首首.韓式小館 (已結業)

這晚到利東街吃韓國🇰🇷料理，想不到最後點的全是素食，因看到餐牌而被吸引想試試素雞肉沙律🥗$138素雞肉的賣相及口感跟真正的雞肉沒太大差別，配上柚子醬汁很滋味，沙律菜為火箭菜，車厘茄，另有一些醃漬瓜，相當醒胃😋上素湯鍋豆腐🥣$158素漢堡為Beyond Meat，以兩塼豆腐夾著，再用蔥菜綑著，共有三個這樣的＂漢堡＂，賣相特別，另有一些粉絲，菇及菜，材料新鮮好味👍雲呢嗱雪糕伴合桃糖🍨$68兩個大雪糕球，伴以不少的黑芝麻脆片及蜜糖合桃，第一次吃雪糕吃得有健康的感覺😋想不到可以在一間韓式小館品嘗得到這三款美食，實在是非一般的韓式小館。

今日收工有啲肚餓，又好耐冇食過韓國嘢，所以就嚟咗公司附近嘅韓國餐廳試一試。呢間餐廳裝修好有風格，而且坐得好舒服，感覺上比一般嘅韓國餐廳更加高級。嘢食方面，一定有韓國菜唔少得嘅前菜啦，食完前菜先再食主菜特別開胃。主菜方面今日我就叫左一個傳統牛肉五色石鍋飯。顧名思義佢個石鍋飯係又五種顏色既食物包括蘿蔔絲，菠菜，青瓜同埋牛肉等等，溝埋一齊個味道好match。個底有飯焦，好香！加韓式辣醬更加惹味！我仲另外叫咗一隻蛋就更加圓滿啦。這個飯還附送海帶湯！之後我再叫咗一個手工泡菜海鮮煎餅，煎餅煎得外脆內軟而且海鮮分量十足，熱辣辣十分好食。再嚟就係一個韓式甜辣炸雞塊，呢個同普通嘅韓式炸雞有少少唔同，佢嘅粉漿唔厚，而且外面有甜甜地嘅醬，我個人認為更加似我哋平時食開嘅生炒骨，但係都好好食。總括而言呢間餐廳嘅環境同食物都有一定嘅水準，經開呢頭嘅真係可以來一試。

餐廳位於灣仔利東街，又稱囍帖街，餐廳環境優雅，清潔衛生，座位寬闊，服務員態度友善。免費奉上三款前菜，泡菜辣辣地很好吃。韓式燒牛肉拌飯138元，牛肉多汁不韌，紫菜很香，辣醬分開上，自行調節辣味，與芽菜和生菜絲混合一起吃，口感層次豐富。海鮮炒韓國粉絲118元，蝦肉彈牙，魷魚爽脆，粉絲煙韌，洋蔥青椒鮮甜，惹味但不過咸。韓式炸雞塊118元，炸粉薄薄，雞肉軟嫩，辣味恰到好處。總結：環境優雅，食品美味，價錢合理。

係中午既時間，而尼一個餐廳好易搵又即時有位就衝左入去，同時都比佢既香味吸引到。入到去個環境好舒服，個位好大，有私人空間。餐廳會送上一個簡單既韓式三小點前菜就叫左雞翼都唔錯，皮脆香口！韓式豬雞蛋炒飯辣味好夠，但料就除左隻蛋就見唔到野...仲叫多左個冷麵黎平衡下辣味，真心甘講又係好辣同埋無咩料，而同時個2塊大冰塊唔知咩事...最後我覺得如果你係搵唔到野食，又急住要食，而佢又有位既話，為飽肚麵可以去食。

個人對灣仔這個地區，有一種特別的感情，因為幼兒到成年，都是住在這裏的，所以有空便會回來逛逛。自從囍帖街重建之後，這裏的感覺，令人煥然一新。　韓國泡菜，每人有一盤，每盤有三款，其中當然以辣泡菜，酸辣味道十足，最為突出。自家燉制人蔘雞湯$238，雞肉已經煮得很腍，點些黑椒和幼鹽，味道更佳。雞肚內還有些糯米和粟子，這個煮法非常正宗。雞湯味道清甜，人參味道不太濃，不過人參很大又有參味。炒韓國海鮮粉絲$118，有帶子、蝦、冬菇、魷魚， 粉絲是韓國的，所以爽口彈牙，是個人最喜歡的粉絲。

朋友是韓迷，今日係灣仔接佢收工佢就建議試試利東街這間格調high end的韓國菜我們很早來到，餐廳格調走型格路線用上深咖啡色襯黑色的皮沙發餐牌排版都頗精緻價錢合理，在灣仔這個地區來說算很划算每人都送三小碟前菜泡菜、中華沙律、豆芽酸辣開胃豆醬海鮮大燴$168配料滿到整個鍋都是，用上石頭鍋，保溫能力很好👍🏼大蝦非常新鮮、蝦膏濃郁配料還有大蔥、豆腐、冬菇、洋蔥、脆玉瓜配搭健康牛肉炒粉絲 $118味道很濃郁粉絲彈牙，吸收了醬汁的味道有韓國的水準！炸雞配蜜糖芥末醬 $168性價比不錯共有四大塊雞件炸皮很出色、脆口薄身雞肉嫩滑，醬汁很夾

韓國美食一向不乏支持者，我也是其中一員，這天和朋友會展下班後在附近覓食，看到這裝修精緻的韓式小店便進入一試。下單後店員就為我們遞上每人一小碟前菜，有蓮藕、中華沙律及泡菜，吃著前菜聊聊天，小食主菜就上桌了，速度很快。韓式甜辣炸脆雞塊韓式炸雞是我的最愛，雞塊經過油炸，表面再沾上甜甜的辣醬，令外皮有嚼口之餘又不會過硬。雞肉嫩滑，高溫油炸能迅速鎖住肉汁，這就是韓式炸雞的精萃。吃炸雞怎麼能少了真露燒酒呢？一口真露一口炸雞，是當年韓劇非常流行的劇情。現在炸雞店的數量大大減少，能吃到有質素的炸雞更難，這間店的炸雞甜甜辣辣的，味道跟在韓國吃過的差不多，我們都表示很滿意。自家製韓式煎蝦餅用上新鮮蝦肉、菜等多種材料製成，每一口都感覺到蝦肉的鬆軟口感。點上魚露，能更帶出蝦餅的鮮味。辣炒八爪魚配素冷麵及水芹菜八爪魚粗身有嚼口，非常彈牙，混合韓式辣醬更覺惹味。水芹菜新鮮爽口，混合辣醬一起吃更好吃。但冷麵的口感較軟，個人偏好比較爽口的冷麵。店內裝修精緻，有別於一般韓式餐廳，座位寬敞，適合朋友聚餐。

呢間店噶燈光好柔和，環境好舒適，好似系鬧市入邊難得保存噶一份寧靜。今日就想改變一下平時噶快節奏，就約左個friend一起過來食個lunch。落單之後就上左幾個傳統噶韓國小菜作前菜：泡菜、薯仔同蘿蔔。好開胃。我地點左韓式甜辣炸脆雞塊，長泡菜燉穀飼豬肋骨，春川石板辣炒雞肉同埋一份韓式石頭鍋米糕伴自家制雲呢嗱雪糕做甜品。最中意噶就系呢份雪糕甜品，石頭鍋是熱辣辣的，裡內盛著米糕和雲呢嗱雪糕，下層的米糕的蕩熱感再與上層的冰凍雲呢嗱雪糕形成強烈對比，一口米糕加雪糕一同進食感受到那種冰和熱的矛盾感，與眾不同。

今晚放工後約左朋友食飯，大家集合後都十分肚餓，行過灣仔喜帖街，見到一間裝修是西式工業風的韓國餐廳就入左去試一次，一入去就見到好有西式工業風的裝修，點菜時侍應會送上每人一碟泡菜，味道很不錯同時又開胃。我同朋友叫了一個炸雞，雞肉五色石窩飯同一個飯後甜品，首先上菜的是雞肉石窩飯，石窩熱度很足夠，等大約五分鐘窩邊的飯都變成飯焦很香口很脆，雞肉嫩滑又有肉汁，隨飯附送的湯亦很香甜。之後炸雞送來，賣相十分好看,熱騰騰，炸得好香脆調味亦十分足夠，有齊炸雞好食的所有元素!最後的甜品是焦糖合桃雲尼拿雪榚，焦糖合桃十分香脆可口幫雪榚提升左幾重口感，總括來講整個飯餐及甜品都十分滿意!下次都會再來光顧。

早幾晚同屋企人去幫襯，店員服務態度極差之餘，食物性價比亦偏低，百幾二百蚊既野食整到好似出面幾十蚊既水準咁，完全係比錢買難受。餐廳環境一般，餐具有粉粉污積，一句講晒冇下次！

完全無韓國風味職員又無禮貌浪費金錢入到去等完又等等完又等都無上菜，3吹4請黎碟泡菜？45分鐘後要求取消要走人又話已整左，好無謂浪費，點知半個鐘後先上1碟，仲要用力掟落枱，中間完全無難渣既食客係得罪你邊樣？

服務態度很差，不會再去，眼見裝修很靚，睇落應該有質素，但行入去坐低至食嘢都無乜人理，叫完睇到無反應，現場唔算多客，唔明點解唔理客人，叫完嘢食之後，等前菜嚟但又嚟唔齊，好似唔願做咁，食物質素又唔係特別好，唔明呢啲態度點做生意，重有咁多人好評！?嚴重懷疑好評係咪真嘅。

利東街其實係一個幾靚嘅地方尤其是夜晚啲燈籠着晒燈有好多情侶，遊客會嚟呢度影相依間餐廳就係利東街一樣，餐廳佈置好靚✨✨因為好耐冇食韓國野，特登喺OpenRice搵，就揀咗依度。泡菜有三款，幾好食唔會太辣，用來送飯都得😆中間嗰個應該係筍絲，甜甜地，幾得意因為我本身都鍾意食菜多個食肉，叫咗有廚師推介logo嘅：韓國山野菜大醬拌飯。自家製大醬幾好味！冇平時個d咁咸，食落咸咸地，有d豆，都幾舒服。五種菜味道都偏淡，甘筍絲有少少甜甜地。最特別嘅係個樣好似小麥草/ 蔥嘅「神仙草」，店員話韓國人好鍾意食。但我自己就覺得普通，因為佢嘅草味真係好勁😆😆另外叫咗牛肉五色石鍋飯整體都唔錯，牛肉味道幾香濃，惹味肉嘅份量都幾多拌埋其他配菜，好似菠菜、翠玉瓜等等，口感豐富😌😌好傳統嘅石鍋飯～因為為食，仲叫左個：香煎韓式薯仔脆餅真係好香～ 同埋外面係脆既，分開入面，係好多柔軟、帶少少汁嘅薯仔絲。連埋火箭菜一齊食更加特別，味道更加出！鍾意薯仔既我，叫就梗係食到舔舔脷😋😋😋

正門及側門的裝修風格均以西式為主, 加上利東街一帶的形象, 一眼看上去像是酒吧. 內裡的裝修比較摩登時尚, 千想萬想都不會聯想到韓國菜, 但這種風格應較受外籍人仕歡迎. 去洗手間時上了1樓, 1樓今晚沒有開放, 但枱的數目較少亦較靜, 與地下的感覺全不相同. 先送上的是3道前菜, 蓮藕片, 泡菜, 中華沙律. 其中的泡菜味道不錯, 而且一如傳統韓菜可以無限任添. 炸得酥脆的雞翼帶少許甜味, 以醬油醃過的雞翼底味十足, 比普通的炸雞翼令人更滿足. 配菜的蒜頭亦脆身好吃. 韓式炒粉絲做出來的感覺有點像較少鑊氣的炒粉絲. 粉絲的味道更QQ軟軟. 上頭些許的芝麻令粉絲更香. 裡頭的海鮮配料亦新鮮好吃. 石頭鍋飯是朋友指定要點的一道菜式, 除了上面的辣雞肉, 裡頭舖滿了幾種不同口感的五色蔬菜, 在混上韓國辣椒醬後味道不錯. 石頭鍋飯上桌送的這碗蛋花湯很清甜解膩. 雖然經常吃韓國菜, 但人蔘雞湯倒不是常吃. 這裡的人蔘雞湯裡頭有一整隻的雞, 湯的味道較清淡, 看來本身沒有加鹽, 另一隻小碟裡附加胡椒, 鹽, 可按個人口味調配味道, 這個不錯. 埋單的價格大約是$700左右, 價格比傳統韓式食店略貴

位於利東街的餐廳，從外觀上看以為是一些西式餐飲原來是韓式餐廳！內部環境佈置得非常精美，打卡post相一流！今天Lunch time過來吃，menu選擇不多，不過勝左價錢便宜，性價比高，平均每人消費約$100～$150我和朋友選擇了韓式甜辣炸脆雞塊，韓式素菜炒粉絲，素冷麵下單後會送上一份前菜(泡菜，醃青瓜和蓮藕)和例湯，今天是昆布湯，味道不錯👍🏻韓式甜辣炸脆雞塊熱辣辣的脆雞塊配上甜辣醬汁非常開胃，主菜未上一啖一啖很快吃完！素冷麵香港天氣酷熱，想吃一下冷麵降溫，這份冷麵配上秘製青瓜和蘿蔔吃，也是不錯選擇韓式素菜炒粉絲材料有冬菇，三色椒，洋蔥，木耳等去炒，鑊氣足，唯一不足是略嫌油膩一點！總結：員工態度一流，非常有禮貌，在鬧市中餐廳價錢也是中規中矩，味道也合格，值得推介！