駟馬拖車潮州飯店 (MOSTown新港城中心(4期)) (已結業)

因為好耐冇嚟食，而且諗唔到去邊度飲茶好，諗住食吓海港以外嘅，所以即使印象中四碼拖車嘅質素下降咗都照嚟食，不過都真係麻麻！而且價錢係比起普通飲茶貴上一次食完都知道呢度嘅蠔仔粥已經今時唔同往日，個味非常之味精好多肥肉粒，好水，而且啲米飯非常之爛冇口感滷水牛腱好味不過份量非常之少，呢度餸真係要讚一讚師傅嘅刀工可以將牛腱切得咁薄鋪滿豆腐前菜酸酸甜甜好味，但係如果可以冇油就好啲滷水鵝肉新鮮，不過一啲都唔入味糖水太甜，壽包幾好味，但係要趁熱食，食淨打包咗一個返去再食都已經麻麻哋，佢個包嘅包皮不是太軟熟同印象中一樣呢度嘅粉腸非常之好味！腸皮唔會好油膩非常有彈性煙韌，重點就係佢個腸皮，哈腸嘅話佢粒蝦都幾大㗎排骨都好均真，有好多肉

正價好貴，但如果有外賣平台app，長期做緊自取6折就好抵食。最好味係腸粉，整得好滑，蝦腸都好多蝦，好多料。其次係春捲，新鮮炸，脆口好味。叉燒包都好大個，内餡係叉燒碎，都幾夾，不會太多肥膏。燒賣就正常發揮，而馬拉糕就有驚喜，超級鬆軟，入口即溶的感覺。6折的性價比好高。可惜之後再食已經質素下降，特別係蝦腸，細條好多，且少料左。叉燒包都欠佳。其他質素還可以。

幸好不是我付錢！否則真谷氣，簡直貼錢買難受！我很少晚餐吃中餐，我假設每碟菜和湯也很好！反而不得不提 hsbc 和馬鞍山前線員工們。幸運地看完 openrice後沒遇到甚麼皮笑肉不笑肥經理而是中年眼鏡部長。我忍不住叫他提示一下收錢的某位中年女士。你們不停說馬鞍山分店沒有 hsbc 信用卡優惠，只有港島區和牛頭角可享用。經理有禮貌地說明，而女士一句：無！ 解釋已完？！嘩，精彩。難道我給妳看完 hsbc網站沒寫優惠所以馬鞍山便沒有？！如一早知道無折扣＋這樣的服務態度，難度街坊下次仍會吃餐？這女士，妳可知妳一人已影響了整個團隊？我不想再去了。請和 HSBC Red or Visa條款溝通好。女士，多得妳經理替妳解圍但失去了未來的生意嘞。

一行6人提前做冬，6點開餐，限90分鐘。食物水準無驚喜，因食過幾次，反而有點下降普寧炸豆腐無味，淡淡淡。鹵水拼盤啲豆腐，咸咸咸。其他就一般般但服務就真係垃圾到無輪每次見有客，個個胖經理就不停大大聲講，限時個半鐘，乜而家好多客咩？用餐時，我隻手［浪］喺張吉櫈度，有個四眼阿叔無聲無息咁，忽然抽走我張櫈，令我呆一呆於是向胖經理投訴，點知佢就皮笑肉不笑咁‘‘多謝教導，我會同佢講架啦！’，令人驚訝可以假成咁。唔怪得啲人都上晒大陸，香港啲食店貴又難食仲要受氣，咁點解要幫襯？希望呢間早啲執成晚聽得最多係‘‘同佢講得個半鐘用餐’’賣單走人時，成間鋪得7成滿，貪心想做多幾輪，做到兩輪當你贏

啱啱去咗"駟馬拖車"，對呢家嘢食好有期待😋。一落座，就點咗啲點心同埋潮州特色。講真，陳皮牛肉腸味道正，肉腸Q彈唔膩，陳皮味嗆鼻，食落好開胃。然後轉戰星角大地魚燒賣，燒賣皮軟滑，地魚肉質紮實，感覺好滿足。跟住係脆皮雞絲春卷同菠蘿义燒焗餐包，兩者都得我心👍；春卷外皮香脆得嚟唔油膩，搭雞絲真係正，而燒飽軟綿綿，鮮甜多汁，真係一絕。之後又點咗潮式反沙芋，呢個真係驚喜，芋頭外層金黃脆口，入面就軟糯香滑，只想忍唔住多叫幾碟😝。最後嚟咗個蠔仔肉碎粥，簡直係粥中極品，蠔仔新鮮得令，肉碎滋味甘美，食完個人暖笠笠，痛快淋漓。整體來講，呢間潮州食堂，從頭食到尾，滿足感爆燈💡。阿伯伯姐服務態度好得嚟，環境又唔錯，趟趟食到笑口常開。下次約埋多啲朋友，再嚟一次濃濃潮州味嘅週末盛宴！🍲👌💯

之前已經有朋友試過中伏，不過見仲有人食同裝修好似ok 所以比一次機會佢。叫左碟滷水鵝片，一上菜見到d 鵝皮厚過恐龍皮已經心知不妙，再夾一片放入口，滲出一陣血腥味，再望下d 鵝原來出血中，食扒喜歡medium rare 可以挑戰下。再叫左碗蠔仔粥，一咬d 蠔仔中間凍的，再望下d 發黑蠔仔已經反哂胃。最後食左d 菜㷛到爛晒既排骨春菜㷛，d 蘿蔔又酸酸地，不過已經比啲又咸又油既湯遮掩左酸味，如果冇估計錯誤應該係隔夜嘅菜再返㷛，超級中伏，馬鞍山嘅朋友千萬要小心⋯⋯⋯

屋企人揀左呢間— 駟馬拖車潮州飯店，之前都食過，味道好唔錯！  而且夠哂闊落，同屋企人慢慢食，坐低傾下計特別打風之後出街食既第一餐飯，真係覺得特別有風味！蠔仔烙  $92 酥炸層層分明，蠔仔新鮮，炸得好新鮮，油睇落應該唔太舊油滷水鵝頭頸 $78 滷得幾入味，因為呢到出名食潮州野，滷水名物係必叫， 屋企人就好鐘意食呢款～ 全家5個人，吃了$1268, 除返開每人都係$253  感覺非常唔錯，會同屋企人再去 

媽咪話daddy大壽要食<<祝壽蟠桃>>所以揀咗屋企附近最好嘅中餐廳🦾駟馬拖車潮州飯店 幾有趣🤔Menu 寫$68半打，以為佢一籠半打，點知分開兩籠上🤷🏻‍♀️成雙成對~ 好意頭~嚟到食潮州菜，當然一定要叫<<滷水鵝四併盤>>($168)有鵝肉、紅腸、五花腩肉同埋鵝腎!見到啲五花腩肉有咁厚脂肪就唔開胃🫣所以我夾都冇夾過😅其餘三樣都非常入味，鹹度適中👍🏻仲有豆腐同雞蛋呢兩款必有嘅配角🤭可惜冇芽菜，爭咁啲爽甜感😂<<燒汁脆薯牛仔粒>>($128)見到勁大粒牛仔粒仲擔心佢好韌🙂驚喜佢入口軟腍且多肉汁! 燒汁濃郁!薯仔都炒得好入味，overall 幾有鑊氣~<<酸甜梅膏骨>>($112)酸酸甜甜好開胃👏🏻食兩嚿都ok! 食多嚿就要送飯喇~~因為都幾重口味!但媽咪同阿B都鍾意食❤️.好開心媽咪叫我邀請埋阿B一齊慶生🥰所以食咩不是重點~~最開心係一齊食飯👨‍👩‍👧‍👦

見到呢間舖頭開咗一段時間都冇去過，喺門口見到啲價錢好似有少少偏貴，今日終於有機會五個人入去試一次，竟然有意外驚喜。鵝片好味下面仲有豆腐韭菜豬紅價錢合理酸菜豬肚湯都好好飲凍烏頭都好滿意，完全冇泥味炸豆腐都好好味蠔餅俾90分店舖乾淨衛生，店員招呼好好，我帶小朋友去佢都好細心咁比隻叉佢食嘢，我覺得呢一餐非常之唔錯，睇完食評以為有機會會中伏，原來唔係😅😅

難得來到馬鞍山，看 OpenRice 評價來試試這家潮州菜。吃了一些點心和一些潮州小菜例如：滷水鵝片、胡椒豬肚湯、兩麵黃、芋泥。點心非常普通，沒特別好吃。鵝片和兩麵黃算不錯，芋泥普通。但胡椒豬肚湯就強差人意，不香又乏味。這家店的價錢不便宜，尤其是大菜如魚翅之類，我看不值得來。單看服務，已經不應該來光顧！在短短一個半小時午膳，已經發生3次不禮貌、不尊重客人的事故：（1）等位期間，我和父母在前枱劃點心。問前枱借支筆。她自己攞住支筆，借給我另一支。數分鐘後，我們還未用完，她竟然一手搶了我們手上的筆，二話不說。我們目瞪口呆，不過算了，心諗這不重要，不跟她計較。（2）我們點了三個餸，隨後再加六個。老父年事已高，80歲人把加單劃在之前同一張點心紙。侍應把之前落的三個餸也當作加單。我們更正，指出這三個餸重覆了，著她取消。她就大發脾氣，不留情面地破口大罵我老爸好一陣子，對客人一點基本尊重都沒有。這是什麼服務態度？！（3）賣單時，我們check 單注意到其中一碟餸沒有來過，我們著收銀員把它扣減。她竟然發脾氣說：你唔早啲講！我出咗單你先講！而家又要再打過... 你唔早講！？“ 不停地在發牢騷，好似我們欠她

今日第一次食呢間餐廳。之前新開張好多人我都冇食過。而家黎食晚市，兩個人食。結果我覺得呢間餐廳太貴同埋都唔係好好食。睇餐牌其實冇咩選擇。甜品我都揀唔落手。佢有賣啲雞呀海鮮呀，我唔好。我諗住嗌個煲仔餸，唯一揀得落去沙嗲牛肉粉絲煲或者沙茶牛肉。咁我哋嗌咗沙嗲牛肉粉絲煲加兩個白飯，嗌多個蠔餅。咩都未嚟就嚟咗個小食先嘅。小食就係一啲甜甜地嘅酸菜加幾粒花生，但係咁樣張單係收$16一位喎，我覺得真係太貴囉。跟住蠔餅上咗嚟，我朋友就唔鍾意食呢啲煎炸野嘅海鮮嘢嘅。咁我自己食晒佢，我覺得啲蠔都唔算好多，同埋好似清得唔太乾淨囉，有幾啖咬到有啲硬嘢un牙。都幾飽下，因為佢個底係類似糯米咁樣，好飽吓嘅。我盡唒力食都剩低兩舊。跟住個沙嗲牛肉粉絲煲嚟埋，都OK嘅入邊加咗菠蘿，個味都正常嘅，但係都幾飽，我哋食唔晒，剩低好多粉絲。係咁以食少少嘢埋單走人要成$360總數。真係太貴囉冇下次。呢度杯茶以我嘅水平來講我唔覺得係好飲個種，我自己屋企沖嗰啲茶葉好飲啲。我明明感覺呢一餐大概只係值一半價錢（$180），但佢收成個double（$360）囉。下次都係屋企自己煮啦冇期望。

去新港城探望親友在這間潮州菜館飲過幾次茶，覺得點心OK但員工服務態度麻麻。星期六特登同屋企人來試吓晚飯，Order咗鹵水拼盤、糖醋麵、 炸蝦蟹棗、蠔餅、炒麵線。水準一般略嫌油太多，最驚嚇就是非一般的蠔餅，面太多脆漿太燶不特止而且成增油浸住，望吓隔離幾張枱好多都有叫蠔餅，全部都一樣因多油好多都食淨，仲見到有个客人要向經理投訴取消退回，見D食物麻麻咁啱見到个(著黑衫肥經理行過)便叫佢埋单，好聲叫佢地改善吓个蠔餅點知換來不禮貌回應😤，我地蠔餅吾係煎係炸一定多油唔鍾意下次你地唔好叫，況且你地都夠鐘交枱態度極為不禮貌😡經理都這樣態度對客人，其他員工怎會有禮貌對客人(呢間鋪數一數二都好多客人投訴服務態度差)點知个經理啲服務重差，食物已經麻麻，就算食物更好食(況且吾係)，食得一肚氣一定不會再幫襯，懇請這集團老細多多再培訓員工服務態度，如果不改善一定趕走哂啲客😤😡😠

諗住一家人食盤菜做節食材大堆頭但一食落口花膠鴨掌酸酸芋頭蘿蔔餿，感覺好似中左伏打左好多次電話，又冇人聽，又唔通，勁惱，結果成家人要食公仔麵過節完全唔值千一蚊，我食KFC都冇甘惱

Walked in at around 7:30pm. Spent an hour waiting for our orders but then was told few of our orders were sold out!! Since they have no food to serve, one of their senior staff came to tell us that we were free to go without any charge! (Of course, after our complains!) This was not fun to wait for an hour during dinner time and ended up being told that they have no food!! This was ridiculously disappointing to their services! No sincere apologies! The store manager didn’t even come and explain

話說今日約咗朋友食午餐，入坐時間13:45連等位，叫咗4碟點心，朋友14:10到，大家便一路食一路傾吓計。不知不覺就過咗個半鐘，有個經理行埋嚟問枱面啲點心仲要唔要？要唔要幫我哋「打包拎走」？我「吓」咗一聲都未食完，男經理便說：係呀，你哋差唔多入坐兩個鐘喇，我哋門口仲有客等緊位，我真係火都嚟埋，但無爆佢！朋友便拎單埋單，男經理仲問多聲要唔要幫我哋打包拎走？我堅有火大聲話：「枱面所有嘢食都唔要比枱你嘛，你有客等緊吖嘛！佢即刻唔出聲，隔離枱食緊嘢阿姐都望一望個男經理，估唔到今時今日仲有咁差劣服務！不愉快的午餐