香港冰皮燒鵝 (已結業)

【西貢區】【香港冰皮燒鵝小廚】喺將軍澳坑口文曲里公園附近繼續搵嘢食，切實咁做一個文曲里公園嘅巡遊者。經過呢間嘢嘅時候，一開始見到呢個名以為又係啲普通燒臘舖整色整水 sale 燒鵝，之後先知係「棋哥」啲副線嚟，咁應該唔差喎。入到去見到裝修都係新派，仲好多好似動漫形象化咗嘅嘢，唔講以為係女僕 cafe 嘅一角。而餐廳嘅一邊牆有盞燒鵝形狀嘅燈，會變色，我有影低，幾得意。枱面上亦都好簡單地只係放燒鵝醬，睇嚟好似又真係幾專業咁喎。我叫咗個「開心特價下午茶」，比較之下價錢又真係平好多，一般食得燒鵝，點食都好，都起碼五六十蚊打上先好講其他嘢。佢呢度個一人餐都唔過百，二人餐亦都唔過二百。而我咁啱下晝去，有埋下午茶，所以係仲抵。講咁耐我當然係食佢哋嘅「王牌香港冰皮燒鵝瀨粉」，就係想試招牌菜冰皮燒鵝吖嘛。我見轉「鵝胸」加 $10，問吓侍應哥哥仔有咩分別，佢話鵝胸會多肉啲，一向食鵝最唔爽嘅其中一點就係唔夠肉，好喎，就加錢轉佢。食落個燒鵝皮真係好脆，雖然佢冇另上係令我有啲詫異，但係就算喺湯度都可以食到皮脆係犀利。成個感覺誠然係可以做到油而不膩，真心幾啱我食。加埋「凍奶茶」夾埋就 $61，美中不足係用紙杯唔夠環

食肆好唔好食一次未能定，今日第二次買燒鵝飯，當比多次機會睇睇！第一次買嗰陣個阿姐就講得今勁！咩專做冰皮燒鵝咁。結果兩次經驗相同！先要讚一讚個例湯夠火候，味道十分不錯👍裡面有湯料，可謂真材實料！夠哂溫度，唔會凍冰冰。湯就好，但主角就…大大盒飯，燒鵝有皮有骨，肉就…冇乜☹️「冰皮」就硬同有咬口，可練牙力。味道偏咸，可補充體力勞動後嘅需要。收銀姐姐好Yo好果唔係我遞上銀紙時佢肯接，我仲為係去攞免費飯㖭！我諗我唔會再去！

小心個阿姐落單，下午茶時段，幫你落正價單，返轉頭同佢講，仲話你知你自己冇講到明係下午茶，其實$10唔係俾唔起，做街坊生意，唔係咁樣做生意對啲街坊，其實人哋都好有禮貌返轉頭同佢講下午茶，咁都唔識做，不如你去中環打工，喺嗰度冇服務精神都唔覺眼.至於食物質素，都OK，街坊價錢，$49一個叉燒飯，性價比唔算高，要再平啲確實唔難找到，以街坊舖頭來講，人情味欠奉，不過小心啲落Offer就可以.冇乜嘢唔會再幫襯

呢間在坑口嘅冰皮燒鵝茶餐廳，個名聽落真係好搞笑，唔知點解冰皮燒鵝，今日同朋友行坑口附近做嘢，中午就食茶記醫肚。而家午市set lunch 有呢d其實仲有其他選擇佢用一次性即棄紙碟上，有點頹不過可能為左衛生啦，尤其疫情😂枝竹火腩飯火腩得幾件，比較少，枝竹還好梅菜扣肉飯梅菜扣肉有四片，略少，味道正常，隔肥瘦，都ok啦，雖然唔係好好食，但都係咁，價錢方面我覺得算貴，不過坑口食都係偏貴。店員仲推薦左無味精的中湯，但湯同野飲只能二選一，同我平時食開既茶記，佢算孤寒😅Friend就叫左熱奶茶都係頹頹地用紙杯裝我地快快就解決左個lunch，$102埋單😌有點唔方便係只得現金埋單，而家今時今日真係唔方便啦😠

叉燒甜到嘔，貴妃雞下面浸哂油。外賣永遠有驚喜，好彩無比吖姐呃到，晚上八點幾同我講乳豬新鮮出爐，好小呢個時間有。$142蚊半斤。好彩無試。第一次買午餐，就話今日無呢個飯，第二次買到燒味就出事。無下次啦！都吾講你貴，講個味你都輸比美心，大家樂，街市。中話自己係燒味店。

純綷亂入，無諗法，宅男毒物燒味飯，有驚喜，叉燒夠淋有咬口，腩仔皮脆肉嫩，雖然紙杯紙碟唔太喜歡，但食物質素搭夠，推👍🏻另外裝修有格，椅背有粉紅頭髮女攬完隻燒鵝圖案，人員服務好香港

之前晚市order 過有營涼瓜炆倉魚 （不過係涼瓜變南瓜，返到屋企打開先知，都冇計...），覺得OK新鮮。所以剛剛就叫左"一個人的浪漫午餐" - 有營南瓜炆黄花魚, 真係算係一生人食過最難食嘅魚, 因為...... 竟然係.........隔夜!從今以後, 我真係唔會再幫襯，因為真係唔知幾時係新鮮， 幾時係隔夜。。Order 得呢個飯都係想食得健康 d , 但竟然係咁.... 從來都不會留負食評，但隔夜魚真係好難食一d 都唔係有營

之前試過燒鵝同鵝掌又幾好，今日叫咗腩叉以為好正，但比想像中差好遠，肉質還可以嘅，小炒王真係最失敗之作，同烚無分別，星米啲米粉太濕冇乜味，咕嚕肉啲汁又係太水，呢間店此中都燒好啲，中菜真係不能接受，希望日後有更好改善

身為將軍澳人，眼見將軍澳愈來愈迫，愈來愈多人！為有轉場開始入坑口覓食，經過一間中式燒味，都幾顯眼，大門有一大片畫作，五彩繽紛的顏色，吸引左我入去！我見餐牌都有好幾多餐，不過今次就想食個脾，就叫左個皇牌燒鵝脾飯，好L正！可能我今日做完work out，帶住空肚去食lunch, 一上枱已經好想大大啖品嘗！Overall, 5錯！我幾日之後都有買過手c雞外賣🥡晚飯反屋企，連湯！品質幾好，有反甘上下份量，依家開始多左個新地方比我食飯！價錢合理！Ps，原來依度pet friendly! 下次帶埋我隻狗仔🐶來

今日叫外賣，隨便點過野食，見呢間燒味餐廳幾特別試下，送到打開一睇，見到幾有賣相，全部食晒，幾好味，連叫左一星期，要停反兩日先特別係燒鵝，腩仔叉燒都幾好，下次夜晚試吓堂食小廚先

估唔到坑口呢度呢間燒味店咁高水準，今日一家七口響呢度食飯，帶埋紅酒過嚟慢慢品嚐，燒鵝皮脆肉嫩，乳豬啱啱出爐勁正，燒腩仔啲皮都好脆，仲有佢個魚香茄子真係好好食，見到佢哋啲櫈同埋長都幾有特色，有趣有趣一定會再幫襯，PS啲店員好熱情，令我有種親切感

近日食左一碟燒腩仔飯，超低水準，燒肉皮淋完全唔脆，仲有估計是雪藏豬，水準比街市燒味檔臨收工特價野還差少少，本人土生土長在香港食左三十幾年燒味經驗之談...應該去街市燒味檔買盒飯會好啲。

家住坑口嘅朋友話係呢度想食燒味選擇唔多，只係得太興，街市燒腊檔，季悅又裝修中，當然梗係有大快活，大家樂嘅燒味飯。佢話呢間都開咗大半年有多，平日多數都係外賣，只係試過一，兩次堂食，所以大家今日又嚟吓堂食，同試吓佢哋D廚房嘢。 賣相只係一般，話明係蒜蓉粉絲蒸勝瓜，點解D粉絲咁少嘅 😕 粉絲又唔係好貴，而味道o👌🏼豉油分量適中，唔咸 $78 一碟乳豬飯，大家覺得如何？分量唔少，可惜乳豬皮有點硬，邊皮地方仲有D黒焦 🙄🙄 乳豬嘅醃味係Ok 嘅，唯有同自己講，成隻豬都梗係有豬頭骨位，係咁好彩今次到我哽啫。我唔選擇食燒肉，原因係佢哋係用豬腩排部位去做並唔係成隻豬去燒⋯⋯如果只用腩位，就有可能係用雪藏豬排，所以⋯⋯义燒😋 好味，有少焦邊，有少少肥肉在中間，有D juice , 好似係梅肉位置，唔鞋好有咬口 ，但個🐔就差D，俾咗最唔喜歡嘅雞翼位，因為D皮好肥，可以冇咩肉可以食到囉 🙄🙄是日例湯紅蘿蔔🥕合掌瓜雞腳湯侍應話用咗好多雞腳去煲㗎，好足料㗎，但呢兩碗𥚃面都搵唔到D腳囉⋯⋯飯後，朋友話呢度D嘢水準唔算穩定，有食過好正嘅乳豬，有試過返到屋企才知道俾錯嘢，但係冬天佢哋啲糯米飯就好正👍🏼👍🏼喎⋯⋯咁希望

首先影呢盒飯同湯之前，我係未食的，我攤開俾大家睇。👎🏿👎🏿👎🏿有無人接受到？唔係外賣仔送餐的，自己買外賣的！話晒出名冰皮燒鵝，俾哂d得皮既位🤬🤬🤬，就算有肉都硬到咬唔開🙈🙈🙈，燒肉又乾又鞋。🤦🏼🤷🏼‍♂️1個例湯係跟餐，1個例湯係另外俾16蚊買的，份量少都算，跟埋唔會食既薑同蜜棗，點會黑仔成咁？我究竟做錯乜嘢？個天要咁懲罰我？🤦🏼‍♀️🤦🏼‍♀️🤦🏼‍♀️開業初期都覺得幾好食，而家越做越差，永無下次！

所叫菜式如下半只燒鵝- 正常水準，沒有特別好食例牌乳豬- 骨肉分離半肥瘦叉燒- 竟然有部份會連骨梅菜扣肉- 健康一點都不肥菜心- 正常做法消費約$700 只收現金，估佢唔到結論，應該無下次！