酸辣湯喺港式小店都飲到幾有特色，有雲耳、豆腐、雞絲等材料，算足料，酸辣度尚可。✿ 鹹蛋黃黃金餃 $47鹹蛋黃近年可以話系萬能key，配好多食物都夾到，配餃子同樣可以夾到。最驚喜系吾只得外層有鹹蛋黃味，連餡料都有濃厚鹹蛋黃味💛脆卜卜同時做到吾油膩。✿ 腐竹洋薏米沙冰 $37還原港式腐竹蛋糖水味道，變咗沙冰同樣咁正😆🤍腐竹味非常清甜。

我大約2點幾去到 好多人等位同買外賣 大部分餃子都買晒 最後揀咗黃金餃同蒸韭菜餃 同叫咗個蔥油撈麵黃金餃子好香脆 好食😋韭菜餃好多肉汁 皮好薄 蔥油撈麵偏甜 整體係值得一試嘅小店！

呢間長洲餃子冰室長期都好多人排隊 主打多款創意餃子🥟 餐廳裝修亦極具心思 走懷舊路線🎞️❣️黑白土匪餃 ($47/6pcs)呢個係次次嚟食都必點‼️呢款餃子只限半煎炸 每一隻都炸得金黃酥脆每一隻都脹卜卜 超juicy 咬落口熱辣辣啲肉汁必晒出黎勁好食٩(˃̶͈̀௰˂̶͈́)و餃子皮偏薄身飲質鮮嫩 食落有土匪雞翼嘅味道 又唔會覺得太油膩 孜然味突出😋除此之外餃子上高仲有d黑白芝麻 所以食落口真係勁香口🥰❣️印第安餃 ($47/6pcs)實為香辣味嘅餃子 嗜辣必點🥟唔知係唔係我錯覺 可能係因為炸嘅時間耐啲嘅關係 我覺得印第安餃嘅餃子皮係偏厚身啲 外皮亦比其他餃子更香脆 同呢到嘅其他餃子一樣佢都係會爆晒汁勁juicy🤤呢隻餃子既辣味係香辣個種 食落勁過癮如果你係食得辣嘅話千祈唔好錯過♪( ´▽｀)推薦指數：🌟🌟🌟🌟【𝐏𝐫𝐢𝐜𝐞: 4.5/5 𝐅𝐨𝐨𝐝: 4.2/5 𝐄𝐧𝐯𝐢𝐫𝐨𝐧𝐦𝐞𝐧𝐭: 4.2/5】ғᴏʟʟᴏᴡ ᴍʏ ɪɢ ☞ sɪᴜ4ᴍᴀɪ_ɪɴᴛʜᴇʜᴏᴜsᴇ

《長洲覓食之旅1》在長洲講起特色食物，晌好多香港人或遊客心目中都係海鮮、魚蛋、芒果糯米糍，除左呢D究竟仲有冇其他好吃？ 《餃子冰室》提供十多款特色原創餃子🥟、肉飯及飲品。餃子可選煎或蒸，特色餃子有南乳豆卜餃、蜆肉芫荽餃、咖喱薯仔餃、肉餅餃、芋頭臘場餃等。 黑白土匪餃：模訪米線店的土匪雞翼，使用孜然粉、黑椒調味，內為雞肉餡料，外皮焦脆。 鹹蛋黃黃金餃：不稠不稀的鹹蛋黃流沙醬配上豬肉脆餃，蛋黃醬汁與肉汁及蔥混和，食落整惹味多肉汁。 黑醬油雞飯：使黑醬油、香料製成醬汁，配上入味的雞柳肉，作為主食出場，但在美味的餃子襯托下有點失色。

長洲美食多到數唔哂，今次介紹依間餃子冰室好受歡迎，亦係我再次回訪👍🏻餃子多達9款口味，煎餃蒸餃樣樣齊，晏左去嘅部分口味已經售罄，想試記得早啲去喇！—— 鹹蛋黃黃金餃依款最多人食！鍾意鹹蛋黃嘅超推介一定要試！半煎炸餃皮好脆，外層沾咗大量鹹蛋黃醬，肉眼都見到大大粒鹹蛋黃，邪惡十足😍餃子皮好薄，一咬爆汁，餡料滿滿—— 蔥爆牛肉餃牛肉味超濃！！！一食成股牛味湧入黎咁，同樣爆汁好juicy！葱味都唔輸蝕，成個餡好惹味，整體都好好食—— 荷葉津白餃估唔到蒸餃都係咁好食😋比煎餃更加食到餃皮薄滑，但夾起一啲都唔會穿，荷葉香氣滲入餃皮，津白肉餡鮮嫩香甜，津白切到一定大細，留有清爽口感—— 酸辣湯湯嘅調味偏辣有啲剌激感，酸味就後面滲出黎，幾足料有豐富木耳絲，邊飲湯邊多左份口感，幾開胃—— 雞絲粉皮粉皮份量好多，中規中矩，麻醬一啲都唔孤寒，夠哂撈均全碗🌟推薦指數：10/10‼️▫️▫️▫️▫️▫️▫️▫️▫️▫️▫️▫️▫️▫️📍餃子冰室 (長洲)長洲大新海傍路86號地舖