影片
营业时间
今日营业
11:30 - 22:00
星期一至日
11:30 - 22:00
以上资料只供参考，请与餐厅确认详情
今日去左元朗途经顺福粮仓，被商场外型吸引，依度有几间餐厅，我地就拣选星马菜嘅马六，见到店名就知道系主打马六甲海峡美食嘅餐厅啦！入到店内，带点异国风情设计，像用上星马餐厅常见嘅蓝绿色调，装修及环境都不错。厚切猪扒喇沙掺掺 $58上枱已经闻到阵阵椰香，喇沙汤香浓，加上放满食材，满满一大碗，很吸引。猪扒真系几厚，香脆松软，肉质嫩滑；而汤里无大量油光，感觉唔太油腻，稀稠度适中，啖啖椰香味，入口顺喉，味道唔错。面底系掺掺，即系米粉同油面，两样都煮得啱啱好，好入味，掺掺配埋干葱一齐食，好夹。 马六鱼三宝槟城虾面 $52初次尝试槟城虾面，口味亦非常地道，橙红色汤底，带少少辣，远远便飘来阵阵香味，香料味调配恰到好处，而且最难得嘅系饮多几啖，都唔觉油腻。鱼三宝有鱼丸、鱼条同鱼皮，鱼丸与鱼条味道鲜美，鱼皮香脆可口，吸满汤汁嘅豆卜，还有半只唐心蛋，加上槟城风味嘅虾面，惹味十足。班兰咖央多士 $28多士有好厚嘅牛油，斑兰咖央酱甜甜地，甜度啱啱好，带点椰香味，多士烘得松脆，有脆薄嘅口感。娘惹五香鸡卷 (+$22)五香鸡卷外层香脆，鸡肉够滑，香料惹味，腌制得恰到好处。新加坡咸蛋黄鱼皮 (+$22)金黄香脆可口嘅炸鱼皮，鱼味香浓，外层沾满咸蛋黄酱，松脆惹味，食到停唔到呢。美禄哥斯拉 (+$8)好浓郁嘅美禄哥斯拉，面层铺满特别香嘅朱古力粉，仲有美禄脆脆球，份量都几多，有得饮又有得食，真满足！老街椰汁冰 (+$8)椰汁冰非常清凉解渴，椰汁味够浓够滑，香甜可口，冰冰凉凉，好解腻。马来手工拉茶手工拉茶味道唔错，入口带浓郁炼奶香，风味独特。
继续阅读
我想食掺掺，阿妈想食海南鸡，去返一路食开嘅”马六”就唔使烦，一来水准稳定，二来价钱合理💥烧鸭喇沙掺掺首先个样已经好吸引🤤喇沙最重要系个汤，汤底好香好浓椰奶味，又不失微辣，惹味；烧鸭份量比预期中多，肉质扎实但不柴面底拣咗掺掺（油面+米粉），侍应话拣净油面或净米粉都得；选用嘅粗米粉富弹性又滑身，油面有咬口唔会太淋，吸晒汤精华💥马六无骨海南鸡饭全部去骨，懒人啱晒，鸡肉食落几滑几有鸡味，鸡油饭处理得妥当，跟三款酱汁包括黑豉油、姜蓉同酸辣酱，个黑豉油my favourite💥斑兰咖央多士下午茶连热饮$28蚊仲唔使加一，抵食！一大片牛油再夹咖央酱，咖央好香但唔会死甜，多士烘底无得输，gimmick系加咗斑兰💥娘惹萝卜饼啱啱炸好热腾腾辣嘴时最好食😋萝卜丝爽甜，松化💥马来黑酱油叉烧酱油甜甜地，叉烧不是肥叉，有啲嚼劲💥热桔仔话梅水酸中带甘，润喉解腻💥冻美禄哥斯拉好饮呀～～加美禄粉有口感🌼下午茶餐牌
继续阅读
今日中午难得下昼冇嘢做行过顺福粮仓见到马六，有户外位见天气唔系好热就坐出门口食，上面有吊扇唔会话好热，而且有晒充满槟城风情嘅藤椅都几好feel午市饭都几抵食，拣咗个佢哋招牌无骨海南鸡饭拼喇沙马六无骨海南鸡饭 海南鸡做到嫩滑可口，经过上汤浸煮，皮薄爽滑槟城虾汤面 虾面是马来西亚代表性的传统面食之一，利用虾壳及辣椒熬煮成赤红辛辣汤底，色香俱全的虾面入口后即刻刺激味蕾！香橙冰茶，加咗$3几有茶味🤣📍马六Malacca Cuisine元朗寿富街60号顺福粮仓地下G24号舖
继续阅读
讲到新加坡菜，元朗既马六大推✨！ 招牌马来黑酱油叉烧捞粗🍜，叉烧嫩到似熔喺口，咬下去juicy爆汁，配上黑酱油嘅浓香微甜同捞粗嘅弹牙口感，夹到天衣无缝，食完一啖即刻想encore🤤！无得输💪！ 仲有大虾喇沙掺掺🍤🌶️，汤底浓郁带辣，椰香扑鼻，大虾爽口弹牙，啜一啖汤暖胃又过瘾，辣得来好爽🌪️！ 脆炸鲜奶🥛炸得外脆内软，奶香四溢，咬落去热辣辣又creamy，幸福感爆棚😍。 甜品嘅斑兰咖央多士🍞，斑兰香气同咖央嘅甜滑一拍即合，食到舔手指咁满足🌴。重点！价钱不贵！！
继续阅读
抵食下午茶餐3人食3个餐二佰蚊有找😆🥪斑兰咖央牛油多士$28斑兰多士烘得香脆，咖央酱略甜。🐔马六无骨海南鸡饭$65海南鸡已经去咗骨，啖啖肉，肉质嫩鸡皮滑，配三色酱汁，鸡油饭香喷喷。🍜巴生肉骨茶米粉$52肉骨茶汤底带淡淡药材味，2条排骨、豆卜、枝竹、杞子，米粉份量颇多。追加小食鸡肉串烧（2串）$22鸡肉串烧烤得外焦内嫩，搭配沙爹酱汁吃。娘惹萝卜饼 $16洋葱🧅红萝卜🥕切丝，炸至金黄酥脆的萝卜丝饼，口感有点像炸天妇罗。☕️桔仔红茶桔仔微微酸甜味。🦕美禄哥斯拉 + $8浓郁美禄，童年回忆。🥥老街椰汁冰 +$8椰汁沙冰，椰味十足。
继续阅读