香港飯堂

营业中

休息中

好少去餐廳堂食lunch，今日試下香港飯堂午餐。三月二日得九度，想食熱辣辣的野食，午餐牌上選了黑椒炒意粉，以為無死啦，點知中伏。呢隻意粉較幼身，似乎唔多適合用黎炒。啲黑椒汁落得太多，搞到個粉好濕，似黑椒汁意粉多過黑椒炒意粉。豬扒好難食，切開一夠夠，大約有四舊，但有三舊都有骨，好難咬，我又冇理由拎把刀切咁怪掛…話說本人正直壯年，都覺得豬扒肉好難咬開，奉勸冇乜牙力的老友記唔好食豬扒。其實今日好餓，但最後食淨半碟，覺得自己愧對地球。移隻碟時，發現隻碟非常痴立立，店員戴住手套應該感覺唔到…奶茶就同平時水準一樣。第一次試香港飯堂午餐，好失望，下次都係食返早餐銀針粉。

見到好多食評都話呢間野令人失望，咁佢本身下午茶就真係零特別。個人認為，香港飯堂唯一值得食嘅就係早餐銀針粉餐。除左呢度同大x樂，都唔知邊度早餐可以食到。銀針粉早餐$39呢碗銀針粉都幾大碗架，料又多，尤其啱鍾意冬菇同肉絲的人，個人食左好多年都唔厭！不過最好入店時問清楚仲有冇銀針粉，廢事坐值先知道冇。如果你唔識用湯匙食野，有機會食到好論盡同墊彈到周圍都係！唔建議飲湯，因為真係好鬼咸！呢度飲咖啡係default奶另上，適合鍾要少奶的人～齋啡都ok架～～跟餐可以叫餐包，阿叔阿伯應該幾鍾意。不過呢度啲位係超級迫，二人檯好細，兩個人食叫多少少都唔夠位放。唔建議下午茶黎，因為野食冇特別，餐牌上個銀針粉係fake人，而且好多阿叔入黎，講野好大聲，不過阿姐侍應對佢地好好。強烈要求下午茶提供銀針粉！

We came here expecting shit food... Got decent food instead. Disappointed.We had (i) pork chop, 2 sunny side ups and a piece of toast, and (ii) satay beef 出前一丁. Pork chop was slightly oily, but it was in fact fine paired with the eggs and the toast. Satay beef was decent save that it didn’t taste like satay beef.

途經西灣河，食個快餐，見到間茶餐廳就行入去。見餐牌上每日都有特選午餐，點了薑蔥厚切豬扒飯。上枱時賣相不錯，飯上鋪了滑蛋，更灑上少少香草碎，豬扒有一塊半，份量對我來講係啱啱好，兩塊可能會嫌多。旁邊襯托有少少西式沙律菜， 令個頹飯升格不少。但真心唔明點解叫厚切豬扒飯，因為豬扒同平時食嘅厚度係一樣，並無不同。除了豬扒不是厚切外，整體係不錯的，豬扒醃得入味，不會太乾身，仍保留有肉汁。$55一個餐連飲品，算不錯了。

今次真是大開眼界！ 我這裏光顧早餐點選命名為鮮茄牛骨湯稻庭烏冬 ！43元 ！ 以為會是一碗正常的湯烏冬 。但原來是一碗 餐湯尺寸的羅宋湯烏冬 ！ 究竟係我期望過高定係點呢 ？完全唔夠飽 。。都算了🤔。餐附送的雞扒又乾又榎又凍 ，另配上的多士口感不但沒有脆，而且 咬下去的感覺 很像泥膠。 現在香港的經濟這麼差還有這些店舖 ，西灣河為何會開一間這麼差的茶餐廳 我想不到有任何可以稱讚的地方 ， 難道附近沒有更好的選擇嗎 ？ 簡直是貼錢買難受 ☺️ 真 不可一不可再😂

今日突然想食蝦多士，所以走入呢間餐廳食個下午茶，不過個茶餐嘅味道真係好令人失望。下午茶——飯堂炸趣脆免治牛肉芝心春卷呢個餐包左幾樣小食嘅，首先係右上角個春卷。入面餡料好少，完全食唔到啲牛肉同芝士，層春卷皮就好淋好淋，直頭有啲似濕水紙皮，真係好失望。蝦多士蝦多士細細塊，但係炸得唔算脆口，食落有陣味咁，唔係特別好食。炸薯條份量相對多啲嘅薯條算係全個拼盤入面最好食、最脆口嘅小食，係偏硬嗰種脆，都唔錯。另外仲叫左杯茶走，都係偏甜咁，不過不失。不過整體黎講唔會再叫呢個下午茶餐，對於啲小食真係好失望。

呢間茶餐廳真係值得推介，早餐我鍾意食佢哋嘅銀針粉，已經唔係好多地方可以食得到，佢哋嘅味道都好似細個時候食過嘅，另外佢哋嘅茶餐都非常之豐富喎！經典嘅雞髀配薯條、五香肉丁蛋公仔麵等等都非常好食， $3x至$4x不等，凍飲另外加$3好耐冇食過炸雞皮同埋薯條啦，揸得非常之脆身，而且入邊好Juicy，薯條係經典茶餐廳嘅波浪紋粗薯條，兩款拼埋一齊真係好夾！早餐嘅時候，我都食過佢哋嘅只通粉，亦都係一個唔錯嘅選擇。

看見西灣河新開一所餐廳 所以走入去嘗試一下，可是味道完全不能接受。價錢偏貴食物質素與其完全不符合！蕃茄牛骨烏冬=羅宋湯加烏冬，完全不能接受。那個牛骨只有丁點，數量不多之餘數量更少。一口西多士只有寥寥三件，雞翼還是凍冰冰的、不熟。只有炸雞翼才比較熱和熟！但是蓋面的麵粉很厚😡😡😡😡😡焗飯完全沒有焗飯的味道，之後面上的芝士才有一點點。豬扒還有一陣雪藏味、不夠熟透。絕對不會有下次光顧的機會，整體食物質素欠佳！！！！！！！！！

來西灣河只知道太安樓入邊有好多嘢食，唔唔知道原來海晏街附近有條街都有好多正嘢食，中午時段叫咗一碟生炸雞肶煎蛋飯，即叫即炸雞肶熱辣辣出晒煙外脆內滑勁有肉汁，好味到不得了，下次再去試招牌焗豬扒飯，見到隔離枱食，賣相都好吸引

香港飯堂，其實本來系幾好食，開業無耐水準幾好，系會翻食果隻。都食過兩次，系類似白汁飯阿系幾好食，之後食過一次蛋黃西多😂食落好有月餅feel。可以話有創意，味道幾好，反正感覺唔錯。但後來(11月後)，水準變得一般般，做野都求求其，什錦魚湯，碗淺，可以話系碟，雖然系下午茶餐，好似啲餸有啲雜不甩，湯淡淡。一口西多配蝦多士，本來職員態度仲好惡死，但後來距話蝦多士賣晒定乜，比多隻魚手指O唔OK，剛好我兩樣都想食，就OK LA。呢個思維抵讚。一口西多個邊有少少硬，蝦多士外脆內軟ok。奶茶偏奶多，OK。可以既話，我想要返開業無耐既香港飯堂水準。好食。

之前個日既下午茶米線到第二朝當然餓啦! 但個日睇住新聞又驚，又擔心，又覺得好嬲，好唔開心..Anyway, 食完就去上堂，上完堂就即刻返屋企!咁我地又唔知食咩好既情況下，就試呢間，本來我唔明點解佢唔調卡位，到我地入去，聽到個位客人既“偉論”我就明佢都係想我地食得安樂尐(唔好誤會，佢講既係又咩岩岩放出黎，又係砵蘭街做左咩etc)我地試左佢呢個all day brealfast同時日午餐：黑松露美式全日早餐 $80值唔值就1見仁見智，我就覺得唔值，但都叫有薯餅，炒蛋，腸仔，煙肉咁，都算多種類， 但就無特別，咁值唔值80呢？法式白酒焗雞粒意 $50肚餓都食唔哂! 佢膩到呢... 太creamy啦！我食開白汁既都頂唔住! 但賣相都唔差既... 茶記囉...但sorry, 我應該只會俾多次早餐機會佢... 但... 最近手頭緊兼要減肥，應該都...

雖則現今社會環境令很多食市生意大受影響，但有些食市是不需同情和支持，因它們當客人只是傻瓜，比垃圾也會吃下肚然後乖乖比錢，只要裝修得企理就有客人幫襯，呢間是一個好例子！週日下午三時兩個人叫左兩個午餐，牛脷飯跟咖啡及焗雞粒意粉跟熱奶茶，食物等左15分鐘才到，外表是正常的。但用差一吉雞粒已爛開左，食落囗當然是冇味啦，雞粒質地就好像罐頭忌廉雞湯裏面啲雞咁樣是霉的，牛脷不至於霉但係冇味！咖啡正常，奶茶像廿四味涼茶加奶。服務員見我食左咁少，跟廚房商量後話比我換另一樣食物，但我們不敢再吃了，乖乖比錢走人。一定冇下次

西灣河又開茶記/冰室了！今次開的是這間香港飯堂，在OpenRice查看，才知道它在港島有數間分店，今次開到來西灣河，一於去試試！多士有水準，脆身但不會太燶，炒蛋夠大份這個沙嗲牛肉通粉值得一讚的是湯底夠濃，非常有沙嗲味，適合重口味人士，唯一遜色的是通粉質地又薄又淋，個人偏好質感厚且硬的通粉，夠厚才有茶餐廳的味道！雖然沙嗲牛肉通粉好吃，但不及家人叫的午餐B，鮮茄焗牛扒意粉，上面有少許芝士，多汁，不會乾身，出奇地好吃