駟馬拖車潮州飯店 (MOSTown新港城中心(4期)) (已結業)

值得一試的潮州菜之前在新港城中心逛街時, 也留意到這家潮州菜餐廳, 前幾天終於抽時間一嚐, 果然沒有令我失望！餐廳環境光猛, 地方整潔, 而且服務員態度和藹親切, 令人感覺放鬆! 海蜇手撕雞, 其中一道我最欣賞的菜式! 海蜇夠爽口, 手撕雞夠嫩滑, 配上濃濃的芝麻醬, 味道很配! 吃潮州菜又怎可以不吃滷水鵝片, 足料鵝片厚厚的一片, 吃下去有口感, 亦夠入味！蠔仔烙, 我會説是必點菜式! 蠔仔非常新鮮, 一顆一顆很完整很大粒, 爽口彈牙, 整塊蠔仔烙外脆內軟, 非常可口, 忍不住一啖接一啖!另外, 我們還點了一個墨魚丸河給兩歲寶寶吃, 墨魚丸竟非常彈牙, 有驚喜! 我們這一餐共消費$499, 很滿意的一頓晚餐, 會再光顧的!

對馬鞍山這個地方比較陌生，今日來到探朋友，在新港城中心看到這間新開的潮州菜，門面比較光猛，決定入去試一試進入到店內，枱與枱之間擺放得很寬敞，座位舒適，空間感很大以在大型商場中的潮州菜來說，價錢合理，份量比想像中大入座時會有一碟前菜，是一碟酸酸辣辣的木耳絲和鷹嘴豆，這前菜好開胃點了一個鹹菜豬肚枝竹，裏面有微微的黑椒味，豬肚煮得很軟腍，支竹像海綿般吸收湯裏的精華，每樣食物都很入味再叫了一碟滷水四拼，有肥瘦分明的五花腩，還有鵝肉紅腸和鵝腎，還有滷水蛋，下邊還有滷水豆腐墊底。鵝肉很香，肉質很嫩，鵝腎很爽口這碟滷水四拼，份量比我預期中大，兩個人吃，已經吃得半飽最後還叫了一個主食，就是潮式糖醋麵，麵餅煎得脆脆的，配上一碟砂糖和黑醋，是一個很獨特的口感這裏還有自助加水機，非常方便兩個人吃一餐，連茶錢及前菜，埋單每人只是百幾蚊，抵食

今日放工同朋友行馬鞍山新港城中心，見到有一間食潮州菜嘅餐廳，我冇面睇到好似好特別咁樣，見個名好特別，叫做駟馬拖車潮州飯店，即管入去試一試，我哋一行兩人，侍應帶我哋去坐一張四人枱坐低，佢哋好有禮貌咁問我哋飲咩茶，同埋有個飯前小食，我見到呢度有荔枝紅茶，覺得好特別咁我哋就叫咗呢個，打開餐牌，我地叫左一個潮州蠔仔粥，蠔仔烙XO醬海皇炒粉絲，方塊炒芥蘭，我哋兩個叫咗四樣餸，先講講個潮州蠔仔粥，個蠔仔粥有好多蠔仔，豬肉，冬菇，好鮮甜好好味，另外個XO醬海皇炒粉絲都好好味，最好味係個蠔仔烙，侍應一攞上枱已經聞到陣陣香味入邊有好多蠔仔一咬上口，外脆內軟，下次再嚟真係要encore

難得去到馬鞍山，當然要找好嘢吃，但朋友說原來馬鞍山是美食沙漠，令我有點失望。但突然給我看見一間潮式食肆，原來很久沒吃潮洲菜了，好，入去試試。這店門口較少，但原來入面都算大，裝修簡約、美觀，坐得舒適。侍應態度非常好，又親切。看餐牌，食物款式多，好吸引，樣樣都想試。沙爹炒牛肉，沙爹醬味道濃郁，牛肉入味，西蘭花爽口。滷水鵝四拼盤，有鵝片、紅腸、五花腩、鵝腎，還有滷水蛋和豆腐，份量多，滷水汁份量剛剛好，不會太鹹。蠔仔粥，一碗的份量都不少，兩人食剛剛好，蠔仔份量多，加上冬菇絲和方魚，口感十足。無論食店設計、舒適度、食物質素，都值得再次回味。

我有堂食，有外賣，服務員居然話坐喺坐位度叫外賣要加一收費，行出去門口叫就唔駛加一，大家如果堂食又想加外賣嘅時候就要小心，最後發現外賣係有95折….真係騙徒手法層出不窮

𝒞𝒽𝒾𝓃𝑒𝓈𝑒 𝑅𝑒𝓈𝓉𝒶𝓊𝓇𝒶𝓃𝓉 𝒾𝓃 𝑀𝒶 𝒪𝓃 𝒮𝒽𝒶𝓃餐廳枱邊有個自動𝘧𝘪𝘭𝘭 水機，禁個制會自助自動𝘧𝘪𝘭𝘭 水同煲水，唔洗下下都揾𝘴𝘵𝘢𝘧𝘧，好方便。呢道既茶有好多選擇，比較特別既有菊花🌼同玫瑰花茶🌹。今次試左玫瑰花茶，一黎到已經好芳香，入口都好香花味。非正式統計2個人飲左8壼水，不過最後一壼已無乜花味了🥸本來想試涷烏頭同埋潮式反沙芋，不過未到八點已經賣哂😣經理話每日佢地只會做凍烏龍、馬友、桂花魚各三條以確保每天新鮮。反沙芋每天限量供應，要食請早或先預留。🌟餐前小食係鷹嘴豆(黑色條條唔知咩黎...) 算係比較少見，口感有𝘋似蓮子，味道中規中矩。🌟豆醬焗雞有半隻雞🐥雞肉唔鞋。豆醬幾香、咸味適中。驚喜係有馬蹄墊底清一清個咸味。美中不足係隻雞唔夠入味, 同埋個沙鍋崩左一忽(笑😅）🌟無凍烏頭唯有試明爐烏頭，基本上同去食泰國菜果隻差唔多，條烏頭肉幾滑，魚味幾香，個湯有𝘋檸檬香，帶少少酸味。不過都係同雞一樣，𝘋湯味唔係好入到條魚度。🌟潮洲蠔仔粥既蠔仔不錯，無臭味，粥入面有方魚加左𝘥 咬口。入面仲有少少芫茜碎，友人不愛芫茜但表示可以接受，兩個人要一碗𝘴𝘩𝘢𝘳𝘦 就岩岩好。🌟甜品方面，無

係馬鞍山美食沙漠 搵食唔係咁易，次次行完千色店見到呢間主打潮州打冷嘅中餐館都好多人排隊，今晚終於有機會試吓打冷梗係要食滷水，我想食滷水鵝片又想食腎，所以揀咗個滷水鵝四拼盤（鵝片、腩肉、紅腸、腎、雞蛋，仲有滷水豆腐舖底）。滷水好入味，肥瘦均勻，最中意個鵝片，味道啱啱好，送啤酒一流滷水鵝四拼盤椒鹽九肚魚炸到好酥脆，唔油膩，份量夠二至三個人食😋潮州蠔仔粥勁多料，粒粒蠔仔都脹卜卜，仲有冬菇絲同方魚碎好有潮州風味，配椒鹽九肚魚一流欖菜炒海蝦海蝦好入味，同埋蝦腸 蝦頭已經剪好晒，唔使驚𠝹口，非常細心韮菜豬紅久違了的韭菜豬紅，好耐好耐冇食，一上枱就好香，出面已經好難有，豬紅夠滑，加埋沙嗲醬，好正另外，服務一流，店員很細心主動換碟同埋加水，抵讚👍🏼

我平時喜歡食潮州菜，多數去九龍城食。見呢間潮洲菜在馬鞍山開咗一排，裝修幾好，諗住都試吓，第一次試食，叫咗三樣嘢，點知就中伏。第一樣係椒鹽九肚魚，只係食到炸粉好厚，根本唔知食緊乜。第二樣係豆醬焗雞，個傳菜放低嘅時候猛話個窩好熱好熱，點知我哋食嘅時候發覺根本啲雞只係暖暖地，分明係凍嘢放入個熱窩一陣就上枱，毫無誠意。第三樣係方魚肉碎粥，淡而無味。總結今次嘅經驗，以後都唔會再嚟食。奉勸各位有興趣食潮州菜嘅朋友，九龍城任何一間都好食過佢。

每一個月都會嚟一次飲茶，點心一般般，主打潮州小菜，我見枱枱唔係叫糖醋麵，就係叫蠔仔烙，滷水，下次我一定叫呢幾味。*前菜花生貢菜，花生香脆，貢菜爽脆，唔係酸甜貢菜，反而淡味啲，好啱我胃口。潮式椒醬肉 $58第一次食潮式椒醬肉，好多豆腐乾同埋菜脯，腩肉粒大大粒，但數量唔多，腩肉唔會好多肥肉，仲有超迷你嘅蝦米弔味。整體味道係甜鹹偏鹹，有啲芡汁包住每一粒肉同豆乾，撈飯食鹹度啱啱好，單食就過鹹啦。蜜汁叉燒腸 (大點)叉燒靚，少少甜，有肉感肉味，但腸粉就唔得啦。腸粉本身滑，但係潺嘅滑，厚薄度嚟講，太薄，入口變成一pat野，超級唔推薦。家鄉鹹肉炒麵線 $92簡簡單單嘅一味潮州菜，加一後之後成一百蚊，佢就偏向細碟。麵線乾身，配埋一絲絲嘅鹹肉，芽菜韮菜，層次感豐富，鹹肉又唔會太鹹太乾，味道啱啱好，係油左啲啲，不過以外食嚟講可以接受。蔥油糯米卷 (中點)糯米卷外面嘅包鬆軟，空氣感十足，糯米煙韌，完全食唔到蔥油味，本身唔夠香唔夠濃，同外層嘅包夾，但整體味道太淡，有點失望。䱽魚肉碎粥 (鍋) $116每次食都必叫，侍應幫手分粥，有幾多個人就分幾多碗。潮州粥唔會令人失望，肉碎大大粒，肉味已經煲晒入啲粥到，有幾片

每次經過都要排隊，一直都想試，發現可以用GULU 排隊，於是出發前提早拿飛，減短排隊的時間GOOD👍🏻。在疫情下，店舖最多可以坐6人。所以可以約一大班FD 或家人一齊相聚👍🏻。除左叫點心外，當然都要試下潮州菜必點的美食啦。整體食物質素都有水準，唔錯。星期一至五頂點 （$38）特點 （$35）大點 （$30）中點 （$25）小點 （$18）陳皮牛肉腸（大點）大地魚燒賣（大點）鮮蝦菜苗餃（大點）脆皮雞絲春卷（大點）菠蘿义燒焗餐包（大點）蠔仔肉碎粥（鍋）（$98）滷水鵝四併盤（鵝肉、紅腸、五花腩肉、鵝腎）（$148）潮式反沙芋（$78）

只此一家🏵絕無分店嘅潮州飯店💁🏻‍♀️餐廳菜式選擇多📋一次過滿足晒我哋食潮州菜同飲茶嘅慾望😍🔸滷水鵝四拼盤（$148）（鵝肉、紅腸、五花腩肉、鵝腎）食潮州菜必點🛎份量算多✨配料仲有滷水蛋🥚同豆腐😚每款都非常入味🔥滷水汁鹹度啱啱好👍🏻🔸蠔仔肉碎粥（窩）（$98）不能不提的經典潮州菜菜式😋粥底用料豐富🙌🏻蠔仔鮮味十足🦪粒粒飽滿🤘🏻配合冬菇🍄唐芹粒👀方魚🐟豬肉碎等食材🐽味覺一大享受🎖🔸大地魚燒賣（$30/大點）蘊藏住肥美鮮蝦🦐配搭大地魚🐠蟹籽🦀冬菇粒等製作而成🍄餡料結實💪🏻味道豐盈🤠🔸招牌鮮蝦餃（$38/頂點）蝦餃晶瑩剔透🤩皮薄帶點煙韌🥢蝦肉鮮嫩多汁有彈性🙆🏻‍♀️整體配合得唔錯💫🔸鮮蝦菜苗餃（$30/大點）餃皮半透🥟隱約見到內餡👀蝦肉爽滑😽菜苗青嫩🥬口感清新獨特🤡🔸脆皮雞絲春卷（$30/大點）春卷用微火油炸至金黃色🫔咬落去香口脆卜卜👄唔會過於油膩👏🏻🔸陳皮牛肉腸（$30/大點）腸粉雪白嫩滑✅入口軟糯🤤以陳皮吊出牛肉的鮮味🥩別有一番滋味🗯🔸菠蘿叉燒焗餐包（$30/大點）外皮酥脆香甜💞叉燒肥瘦適中🐖蜜汁滿滿💛值得推介🤗🔸潮式反沙芋（$78）喺香港極為罕見嘅潮州飯後甜品💥沙芋外層鋪滿糖霜🍠酥香帶脆🌟

近近地去左馬鞍山食晚飯,駟馬1830已經好多人就試下係咪咁好食阿布泰旁上電梯就到,1830入座唔需要等,但入面已經好多人了!一開始以為好少位,原來都幾大間入座後侍應立即幫忙煲水,供應既茶亦好香,夠濃,唔似其他地方茶膽超淡,原來而家煲水都有自動,真係未見過😵前菜有貢菜及花生,我無食但阿媽話唔錯黎得打冷,當然要試試滷水!滷水鵝掌翼,平時叫親我都唔多食,因為好難咬開,但駟馬既鵝掌大件肉厚,唔會滷得過火而太淋,亦唔會太硬咬唔開,好味非常厚肉椒鹽九肚魚係阿媽要求,因為平時哥哥唔食魚,只能食椒鹽鮮尤九肚魚101分!平時大家食開應該似圓柱體,一咬可以整條軟骨拉出,係咪?而呢度!係開左邊嗰,起左魚骨!!!!!!炸得好香脆,加上炸蒜蓉好惹味最後,燒汁脆薯牛仔粒,睇落唔太碟但份量好多,牛都起碼有10件以上,燒汁唔會蓋過牛味價錢比酒樓只係高少少,但非常高質!我認為值得!另外好好,我坐得比較偏,無論經理或侍應都會經常過黎望望有無客舉手

下午午飯時段， 突然想馬鞍山飲茶， 便去此新開的潮州酒家飲茶， 環境不嘈，（ 最怕酒樓d茶客大聲講野，枱貼枱咁嘈到死°°°）食客都溫文d. 枱旁有自動自助沖熱水機， 不用下下舉手叫待應加水。點了燒賣， 粉果， 牛肉， 鳳爪， 蘿蔔糕， 春卷， 叉燒腸。等點心。 最重要想試下。1） 潮式糖醋麵$98點知麵面樣子以為O K, 怎知麵底是濕， 麵不乾身， 濕得來又槳。 好像只煎麵面一面， 麵底沒有瓊乾水， 失敗。$98一碟潮州特色麵， 都算是此酒家招牌菜， 都做得唔好， 失望。※此麵收$98， 完全唔抵， $68都比多。2） 錦鹵雲吞.$68不同中式酒樓之錦鹵雲吞， 此雲吞皮沒有雲吞料的， 皮比較厚實， 食落好脆， 有質感。酸汁不太酸， 少酸， 有蝦， 叉燒，魷魚幾片在酸甜汁中。※價錢偏貴， 個人認為$48／碟就差不多。點心水準ok， 係麵好失敗。以上是個人意見。

適逢屯馬線，就過左黎馬鞍山呢邊搵食。呢間潮州飯店望左餐牌就幾岩心水！環境幾唔錯，不過原來馬鞍山人口都幾密集，7點半左右都已爆滿了。收費：茶芥$12/位，另外前菜$16/碟芝麻花生涼拌貢菜，爽脆清新。食潮州菜必定要試鹵水製品！兩人共點4款菜式，每碟份量都偏大。韮菜豬紅$48呢個價錢都幾大碗，滿滿嘅豬紅、滑溜溜嘅口感都幾入味。韮菜比例比豬紅少，但都幾新鮮。滷水鵝片 $168 配白醋價錢有點少貴，但絕對值回票價。鵝片啖啖肉juicy 又多片，滷水汁入晒味。墊底嘅豆腐非常嫩滑。沙茶牛肉炒河 $82大大碟，沙茶味夠香濃。牛肉食落仍有牛味，唔會俾鬆肉粉整鬆晒。香芒糯米卷 $28 糯米卷外層有薄薄椰絲包住、味道清甜，口感軟糯，內層芒果外亦加入吉士醬。

放工經過新港城，發現這間潮州飯店，被它特別的名字吸引，看到它裝修新淨企理，空間寬敞舒適，便與男友進內晚飯。餐廳職員有禮貌，帶我們坐下後詢問我們要甚麼茶，一問之下，原來除了基本茶類外，還有玫瑰荔枝茶，當然一試！泡茶期間已覺得玫瑰味香濃！沖水亦已自動化，方便又衛生！前菜有貢菜花生，貢菜爽脆，花生香脆又不會太咸。海蜇手撕雞，手撕雞肉嫩滑，青瓜、海蜇和手撕雞簡直絕配，醬料亦不會過份濃郁致太重口味，屬較清新的頭盤。普寧炸豆腐，份量多，眼看已經知道十分香脆，但絕不會有油膩感，而沾上汁料亦不會變得很淋，吃下更是驚喜的滑！認真外脆內軟！由於每樣滷水食物都想一試，於是我們點了滷水鵝四併盤，有鵝肉、紅腸、五花腩肉和鵝腎，原來還會搭配滷水豆腐和雞蛋，超級豐富！特別欣賞鵝肉和鵝腎，平常我亦不太吃內臟，但這個鵝腎入味，口感爽脆，難以拒絕。甜品點了銀杏芋泥和我很愛的棗皇糕。芋泥足料，甜甜的；棗皇糕熱騰騰，軟熟又有咬口，中間一層層椰汁，很香！本來想試反沙芋，但已經售罄，唯有下次早點來試。