馬六

营业中

休息中

番工忙到無得食晏！😭 放工諗住慰勞下，點知一啲都唔療癒，我都知圖只能參考，但過分左… 如果我知情我仲會揀咩，個客無比$咩？ 咁價錢係米都參考下就得？ 作為肚餓既i人，😳 鼓起勇氣問份量真係得咁多呀？ 大大聲問廚房，然後同我講再三確認係咁… 我錯？ 我番去住面唔好？😅 食完又肚餓又灰，我都係想食正常厚度既豬頸肉啫😞

差唔多每日下午茶都要唸喺灣仔食乜嘢😂呢間呢我都嚟過幾次，平時呢食開海南雞飯，今次就食海南雞清雞湯米粉，湯底清清地幾好，配料仲有豆腐卜，豆角，溏心蛋，仲有蔥蒜更加入味！雞件好嫩滑，米粉塑晒啲湯好入味！斑斕咖央多士：呢個差唔多每次都必食，多士烘到好脆，中間夾住咖央醬和厚牛油，食落去充滿椰香同甜味飲品揀咗熱吉仔話梅水，呢個不用加錢，潤喉又好飲環境幾舒服，店員親切有禮，店員就會歡迎光臨，通常一個人不用搭枱😜

呢碗唔熱又硬身既湯米粉食完個肚仔有少少感覺！一來湯底無味又唔熱起晒油！豆卜生到乜咁，食落口同去街市買返來生食無分別！米粉無煮熟，硬到飛起仲有啲豆青味，完全無熟透難食到呢，好唔值呀！雖然話係下午茶，得個$48，但食完個身體唔係好接受到！仲嘰哩咕嚕！仲有明明叫左香茅紅茶但俾左奶茶坐既位置又有滴水

開咗咁耐,都係第一次食😆係呢排想食得健康啲,就會諗起海南雞飯☺️今次就試吓佢個無骨海南雞飯,個樣望落都幾討好,啲肉食落都唔孩,啲皮下面都冇乜肥膏☺️啲飯係我中意嘅質感,係突然有兩三啖特別淋之外,我覺得個飯幾好食,湯味道剛好不咸不淡加咗蟲草花,我又連飯一齊食,很對我胃口叫咗杯熱桂圓紅棗茶,清甜好味道,食完飯飲仍然熱呼呼😆飯腳的海南雞清湯米啲雞肉感覺上就比較孩同份量少啲🤔

如題，我仲要第二次叫，俾多次機會佢地，叫俾多啲湯同辣粉，黎到乜都無，打返去淨係話：喔，可能佢地5記得左！大佬，你餐其實唔平架，可以做好啲？百幾蚊食垃圾！真心嬲！

啲飯硬到咬唔到，食多兩啖都哽胃。紫菜湯都OK，有少少沙。雞就普普通通冇特別，醬汁偏鹹。職員服務尚可。上網search先知原來呢間舖頭有分店，唔知係咪因為啱啱開舖，所以啲飯搞成咁。

平日Lunch時間經過打算幫襯，見仲有吉位，問店員有冇檯。店員俾張飛我，我見都仲有位，問佢要等幾耐。佢勁串嘴話：「有人坐起身咪有囉」其實答唔到唔緊要，咪講一句「有位通知你/麻煩等多一陣」點解要咁嘅態度？我一直好有禮貌，佢答唔到我我都有耐心等候，亦冇再問佢/作任何催促。但隔咗幾秒佢竟然趕我出門，叫我唔好喺餐廳入面等，話：「小姐你出返去啦，你咁樣都無補於事。」如果店員禮貌請客人喺店外等嗌飛，我完全唔介意，但入面同出面都冇其他人等位，餐廳亦冇貼告示寫喺邊度等，出面仲落緊雨，係咪要咁樣趕人出去？店員個態度真係差到離晒大譜，我即刻嬲到擺低張飛就走人。以後唔會幫襯。

5:55入到去 已經即刻用電話用QR code 自己落單 5:59個戴眼鏡似係男經理即刻收走下午茶餐牌 咁我仲差一個餐未落到 （個陣啱啱6:00）同佢講 佢就勁唔耐 講話幫我哋落埋 😡服務態度唔好 好差😠😠😠

今日和家姐去吃钣，入了一間湾仔的餐室，他們主打吃海南雞飯和新加坡喇沙賣相幾正，食到喇沙超正，好有椰香味，辣味適中，味道濃郁，足料，但海南雞味道一般，白咖啡味普通，兩拼92元，贵了一點，如果下次會單叫喇沙。另外叫咗茶燻鴨飯好普通下次來，最好只吃喇沙！

今日同朋友去灣仔參加活動，大約一小時午飯時間，就入黎呢間馬六食個快飯。雖然係星期日，但到左午飯時間店員都會好緊張好趕咁。唔好太掩尖，侍應比咩位你就坐咩位。我地叫左四個餐，都上得幾快，不過食物就好一般，冇話特別好味非食不可。海南雞飯 $75本人就覺得大X樂50幾蚊好味過呢度好多。海南雞清湯米粉 $66可以另外叫店員比醬汁你。大蝦喇沙摻摻 $78如果想食好熱辣辣的麵，呢個應該唔啱你。咖哩豬頸肉配米飯 $75原來咁少汁，豬頸肉就算多。飲品黎講，非常推介熱桔仔話梅水，好開胃！我朋友就另外加$8叫了杯美祿哥斯拉，不過就唔係好知佢邊忽似哥斯拉喇。總結：灣仔呢區想快食就唔好太高要求～

偶爾經過灣仔，見到呢間食馬拉菜的於是入去。見到菜單有少少驚喜。大多套餐在七十幾，比快餐店略貴，但勝在都跟馬拉飲品，驚喜在於可以叫海南雞飯拼肉骨茶。雙拼最適合我呢啲貪心的香港人，都只是$92。雞飯正常，三色醬跟油飯，比快餐店的好食少少，雞應該是冰鮮，雞味濃配辣醬有啲啲腥。肉骨茶是馬拉風味的藥材味，有原條一字排，味香濃，性價比高。跟餐我叫了杯熱的桂圓紅棗茶，不會太甜(凍飲+$3，特飲+$8，正常不會太離譜)。店面較小，環境舒服，平日十二點多就開始滿座，除左收枱太快基本都十分滿意。再有機會，我一定會再幫襯。因為滿意，我覺得值得分享呢一編食評。

同阿女去完灣仔睇醫生，行過見到馬六咁就去食下啦！叫左大蝦喇沙摻摻，都幾足料，有蝦，魚片，豆卜，雞蛋，豆角，但一夾起發覺蝦全部都得半，魚片切條，其實一隻都唔係好貴咋？！切一半真係好少餸囉！另外米粉定粉絲吸水力好強，好快碗面就冇乜湯，好濃味啦！另外我地仲叫左咖哩豬扒配米飯，汁另上，因要就返小朋友一齊食，好彩又比汁另上。呢個飯賣相都幾好，豬扒都厚切，咖哩汁又好野味，係送飯嘅良品，另外仲有花生同魚仔，成件事好好食。

今天再次到馬六食晏，一向都覺得呢間嘢。食物ok 的，價錢亦可以。但其實服務員的表現，都好影響我揀餐廳嘅條件之一。今日，見到有位婆婆坐住輪椅，應該是家人或佢呀女推佢入嚟。 那位家人向職員要求想坐較入面空間可以放到坐住輪椅的婆婆。 女職員都十分合作，把椅子拉走。 但突然有位男經理走過去，跟女職員講了兩句話後，女職員就把椅子放回原位。而那位男經理， 竟然向那疑似兩母女的客人說，因為無位可拉走椅子讓婆婆輪椅推進去，除非婆婆能自己坐到椅子上，把輪椅收起。那位男經理的表現， 明顯是不會拉走椅子讓輪椅進入。 呢一個場面，作為旁觀者的我，實在都看不過眼。 可憐的婆婆，要被人岐視。正當我想起身幫口時， 那兩母女卻慢慢離開。 唉，一間這樣歧視老人家的餐廳，真的不會再幫襯。太過份了。食物ok 又如何？？？

於一個苦悶的下午，慢步在灣仔的行人道上，正苦惱著間間小食店下午套餐都千篇一律，興趣缺缺。路過「馬六」，見腳仔軟軟，就放棄思考，入去坐低隨便食餐店內空空如也，坐底唔夠5秒立即有位娘裏娘氣的男店員送上餐牌，聽著有點不適，反正如此，不如就應境叫個娘惹茶燻鴨飯，可能客少，唔洗5分鐘就出住煙咁應聲上枱姜黃飯，紫菜湯，燻鴨配三醬外加朱古力脆脆美綠。飯量不太多，而且比較乾身所以紫菜湯變得相當重要，但重要的是鴨的部分；肉汁豐盈，肉質嫩滑，味道濃郁但可惜全是鴨胸皮脂充裕，少食多滋味😌埋單70蚊，整體滿意，可以再試😀

喺灣仔附近出沒，一個人食，本身鍾意食馬來西亞野，咁就入黎試下。一入嚟啲人就唔俾我坐大枱，但明明成間舖都冇乜人，感覺呢度啲員工唔係好歡迎有人入嚟食嘢。野食黎得好慢，叫咗個豬扒麵，明明間舖都冇乜食客，但都等咗好耐，我一路望住個出菜位… 終於等到有得食，但個面係浸腍晒，個豬扒有浸雪藏味，係食落有種好古怪嘅感覺。幫我停晒手之後，佢好快就有員工來收走我啲碟，上菜咁慢，但收碟就咁快，好似好想我快啲走咁，真心覺得呢間嘢啲員工好唔歡迎客人…未必會再黎