馬來亞春色綠野景緻艷雅 (已結業)

誤打誤撞搵到間美食，由於這陣子要去柴灣醫院探親人，星期六的下午便想找一找柴灣的美食！地點在祥達中心6樓，都算是近地鐵站的，但由於他們沒有很多招牌，所以如果不是上OpenRice找的也未必會看到！店鋪不算很大，可以坐到20－25人左右！剛好是差不多落場時間，我們很快便點了餐。但也基於快落埸，所以想吃的都賣光光了！老公本身想吃Nasi Lemak 但都沒有了。巴東牛肉蔥油飯 ＄68原理跟Nasi Lemark椰漿飯有點似，因為都是汁撈飯的感覺，但吃著不會太酒膩！但也很特別，他們的巴東牛肉味道很濃，配了醬汁更加滋味。還有青瓜及花生作配菜，可以隨時清一清味蕾！咖喱海鮮叻沙麵 ＄66一上檯我已經覺得很驚喜了，看到湯的色水已經覺得不得了！叻沙湯的非常深色，不是普通一般的叻沙，因為他們用了椰奶咖喱湯頭，使用多種咖喱香料混合而成的。材料非常豐富，本身就包了魚片，雞蛋，豆卜及芽菜，當然是海鮮為主材料，有蝦，有蟹柳及魚餅等等。可以看到整個豆卜滲透著濃濃的叻沙湯！還是用了油麵跟米粉，這是正宗的做法，麵質彈牙，兩隻麵吃落並沒有遺和感！簡單的說，這是我吃過最好吃的叻沙！洛神紅莓 ＄16味道很足夠，不會很淡，女士

呢日係颱風山竹襲港的前一日，四週圍都熱到爆炸  今日放假既肥鴿決定落街食個午飯，諗起一直未試過柴灣區開左一段時間既肉骨茶，決定去試一試。食店位置雖然係工業區，但其實都近住華廈村，離柴灣地鐵站都只係5分鐘路程到。呢個店舖最出名既當然係佢既招牌肉骨茶啦，但除左肉骨茶外，都仲有喇沙或者其他散叫食物。第一次黎到，肥鴿就叫左個最正宗既肉骨茶餐  等左10分鐘到就黎啦肉骨茶餐除左有一大盤肉骨茶外，仲有附送既油飯同醬料。呢到既肉骨茶係以藥材為主，據稱會用上多款藥材。肥鴿以前係新加坡都試過當地既肉骨茶，佢地胡椒味相對上比較重，會以為自己食緊胡椒豬肚湯，個人就不太鐘意  反而呢到以藥材為主，食落除左有藥材的回甘亦有少許甜味，比較容易入口 肉骨茶以瓦煲盛載，上菜既時候熱辣辣。入邊除左有四大條豬肋骨外，亦有冬菇、豆卜、腐竹、生菜等材料，份量非常足夠。豬肋骨肥瘦有D唔平均，不過整體上肉質都幾細膩。豆卜、腐竹等吸哂肉骨茶既湯汁，變到好惹味  又可以把湯汁滴落油飯，飯粒吸收了湯汁和蔥油的雙重精華，令本來平凡的飯粒變得美味。醬油碟上面除左有點豬肉用既醬油膏同辣椒，仲有幾片油炸鬼，點落湯到由脆變稔，相當有趣  呢間食

朋友介紹我去一間工廠大廈內的馬來西亞餐廳， 原來歷史好悠久， 第一次去當然要試吓招牌菜啦。我就試咗肉骨茶套餐， 果然味道唔錯， 而且份量好足夠👍🏻之後仲試咗甜品，榴槤炸彈😬，可以一試。因為餐廳員工不多，而且經常滿座，繁忙時段要預多少少時間去等位。

看到報導一直想過來一試這裏的肉骨茶。標榜的是真材實料，我信；但， 那又如何？入口是濃濃的藥材味，然後就是酸味，感覺就像醬油煲太久了的酸味；而且，濃烈的藥材味湯配飯，個人口味，不懂欣賞，試過就算。

這間之前某報章介紹過，一直想試，但因為時間關係沒有去，今日難得有空。早前報章曾說出菜很慢，因為只有一位老闆娘親自主理，但今日見到有三四位員工，店舖位於柴灣附近地鐵工廈，面積比我想像中大，下午一點去到已坐滿客人，餐牌有多款喇沙湯麵/飯，招牌菜肉骨茶。我跟朋友都點了肉骨茶，肉骨茶是老闆娘的家傳秘方，我想應該不差，大約等了十分鐘，深色的肉骨茶配上飯，肉骨茶味道是很濃，排骨很不錯，不過飯就有點難食，飲品洛神紅莓茶也非常淡，有改善空間。總評：沒有想像中好食

快樂的星期五當然要吃好東西。這間馬來西亞餐廳位於公司附近的一座工廠大廈內，由柴灣地鐵站A出口步行5分鐘便到達。之前是從facebook的宣傳得知它最出名是肉骨茶。一般街外的肉骨茶雖然藥材味是有的，但味道會偏淡。所以到了那店當然是叫了肉骨茶比較一下。上菜速度算是快，稍等了一回就有東西吃。台面上的菜單有教食客吃肉骨茶的建議步驟。先飲一口湯，再把紅辣椒和薑放在黑醬油內，吃排骨時點些。而把肉骨茶加在飯內一起吃，又是另一個味道。 這間的肉骨茶藥材味十分突出和濃郁，而排骨也十分入味。我也喜歡黑醬油點排骨的吃法。我們還點了喇沙。它較一般街外的喇沙少了些椰汁，辣味偏重，再加上其他香料，令整碗麵都十分好吃。而巴東牛偏甜，十分惹味。這是一間小店，樓面只有一位店員招呼，所以食客要耐心等待點餐。欣賞小店對食物水準的執着，也很喜歡這裡充滿馬來西亞風情的佈置。一定會再來！

不嬲對星馬嘢食都好有興趣，而呢間食馬來西亞嘢既餐廳就同公司搭短程車就到，所以想食好耐，不過晚市平日既話就只開星期五晚，今年終於星期五收工得閒去食呢間餐廳啦。佢位於離地鐵站不遠既工業大廈，落咗車之後行幾步就去到。一入到去已經見到大馬國旗，感覺會食到好正宗既大馬菜式。因為餐牌上好推薦沙肉骨茶 ($72)，而且自己本身都幾鐘意，所以同朋友都揀咗呢個，有晒幾個醬料，而餐牌有好詳細咁介紹食既步驟。佢飯係用油飯，連埋湯食更加正，而骨都好大舊好多肉，肉都好林，幾鐘意，而湯都好濃味。我地仲叫咗個沙嗲雞肉($54)，有六串，雞肉好厚肉又好林

友人在柴灣上班，他強烈推介一家只做星期五六晚市的馬來餐廳。特意騰空某個星期五晚，跟友人來到柴灣工業區覓食。環境充滿馬來風味，貼滿馬來西亞國旗及馬來西亞剪報。餐牌上全是各式各樣的馬拉食品，我和友人不約而同點了招牌菜 - 正宗巴生肉骨茶。老闆很貼心地寫了肉骨茶的食法，保證食客跟足正宗的食法。沙嗲串燒 - 沙嗲醬很香花生味，肉質鮮嫩。個人獨愛馬拉肉骨茶，鍾情其藥膳味。相反，星洲肉骨茶太重胡椒味，不太喜歡。排骨非常大塊，點了醬油很惹味。油炸鬼浸在湯中，吸收了精華，夠入味。整體來說很滿意，服務亦不錯，支持小店！

其實係工廠區隱藏左好多不同的餐廳。今次同同事一行三人來到柴灣地鐵站附近的工廈搵食。可能我地放Lunch時間較早，上到去只得兩枱客。由於我地都超鍾意肉骨茶，所以一坐下即落單要3份肉骨茶套餐。期待的原鍋肉骨茶好快地送到我地面前。嘩！見到已流晒口水先來一啖濃濃的肉骨茶湯。正鍋內有足味的湯、排骨、仲有嗦晒濃湯的油豆腐同埋腐竹、生菜再配返一大碗蔥油飯、同埋有油條。蒜蓉辣椒同醬油混合埋用來沾排骨，真的很好味整個套餐真係好足料。大胃王的我地，好快咁已將整個餐KO晒，湯一滴都無浪費，飲晒。眼見食客也越來越多，仲要等位，我地三個都好快埋單，不阻其他食客來品嚐這美食。*在用餐其間，留意到大部分食客都係order 肉骨茶套餐下次要試下佢其他套餐先得

今日，難得森仔放假，就同媽媽係柴灣食好西！之前係網路上見到e間餐廳大受好評，去幾次都冇開。今日放假，打定電話去問下有冇開，再去試一試。當森仔知道有開就換衫去食。餐廳係工商業大廈，上到去第一眼真係未必搵到。但係入到餐廳，環境幾廣闊，個view都唔錯。光線充足，應該容納到30人左右。果到裝潢好靚，牆身有張大老處同舖頭名，另有國旗！睇佢個餐牌亦都好用心，有各種馬來西亞美食同主打肉骨茶的進食方法和所含食材。我和媽媽緊係要試下佢個主力肉骨茶套餐和另外叫左一個海鮮叻沙參參餐。肉骨茶套餐係個鍋甘上，包含了三件肉骨，豆卜，油炸鬼，支竹，菜等。另外有黑甜豉油加蒜蓉辣椒🌶️。仲配有葱油飯和洛神花茶。味道方面，好重藥材味，同埋都偏濃味。就算如我濃味怪，都係飲一碗就夠了，不過味道算係幾好的！而肉骨點了蒜蓉甜醬油就真係好好食，夾埋飯黎食，一流！葱油飯，本身已有一定的味道，但不會好咸，反而有淡淡的葱油香味👍🏼落埋d肉骨茶，一齊拌住食，味道剛剛好！海鮮叻沙麵餐，就有兩隻蝦，蟹柳，豆卜，魚片。而我選了參參，即係油面加粉絲，吸了個湯底，好入叻沙味，正！而佢個湯底，唔太咸，亦重椰奶味，我喜歡👍🏼👍🏼😘😘最後，佢杯洛神花茶亦

🎼#馬來亞春色綠野景緻艷雅 🌴🎤細細個，就聽過依首歌😆 從前阿爸既CD 機成日播今日同男朋友黎柴灣睇戲，之後上網搵好野食絕對係餐廳名吸引左我地黎👫-餐廳位於🇲🇾祥利中心，好近地鐵🚇站A出口地點方便。一打開餐廳門，好似去左馬來西亞咁，仲有陣陣撲鼻既叻沙咖哩香。餐牌選擇都多🤤-❤️正宗巴生肉骨茶 🌟養生湯膳➡️用肉排熬製多個小時既濃湯➡️伴蔥油飯🍚/油條蘸湯來吃 ，好滋味 😋-❤️咖哩海鮮喇沙麵 （油麵+米粉）➡️炸魚片|🥚|豆卜|芽菜|🦐➡️椰奶咖哩湯超香濃 麵條煙韌爽口、好味到連湯到飲哂 🤪-❤️椰子🥥啫喱冰 ☀️夏日炎炎，poster 上的椰子冰好吸引加上睇食評都很多人介紹所以餐後都叫左個做飯後甜點➡️椰奶整成啫喱，仲有啖啖香甜爽口椰子肉 消暑佳品-令人回味既馬來亞風味好期待下次再黎❤️

聽到評語好好，一直想試又奈何假日休息，苦無機會！昨晚終於有機會，晚上 7:45pm 抵達餐廳已八成滿，餐牌不是很多選擇但我們依然花了不少時間才決定叫甚麼，我遞了手示意落單而職員亦回應要等一下，原本她去了另一枱落單之後我以為會過來一併落單，可是她進了㕑房，再送餐出來又走去另一枱加單，就這樣我們坐了數分鐘也依然沒有過來！一個人做樓面我也知要有點耐性，但眼看她已去了兩枱落單和加單也不過來幫我們落單，真是激氣！况且她們好像九點多關門，也要預一點時間給我們用膳吧！這樣的服務就算多好食也沒用！希望她們可以改善下。

之前「蘋果日報」訪問呢間餐廳老闆娘，經營馬來西亞餐廳一腳踢，所有野都親力親為，以致營業時間短促，但一切都是為了對正宗馬拉肉骨茶的執著。看畢訪問，便立即快馬加鞭到佢間餐廳，一嚐她的堅持。第一次去，餐廳迫滿食客，侍應亦對剛到步的食客行「送客令」，所有肉骨茶均售罄。第二次來，book定位，入去就座點菜，十分期待呢。當然是點「正宗巴生肉骨茶」啦！等了又等，等了又等⋯是40分鐘的時間。對打工仔來說也太奢侈了。迅速的進餐，味道濃郁美味，和我之前在當地食的肉骨茶相若，藥材、調味均十分到位，豬骨亦嫩，十分入味。十分欣賞老闆娘對食物的堅持，為了不讓秘方外泄，每事親力親為，食客有口福了。但急促節奏的香港人，未能每刻享受慢生活，害怕遲到的心情往往破壞了原本食物的質素。都係個句，放假就過來食啦。

有朋自遠(三藩市)方來港旅遊，一心希望試試香港的另類特色，我們仨人便想到在前工廠大廈找找新意思。多年來，香港在不同的區域，如荔枝角、火炭、歡塘等，活化了不少工廠大廈，由於租金較一般的零售旺區便宜，不少性價比高的食市餐廳便應運而生。這個三藩市來的朋友吃了多天的中國菜，但在回美前又不想多吃西餐和日本菜，他便想到了吃馬拉菜的肉骨茶。在一個香港生活的馬拉朋友介紹下，我們便去了一所位於柴灣工廠大廈內的馬拉餐廳吃晚飯，餐廳裝修非常簡樸，只有木枱木椅和寫在牆上餐廳的名字，一點也不花巧。在餐桌上的餐牌也非常精簡：餐牌上最大的一幅圖片就是肉骨茶，另外亦有不同的小吃、主菜、麵、飯和飲品類。既然我們來是吃肉骨茶，我們每人也點了一份給自己，另外再加些小吃和蔬菜讓大家分享。小食拼盤：拼盤內有四種不同小食，如炸魚餅、越式春捲等，由於它們需時不同，所以等候時間亦較長，這拼盤質量只屬中規中矩，可選別的。沙爹串：選擇有牛、雞、豬；肉燒得有點焦香，沒有過多的沙爹醬汁，吃下來亦不油膩，可以一試。肉骨茶的肉排煮得腍，湯味的淡淡藥材香氣撲鼻而來，喝下去味道濃淡有致，湯內還有冬菇、豆卜、枝竹，跟餐的還配有蔥油飯，油條和生蒜紅椒醬

早前在網上見果籽（好似係）介紹過，好似幾吸引，終於抽到時間一試（此店營業時間非常短，星期日又休息）又真係估唔到工廈會有間咁既馬來西亞餐廳，大大枝國旗，整體裝潢簡單普通，不過地方空間感大，光線充足，感覺舒服店裡人手雖少，不過食物選擇都幾多先試據說係祖上秘傳既肉骨茶，肉骨茶整體偏甜多於偏咸，略有回甘，肉味較坊間淡。蔥油飯就十分普通，並無特別。巴東牛肉飯，牛肉入味唔痴牙，味道唔算太濃太重口味，都算唔錯串燒就有意外驚喜，燒得剛剛好脆邊香口，內裡仍有相當多肉汁，沙爹汁亦惹味適中，唔會太重口味蓋過肉味雞肉叻沙，我認為都做得唔錯，味道比遷去觀碼既拿督星馬做得出色，而且份量好足好大碗，非常惹味香濃，值得一讚小食拼盤，全部都熱辣辣上碟，唔係預先炸定，人多可以一試白咖啡都唔錯，幾白濃幼滑，不過略略遜色於拿督星馬，因為白咖啡面上的顆粒有點少整體而言，對於缺乏異國菜式既柴灣區黎講，依間餐廳都必定屬於異軍突起，而且過江龍實力都唔差，價錢唔算貴，希望佢可以繼續支撐落去