影片
更多
2022-12-21
417 浏览
因為有長輩係中華遊樂會會員，所以之前每隔一段時間都會去食吓嘢。但係因為疫情，好耐冇出嚟聚，所以都好一段時間冇去過。疫情緩和，就梗係聚一聚嘅時間啦，主菜真係差咗好多，我叫嘅海南雞飯，睇個樣都已經知道夠晒乾身，毫無油水。油菜都一樣係冇有嘅，就咁齋烚熟佢。湯同埋飯都係正常嘅，但係同以前真係有距離。聽返啲長輩講，因為呢兩年走咗太多人，所以廚房青黃不接，水準好唔穩定。但係點知到上甜品嗰陣，呢個真係一個大大大大嘅驚喜。我叫咗蘋果批伴雪糕，雪糕當然係現成貨，冇乜特別，但係個蘋果批，唔……我可以講從未食過咁好食嘅蘋果批，個皮又薄又香脆，餡料嘅蘋果蓉夠淋，而且甜到啱啱好，可以用精彩兩個字去形容。至於疏乎厘，我哋叫咗橙酒味同埋朱古力味。佢個疏乎厘整得好靚，夠鬆軟亦唔會好容易塌。上桌嘅時候，個朱古力味好香，令人垂涎三尺。不過真係食入口，朱古力味反而一般，個橙酒味就好香好味。
疫情緩和，就梗係聚一聚嘅時間啦，主菜真係差咗好多，我叫嘅海南雞飯，睇個樣都已經知道夠晒乾身，毫無油水。油菜都一樣係冇有嘅，就咁齋烚熟佢。湯同埋飯都係正常嘅，但係同以前真係有距離。聽返啲長輩講，因為呢兩年走咗太多人，所以廚房青黃不接，水準好唔穩定。
但係點知到上甜品嗰陣，呢個真係一個大大大大嘅驚喜。我叫咗蘋果批伴雪糕，雪糕當然係現成貨，冇乜特別，但係個蘋果批，唔……我可以講從未食過咁好食嘅蘋果批，個皮又薄又香脆，餡料嘅蘋果蓉夠淋，而且甜到啱啱好，可以用精彩兩個字去形容。
至於疏乎厘，我哋叫咗橙酒味同埋朱古力味。佢個疏乎厘整得好靚，夠鬆軟亦唔會好容易塌。上桌嘅時候，個朱古力味好香，令人垂涎三尺。不過真係食入口，朱古力味反而一般，個橙酒味就好香好味。
张贴
