香港地 (已結業)

呢間餐廳開左兩年都沒有幫襯過, 一來評語太差, 二來經常有太多人等位, 三來商場有很多食肆, 有太多選擇。這天來到, 想食 light D, 只叫一碗沙嗲牛肉煎蛋米粉。一來到嚇一跳, 隻蛋很老, 煎到過晒火!!! 有圖有真相!牛肉很鞋沒有味道, 隻蛋真係好老, 好難食 ~ 無下次!家人叫左常餐, 還算正常。轉出前一丁麵加 $6, 豬扒份量頗多但又係淡而無味, 肥膏頗多。常餐跟多士, 炒蛋, 腸仔, 火腿, 正常份量及味道。跟餐凍檸茶很大杯的, 比一般茶餐廳的更大杯。天氣凍, 見到有 "冬季限定" 薑汁蛋白維他奶, 試下先。都唔錯, 夠熱又夠薑。

每次外國返黎都會黎食，今次返黎食簡直嚇親，員工態度差，揮極手都無人理扮睇唔到，唸住叫午餐set 會快d 但等左25分鐘，個牛河賣相唔係咁好唸住應該都正常唔難食，需然我唔想曬野但我真係食唔落，無味口感好差。而且價錢唔算平，非常失望😞

同熱愛這片土地，大家一句到尾，愁或喜生與死也是香港地...點解香港地d 嘢食咁貴架？一個常餐$58，普通到震，係多士唔係牛油豬都算，但塊多士係普通嘅一半係咩玩法？個咖哩豬扒飯，大件就大件，但其實只係頹飯質素，盛惠$58雖然係咁咋wo，但間餐廳係長滿架！呢間嘢識玩，專開喺中產地區，中產嘅物價指素真係高d ！如果開起mk，公屋商場，執梗啦！真係好普通！至於咁重視性價比嘅我點解會去食呢，因為我好想飲杯奶茶，食個港式茶餐，奈何而家d 大型商場近乎冇晒呢d地道嘢，我唔會再去

今日去到將軍澳，食晏嘅時候已經過左平時午餐嘅時間，所以就去咗”香港地”食下午茶餐。入面嘅裝修好切合佢”香港地”嘅名字，係用懷舊嘅裝潢。我叫左個下午茶，一個福建炒飯加一個雞翼薯條小食。雞翼薯條首先來到，um...啲薯條係林同凍嘅好在雞翼嘅皮都算脆，有少少辣辣地，都幾啱食！福建炒飯雖然話個份量係”小”，但係其實都好飽架！呢個下午茶都幾抵食！最後我嗌左杯茶走，茶味都算濃

78元龍蝦湯飯，有半隻波士頓龍蝦，鮮魚片，絲瓜，龍蝦湯伴飯。龍蝦好新鮮，龍蝦湯底好濃郁美味。個餐仲送湯或飲品。新鮮滾熱辣，好味到全部食曬無得剩。 無加一，好抵食！

睇到u food 介紹佢個龍蝦湯飯, 但冇寫時限, 去到見到個龍蝦湯飯廣告都冇寫時限。 於是坐低左, 時間下午2點半。一問之下, 原來龍蝦湯飯提供時間 11點至2:30, 我剛好冇得食。。只好叫午餐, 問侍應, 原來午餐只到2:30, 她告訴我只有餐牌上某幾款炒粉麵, 三文治, 湯粉及常餐。 不想吃常餐, 於是點了星洲炒米, 另外先生點了一個日式咖哩和牛漢堡炒滑蛋飯, 看到餐牌上寫"以上套餐配奶茶咖啡", 本能地又點了熱奶茶, 又看到廣告有oreo 曲奇沙奶冰, 餐飲轉配只需$20.- 心思思想試一下, 又點了。 最好看到帳單 176蚊, 一問之下, 原來我們點的都不是餐, 所以沒有包飲品, 兩杯飲品全是正價. 隔離檯的客人也點了一個焗豬扒飯, 一杯凍奶茶, 也是看到帳單才知道飲品不包, 是正價。 大家都覺得那個餐牌是有誤導成份。 而且點餐的時候也不跟我們, 提點一下"你們點的不跟餐飲, 餐飲正價啊", 說一聲, 大家都知道嘛。然後侍應派發下午茶餐牌, 為什麼都不通知一聲, 說下午茶是2:45開始呢?食物味道方面, 說是即叫即煮, 但好像跟普通茶餐廳沒分別。 而熱奶茶餐牌沒有列出, 以

好日唔去呢間野，之前去過一次都已經覺得好難食，諗住再比一次機會佢，結果第二次仲差。叫左個下午茶，$48咸魚雞粒炒飯+雞翼薯條小食+飲品，覺得好貴，不過算啦，朋友想食。點之一黎就落錯單，將地食物比左隔離枱，然後唔好意思都冇講，叫我等多廿分鐘。終於來左碟食物，個炒飯難食到，飯係濕既，痴埋晒一舊舊，雞得5粒仲要有怪味，食左半碟冇食。雞翼薯條個小食，薯條係淋既，好油。另一個蝦餅小食，個蝦餅好辣兼好大陣麵粉味。兩個下午茶餐加埋$105，嬲，性價比好低。

朋友給了一張9折劵，只限在平日使用。今晚就因為有劵，所以在此晚餐。就座後，細看餐牌，有新推介～羊腩煲，一於試新野。再加二款美食，就成為今晚的晚餐。羊腩煲  配唐生菜    88元有交易，再加上九折，價格合理，所以點了一份。火爐先上，然後是生菜及腐乳，主角羊腩煲在最後才上來。由於火力有限，要等一段時間才冒煙。可是金屬煲蓋没有等別防燙設計，唯有請職員幫忙打開蓋子。熱辣辣出曬煙，看來很吸引。配料豐富：馬蹄，炸支竹，冬筍，菇。羊腩肉只有几件，也有羊肋骨部份。久煮的羊肉，部份肉質較硬＆韌，部份卻依然嫩滑，特別是帶皮／近骨位的部份。嚐過羊肉，就把生菜倒進去，跟炸枝竹，馬蹄，冬筍，冬菇再來慢慢煮，慢慢炆。   涼瓜炆倉魚　配白飯   涼瓜是涼瓜，倉魚是倉魚，二者只是剛好在碟子上相遇，從未在鑊內一起加熱／炆囉！倉魚金黃色的魚皮，未有軟化的痕跡＝無炆過！　總覺得倉魚可能事先一早炸好，客人點餐後，才淋上涼瓜芡汁。倉魚表面乾爭爭，硬掘掘，就連魚腩內部，都是硬掘掘。要出較多力，才可以筷子夾出魚肉。  勁多粟米焗魚柳飯　　Show me your Love的魚柳版本。小米至愛的魚柳焗飯。有黃色粟米，金黃炸魚柳，

香港地餐廳我食了幾次，主要是地點就腳方便，樓上樓下便吃到，這晚放工夜了點，便到這間餐廳食晚飯，我就點了星洲炒米，餐廳以十三么命名星洲炒米，主要是用料都幾豐富，有蝦、青椒、紅椒、火腿、叉燒、葱段、芽菜等等，而且份量都幾大碟，胃口不大的可以兩個人share也不錯，這夜接近宵夜時間食的不會太多，至於味道方面，星洲炒米炒得香口，顏色鮮明，材料配搭得很好，食落辣的不會太過搶喉，是我接受的程度，整體不錯。👍👍

我是第一次來這間食店 服務員態度十分差 食物價錢有點貴 下午食咗個特餐 除了龍蝦湯义焼意粉都可以食得外 件厚多士又冬又乾好似隔夜麵包咁 一食完服務員就好想你立刻走飲杯水都唔得 沒有下次 不會再去.

晚餐嚟呢間餐廳食成日出面都好多人排隊，聽個名仲以為係美X嘅，又好似唔係，都唔知係改咗名定點餐牌都幾多嘢揀，新式茶餐廳feel兩個人叫咗兩個餐，分別係京都蜜桃豬扒配白飯 同買咖哩魚柳飯京都豬扒份量幾多，先用少少粉炸完面頭再淋上京都汁，加埋水蜜桃同洋蔥，甜甜哋好好食餸飯一流！咖哩成個鐵兜上，幾香，入面都幾多薯仔塊魚柳好大好厚，成隻碟咁大，蓋住咗下面嘅白飯同油炸鬼薯仔，飯同油炸鬼，食哂都唔使怕會唔飽見個個都叫呢個維他奶紅豆冰，搞到心郁郁都叫咗不過味道冇咩特別，只係幾好睇打卡之選

其實平時食飯黎黎去去一係茶餐廳ABCDE, 一係就係連鎖快餐店美X,大家X, 大快X, 今次見到哩間叫香港地O既餐廳, 望落幾企理, 就試試佢啦,原本想食河粉, 可能因為太夜, 入到去嗌乜冇乜, 唯有嗌佢個焗豬扒飯, 個焗豬扒飯聽講係招牌菜黎....個豬扒飯睇落都唔錯,好似好多芝士咁, 塊豬扒切落就好厚身, 又幾林, 都幾JUICY仲厚過D 飯.... 個飯仲要有炒底TIM..好好奇究竟係咩部位,可以又林又JUICY仲要咁厚, 最重要係冇骨!不過出到門口, 先發現原來係美X O既分店....有d失望

今日Happy Friday，打算同同事去食餐好嘅，但度度都要等位，結果頹頹地黎左呢度食快餐，貪佢唔洗點等位。我今日食左碟男人碟頭飯：煎蛋豉椒免治牛肉炒飯（$58）。說實話質素真係好一般。首先，炒飯唔夠乾身，而且上面啲餸太多汁喇，水汪汪咁。而致命傷某程度上同我有關，就係我以為呢碟係豉椒排骨炒飯，原來我睇錯左，係免治牛肉，哈哈。難怪個配搭咁奇怪啦。呢度成日都好旺場，但都希望質素可以平均啲，唔好因為客源多而掉以輕心，始終外出食飯好難避免幫襯連鎖店呢。

香港地公司三文治配脆薯條😍Hkd 45😊 一睇張相就已已經勁吸引😎個擺盤整到勁令～同埋勁full💁🏽佢個三明治係十分多料件件爆餡🤘🏿肉菜蛋火腿蕃茄⭕️乜都齊呀～賣相得質素仲得💯最愛佢啲薯條，厚切之魚，真係勁薯😭未試過食咁好食咁薯既薯條呀真心！係真係好好食，而且啲薯條係連埋啲皮，食落真係唔同啲😏佢既奶茶都算係幾正宗👌🏽係茶餐廳會飲到個啲～就係要甜小小先正😎夏天黎番杯～即刻涼晒爽晒🤤

😥有5，6個女侍應，個個面冇表情，多數都沒禮貌冇服務, 舉手幾分鐘個個份睇唔到，漏單要再三要求才跟進，話有落單就有！😡😡😡同收銀嗰個求助，亦是黑口黑面叫其他侍應幫我睇下單，全程一句道歉也沒有！其間都聽到有人投訴，但內容聽不清，個收銀都係大大聲話「呢D係公司規定既」，一句唔女好意思都冇講，個客人亦口擘擘氣沖沖咁走咗！明明有數張枱都空置，但有位都要安排顧客個個一齊坐！食物ok, 種類ok,價格可以但絕對不便宜。侍應服務真心趕客，可能老板唔在乎冇服務培訓指引？！之前來過兩三次，服務一次比一次差，以後不會再來！😖😖😖