餃掂手工餃子雲吞專門店

約了同事食飯，但佢因濕疹發作，所以要戒口，主要可食豬肉，所以今晚揀了一間以豬肉為饀的餃子店，她必能開懷地揀選。環境光猛，地方整齊企理。有兩排單邊位和兩張四人枱，座位不多，但很開揚，坐得舒適。餐簿好靚，資料詳盡，相片吸引得令我流晒口水。主打係餃子，款式多，仲有灼、煎和湯三種製法，另外仲有外賣生餃子、手工雲吞、麵食、前菜小食、湯、飲品和特製品。同事唔係第一次食，但就未食過招牌嘅龍鳳松茸雙湯餃配狀元九鼎湯  ($92/8隻)，它係白松露和黑松露各四隻。嘩！脹卜卜，好飽滿，外皮厚薄適中，睇到內饀。肉饀啖啖肉，一啲都唔肥，兩種味都好好味，既有松露香，亦有鮮肉香，而黑松露餃就更香，正！九鼎湯 好鮮香，味道濃郁，啖啖魚鮮味，甘香美味。香煎軟心芝士餃子 ($58/7隻) 隻隻金黃，好靚仔，香脆可口。內饀有豬肉、爽甜嘅粟米和鹹香嘅芝士，皮薄饀靚，再點啲菜脯辣椒醬，香辣惹味，滋味!上湯松茸時蔬($35）翠綠爽嫩，配了爽口的松茸和甜美嘅杞子，矜貴美味！龍鳳蛋配黑白松露醬($18/1隻)蛋黃亮麗黏滑，整得入味，再自行配上黑白松露醬，添了松露香更好味。熱自家製山楂雪梨水 ($20/杯及$28/支）真材實料，酸酸

作為餃子愛好者，我對餃子🥟係有要求～ 😝 呢間專賣餃子既餐廳係有驚喜，有超過10款餃子既菜單，總有一款岩你，而且可以叫湯餃/煎餃，我同朋友叫咗3款餃子💖 3款都大大隻兼好味，叫「中」已經有7-8隻餃，仲叫咗涼皮，2個人食飽到捧住個肚走龍鳳松茸餃 (煎餃)好特別地用左黑，白松露入餃子餡🖤🤍 第一次見，咬開餃子皮就聞到食到好香既松露香氣，黑松露餃子咬開一半清晰見到黑色既松露餡料，同豬肉好夾😚 非常好味，未試過松露餃子的話必點！韭菜豬肉餃 (煎餃)首先要讚佢既煎餃煎的好香跪，係兩面都煎到金黃色🔥💛 韭菜豬肉都好有驚喜地韭菜係好多好豐富，煎等唔會乾，入面既韭菜豬肉仲有汁，juciy的✔️芹菜豬肉餃 (湯餃)芹菜豬肉都係我既最愛之一🥬 似係新口味，唔知係唔係限定，希望長有啦！芹菜好夠香，夠脆！😋😋😋 佢地既湯餃既湯底係粉葛湯，好好飲，連埋餃子一齊食好夾，連湯全部飲晒✨四川涼皮涼皮夠薄夠滑，微辣酸酸地咁，夏天食好開胃🤤自家製山揸雪梨水又係夏天必點，好清甜，山揸帶微酸，配煎餃食可以中和煎餃既油膩感🤤佢哋有唔同醬料可以用嚟配餃子，當中既菜蒲好正，帶微辣🫶 佢哋既餃子係可以外賣生餃子買返屋企煮嚟食，最後我

今晚放工喺屋企附近諗住食餃子，入到去咁啱見到我同事喺度，所以就搭枱一齊食。我哋叫咗個龍鳳松茸雙煎餃，韭菜餃同埋鳳凰蛋，由於我哋都鍾意食韭菜餃，但係我鍾意食湯餃，我同事鍾意食煎餃，所以各叫一份。聽我同事講龍鳳松茸雙煎餃好食，所以叫咗例牌，第一次食呢隻餃子感覺好特別，有好重嘅松露味，同埋個餡好豐富非常有口感味道非常特別，係坊間好少見到松露味嘅餃子。之後分別叫咗煎嘅韭菜餃同湯韭菜餃，雖然我偏向鍾意食湯嘅韭菜餃，因為感覺湯嘅韭菜餃嘅料係多啲，煎嘅韭菜餃感覺餡冇咁多，但係佢煎到成隻都係脆卜卜非常有口感，再嚟佢啲材料新鮮韭菜同埋個餡一入口就知係新鮮材料，唔係一般嘅凍格雪凍過嘅餃子，食咗幾隻就開始有飽嘅感覺。跟住我哋叫咗個龍鳳蛋，其實睇外表就係一般嘅溏心蛋揭開咗一半之後喺上面加咗啲醬，我一啖食咗落口感覺好特別，雖然外型好似一般嘅糖心蛋，但係味道就一啲都唔同，可能因為糖心蛋上面個醬嘅關係入口嘅感覺有點帶松露嘅蛋味所以好特別好好食。好彩我同事早咗過嚟，我過嚟嗰陣已經冇晒位已經爆晒棚。#餃掂手工餃子雲吞專門店

今日在寶琳吃飯，自己一個選擇吃餃子。餐廳還提供醃蘿蔔，酸酸甜甜，十分開胃！⭐️龍鳳松茸雙湯餃 餃子的亮點在於它的餡料和湯底。餃子外皮薄而韌，包裹著新鮮的松茸和細膩的肉餡，松茸的香氣彌漫，增添了層次感。湯底狀王九鼎湯，淡淡的甘味，沒有味精，健康好飲，與餃子很搭。⭐️自家製山楂雪梨水 飲品清新爽口，山楂的酸甜和雪梨的清香可以中和油膩感，又健康又美味。⭐️壽喜燒煎餃子煎餃外皮金黃酥脆，內餡則是豐富的肉汁，十分出色！

好多年前食過餃掂既煎餃子，印象中係幾好食的，多年後再次食，感覺完全唔係嗰回事。叫咗個午市套餐，粟米豬肉餃子加麵，再加3蚊加左3隻雞翼，成個套餐加埋60幾蚊，午餐嚟講係合理嘅，但係冇一樣食物係我覺得好味，餃子皮厚，餡係完全冇味，豬肉加粟米都完全食唔出味，要自己加醋或豉油或者其他醬汁，湯底又唔知咩湯黎，同餃子同麵完全都唔夾，去其他餃子店食，次次都會將碗湯飲到一滴不剩，3蚊有3隻雞翼好吸引，諗住加嚟試吓啦，已經係蜜糖雞翼，係好重蜜糖味，但同時亦都好重雪藏怪味，令人好失望既一餐午餐。

黎寶琳行街經過呢間餃子店，聞到好香就決定入去食下啦😆🌟 龍鳳松茸雙煎餃 即係黑白松露味煎餃🥟外皮煎得好香脆，金黃色！望落就好有食欲😍一上枱就聞到好香嘅松露味，食完滿口都係松露香，好回味🤤🌟 壽喜燒牛肉煎餃 第一啖咬真係要好小心 因為肉汁真係會爆發出黎🤣 出面好少見有壽喜燒牛肉嘅餃子，食得出冇雪味，外脆內Juicy🤤🌟 惹味唐芹拌豆筋好少食到呢啲嘢 口感煙靭爽口仲索晒啲辣汁，好惹味呀😍🌟 重慶鮮肉雲吞 小辣雲吞粒粒飽滿，雲吞皮好滑，細細粒 一口一啖 岩岩好😍🌟 黃金原味皮蛋 賣相好靚，而且皮蛋味好夠😍🌟 四川涼麵 小辣面嘅口感好好 唔會煮得太爛，本身個面已經有少少辣味，再加埋個胡麻醬囉落去味道好夾😍🌟 蜂蜜檸檬薏米水好多薏米好足料！另外，佢既菜脯豆豉醬同酸蘿蔔都好好食 有得一樽買番屋企架😍#nomnomdumpling#寶琳新都城#餃掂

香港最近越開越多餃子店，呢間香港本地品牌嘅手工餃子都唔錯，口味又多，絕對唔輸蝕嗰啲過江龍！生熟餃都有，外皮有咬口大大粒，可以選擇湯餃或者煎餃，仲有餃子麵同各款小食，再點埋秘製嘅豆豉蒜蓉辣醬，微辣惹味又帶鹹香，超正！------------------------------🥟◖龍鳳松茸雙灼餃◗ $138呢款招牌黑白松露餃每次嚟都必點，呢款有十二隻，跟埋九鼎狀元湯，有餃子又有湯飲！兩款分別係黑松露同白松露豬肉餡，充滿肉香加上松露嘅香氣配合，成件事好似升級咗咁，味道超夾超出！🐖◖芫荽豬肉煎餃◗ $53每款餃子都有湯餃同煎餃，煎餃外皮香脆唔油膩，裏面嘅芫荽同豬肉餡料味道配合得啱啱好，唔會話邊一隻特別濃味，芫荽更能帶出豬肉香，好食！🍳◖松花皮蛋◗ $26松花皮蛋晶瑩剔透，蛋黃呈流心狀態，做小食過下口癮都唔錯～🥛◖凍豆漿◗ $15豆味濃郁又唔會好甜🌟 Encore指數：8/10

遠征來到寶琳幫朋友執屋，攰到一個點終於執完（當日的份🫠）！黎到商場見呢間野細細地但唔少人排隊拎外賣，一見竟然係食餃子的🤩 見佢d餃現包即煎，隻隻都隻好足料😆😆 無錯啱我口味，結果果然不負所望！🍜 湯餃湯底：狀元九鼎湯先講下佢個湯底，健康無味精養生，非常清甜，喝起來很舒服，有一種自然的甘甜感。這個湯不會過鹹，反而讓餃子的原味更加突出，是一個低調但重要的配角。 🥟 龍鳳松茸雙煎餃（中）🍄‍🟫餃子裡面有黑／白松露，黑松露超香！黑松露的味道濃郁得來又不會太過強烈。餃子外皮煎得酥脆，內裡的餡料好足有肉汁溢出😋🌽🐖 粟米豬肉湯餃（大）粟米和豬肉一向合適的配搭，清甜不油膩。隻隻都大大隻，我朋友食完10隻就話好飽了🌝🦪🐖 元貝豬肉湯餃（大）這款湯餃的餡料很特別，乾瑤柱的鮮味非常突出，芹菜的清香和瑤柱的味道意外地很配合。金菇加強了口感的層次，吃起來既有海鮮的鮮甜，又有豬肉的濃郁。黑松露是霸道的鮮，佢就係1+1＞2的雙打組合🥢🍐 熱山楂雪梨水（支）這杯熱山楂雪梨水酸酸甜甜，喝完很清新。吃完煎餃後來一杯，剛好可以解膩，還有潤喉的效果。微酸的口感非常開胃，是一個很貼心的選擇。

餃掂手工餃子雲吞專門店位於將軍澳新都城中心，是一間區內少有的餃子專門店。這裡的餃子種類繁多，無論是煎餃、湯餃還是生餃子，都能滿足不同的口味需求。我點了口味創新的壽喜燒牛肉餃，湯底的狀元九鼎湯鮮香清甜，與餃子搭配得恰到好處。此外，香煎軟心芝士餃子也值得一試，外脆內軟，裡面的芝士與豬肉交融，讓人回味無窮。配菜方面，四川涼皮和酸辣雲耳都是可口小食，配搭清爽的餃子，更能提起食慾。山楂雪梨水清新解渴，酸酸甜甜，非常提神。檸檬薏米水則是另一種風味，檸檬的酸味搭配薏米的滑潤，這款飲品不僅美味，還十分養生，喝下去十分舒適。餃掂手工餃子雲吞專門店無疑是餃子愛好者的天堂，各式餃子和湯品的搭配讓每位顧客都能找到適合自己的口味。如果你在將軍澳一帶，這裡值得一試！

人生第一次寫食評，從來都冇諗住要寫呢間服務態度差😡呀姐成張單飛劈落張台度，張單跌咗落地下，唔好意思都冇第二係食物問題🤬個「至尊松茸餃」，食第一啖啲肉係生，🥶黐埋一齊滑潺潺咁，逐隻打開入面全部粉紅色，完全未熟 ，呀姐死都話係咁，叫佢過黎，佢話幫我煮過唔熟果隻，好！煮完當然唔一樣啦，顏色同質感完全唔係同！我再叫佢睇其他，佢死都話係甘既，我叫佢幫我換過成碟，佢仲同啲同事話我地死都唔食..服務態度超差。🤬仲話返我地轉頭！

我本身超中意食餃子，今日同朋友經過見到新都城呢間手工餃子專門店，一於試吓啦呢間餐廳坐滿哂人，都唔少人食，一坐低見到樽酸蘿蔔，即刻夾啲酸蘿蔔食，開下胃，原來仲可以成樽買。我主要食煎餃子，揀左至尊松茸豬肉餃配狀元九鼎湯，松茸味非常突出，脹卜卜嘅餡料加脆卜卜嘅皮外脆內軟，而且佢嘅湯用料十足，用粉葛、鯪魚、赤小豆扁豆，飲落湯底鮮甜，飲得出用真材實料煲，味道香甜。最後我哋仲叫多個酸辣涼皮同黃金原味皮蛋，份量都幾多，兩個人食啱啱好，酸辣適中，皮蛋仲係溏心效果，超正；涼皮QQ彈牙，配埋各種香料，好味！食完餃子再飲杯山楂雪梨水，生津解渴感覺健康，味道天然，而且價錢唔貴，值得一試

今日清清地，想食餃子，吸收少d澱粉🙈去左寶琳既呢間餃掂，顧名思義，佢啲餃子真係好掂！難得黎到，緊係要試下佢既招牌！龍鳳松茸！今日揀左龍鳳松茸雙煎餃🥟係一款有黑白松露既餃子，每碟有4隻黑松露餃子同4隻白松露餃子。餃子嘅外皮酥脆，咬一啖，松露既香氣撲鼻而來，配搭足料既鮮嫩豬肉餡料，啖啖都係豐富口感！另外仲叫左雲耳椰菜餃🥬🥟，搭配狀元九鼎湯🥣一上菜就緊係試左個湯先啦！呢個湯飲得出用左好多料好煲，啖啖都係濃郁既食材味。再黎就試雲耳椰菜餃，餃子皮薄，睇到入邊餡料嘅顏色。咬一啖，雲耳嘅脆爽同椰菜嘅清甜相結合，口感豐富，成個湯同餃子一d都唔油膩，非常適合想減輕負擔既女士去食！淨係食餃子又好似有啲悶，搞掂都有好多小食俾客人揀，今次就揀咗回味手拍青瓜🥒，果然冇改錯名，食過返尋味。青瓜嘅清脆口感配搭調味料嘅酸辣，十分開胃。其實餃掂喺每一枱都有放迷你調味料Bar，比客人按照自己口味調節味道。佢亦都放有一樽酸蘿蔔俾客人試食，夾咗幾舊，酸爽開胃，夾完再夾🤤

🥟餃掂手工餃子雲吞專門店 專賣手工餃子😋口味款式多！足料又抵食！推介大家來到要叫湯餃！足料餡靚的餃子跟有自家熬製✨狀元九鼎湯✨用上蛇果、無花果、淮山、生魚同豬尾骨感覺滋潤！飲落湯底鮮甜湯餃🥟至尊松茸餃野生松茸配上豬肉做成！口感豐富🥟香菇雞肉湯餃雞肉餡料厚實！啖啖肉！煎餃🥟韭菜豬肉併粟米豬肉餃 即叫即煎！煎到金黃香脆！仲有自家製飲品！兩款都好好飲新鮮即製無加防腐劑😄山楂雪梨水🍐飲落酸甜生津解渴蜂蜜檸檬薏米水🍋去濕清熱📍將軍澳貿業路8號新都城中心2期2037號#香港探店 #香港達人 #香港旅遊攻略 #留港消費 #留港 #留港消費振興經濟 #留港旅行 #香港美食#將軍澳美食

今晚喺新都城行完街之後就去食餃掂手工餃子雲吞專門店叫咗煎韭菜餃，煎松茸餃子餃，同上湯香菇雞肉餃煎韭菜餃韭菜仲係青綠色，而且鮮嫩可口，至於豬肉偏瘦，食落好健康；而松茸餃子餃，雖然係素食，不過同豬肉餃相比毫不遜色，非常香口，而且感覺好清新；另外仲叫咗佢最新出嘅一個香菇雞肉餃，雞肉好嫩滑，菇味好香濃，又特別又好食最後叫咗個薏米水，微甜，配埋煙靭嘅薏米，解渴又好飲呢間餐廳位於新都城入面，食物味道出色，而且價錢相宜，性價比十足，非常推薦#餃掂手工餃子雲吞專門店

約咗朋友去將軍澳睇戲，遇著打風落雨，睇完戲唯有喺商場逛街搵食，經過餃掂手工餃子雲吞專門店，主打多款特色手工餃子，朋友同我都有興趣試吓，於是乎入座去也。軟心芝士煎餃10隻：芝士香濃，餃子煎香外脆內軟，配上粟米和豬肉嘅甜味，層次夠豐富。芹菜豬肉煎餃7隻：新鮮香芹具獨特天然香氣，能有效地提升整體風味，配鮮豬肉口感豐富且不油膩。芫茜豬肉餃7隻跟狀元九鼎湯：芫茜同肉嘅比例啱啱好，芫荽味清香，豬肉鮮甜，每粒餃子都絕對足料，狀元九鼎湯用粉葛、鯪魚、活鰂魚、紅蘿蔔、新會陳皮、蜜棗等熬製，不加味精，味道鮮甜。韮菜餃子7隻湯麵：韭菜鮮香，配鮮甜豬肉，餃子鮮上加鮮，麵條亦好彈牙。蜂蜜檸檬薏米：檸檬薏米能除濕祛熱，利水消腫，可加蜂蜜飲用，味道更佳。