馬哥孛羅咖啡廳

其實酒店如果要做staycation，所以唔捨得refill食物或用d無味既海鮮黎招呼客人，就唔好做散客啦，比完錢要同人搶食物都係第一次，扒類完全唔熱，麵包硬到食唔到，蛋糕好似吸左水咁濕立立，食物質素真係有待改善；水吧的員工企埋一邊㩒手機，其他員工對眼只會望向前，唔識望檯，最後直頭唔收碟，最搞笑，去到八點，多個取碟區已經無放碟，可能唔預大家會再拎食物掛。以前經常幫趁太子酒店Add的，諗住同一集團，應該水準差不多，點知真係差囉

因為海港城有coupon滿$200減$100，所以諗住同老公食好少少，所以簡左呢間自助餐試下，點知就出事，選擇又少又唔好食，冷盤海鮮只有4款，係個龍蝦鉗比較好少少，其他都冇鮮味唔好食，熟食有20款左右，但熟食的菜式大部分都係三餸飯啲平價款式，甜品款式一啲都唔吸引，最後埋單折左都要$925，如果用呢個價錢食呢啲質素既野，cp值極低勁唔抵，唔明點解仲會有人食，我同老公決定之後唔會再黎。blacklist

馬哥孛羅酒店既staycation海港城一直有出半價coupon係marco polo既自助餐都可以用得到雖然港威個自助餐好似感覺比較好但一黎未去過cafe marco二黎又想試下marco polo既餐廳就book左cafe marco自費食個lunch buffet第二日去cucina sunday brunch先用package既dining credit咁樣兩日一夜既端午節假期就食左兩間buffet自助午餐由十二點食到兩點半因為遲左少少去而且又係自費食就費事去櫃檯搞埋手續寄存行李直接入去自助餐餐廳cafe marco有兩個入口一個係客房電梯一樓出lift另一個係海港城地下個連卡佛入口上一層樓梯就係其實都有諗過質素好一般但成個marco polo只有三間餐廳一間意大利餐廳一間自助餐廳同埋一個八婆下午茶餐廳就只有揀左意大利餐廳cucina同自助餐廳cafe marco不過減番海港城cupcon平均都係每人二百五左右都算抵食就試埋佢cafe marco樓底好矮而且完全無窗景感覺有少少焗促不過位同位相隔都算開檯亦都大張同cafe too有得揮算係坐得幾舒服仲夠晒位擺行李檯面上亦都放左兩

服務ok 但其他麻麻首先成個自助餐攞野食嘅地方一眼睇哂 選擇唔多 而且自助餐開始嘅時候有啲食物仲未準備好 例如見到有客人自己打開個蓋 先打開埋其他食物嘅蓋 朱古力噴泉我食到走都無見過佢噴食物味道可以 但每枱都送嘅焗龍蝦極腥甜品同飲品都比人一種放題感覺 甜品味道可以 飲品都係自己沖咖啡奶茶 有果汁 覺得佢似放題係因為放左一盤罐裝飲品 忌廉梳打 錫蘭檸檬茶之類因為場地本身唔大 個日都幾full 而且有一邊出口係商場 比人感覺都幾嘈staycation plan去食 本身包埋早餐 但因為晚餐太失望 無去食早餐 如果唔係2個人1300蚊真係幾唔抵明白可能疫情影響 要減成本 但真係好失望總括而言 唔會再去

真係好一般的自助餐，如果不是全單七折，成人$588一D都唔抵，食物選擇不多，甜品蛋糕超級超級甘甜，好難入口，相信以後唔會再嚟！我今日只食了以下幾樣野，其他根本食不入口

第四次去MaroPolo 食自助餐，相比之下食物種類唔算太多選擇，但勝在價錢合理👍🏻環境及服務亦算好。每次去都必食「豬腳薑」完全無失水準，好入味好淋，讚讚讚⋯甜品區亦係我至愛，都算多選擇，每次都要食返夠本先肯停口🤣不過，要改善既就係海鮮區同生蠔🦪！海鮮選擇唔多，而生蠔亦唔係新鮮即開，同埋比較細隻。不過，價錢、食物款式、服務、環境整體加埋都可以接受☺️下次再有優惠，都會再同屋企人/朋友一齊去食⋯

補講返之前冇耐去馬哥孛羅咖啡廳食嘅五星級buffet~由於換咗電話冇耐所以啲相好多都搵唔返淨係留返張食甜品嘅不過都已經好夠我覺得呢度最出色嘅係啲甜品~因為個場比較大拎嘢食嘅地方可能行耐咗其他方面都一般般比較好嘅係啲甜品~

最近呢間buffet 最近好多負評, 我本以為可能佢marketing budget少唔信邪, 親身試伏食物lunch三百幾一位, 冇生蠔冇龍蝦, 有長腳蟹, 螺, OK最唔掂一定係刺身, 未食過咁差, 種類少, 唔新鮮都算,吞拿魚的筋多到呢八爪魚更加係我食過最難嚼, 韌到哭泣, 阿婆咬到牙都就黎甩超市買到既刺身都好過佢熟食熟食種類不算少, 沙律bar目測佔約5分1,有一些不太受歡迎的食物, 如kebab, 完全冇人食有一個咖哩corner, 可惜都係又乾又鞋, 唔得當日印象較佳的是豬腳薑吧, 不錯, 味濃有咬口,  其他就真係乏善足陳。甜品出乎意料係合格以上, 選擇多, 可惜有部分擺响牆邊雪櫃, 冇琳琅滿目既效果, 實屬可惜。芝士蛋糕本不錯, 惜加了不夾的柚子, 酸上加酸。雪櫃雖是Haagen dazs, 味道選擇亦多,可惜部分味如tiramisu味, 表面竟有一層半融的液體, 啡啡灰灰, 看到也倒胃口環境環境比較昏暗, (不是有情調嗰隻暗)部分擺檯位置古怪, 拎食物動線好唔順暢,經常感覺有人要响你旁邊擦身而過.然後廁所係要走出去商場舊式嗰隻.作為五星酒店, 有啲難接受咁既Setti

選擇上呢間咖啡廳之前，係openrice已儲咗唔少負評，但貴為五星級嘅酒店真係差成咁嗎？最後都係膽粗粗用咗海港城嘅conpon試下係咪差成咁🤔🤔餐廳中式菜式比較多，如有蒸魚蒸排骨、鹵水鴨、炒涼瓜炒飯同粥品，味道不過不失正正常常燉湯 - 唔知用左咩味精開，咩都飲唔出西式有凍蝦、青口、修削嘅長腳蟹腳（refill得好少次數）仲有燒牛肉同燒羊脾，值得一提係客人需要呢兩款肉係由西廚親自即場切，每每欲想去拎肉果時個廚會即刻彈開老遠避開，等你企係道好似要乞佢塊肉食👎最後只係朋友拎咗件羊脾比較下價嘅甜品，例如係芝麻糊、豆腐花、忌廉蛋糕Häagen-Dazs 雪糕 - 由雪櫃潷雪糕落個杯已經溶，唔夠凍55歲已經可以使用老人優惠🌟總括一個令人唔會再幫襯嘅自助餐係對的🌟

復活節假期到第四日了，細佬話難得放假，要慶祝一下，於是前2日訂位去MARCO POLO食DINNER BUFFET，而前排也見D雜誌介紹呢度DINNER食足3.5小時，話好多嘢食，性價比高，吾知呢，要試過先知....BUFFET 六點半開始，我同媽媽6:15已到，等埋細佬入座，我地坐近其中一個門口的梳化卡位，近甜品區，都幾舒服...第一道我都係食少少熱嘢先，話有花膠鮑魚(似去飲果味鮑片扒乜乜果D)，但只見鮑片吾見有花膠，所以只攞左D鮑片，飲咗個中湯(忘記了咩湯)，第1轉飲係OK嘅，第2、3轉飲就似溝淡了，之後就食生蠔、龍蝦、蟹腳、凍蝦，生蠔雖然細細隻，但好新鮮，有鮮味吾錯、螺大大隻但有沙，龍蝦，我排第3轉先拎倒，龍蝦都算大隻，啖啖肉，吾錯，刺身~我揀咗三文魚、吞拿魚，但我覺得冇乜味，細佬話吾好味。。。之後都有攞串燒雞，味道OK，呢度有關東煮，在日本、台灣冇食過，見有就試下，我撈起左少少蘿蔔、藕片及蒟蒻，個湯甜甜哋，亦試咗碗淨菜同魚蛋，呢度D菜同金菇吾知擺左幾耐，未淥前乾爭爭，菜頭又吾批走~黃甘甘，食客見到都覺得吾好睇，我見得白菜仔選擇似乎少左d...其實今晚都有好多款食物，但我都沒有試

訂完先睇食評，以為會好伏，但如果唔多人爭食，喜歡甜品，可以一試。以為係酒店正門搭𨋢上，就會係登記櫃檯，但原來係對住海個邊，海港城大樓梯個邊入先係登記櫃檯。人數成個場唔過50人，海鮮有蝦、大螺、小龍蝦同小青口，亦都有魚生，但大螺有沙。熟食類有煎炸嘢，但有小小似兒童餐咁，春卷同雞塊。有5款蒸點心同有一檔麵檔。甜品我覺得可以，有我鍾意嘅朱古力噴泉同有一款似芒果布甸的甜品，食咗4杯。雪糕就要排隊，同埋一去到尾聲就long Q。

 對於一間名好小小既酒店自助餐黎講, 一上到去感覺上係一間三星既酒店好小小既飯堂咁. 已經有種失望感. 一去到取食物區, 更加失望, 少款之餘. 海鮮仲要麻麻地, 龍蝦細隻之餘, 感覺上好似切開咗放咗係到咁, 一D 都唔吸引. 莫講話自助餐, 感覺上似放提多D. 唔係, 放提D 款式仲多.  比我感覺係好中伏, 冇下次!

其實服務態度真係唔錯可惜食物種類太少 熟食為主 好適合大媽同老人家去食生蠔唔錯的 但係日式嘢 食湯類 有四隻小蟲係湯入面真係即時反胃甜品完全唔好食、食得落的只係雪糕唔會再有下次

最近用咗海港城的消費優惠券嚟咗Marco Polo 酒店內的 Cafe Marco食Tea Buffet,折咗計晒約$189/1位,價錢尚算優惠；但食物的款式實在唔多。座位距離夠闊落，執枱速度都好快，員工服務態度非常有禮。但試過一次就已足夠。😉😉😉

Staycation package我哋喺KK地嗰度連埋個酒店一齊reserve個tea set，大約1400幾蚊，連一晚酒店、T set、晚餐、自助早餐。款式數量成個set，總共有12款糕點，有鹹點、甜點，性價比還好啦，味道一般，意料之中。除咗甜品，仲有送兩杯飲品。我哋嗌左紅茶同咖啡各一杯。咸點煙三文魚卷幾好食，其他真係麻麻哋，名我都唔記得啦。甜點款式叫多啦，每個點心份量細細地，都幾好，包括有朱古力撻、Tiramisu、藍妹芝士蛋糕、馬克龍，不過全部嘅味道都係意料之中，所以都冇咩特別驚喜。最好馬卡龍， Oreo味，係因為本人食得比較少，所以就揀佢啦。最差除咗煙三文魚卷之外，其他鹹點嗰啲乜乜卷都真係幾難食。整體黎講叫過得去啦，要比分嘅話5/10。