香港大學校友會

营业中

休息中

餐廳換過另一班底後，終於有機會試菜，餐廳寬敞很多，所有侍應都十分有善及有禮貌。唯獨如果午膳時間怱忙時，就避免到此。因為上菜比較慢。但食物整體好美味。昨天試了鴛鴦臘腸煎釀鯪魚，好好味，真材實料！還有糖脆柚皮，必食。另外生炒糯米飯更是一流👍🏻👍🏻整體每様食物都好好👍🏻

和朋友慶祝生日，選了很久沒來的港大同學會。聽說換了新裝，入進來便感覺光猛多了，坐得也非常舒服。我們四人訂了位，一到就能入坐，星期六晚也完全不用等候。預先留了白肺湯、脆皮鹽焗雞和焗釀響螺。杏汁白肺湯是這裡的名物，這次再嚐，仍然真材實料，湯頭鮮美濃郁，每一口都像是在品嚐傳統的精髓。脆皮鹽焗雞亦是一絕，外酥內滑，送飯一流。焗釀響螺是我的最愛，好吃之餘，服務也好得出奇，我們一行四人、四個嚮螺，居然由四個員工一人一個為我們上桌，實在有點不好意思。還點了蝦多士、脆皮牛腩、香芒脆奶卷等，全都是美食，一個比一個好吃。中環區、這樣的食物質素和服務，居然人均不用四百。港大畢業生，真有福氣。

知道餐廳剛剛翻新，同三位老朋友揀左哩度食中餐聚聚，推介哩幾道招牌菜：鳳尾蝦多士粉漿唔厚,蝦同麵包比例唔錯, 熱辣辣新鮮炸糖脆柚皮強烈推介一定要點既功夫菜!自己屋企唔會整到，每日定時要換水浸柚皮,又要時間慢慢煨。薄薄糖衣，咬落去啲精華爆開，柚皮完全冇渣!太極海鮮鴛鴦羹係菠菜同豆腐羹，熱辣辣清爽開胃，海鮮有蝦仁、魷魚等等增加口感脆奶卷又係唔會屋企整既功夫菜，又要煮,又要雪, 仲要開鑊炸一口一啖，芒果同牛奶好夾，極速消滅食到最後阿廚專登出黎問問我地意見，服務感覺舒服，地點就腳，聚舊好地方

新裝修完所有人員包括廚師和菜單都換了，新菜式雖然味道不錯但份量很少，沒有了以前傳統菜的味道。原來的招牌杏汁白肺湯喝起來有點怪，可能是傳統的手打杏汁換成了現成的杏仁茶。以前經常幫襯是為了這裡的懷舊傳統菜，可惜傳統味道不復存在，真的很可惜……

對上一次來已是七、八年前感覺是大酒樓的格局記得在坐朋友都對用餐經驗不至於滿意我自己卻覺得煙燻倉魚做得不錯之後也沒有再去過機緣巧合有港大朋友邀請再訪說餐廳換了新班底環境方面光猛整潔了不少服務員雖得年輕有禮食物上更加有驚喜菜式擺盆精美到喜出望外有如酒店的中菜廳一改「會所」的古老格局當中三道菜式糖脆柚皮咬下去柚皮煨得剛好多汁又無渣加埋糖醋 正如餐廳介紹 小朋友都會喜歡另外鹽水鵝非常出色入味肉嫩，每個部位都夠味佐酒一流甜品的脆奶卷亦一口一個 份量剛好吃得盡情盡興每人才四百多非常超值有機會定必找港大朋友預約再訪

新年的小聚，好友相約到港大校友會一嚐主理人黎師傅的手勢。一別十數載，餐廳翻新後故地重遊又是一番滋味。店家招牌菜杏汁白肺湯(可以位上方便二人亦能享用）一直是老主故喜歡的名物，湯底走清新路線，淡淡的杏香下，表達出嶺南的傳統味道。新廚出任後，多加了一些香港人喜歡的菜式。茶燻素鵝大玩煙霧效果，燻味十足，口感爽脆同時調味亦恰到好處。焗釀響螺是自己喜歡的料理，葡汁味道不會過濃，帶淡淡的咖喱香，與螺肉混吃效果不錯。另一道令人驚喜的菜式是糖醋柚皮，柚皮啤水後炸，再以上湯燴至入味後切條裹漿，炸出皮脆而帶焦糖化香味的雋品。是傳統的蝦子柚皮衍生出的創意料理，女友尤愛此品。由傳統走到當代的口味，這頓飯的體驗真的不錯。店家行會員制，菜式價錢走親民路線，席上的釀響螺每客只需$78，小菜平均$100左右，也難怪座無虛席。

自從新裝修之後，又不知是否換過新一批員工，總之沒有員工接電話，就算是辦工時間，只是由得電話響至收綫，或是把電話提起，可能做又36，不做又36。 沒有客人就最好😏不過無人理。唉！

香港大學校友會既裝修好傳統，樓底矮，菜式選擇多，冇華麗既擺盆，實而不華皮蛋紫薑$170:朋友話為紫薑而來，一試真係超好味，一d都唔辣同埋冇渣，爽脆又酸甜，好正🤤後黎各人各買一樽菜瞻杏汁白肺湯$340:好足料，湯好潤滑醇厚，不過杏味唔夠玫瑰豉油雞$460，雞翼位好入味，皮滑捋捋，份量勁多，胸果d位肉厚中間冇入味，點返豉油ok鳳眼果炒鴿片$260，鳳眼果食落似栗子，朋友話似白果，鴿片好滑,幾特別桂花魚肚：正正常常🍤鳳尾蝦多士 $180 香脆唔油膩，蝦膠彈牙，好邪惡🍍紫薑粒菠蘿炒牛肉$210: 紫薑炒左依然好味，椒鹽鮮魷： 夠鑊氣，香口啫啫蝦醬唐生菜煲$110: 蝦醬咸香，不過菜真係極少蛋白杏仁茶，合桃露，好滑

好多年前讀港大，冇諗過最大嘅得着，係做咗香港大學嘅校友，就可以喺呢度訂枱食飯！好好味，超好味，勁好味！蝦多士一定要試！鹽焗雞要預訂都一定要食！從來冇聽過人話呢兩樣嘢唔好味。其他嘢好似肉餅，蒸魚，豬肺湯，等等全部都好好味。餐廳地點好就腳。今日食得好開心。感恩！This is one of the best places for Chinese food in the Central area - all dishes are authentic and absolutely gorgeous! Grateful for the night ❤️

難得朋友邀請咗嚟呢間會員先入得嘅隠世餐館，梗係要來試一試，真係一個字，掂！香港大學校友會的餐廳以其多樣化的菜式選擇聞名。而且菜單都經過精心設計，以提供新鮮和多樣化的口味選擇。餐廳的食物質量備受推崇，味道鮮美。嚴格選用新鮮的食材和高品質的調味料，以確保每道菜的味道和口感都能令人印象深刻。服務是他們的另一個亮點。工作人員以親切友好的態度迎接客人，提供快速而周到的服務。他們能夠迅速滿足客人的需求，讓用餐體驗更加順暢和愉悅。雖然價格略高，但考慮到食物的品質和服務水平，呢樣㡳完全可以理解。佢地提供的用餐水準完全超越一般餐廳，絕對係物超所值。餐廳的環境設計和用餐區域佈置都非常舒服，營造出輕鬆愉悅的氛圍。令到用餐不僅是一場饗宴，更是一種享受。我對香港大學校友會的餐廳給予高度評價。佢地提供多樣化的菜式、高品質的食材、優質的服務以及愉悅的用餐環境。

為了慶祝畢業，一家七口訂位到校友會餐廳食晚飯。星期日晚上幾乎滿座，人聲嘈雜。點餸參考了之前Openrice嘅食評，點了校友會嘅撚手菜如菜膽杏汁白肺湯， 古法鹽焗雞，燒雲腿鴿片，翡翠生魚卷，紫薑蘿咕嚕肉，鳳尾蝦多士，荷葉飯，最後合桃露作為甜品。用餐環境好，待應服務殷勤，菜單有特色，不過鹽焗雞同荷葉飯有點偏咸，其他都好味，係愉快嘅晚餐。

今晚同屋企人去港大校友會食飯，呢度口碑唔錯，聽講係由一班前陸羽茶室廚師主理，只招待會員，前兩年重新装修，比前亮麗好多。亞哥早一個禮拜前訂位先定到呢日，某些招牌菜亦要預先落單。呢度走傳統烹調方式，越夜越多人。八個人叫了以下小菜：魚肉實唔霉，爽脆好食簡單家常菜，涼瓜清爽，牛肉有肉味柚皮炆得好腍，就係好食豬肉肥瘦啱啱，真外脆內軟，味道酸甜適中，不愧係招牌菜呢度嘅招牌湯水，香濃杏仁味，每人一件豬肺，清甜滋潤雞蛋炒得嫩滑，蝦係大蝦，雖不多，但每人都分到一隻豆腐嫩滑入味，好食，可惜得六舊，唔夠一人一舊。又一招牌菜式，傳統做法，皮金黃色，雞肉嫩滑，唔會過鹹，重有焗香雞肝同腎一齊，上桌無耐，就只剩番雞頭尾部分。炒麵脆卜卜，銀芽肉絲唔過火，味道洽到好處，估唔到一碟普通嘅肉絲炒麵，都可以炒得咁出色飯乾爽粒粒分明，用料十足，好快又被清底以上食物，樣樣都出色，全部被在座各人掃清，就可知味道如何

🥰 話說早前同事 “巫師” 帶隊親征 “寧波同鄉會”, 失望而回, 散蓆時, 路過 “香港大學校友會”, 報復心驅使, 決定喺校友會再設江湖飯局.🤗 餐廳位於中環舊商廈一樓, 入門口左邊係洒吧區, 右邊係中菜廳, 飯店格局, 設多張圓枱, 數間廂房, 近年重新裝修, 光猛濶落.🥢 今晚十二人飯局, 點咗十二道菜!小菜: 皮蛋紫薑菜膽杏汁白肺湯鳯尾蝦多士燒雲腿鴿片翡翠生魚卷古法鹽焗雞紫薑粒菠蘿咕嚕肉蜆介鯪魚球八寶蓮子鴨陳皮蒸肉餅麵醬啫啫唐生菜煲飄香荷葉飯蛋白杏仁露🥗 小菜: 皮蛋紫薑. 皮蛋糖心, 絕配唔辣又爽嫩嘅紫薑.🥣 菜膽杏汁白肺湯. 味道出色, 可惜唔夠熱.🦐 鳯尾蝦多士. 脆口, 唔油喎!🕊 燒雲腿鴿片. 雲腿咸香, 配合嫩滑嘢鴿肉, 同埋草姑, 味道一流, 今晚驚喜之一.🐟 翡翠生魚卷. 用生魚卷著火腿, 有趣!🐥 古法鹽焗雞. 咸香味滲透雞肉, 滲透雞骨, 嫩滑, 高質.🤗 紫薑粒菠蘿咕嚕肉. 肥瘦適中. 味道平衡, 外脆, 不俗.🐟 蜆介鯪魚球. 蜆介味道十個讚.🐥 八寶蓮子鴨. 鴨肉唔夠肥, 蓮子糯米食落比較乾.🐖 陳皮蒸肉餅. 好味喎.🥬 麵醬啫啫唐生菜煲. 香噴噴,

我地今晚9個人book左間廂房, 相對出面會有多d私人空間, 講野都會自在d, 不過呢度廂房應該唔太多, 所以要廂房就要預先book, 同埋都唔易book。對於呢1餐我都抱有好大期待, 可能因為咁就期望越大失望越大。蝦多士 - 呢個係全晚我覺得最出色gei菜, 好鬆脆好夠味, 第1碟菜食呢個會更加加大期望杏汁豬肺湯 - 我認真覺得普通, 以某附近餐廳最出名gei 1個菜比較之下就比唔上, 不過佢好足料gei~翡翠生魚卷 - 純粹口感特別, 魚都唔腥但味道1般江南百花雞 - 第1次食, 我都係鍾意食真gei雞, 所以純粹個人感覺, 唔太喜歡紅燒元蹄 - 出到黎d肉好碎濕濕, 同埋d肉有d嚡八寶鴨 - 相對元蹄好, 但都只屬一般貨式杞子桂花桃膠羹 - 味道適中, 唔太甜, 呢個都算幾好總括以言, 以呢個價真心覺得唔抵食, 試1次體驗下就算

新的一年又開始，今晚約埋同學團拜。大家都喜歡到這間環境舒適的中菜館聚會。我們先點一鍋每次必飲的杏汁燉豬肺湯，其他食肆較少有供應，乳白色杏汁濃湯加上爽滑豬肺，非常清潤。再來一碟招牌菠蘿咕嚕肉，即叫即炸，香脆可口，甜酸適中，大家食不停口。仲有翡翠蝦球炒帶子，好夠鑊氣，香嘖噴盛上。珊瑚桂花炒素翅，賣相精美。琵琶豆腐及香芋滑雞煲同樣出色。最後仲有生磨合桃露，蛋白杏仁茶及老火綠豆沙，真材實料，是飯後極品。大家開開心心享受了一頓美食，期待下次聚會再嚐其他菜式。