香港魚蛋皇

营业中

休息中

同两个朋友去到店度叫外卖自取，每人叫咗个例牌酸菜鱼米线套餐。一份要98蚊酸菜鱼 + 10蚊米线 + 2蚊打包费，三个人成单野用咗三百几蚊。点知攞到嘅份量就系咁大细。重点系鱼味都带腥。我地特登话只有三个人食，叫店员推荐，佢竟然推荐三份例牌？真係服咗！呢个系我第一次俾差评，今次实在太离谱。店员服务态度都麻麻。

$70個咁嘅粉，勁難食，想要紙巾，同我講$5包！本來諗住$3都ok，竟然同我講$5！仲要講果下d態度差到一個點…我心諗，香港到底怎麼了，搶錢嗎？難怪個個都要翻大陸消費！差到冇人有！！

我們是第二次光臨此店，在第一次時，感覺已非十分滿意，麵的份量極少，湯卻滿滿的，收費與食物質素不成正比 -該店的餐牌標明是39元，加餸另付5元/每款，應該合共是44元，但卻收費46元。在下单時已特别重覆告知套餐內容，反而嫌我們嘮叨，最終真的是弄錯了!在我們用膳期間，發現有多隻蚊子在飛來飛去，而且差點飛撲掉進湯麵中，衛生環境十分欠佳!雖然多計算之銀碼雖然只是2元之差，但該店之員工態度極度恶劣，且惡言相向，仍堅持電腦不會計錯，這種騙人的手法 - 以後一定不會再來!

難以置信甘樣的環境和食物素質，兩個人食左200蚊開喺哩個地段，專門呃遊客。紫菜八寶河粉：d肉丸魚蛋都係粉頭，味精湯底， 魚皮餃仲要係餿嘅。牛腩配牛雜饭：一d都唔香唔好食，分量少得可憐，浮在淺色的味精汤裡毫無食慾

出面天氣涼颼颼，行過香港魚蛋皇就走唔甩喇😋！頭盤點咗紫菜四寶河，每樣食物咬落去都"彈牙"，魚片咁滑，魚皮餃又夠晒鮮味，鍾意佢哋個湯底，啖啖都有海洋嘅清香，飲完仲想再飲🍜。手唧魚蛋河梗係必點！嗰啲魚蛋好有嚼勁，真心感受到廚師手工嘅心思，食得出嚟。魚腐米線方面，魚腐Q軟得嚟不失咸香，joy足！米線滑溜溜嘅，易入口。喺呢間，食嘅每一啖都覺得好滿足，仲要等位都唔使等太耐，勁正！服務生都幾有善，唔會太盲忙，環境都算舒服，放工食個晚餐，減少下工作壓力，真係一流選擇👍。

以前成日收工黎食宵夜 食嚟食去都係潮式粉麵今次經過發現多咗我最鍾意既米線 😁 即刻叫左麻辣小辣墨魚頭凍檸茶少甜！比想像中好食 surprised!!不過都係偏咸 墨魚頭爽口彈牙 另外服務態度有待改善

堂食早餐但其實好想試牛腩，雖然個名叫魚蛋皇，但是菜式上魚蛋唔多。早餐套餐試左沙爹牛麵配餐肉炒蛋，牛肉嫩，湯頭喝落微辣，味道有少少深度，都ok. 咖啡勁多奶，無糖，竟然好醒神！雪菜魚片米線就無咩特色。炒蛋無得，一塊過有啲硬。早餐都唔少人來食喔。

趕時間諗住求其食落車附近見到就入去坐坐低叫左腩肉酸辣米線湯底唔酸唔辣無乜味陣味好怪又淡口酸味好似係啲嘢放到叔左嘅味米線一啲熟一啲唔熟有啲係淋有啲生到咬唔到上漏豆卜等好耐先補返腩肉普通有啲係咬唔到整體真係好差好難食杯嘢飲又太甜接近七十蚊食碗麵或者米線有好多選擇環境係有啲污糟好多嘢飛黎飛去收銀姨姨好惡會講粗口鬧客客人只係問收唔收銀仔就粗口問候左客人好耐不停鬧人無腦講嘢好大聲食到好頭痛唔會再去食強烈建議不要去

夜晚係港島做完野，有少少餓，但又唔想食飯，原本想食個快餐，但感覺又唔健康。行多一陣，經過見到有間類似魚蛋粉既麵舖，食碗粉麵都好，又唔太過飽肚，於是就入去食碗麵先回家。叫左碗牛腩麵，其實一黎到，見Ｄ牛腩斬有大半係肥膏，有Ｄ失望。整體黎講都係得４件牛腩左右。至於麵質都合格，係有小小硬。而湯底都正正常常，唔係話特別好味，但食完返到屋企好口渴。整體黎講，可以話合格，當填飽肚，頂一頂個胃，都可以既，三十幾蚊。但好味就一定稱唔上。

收工成日經過都聞到好香牛腩味今日終於去試下叫咗個豬肚雲吞酸麻米線 $53豬肚好多 有成十幾舊而且舊舊都好大舊 好爽口雲吞就兩粒 應該係自家製幾好食 唔會好粉！蝦都好新鮮！我叫咗小辣 唔會好辣 不過食多兩啖個咀都已經開始麻！麻得嚟幾好食！麵底份量好多 大碗到我都食唔晒不過略嫌啲麵有少少碎總括嚟講都抵食！

本身諗住做運動之前，簡簡單單食少少嘢先，所以就入咗去諗住叫碗麵，快快趣食完頂下肚。見到佢有酸辣麵，再加個豬頸肉先四十零蚊，諗住唔會好大碗，就諗住試下。碗麵嚟到之後，望一望先發現真係好抵食面底好多之餘，豬頸肉有差唔多成8塊左右， 仲要塊塊都好厚肉，但係又唔會韌。 酸辣湯底都好惹味，可惜辣度冇得叫小辣少少，辣到我成頭汗想食快啲都食唔到。但真係好惹味，真係忍唔住食咗大半碗，就急急腳去做運動~哈哈~好彩之後冇因為飽得滯做運動而盲腸炎

近排成日要去到灣仔工作，大部份嘅餐廳都已經試過，而今日就嚟到呢間餐廳食，不過之前係食呢度嘅早餐今次去到嘅係晚市時間，感覺餐牌又唔同咗，除咗一般嘅魚蛋粉麵之外，竟然仲可以食麻辣或者酸辣米線，仲可以按照我嘅要求要多酸少辣添，所以我就叫咗一碗我是魚皇酸辣米線加飲品等咗大約10分鐘左右，米線就嚟到，睇落去好大碗，裏面有好多配料，包括腐皮、芽菜、酸菜等等，感覺配料仲多過米線，十分豐富，至於呢碗嘅主菜就有魚蛋、魚腐同魚皮餃，全部都好彈牙，當中個人覺得最好食就係魚腐，因為真係好大舊，而且咬落去魚味好重、啖啖肉飲品方面就要左杯紅豆冰，見到紅豆差唔多佔咗成個杯嘅三分之一，好足料，而且冰嘅份量唔算多，飲落去唔算太甜，味道啱啱好，飲完已經飽曬最後埋單都唔洗$100，灣仔來講都算唔貴

大約4點幾，買了一盒什扒飯回家吃，餐牌上有牛扒，豬扒，火腿，腸仔，蛋68蚊，回到家一打開嚇了我一跳，牛扒變雞扒火腿還不見了。雞蛋也是整定干身。我太肚飯便食飯先，怎知飯實在太乾太凍士油都無幾多，我打去舖頭他同我講師父收左工，無人識整咁我話轉其他同價一係取消，又話唔可以取消，沒辦法之下叫佢換同價，我要求他送上來，我不方便再落樓，怎料換一個48蚊既紫菜四寶河這樣騙了21蚊，以為不會再幫襯。電話員工又話不識處理，又話要埋數唔關佢事。我可以用來離譜字眼

今日行過入左去食左個招牌牛腩魚蛋米，牛腩份量屬於超多，如果1個女仔都好大機會食唔曬，所以如果2個女仔食絕對可以叫1碗麵再叫小食同飯品2份食都已經可以。男他食就絕對飽肚。牛腩質素尚可但如果可以再軟身一D就更加好，魚蛋方面就幾彈牙，食得出係有質素同新鮮，絕對唔係超市魚蛋質素。價錢方面合理，唔算貴。地點方便易搵，環境方面以食魚蛋粉類來說算是整潔衛生，而餐具座位都比較新同乾淨，座位又唔會太逼。如果要快食，都係一個唔錯選擇。

天氣太熱，真係冇心機食大餐，食碗魚蛋粉麵就係最正！我叫嘅係，Hong Kong styled Fish balls with sliced squid's head with noodles, 魚蛋拼墨魚頭撈粗麵(蠔油汁) + 凍檸檬茶。魚蛋拼墨魚頭撈粗麵(蠔油汁)，墨魚頭好有鮮味，夠爽口，而且份量多；魚蛋有三粒，魚片都有三片，爽口彈牙，好有魚味，係鹹香嘅魚鮮味；配合蠔油撈麵，係好正嘅一餐，真真正正係香港漁村，艇家嘅味。凍檸檬茶，完全係消暑良伴，正！