香港老飯店

营业中

休息中

作為上海菜嘅超級粉絲，基本上每個月都會食上海菜，今次就試吓新野，本來都冇乜期望，好彩都冇令我失望。呢度嘅環境似係舊式酒樓，服務亦算唔錯，全部都係老一輩嘅員工，而廚房亦十分有效率，點菜後15分鐘已經上得七七八八，真係要立即叫停佢，因為啲嘢食會凍得好快。最令我驚喜嘅就係呢個燻蛋，係我每次食上海菜都會必點嘅菜式。燻蛋嘅煙熏味好重，好香，蛋黃流心，睇見都忍唔住一啖擺落口食咗佢！熏魚就正常，但係估唔到咁大碟。海蜇頭就麻麻哋，味道太淡啦，唔夠鹹，要自己再加鹽。紅燒肉都不錯，一碟入面有啲肥啲有啲瘦啲，適合同枱吃飯不同人的喜好，但個人認為唔夠肥。小籠包皮薄多汁，味道剛好。但賽螃蟹就普通了，味道淡之餘，冇乜蟹肉，基本上全部都係蛋白。楊州炒飯太過鹹，剛好可以要來同淡味慨賽螃蟹一齊食。最後有我最愛嘅甜品高力豆沙包，食嘅時候熱辣辣又鬆軟，每一啖都沾滿砂糖，以作為呢一餐飯嘅完結。

適逢中環某大百貨公司清倉大減價，今午一於走去血拼一番。不經意地逛了足兩個半小時，總算有些微收獲。行到累又肚餓當然要搵地方休息下和食晚飯啦！突然想起附近有間食上海菜的食肆都唔錯，就毫不猶疑地向香港老飯店走過去。它位於商廈的地庫，我們沿著樓梯而下。餐館佈置優雅和充滿舊日情懷。地方雖然不大，但餐桌擺放得寬闊，環境清靜。花雕醉雞雞肉结實唔鞋口，浸上花雕酒。食時雞肉散發出花雕酒香，可口醒胃。松鼠黃魚這是一道有名氣的上海菜。廚師首先把魚炸得外面脆卜卜，內裏肉質嫩滑鲜甜。淋上酸甜汁，又鋪上松子仁和青紅椒粒令口感豐富不少，而顏色亦很養眼；食落非常開胃。南翔小籠六隻卽叫卽蒸的小籠包一向是我指定必選。皮薄餡靚，湯汁滿溢。咬時要小心被燙傷，但當滿口充溢著鮮甜的湯汁，非常滿足。砂鍋鹹肉菜心這道菜用料十足有鹹肉、白菜、花膠、草茹和蛋角等等。鹹肉貪佢能提升各材料的鲜味，從而令整個湯底更濃更甜。香蕉高力豆沙四隻外層蛋白炸得鬆軟而不油膩，蛋味濃。配以豆沙和香蕉簡直是完美之作。最重要是整體味道不會太甜，正合我口味。👍

媽媽想吃上海菜，想起之前和朋友吃過尖沙咀的香港老飯店覺得不錯，打算再次訂位和家人再去，剛好和友人提起，朋友說原來中環也有分店，所以今次便去中環店試試了！中環店跟尖沙咀店內裝潢差不多，感覺懷舊，富香港老店特色！核桃燻蛋 $60 for 2 流心狀態的糖心燻蛋賣相吸引，入口有濃郁的煙燻香味，還有蛋香味，咬了一口，那流心慢慢流入口腔，令口腔冷冷的，口感什好！底下的合桃也很出色，外層沾滿了芝麻及甜甜的糖漿，口感鬆脆無比，值得推介！蟹粉小籠包 $128 for 4吃上海菜不能少了小籠包，今次我們點了蟹粉小籠包，一口咬落去已感覺到那蟹汁緩媛滲出，皮不止夠薄，內裡的蟹粉亦很鮮甜不鬆散，配上醋點來吃非常惹味！翅群火腿雲吞 $188 雲吞皮薄料靚，外層皮很滑，內裡是滿滿的豬肉及菜，口感豐富，味道非常鮮甜，配上金華火腿的鹹香味，鮮味更能提升，還有翅群也很多，口感爽口，配上上湯，又好味又抵吃！火腿津白 $118火腿津白也是必點之選！津白以上湯浸過，非常腍身富雞湯香味，上面放了幾片金華火腿，令津白吃起來富有鹹香味道，好吃極了！上海粗炒麵 $128上海粗炒炒得什有鑊氣，鹹味適中，份量也挺多的，足夠四人份吃，但粗

講真，中餐要整得好食喺好巧功夫，每一滴油每一粒鹽🧂都好重要。 兩個人去食，所以淨喺叫左一菜一肉兩白飯，雖然都已經300幾，但好味，值。首先講下個百葉紅燒肉，半肥瘦之餘，肥而不膩，好送得飯。平時我唔食肥肉都食到😋😋😋，個百葉都好食，整得好靚。再到個四季豆。好新鮮，炒到剛剛好，又唔咸！ 平時食啲四季豆真喺咸到出汁。我覺得飯15蚊一個黎講太細碗，大碗翻啲會好啲。茶位15蚊一位而言，偏貴但都合理。我會再黎食。

老香港，老飯店，依舊往日情懷。裝潢老派風格，昔日繁華，賓客滿座的情景依稀浮現眼前。小籠包子必食之選。隠約見到包子中的湯汁。咬一口己爆汁，皮薄餡靚，一個接一個停不了口。花彫醉雞最吸引我的是那酒香，芳郁撲鼻。雞肉札實且嫩，口腔充滿著酒的味道。松鼠黃魚是上海菜經典菜之一。論賣相夠吸引，論味道夠惹味。醬汁酸酸甜甜好開胃。黃魚炸得脆口，啖啖肉，美味可口。最後一個砂窩咸肉菜心，最初怕那咸肉會否太鹹過於濃，原來完全不是的，反而提升了湯底的味道。材料有白菜，咸肉，蛋餃子，花膠，磨菇，豐富又滋味。　

今晚和家人去香港老飯點食晚飯！這裏主要係食上海菜，唔講唔知道原來餐廳係創立於1993年，都好耐歷史。餐廳選擇眾多！我地都看左好耐先點菜，因爲餐牌圖文並茂樣樣都好似好好食。而且店員親切有禮，就算我地要求介紹菜色都好有耐性。點完菜就馬上為我們預上小食~很開胃的小食。小籠包：一籠有10個很能夠滿足鍾意食小籠包的我！小籠包包皮厚薄適中，同時能承托湯汁，尖端皺褶工整大小分量適中，肉餡肉質鬆化鮮味！湯汁充盈太油膩。樟茶鴨半隻：呢個樟茶鴨原來係得獎名菜！我是第一次試，之前都未見過這到菜。樟茶鴨入口皮酥肉嫩帶有淡淡樟木和茶葉的香味，唔使點任何調味都已經好惹味。翅群雲吞：雲吞皮夠薄，餡料鮮味！個湯清清地加上金華火腿調味都幾好飲。雲吞鍋的翅群都很多也夠粗，是一道很體面的菜色。乾煸四季豆：四季豆配上少少爽辣的肉碎很惹味開胃，用來餸飯一流。就算食中菜最後都要叫返個甜品的，除左我點的幾款小菜之外！其實餐廳都有好多選擇，下次再黎可以試下其他食物。

真係好耐好耐冇試過晚上食中式野，今晚同幾個朋友黎到呢間飯店開心慶生。一坐下店員便為我們準備了小食花生同埋酸青瓜!由於我們幾個都好耐冇食中菜，所以相討了一段時間終於想好!花雕醉雞($128)，呢款小食係我每次食上海菜都會點的，這裡的醉雞花雕味濃，但又唔會太苦，雞肉嫩滑!樟茶大鴨(半隻)($198)，這款鴨是這間飯店的得獎菜，食落去有煙燻的味道，不會很肥，還能夠鎖住肉汁。隨碟還附有像饅頭的夾包，可以夾上鴨肉一齊食更加惹味!翅群雲吞($198)，這款是砂鍋上的，內裡有12粒菜肉雲吞。湯底清甜，有淡淡的金華火腿味道!跟出面的雲吞湯不同，這裡是用豆苗的。這個價錢能夠飲到有翅的湯，十分抵飲!我們4個人每人都可以飲到兩碗!津白肉絲炒年糕($128)，這個炒年糕跟上海粗炒的味道一樣，但唔算好油!津白比較多，可減去漏的感覺!總括黎講，這間飯店已有一段歷史，而且是外國人常去的飯店。食物唔算話好貴，材料感覺高級，帶長輩或者宴客一流!

臨近歲晚要找吃團年飯的餐館要一早BOOK位. 家人想吃上海菜, 所以便想起了這間大飯店. 很容易便訂到位. 我們一行19人叫了2個12人的套餐. 頭盤, 有醉雞, 海節, 豆亁和一款素食. 整體很好吃. 特別是豆乾. 豆苗蝦仁. 有很多蝦仁, 味道亦佳. 金華火腿夾包--我不吃金華火腿給了媽媽吃, 她說金華火腿很厚肉很惹味. 麵包也剛好索油, 吃下去不會很油膩. 三色椒抄魚片--魚肉很多. 配上三色椒, 是健康之選素菜餃--很大隻, 吃下去很清新, 亦很飽肚. 是我最後的菜式. 片皮鴨--我又不吃片皮鴨, 但一上菜便很香鴨味. 媽媽說鴨很淡淡肉, 皮也很厚身. 夾上麵包非常美味. 所以她也不段地吃. 高力豆沙--用蛋白包著豆沙. 機乎是上海菜著名的甜點之一. 熱辣辣配上沙糖, 一定要親熱吃. 很美味. 

小籠包 $140黎到老飯店，不能不吃小籠包吧，十隻小籠包啱啱岀爐，熱辣辣。啲皮薄到呢，要小心夾起，一口咬落去，肉汁豐富，唔會太膩，配埋黑醋，剛剛好！花雕醉雞 $128上海餐廳必叫小食，一上枱，外形已經好吸引，排列整齊，成半圖圖形。花雕味濃，肉質結實，有彈性，不錯。蝦仁豆苗 $218雖然價格有啲貴，蝦仁不唔算大粒，但配豆苗一齊炒，剛剛好，豆苗嫩滑，蝦仁爽口，好match!干煎小黃魚 $48叫咗4條，4個人每人一條。一定要一讚，煎得好干脆，雖然係小黃魚，但都厚肉，新鮮。蘿蔔鰂魚湯 $180魚湯鮮甜，奶白色，一啲都唔腥。仲有一條條既蘿蔔，煲都入哂味，甜(˶‾᷄ ⁻̫ ‾᷅˵)。180蚊都有大概六碗，夠哂大家一齊開心share

香港老飯店呢個名由細到大都有聽過，所以有個傳統得黎又好似好矜貴既感覺，但其實而家都好大眾化，價錢唔會非常貴 (但當然都唔平)。有興既系今晚有唔少顧客都系遊客，除左最Popular既內地客，連日本、韓國都有 (因為坐四周都講緊唔同語言)。除左A La Carte Menu，其實都仲有幾款套餐，但由於缺乏彈性，所以我地都系比多少少散叫算。原味南翔小籠包 (140/10隻) - 食上海菜必食小籠包，皮偏薄，餡料都幾鮮香多湯汁，配少少鎮江浙醋仲香。乾燒明蝦 (208) - 醬汁微辣，但就非常惹味，蝦殼吸曬汁加埋啲蝦既肉汁 (真系殼都「吮」埋)。大蝦幾厚肉，蝦肉亦夠爽彈，幾好食，但只得三隻。香蔥油淋雞 (238/half) - 其實系紅燒雞配微辣既香蔥醬，醬料濃郁但偏油膩，配白飯食好啲。雞件皮脆但肉質就好嫩滑，味道同一般紅燒雞差唔多。大千雞球 (130) - 用左辣椒、花椒、豆瓣酱等料黎炒，所以都有少少辣，食落有啲似宮保雞丁，味道都幾香口惹味。

「香港老飯店」的中環店位於南豐大廈地庫，雖沒有華麗的裝潢，但此老品牌的名氣足以令宴會夠體面，絕對是商務晚餐的好選擇。南翔小籠包 ($140/10 pcs): 可謂是老飯店的其中一款必吃食物，小籠包皮薄多汁，餡料亦夠鮮味，加點醋更加惹味。餐廳亦有售蟹粉小籠包 ($128/4 pcs)，極多蟹粉，但價位較高，還是原味較划算。鎮江餚肉 ($128): 上海菜的特色冷盤，又名水晶餚肉，其以豬手所製成，肉香而不膩，須搭配鎮江香醋享用。香蔥油淋雞 ($238/半隻): 此是紅燒炸子雞配香蔥醬油，炸子雞皮脆肉嫩，非常Juicy，必須趁熱享用，而香蔥醬油香口，微辛惹味，配起來味道非常濃郁，但偏油膩。松子黃魚 ($238): 大黃魚早已起骨，再加麵粉炸至非常香酥，最後淋上「咕嚕肉」的糖醋汁，酸酸甜甜般味道十分討好，而且啖啖肉沒有魚骨，方便享用。以下是餐牌資料:-

小食我一向都唔會有期待的，不過呢個唔起眼的酸蘿蔔食落去係脆口而且有酸味，除咗白蘿蔔仲要有紅蘿蔔加辣椒，酸酸地惹味又開胃。 核桃燻蛋，佢除咗外面聞到一陣清新的茶味之外，連個軟心的蛋黃亦都係溏心，食得出有少少的茶香。樟茶大鴨，鴨胸嫩滑多汁，個皮唔會係一般香酥 鴨皮咁乾爭爭，皮有少少油香嫩滑，唔理得肥唔肥，忍唔住要連皮都食埋。松子黃魚，魚已完全起骨，非常乾淨。魚肉軟滑，一啲窿的感覺都冇，魚上粉的時候係薄薄，唔會厚厚實實，伴碟有脆麵，點完啲酸汁一齊食都感覺到佢的香脆。不過獻汁略為多左啲，失分!最後個碟火腿津白，看似簡單的餸菜，但都可以煮得出色。個湯非常入味，明顯湯係用咗好長時間淆製而成。塊火腿唔會好鹹，嗰種鹹香配津白少甜的味道係絕配。

某日放工朋友相約我到中環食晚飯叙一叙舊, 選擇香港老飯店來食晚飯。 這店是供應正宗川揚滬菜式。* * 店以古色古香的中式裝潢, 具傳統酒樓格式優雅大方。** **【鎮江肴肉】$128 每件鎮江肴肉都是粉紅剔透,十分吸晴, 入口肉質細嫩彈牙爽口,且而不肥膩, 可沾上鎮江醋提味。**【九黃炒鱔糊】$168 鱔魚片切得大小適中, 配上爽口清香九菜及牙菜,入口爽脆滑嫩,又不會過咸及過油,並有香濃味道。**【火腿津白】$118 津白入口清甜軟身,加上少許金華火腿加添鹹香,更加滋味可口。**【南翔小籠包】10隻 $140 這新鮮熱辣的小籠包一籠有十隻, 外皮可惜未夠薄, 而肉的汁保存係包入面, 咬落去餡料有點爆漿感覺,但味道還可以。**【擔擔麵】 $56 幼麵吸了惹味麻辣湯底,伴著豬肉碎及蔥,每一口十分滋味。

表弟半工讀左幾年, 今年終於畢業, 今日攞左半日假陪埋舅母同佢大館影返D畢業相留念。我地係大館影完之後仲去左中上環的其他景點拍照, 一直去到6點幾天開始黑先收工。影完相之後, 舅母提議係附近食埋飯先走, 我地係OPENRICE搵左呢間位於中環南豐大廈食京滬菜的老店: 香港老飯店。餐廳主打上海菜同北京菜, 好啱舅母的口味。我地未到7點已經入左餐廳, 係晚市首枱客人。餐廳裝修新淨, 富有空間感唔焗促。由於時間尚早, 我地都未係好肚餓, 所以只點左一客烤雙方同四款小菜, 食完先再睇下需唔需要再加。餐牌蜜味烤雙方 舅母好鍾意食金華火腿, 加上蜜糖的金華火腿, 用軟包包住食, 完全唔會覺得油膩, 咸中帶甜, 非常惹味。咸肉蛋餃菜心 蛋餃係上海過年的必備菜式, 金黃色的蛋餃好似金元寶, 外皮蛋味香濃, 豬肉餡料飽滿, 味道唔錯。椒鹽鮮魷 呢款椒鹽鮮魷外層好香脆, 咸度適中, 魷魚爽口彈牙。清炒鱔糊 每次食上海茶我都會點炒鱔糊, 香港老飯店的鱔糊份量非常多, 而且冇加入我唔食的韭黃, 全碟都係鱔魚肉, 抵讚。賽螃蟹 最後食埋呢款以蛋白製作, 口感嫩滑的賽螃蟹, 我地都已經非常滿足, 唔需要再加甜品。

媽媽好喜歡食上海菜, 尤其鍾意去北角舊居附近嘅香港老飯店, 差不多每個月都要去食返餐。不過自從幾年前餐廳搬遷之後, 我地就要趁大時大節先會去食。趁老婆約左朋友,  今日就做返日孝順仔, 同兩老三人行去搬左去中環嘅香港老飯店嘆返餐。😁由於今日唔駛OT, 我地6點半已經到餐廳, 當時客人未多, 不過7點之後就開始多人。餐廳裝修雅致, 光潔明亮, 而且座位較一般中式餐廳寬敞, 感覺舒適。除左主餐牌之外,  另有多款廚師推介同時令推介選擇, 不過媽媽鍾情香港老飯店嘅上海菜, 所以今日都係同平時一樣點左烤雙方, 小籠包, 炒鱔糊同賽螃蟹, 再加上一款廚師推介嘅砂鍋鮑魚仔海參, 3個人應該好夠食。😙蜜味烤雙方 $108香港老飯店嘅烤雙方做得特別好, 火腿肉香味濃, 而且唔會過咸, 以鬆軟包身夾住, 配上蜜糖, 非常惹味。😋蟹粉小籠包 $128蟹粉小籠包一籠有4隻, 小籠包皮薄, 肉汁豐富, 加上濃郁蟹粉鮮甜味, 比一般小籠包美味好多。😍清炒鱔糊 $168媽媽最愛嘅炒鱔糊魚肉嫩滑唔會太肥, 醬汁香濃, 最抵讚係無加入芽菜等配料, 啖啖鱔肉, 份量十足。👍砂鍋鮑魚仔海參 $688呢款廚師推介嘅砂鍋鮑魚