影片
开饭介绍
m.a.x concepts首間港式餐廳，供應經典地道港式茶餐廳食品，例如鹹檸七、紅豆冰、鑊氣粉麵飯、餐肉蛋出前一丁及港式奶茶等。
继续阅读
营业时间
星期一至日
11:00 - 21:00
公众假期
11:00 - 21:00
以上资料只供参考，请与餐厅确认详情
招牌菜
星期六下晝四點到達山頂凌霄閣 ，餐廳嘅位置係搭完纜車，一出嚟 行咗幾步，經過手信店舖，就即刻見到哩間餐廳，它位置係絕佳。 我哋畀佢啲食物相吸引咗，入咗去😅。我哋本來係為咗件西多士 入嚟，點知佢話冇曬麵包，賣曬，咁咪唯有叫其他啦😒， 其實好奇怪~佢定位係茶餐廳😮💨舖面啲photo主打都係西多士，奶醬多士咁，居然冇曬麵包🤔。 另外，因用qr code點餐， 局限咗飲品冇得嗌少甜少冰 ，(其實好多用qr code點餐嘅餐廳，個app入面都可以備註)，我就問一問個服務員， 嗰位肥肥哋嘅服務員哥哥(唔係著卹衫)，非常之helpful👍， 幫我哋人手落單，備註少甜少冰。 著住卹衫嗰兩位看似高級啲嘅服務員就好冷漠，西口西面咁，兩位只企喺門口附近，不停望住店出面，完全唔多理店舖入面嘅嘢。我哋嗌咗兩杯凍飲 (阿華田珍珠，另一杯係紅豆冰珍珠)， 兩杯凍飲加起係接近100蚊，再加50蚊嘅洋蔥圈配花生醬奶油pancake ，食物味道就真係一般啦~係大x樂/大x活嘅級數， 價錢就山頂價錢，唯一值得讚嘅就係個肥哥哥侍應夠nice和主動💖，埋單係大約 $150。
继续阅读
今日來到山頂雲霄閣的香港地食晚飯，山頂有很多人，香港地餐廳都好多人。我們叫了滑蛋三寶飯和最高肉絲麵。三寶飯的蛋也很滑，果然是名副其實的最高肉絲麵，第一次食到造型這麼高的肉絲麵。肉絲麵的份量都很多好，個面都好脆。加上有旅發局派的$100券，就抵食。
继续阅读
今日啱啱上到山頂 ， 搭山頂纜車一出閘口第一間見到嘅香港地茶餐廳，好方便好就腳呀！我就入嚟叫咗個好有家的味道及 兒時 味道嘅午餐肉太陽蛋公仔麵。食材都好新鮮，不過不失，其實呢啲地方最緊要係就腳、方便、食環境，同埋食完可以即刻出去跑步行山，超方便！
继续阅读
話說琴日年初二行山上山頂，中午肚餓搵嘢食，點知周圍都好多人得呢一間係唔需要排隊嘅，咁我哋就喺出面攞咗張飛有個中年侍侍應叫我哋Number我哋以為入得去啦，點知佢好粗聲粗氣又話：「未得住呀！」咁好啦咪照等囉，入到去係scan QR code自己點餐。我哋坐得好近門口，所以都成日聽到侍應叫號但係又話未入得住嘅呢個情況發生。可能新年都比較忙，上菜上唔切開始有其他客人催單，啲侍應睇都冇睇到啊就答「廚房整緊！」，應付完個客之後，我哋嗰枱聽到佢口噏噏喺度鬧個客。見佢態度咁差，本身都唔係好想催單，但係個簡單嘅出前一丁麵搞咗四個字都未上，咁就問吓佢啦，態度一樣都係咁差，最後成半個鐘先至上到個出前一丁😫總之就覺得佢成間嘢啲服務都真係幾差，但其實連落單都係自助嘅😂
继续阅读
入到去食嘢問餐牌有冇套餐，老待應態度輕佻笑笑口話呢度山頂呀大佬只可以散叫你自己睇，同朋友即時調頭走，睇返所有留言原來都係投訴佢，為何貴店仍然會聘請這態度惡劣的員工。
继续阅读