馬德里餐廳

营业中

休息中

今日去試佢牛排，等咗成個鐘。問佢Check下單先知道未落單。佢仲話餐廳忙，叫我等一陣好快呀。好啦，牛排上來，明明叫4成熟，最後俾全熟俾我。超難食。找錢食，我俾咗全數。等咗我出門口先叫我返來，話先生，你找錯錢。我在場時，你唔點清楚。

食lunch set ， 價錢65左右🤑叫咗個西冷配薯菜💋， 中午食扒好奢侈🤭🤭🤭羅宋湯超級好飲💋💋💋💋💋， 味道好出， 好飲濃味，完都唔會口渴👏， 好想叫黎多一碗🤡（ 好似食咩餐都會有☝️）個西冷扒偏薄， 晏晝食啱啱好😽味道好過出面嗰啲專業嘅食扒店好多 😎非常有驚喜ヾ(@^▽^@)ノ 啲薯菜份量都好多 👍，同埋問佢拎嘅番茄醬 ，好好食 ！🥰🥰🥰🥰🥰🥰個炸蝦一般，啲粉太多🤢🤢🤢嘢飲叫熱華田 正常😆總括嚟講呢間茶記幾好 🥰🥰🥰🥰上菜上得好快👏，位置都好闊落 👏，價錢都算平 👏，同埋佢嘅！羅宋湯！好推介 ！！🤩🤩🤩🤩🤩我應該會因為個羅宋湯再去食😚😚

🎉恢復晚市嘅第一餐，就嚟到《馬得里冰室》試吓樹熊同熊妹講咗好耐都未試過嘅鋸扒晚餐。📌放寬咗晚巿時段都好多人嚟食夜晚啦。📌經典鐵板餐真係幾吸引鋸扒之餘仲包羅宋湯、餐包同啫喱，價錢$88至$108，另加$6配熱飲或者$9配凍飲，配菜包薯菜另加$8可配炒飯🍚或者意粉🍝，免加一，都幾抵食。📌唔想食鐵板餐都有一般茶餐廳嘅晚餐選擇，包括小菜白飯、咖喱、喇沙、金邊粉等等，價錢$60至$80，唔包嘢飲。招牌二人晚餐，$188📌樹熊同熊妹一心來就係食呢個二人據扒套餐，包美國西冷牛扒同招牌蜜椒芥末鹹豬手餐湯餐包同啫喱。牛油餐包點完餐，店員隨即就奉上牛油餐包🥠。餐包熱烘烘的，塗上牛油即時溶化，係樹熊嘅大愛，熊妹嗰份都俾埋樹熊食。羅宋湯非常濃烈蕃茄味嘅羅宋湯，湯料都好足，有紅蘿蔔、椰菜、西芹同蕃茄等等，酸酸味味，好開胃，好味。招牌蜜椒芥末鹹豬手先上場嘅係鹹豬手🍖，哇！係有成塊面咁大㗎！皮炸得好脆，內裏鹹豬手肉好嫩滑，鹹味十足，份量好大，連大食樹熊都食唔晒。配菜有沙律同薯條，沙律菜🥗幾新鮮幾開胃，薯條🍟係粗身嘅，可能炸耐左比較林。鐵板美國西冷牛扒當牛扒餐奉上嘅時候，店員會捧着兩款醬汁，燒汁或黑椒汁可選，然後熊妹

去黃金買電腦野，順便喺附近搵嘢食，就入咗去呢間馬德里。佢係港式茶餐廳，咩都有得食嗰啲。我去嗰陣下午茶時間，下午茶餐都好多選擇。全部都係$50以下。我叫咗一個輕盈全日午餐$48，唔好比輕盈呢個字呃到，份量都冇幾輕盈。有一大塊煎雞扒+黑松露炒蛋+鮑片粟米湯通粉+芝麻醬沙律🥗整體來講食物質素OK，價錢合理。

無意中發現深水埗有間餐廳有小菜之餘，仲有得鋸扒！我睇中左佢個招牌二人套餐$188🔸鐵板美國西冷牛扒x蜜椒芥末咸豬手🔸配羅宋湯、餐包、甜品，好吸引😋 最鍾意用牛油餐包浸羅宋湯！鐵板美國西冷牛扒可以擇黑椒汁或者燒汁，我擇左燒汁，西冷牛扒大塊又厚身，肉質軟腍但都會有少少筋，加埋薯條和配菜已經好飽！招牌蜜椒芥末咸豬手好大隻！！外皮脆卜卜，啖啖肉，完全無乾爭爭！配蜜糖芥末醬食落甜甜地，仲有沙律菜可以減下膩，真心唔錯👍🏻甜品係黑加侖子味啫喱，食完飽到傻～ 呢個餐唔洗二百蚊真心抵食！！

招牌2人晚餐($188)配羅宋湯,餐包,啫哩。鐵板美國西冷牛扒配薯菜鐵板燒得好熱, 每次淋汁都好似睇表演咁, 渣渣聲大冒煙。 牛好大塊,叫了5成熟, 厚度和肉質剛剛好😋招牌密椒芥末咸豬手豬手皮脆多肉, 表面有層蜜糖,不會太乾太咸,大讚👍備註: 高質扒餐, 套餐份量好多, 晚餐每人$100有找, 性價比非常高👍👍周末夜晚7點前較少人, 唔駛排隊。

第7次寫食評西班牙的馬德里沒有資格去，但深水埗馬德里冰室的一份早餐，我還負擔得起。睇完餐牌，決定試試這個《金牌早餐》。火腿素鮑片公仔麵：素鮑片同火腿一樣係“絲“上，味道可以，公仔麵質算爽口煎蛋餐肉多士：重點係多士，夠脆身，明顯夠新鮮，配上牛油，正凍檸茶：正常，茶底可以濃一點合共：45蚊

🥢深水埗$188抵食西冷牛扒蜜椒脆皮豬手二人餐🥢這間餐廳在深水埗開業了一段很長時間，主要是食港式西餐，今日經過見到有咁抵食所以就去試下🥢經典鐵板招牌二人餐$188🥢這個二人餐份量真的不小，除了跟羅宋湯餐包，飯意粉薯菜，仲有甜品，羅宋湯味道很濃酸甜度剛剛好，主菜的西冷牛扒size 夠曬份量，正常港式據扒級素，可以揀幾成熟，仲有燒汁同黑椒汁，店員可以即幫你灑到鐵板上🥢豬手上檯很大隻，燒到脆皮的，肉質無咁咸，甜甜的蜜椒汁同咸豬手很夾，肉肉很多根本一個人食唔曬🥢份量覺得抵食啱曬大胃王，難怪大部分客人進店都是為了點這個餐，而且餐廳都因為疫情關係，檯與檯之間有非常遠的距離，感覺安心

好耐未据扒，就和老彿爺啖啖肉，去馬得里整返個鐵板餐先。呢間店扒餐都吾貴，88蚊起，有二人餐，但一定要配德國咸豬手，今日係主打扒，所以各自一人一個扒，其實吾食扒仲有好多焗飯意粉選擇的。我叫了什扒，老佛爺叫西冷8成，跟餐有羅宋湯和餐包，甜品有啫喱，出奇地原來不包餐茶，熱飲加6元，凍飲加9元。什扒分量足，有牛扒雞扒豬扒，大香腸和一片煙肉，只有两款汁，黑椒和照燒，豬扒略鞋，其它都好食，最緊要係夠熱，鐵板看似冇氣色，但一加汁，就好似仙境咁，大家小心燙手啊。老佛爺點了西冷8成，但我目測係10成熟，比較亁，大家下次點要叫少两成，但都夠肉味和夠份量，配埋餐包意粉，飽到呢~~~要另加錢的餐茶有點吾開心，但好在有個啫喱送，平衡吓都好。埋單214元，人均107元， 鐵板扒黎計，還可以。

經過馬德里, 被佢地門口"經典鐵板餐"哩幾隻大字吸引!話係時光倒流價$188蚊有塊西冷扒有隻咸豬手有湯有甜品.唔想諗食咩唔想煩, 而且差不多成年無食豬手，就入咗去幫襯.優點:1, 西冷扒點7成, 份量比想像中大, 肉質鬆軟, 食唔出有肉鬆粉味, 滿意.2, 誇張! 墊底嘅薯條居然有一條成7吋長! 有相有真相!3, 兩個餐飽係熱嘅! 唔似其他餐廳麵包冷冰冰.4, 另一份咸豬手講到明密椒, 味道當然帶甜, 留意只係個汁係甜味, 我中意重味, 所以其他人可能覺得太甜.5, 大大隻咸豬手都係熱嘅, 而且皮超脆.6, 牛扒同咸豬手都無偷工減料, 份量足夠, 重有炒飯同意粉跟, 我點咗意粉, 質量唔差，飽哂，抵食！有待改善:1, 唔夠冷氣呀! 熱屎人咩!2, 男女待應個個都勁忙, 想搵個待應停落嚟點餐落單都有D困難.3, 西冷牛扒配菜係瓜粒, 唔係我中意同懷舊嘅雜豆.4, 甜品係啫哩, 如果雪糕更理想.5, 無忌廉白湯提供.

其實之前嚟過一次，不過冇寫食評今日影多幾幅相，所以就寫下呢度嘅鋸扒講真佢嘅大，佢嘅厚，真係令我都幾印象深刻佢有個二人餐嘅，不過二人餐一定要逼你食豬手，所以我就冇嗌，而且二人餐只係抵咗幾蚊，其實分開叫就 $196，二人餐就 $188，所以我同老婆都食牛扒不過我覺得呢度最大嘅問題就係唔包嘢飲一定要加6蚊或者加9蚊，去加熱飲同凍飲呢個行為我覺得有啲孤寒，小小投訴羅宋湯好好飲，餐包好軟熟再加舊凍嘅牛油，一流！主角出場，我係從來唔鍾意用鐵板上所以一定揀碟上，我揀咗炒飯底，黑椒汁，五成熟 佢配嗰啲毫不起眼嘅翠玉瓜同埋紅蘿蔔估唔到又整得幾好食配個飯加黑椒汁其實已經好好味特登放把刀係側邊畀你哋睇下究竟有幾大塊再打橫畀你哋睇下有幾厚真係好厚咁食呢方面當然就唔係什麼頂級牛肉㗎喇都係嗰啲豉油西餐，淹到啲肉淋曬嗰種啦但係厚嘅程度有真係好滿足佢地無乜材過塊牛扒，所以仲有好多根呀筋膜呀都係返到嘅，咁你要用少少時間切走佢但係我覺得98蚊咁大塊扒又有湯又有餐包臨尾仲有個啫喱我仲要唔知佢送啫喱問佢呢個係咪包埋㗎？除咗係冇餐飲之外，真係冇投訴

在深水埗逛完街，買齊要買的東西後，找間餐廳坐低食點東西休息一下。這時是下午茶時段，我們分別點了乾炒牛河和雞扒喇沙，配凍奶茶和熱奶茶。乾炒牛河（$48）份量剛好，不多不少。炒得算有火喉，不錯，都香口。河粉質地軟彈，亦夠厚身，讚。牛肉嫩滑，味道正常。雞扒喇沙（$45）略嫌過咸，而且花生味不夠，缺少了喇沙那種特有味道。米線和雞扒都ok。凍奶茶（+$3）凍奶茶好飲，茶味算夠，又夠甜。熱奶茶茶味夠濃，口感亦濃厚，只略為嚡口。

話說聽日就搬走，諗住今晚一個人去食下扒！咁岩見到馬德里重有開，個西冷牛扒又唔太貴，就入去試下啦！點知....除左個羅宋湯好飲之後，其他都係伏☹️☹️ 塊西冷叫左五成，出到黎如圖重有血水的，但真係何奇的UN😑😑😑😑，好多筋，見到大大塊重好鬼開心，誰知咬到我牙鉸都就快甩！無食晒，放棄！我切到幾細粒先叫食到！個意粉唔夠熱，好似就煮完放左係到一段時間咁😟😟😟😟但個羅宋湯係不錯的，但就係無影到佢🤦🏿‍♂️，唔好食既就影晒🤦🏿‍♂️

11:00pm 收鋪 ，九點十已經一落單，就已經催埋單，駛唔駛咁趕呀。叫份豬手餐，極速一分鐘內送上，明顯係做多左啦，番熱都唔做，呢到凍冰冰，配菜，炒飯，餐湯全部凍冰冰，唯有打包番屋企，自己整熱，真係仲衰過大媽處理既街邊檔，大家如果去開黃金，高登記得Mark ，千萬唔好去，因為由佢咁樣既表現，與其說係餐廳，倒不如叫快餐店，快餐店既水準也不如，但係就收餐廳價錢，同樣係集團式既餐廳，那間花X 餐廳 ，都高佢地幾班。

晚上路過，被呢家新裝修嘅餐廳吸引，於是就入去試下。侍應都幾有禮貌，環境唔錯，有特色。點咗星洲炒米。餐前還有一個羅宋湯送。味道可以嘅。食物賣相還不錯，不過睇落唔夠乾爽。入口味道不夠，淡咗少少。其次真是濕咗D，本人鍾意食乾爽D嘅炒米。配菜方面還可以，有幾粒蝦仁、叉燒、火腿等。米粉好似唔係平日茶記食開果隻米粉。呢種米粉煙韌D。總體來，呢碟星洲炒米嘅味道同質素一般般，同平時食開嘅有D差別。價錢略貴，只喺送羅宋湯。