影片
营业时间
今日营业
07:00 - 20:00
星期一至日
07:00 - 20:00
以上资料只供参考，请与餐厅确认详情
今日經過食左個牛腩飯味道一般，唔緊要啦但係食食下見到斬牛腩嗰位師傅捽鼻捽面然後用流緊落啲湯嘅水喉水洗手衛生情況非常惡劣我明白雖然斬牛腩都會用隻手掂到食物但見到用啲湯嚟洗手真係接受唔到
继续阅读
見到呢間有粉麵下午茶套餐包飲品$39, 牆身貼住手寫餐牌, 有十款餸可以揀, 魚蛋, 雲吞, 水餃, 牛腩, 牛雜, 貢丸, 魚片, 扎肉, 肉丸及餐蛋; 另外, 見到一款, 好似好抵食嘅三餸粉麵就係北菇扎肉時蔬$40, 有飲品, 呢個寫住係全日餐, 所以就叫咗呢個全日餐👇北菇扎肉時蔬河粉$40北菇有三嚿, 三嚿都好硬, 完全未浸透, 同埋冇咩調味; 扎肉好似放咗冰格好耐, 咬落好乾身, 同埋睇到及食到好多一粒粒肥豬肉, 湯底偏淡, 生菜嫩口, 河粉正常水餃河粉$39水餃三隻, 包得偏實, 餡料及味道正常熱檸茶正常發揮魚堅總評性價比 3👍(以5👍為滿分)
继续阅读
放左工太肚餓又想食碗麵，於是就去左街市門口呢間香港仔君豪魚蛋王，但我今次唔係食魚蛋粉，而係叫左碗崩沙腩麵😅之前第一次食崩沙腩都係呢間，個陣唔知係牛腩，仲以為係餅乾因為細個食過呢隻餅，好似係大良特產，就覺得奇怪點會加落碗麵到，但朋友介紹原來係牛腩既一種仲幾好食於是就試左。言歸正轉，講返碗崩沙腩麵先。睇落好似唔太吸引但食落絕對唔差架，冇叫走青佢正常就會跟啲蔥係個匙羹到，份量可以自己決定嘛，就算唔記得走青都可以好快整走佢👍🏼崩沙真係好好食，軟硬適中又唔會有筋咬唔到，但佢唔算好入味，可能係個腩汁本身唔太濃，而肉既份量都唔少，我食完個麵仲有淨啲肉可以食。而個麵都煮到啱啱好啦，鹼水味都幾重。佢個崩沙腩係會回頭再食既原因，而聽講佢啲魚蛋都好食，下次再試。
继续阅读
收左工後食返個快飯，之後就去趕住睇醫生，去左呢間魚旦粉，貪佢快靚正。裡面都有好多選擇，有牛腩、魚旦、鮮蝦雲呑、水餃、扎肉等等。麵方面既選擇有米粉、米線、河粉，仲可以加錢轉魚麵。我最後叫左碗一個墨丸米同埋加$8就有一碟菜心，都算叫做幾抵食墨丸米都尚算大碗，匙更上都有蔥花。墨丸只有4粒，口感都好彈牙，墨丸裡面都撈左少少芹菜，所以食落去都好香口。蠔油菜心呢個菜心係麵餐再加$8，就有一碟菜。你睇下都幾大碟，都真係好抵食
继续阅读
從第一城街市的正門口進去，右手邊第一間就是它了。叫了個外賣招牌牛腩飯，還送一個紫菜湯！返到公司一打開飯盒，熱辣辣，白煙衝出來，好香的牛腩味呀...牛腩滑嫩爽口，牛腩汁較稀，鹹淡適中，牛腩的肉質好容易咬開，帶一點點肥肉，卻沒有油膩感，反而令肉變得更軟熟。飯就一般了，個人覺得有點濕濕的，如果可以乾身點會更好。這間餐廳買飯會送一個紫菜湯，光顧粉麵是沒有的～湯不會像一般茶餐廳的鹽＋水，而有濃郁的魚味，再加上大量紫菜絲，熱辣辣，真係好開胃！
继续阅读