馬德里餐廳

营业中

休息中

每次出深水埗，遇到媽媽要自己行街，兩個小朋友跟我的時候，他們就是最開心的了。因為他們知道，我一定會帶他們食好西。這次，一家四口既團隊在黃金商場附近解散，而我就帶兩個小朋友在食肆林立的福榮街找地方食中午飯。問了兩小孩的意向之後，決定鋸扒，於是，我們就來《馬得里餐廳》吃一個港式西餐。食港式既扒房，餐湯一定係紅湯同白湯。白既餐湯就是忌廉湯。有時叫忌廉粟米湯，也有時叫忌廉雞湯。而我們飲的，是比較甜美的出品。所以，應該是一個忌廉粟米湯。香甜，香滑，好味道。我就鐘情羅宋湯，這店的羅宋湯算是夠香辣，不過就欠缺了少少牛肉香味。而我就習慣落好重胡椒粉來喝這一個羅宋湯。因為，自我既感覺就係，落重胡椒粉，增強羅宋湯既辛辣感，才是羅宋湯的最美妙食法。午餐，當然一人一份扒啦。仔仔要的一份是西冷牛扒拚吉刑炸蝦。這雖然是一個非常港式的薄牛扒，但加了黑椒汁之後，把牛肉同豉油的味道變強了。蝦夠香脆，薯條也夠香脆，大人小朋友吃上此物，都會十分開心。我的是香煎雞扒配脆皮腸，配的汁，就是燒汁。雞扒是無皮的扒，純肉得黎又食得出雞肉的嫩滑。腸仔香脆，薯條當然也是香脆。而且，薯條沾燒汁吃，比起沾茄汁，更是可口。給阿女的餐，是瑞士雞

出開深水埗，梗係要去試吓呢度嘅名店，晏晝12點幾呢度已經人山人海，想嚟試吓嘅就要好好預時間啦！見到啲鐵板餐都幾抵，一於試吓！每個餐都有跟餐湯同飲品，我哋先叫咗一個紅湯、一個白湯，佢個紅湯都幾足料了，白湯就十分Creamy主食方面，我哋先叫咗一客「鐵板美國肉眼牛扒」（$98），牛扒我哋嗌咗五成熟，用咗黑椒汁底，牛扒真係超大塊，完全對得起佢個價錢，切開完全唔覺得韌，啖啖肉食得好爽！而我跟咗薯菜，薯條份量都極多，記得要問侍應攞茄汁！層次會再昇華多一級！令一盒同我哋嗌咗「鐵板香煎龍脷魚柳配雞扒」（$88），呢款就更加抵食，龍脷魚柳超大塊，再加埋雞扒，海陸都食晒！卜呢款我哋跟咗燒汁，味道冇咁濃，就更食到食材嘅味道呢款一樣嗌咗薯菜，真係食到好飽啊！跟餐我哋加咗一客「法式牛油薯蓉焗田螺」（+$18），估唔到呢個價錢可以食到田螺！而且都有四隻，份量一啲都唔輸蝕！田螺好有咬口，再加埋薯蓉個配搭都好好。另外我哋有加咗一行「瑞士汁雞中翼六隻」（+$38），呢個價錢可以有六隻雞翼都幾誇張，瑞士汁葉得好入味，識落又唔會覺得鹹，甜甜地咁十分開胃，真係會一隻接一隻食唔停口！跟餐我哋嗌咗一杯凍奶茶（+$4），奶味會比

深水埗馬德里餐廳，主打懷舊鐵板餐，仲有各款西式焗飯、意粉、馬來咖哩、全部跟餐湯及餐包。餐湯：羅宋湯好足料，有好多唔同種類既蔬菜，味道濃郁；忌廉湯濃稠適中，加上軟綿綿既餐包，絕配組合。日式芝麻醬田園沙律：沙律菜爽脆清新，配菠蘿、粟米、蕃茄仔，整個配搭非常開胃。法式蒜蓉焗田螺：田螺充滿蒜蓉和牛油既香味，薯蓉好綿滑，口感令人滿意。懷舊鐵板牛魔王(肉眼拼牛舌)：個牛肉眼扒真係無得輸，七成熟，煎得剛剛好，肉夠嫩也很少筋，牛舌完全唔韌，軟腍彈牙，配黑椒汁更加香辣惹味。懷舊鐵板珍寶什扒：每份什扒包括雞扒、豬扒、珍寶腸和煎蛋，疊得高高的，上枱好震撼，加上咸度適中既燒汁，香味四溢。呢間餐廳價格實惠，份量十足，服務態度殷勤，值得推介。

今日去開黃金商場買電腦因為是組合電腦所以等師傅拼裝師傅叫我行下怕我等太耐咁我就落去揾野食見到呢間餐廳座位好似幾舒服所以就入去食呢間出品可以接受 正常的味道咖喱不錯😃

今日係深水埗鋸返一個港式扒餐廳裏面有好多港式燈箱有少少懷舊的感覺,但係又唔會覺得老土餐廳環境都算好乾淨檯面梳化都冇油淋淋呢啲港式扒房一定最緊要佢要飲羅宋湯夠辣,夠濃味👍可以揀小食沙律或者田螺各叫咗一份好耐冇見過餐廳仲有田螺 感覺不錯仲有薯蓉喺底， 薯蓉邊都焗到好香口今次叫咗肉眼扒, 平時港式扒房啲肉都拿得好淋,但係今次覺得食落牛扒仍然有肉味,唔會醃得好緊要切開肉仲有紋理， 食落都仲有牛肉味對得住鐵板五成熟朋友叫咗雜扒餐有齊雞扒豬扒腸仔雞蛋晚餐仲跟咗個啫哩杯🫶

位於深水埗老牌餐廳「馬德里餐廳✨」，歷史悠久，嚮深水埗區應該無人唔識，傳統港式冰室以懷舊鐵板餐、焗飯、意粉🍝、咖哩、港式常餐等等應有盡有，味道好味有質素，絕對係街坊首選。必食「鐵板肉眼牛扒配薯菜」🥩🥔，牛扒用咗新鮮嘅肉眼，鐵板令到牛扒保持熱度，搭配上美味嘅薯菜，食落去香噴噴，真係好滿足。而「焗鮮茄芝士豬扒飯」🍅🧀用咗鮮茄同濃郁嘅芝士，搭配上嫩滑嘅豬扒，味道絕對出色，係一個唔可以錯過嘅選擇！「港式常餐」🥐🍳，入面包括牛角包、火腿奄列同火腿通心粉，呢個餐點樣樣都好味，特別適合早餐或者輕食，味道香濃。「馬德里餐廳✨」真係一間懷舊又好味嘅港式餐廳。

晚市餐牌只有2頁選擇唔算太多見客人主要食港式經典鐵板餐 咋咋聲😆餐湯2選1 羅宋湯/ 忌廉湯配埋牛油餐包 會比埋獨立包裝既牛油牛油餐包鬆軟 牛油味濃 可以唔洗再搽牛油頭盤2選1揀左日式芝麻醬田園沙律有粒蕃茄仔 幾粒粟米 提子乾另外+$8 可以轉法式蒜香薯蓉焗田螺F 蜜椒德國咸豬手配薯菜 $138呢到既薯菜係粗薯條加沙律菜脆口粗薯條 連獨立包裝蕃茄醬沙律菜同頭盤差唔多 早知頭盤叫田螺😂脆皮德國咸豬手 大大份 肉質嫩滑 唔會乾爭爭蜜糖芥末醬汁調味剛剛好 R1 焗芝士鮮茄豬扒飯 $92分量多芝士有拉絲效果厚切豬扒雞蛋炒飯底餐茶 凍飲+$4熱朱古力 唔太甜凍檸茶 茶底可以再濃d甜品什果啫喱杯 餐牌寫明送完即止童年回憶 羅拔臣啫喱 加左什果 豐富口感

今日決定唔再食M記，支持小店，離開深水埗嚟到好有回憶屹立不倒好耐嘅馬德里，事關我由學生到返工都有食佢，不過早餐就係第一次，佢都好多選擇最後叫咗： 煙三文魚炒蛋牛角包 🥐，配熱辣辣奶茶 其實原本想食鹹牛肉炒蛋熱狗包，但因為喉嚨唔舒服唔想食太鹹嘢，所以就食咗呢一個清新一啲嘅煙三文魚炒蛋牛角包，份量比我想像中大，佢同餐牌嘅相都差唔多，好夠飽同埋好味。 另外熱奶茶都好OK多奶夠熱👍🏻 同埋好鍾意佢不停播放舊歌，另外有好多嘅回憶同埋舊歌真係好好聽💛💛 下次一定要再嚟食

星期六同朋友去左深圳埗黃金商場買電腦, 夜晚係附近搵左間餐廳食晚飯。餐廳環境幾寛落, 主打港式鐵板餐, 有牛油餐包, 餐湯, 沙律, 甜品和飲品。餐湯揀左羅宋湯, 入面有紅蘿蔔, 洋蔥和西芹等材料, 味道酸甜開胃。我哋叫左鐵板肉眼牛扒配薯菜, 牛扒肉質厚實但軟熟, 配上黑椒汁, 牛肉味濃，鐵板牛舌爽口彈牙, 份量非常豐富。 另外, 田螺焗薯蓉, 蒜香味濃, 薯蓉幼滑, 食落彈牙有咬口。最後, 仲食左菠蘿啫喱甜品, 入面仲有菠蘿肉, 味道幾好。

行過見到佢個樣好似老牌冰廳, 又係食港式鐵板既, 就入去醫肚!牛油餐包加羅宋湯係食鐵板餐必備架! 佢個紅湯好夠味又酸又辣, 真係有D似以前扒房食既味道。沙律比一般既更大碟, 仲落埋麻醬添。一份肉眼($128)一份西冷($138), 港式鐵板就係勝在百零蚊就食到大大塊又夠厚既扒, 仲有好多薯條係底!!唔夠再+$8就有飯/意粉, 中意香辣惹味既必點黑椒汁, 我用黎撈意粉好好味~ 仲有送埋甜品, 係懷舊落花奶個隻啫哩杯。野飲都係classic凍檸茶同埋紅豆冰, 咁樣就已經簡單又滿足!!

今日去深水埗行街，見到呢一間餐廳門口非常受歡迎，排晒隊，應該好有質素保證，於是入去試吓，真係好有驚喜，好好食，而且價錢經濟實惠，食到我同朋友超級飽，真係非常開心，非常抵食呀，如果出去深水埗嘅朋友，一定要試吓，真係估唔到深水埗有一間平民價錢，但係都可以食到咁高質嘅鋸扒，非常好呀，首先呢度嘅餐牌，非常多選擇，有唔同嘅牛扒選擇，我哋叫咗個鐵板美國肉眼牛扒，個牛扒我哋叫咗7 成熟，用咗燒汁做襯托，發牛扒真係超級大塊，完全係超級好食，而且切開都完全唔覺得好韌，牛扒係啖啖肉，靚肉，而且我哋仲叫咗一個集扒，有豬扒有雞扒有煎蛋，非常抵食，真係份量十足，而且仲有羅宋湯，忌廉湯選擇，個羅宋湯好有驚喜，裏面好多菜，而且個忌廉湯都係非常多忌廉，好入味，而且餐廳嘅環境都非常好呀，非常闊落，侍應都好殷勤

今日同兄弟一齊食個飯，互相update一下。兩個麻甩仔梗係食啲麻甩嘢，最好就係食啲熱辣辣、又傾吓偈嘅地方～·鐵兜焗田螺🍴焗得啱啱好，唔會話太乾亦都冇燶⋯ 上到枱嘅時候係熱到焫嘴🥵🤣🤣 佢本身加咗少少牛油，充滿牛油香之餘，又唔會話落得太多鹽搞到好鹹～ 係唔錯嘅！·鐵板肉眼 & 西冷牛扒🥩🐂肉眼就厚身啲，西冷呢就相對地薄身啲⋯ 不過西冷有西冷嘅好，食落冇咁肥，冇咁多脂肪～ 肉味係比較出～～ 至於肉眼就因為有多少少脂肪，食落會有油香之餘，又充滿牛味～ 同埋食落啲肉係嫩口啲、易嚼啲、感覺係冧身啲嘅～😆 可以話各有各好，最重要係熱辣辣嘅鐵板，再加上店員一大羹汁淋落去「炸⋯ 💣 」一聲，係爽嘅！·菠蘿味啫喱😝作為一個懷舊嘅鐵板餐，點可以冇五顏六色嘅啫喱做總結～ 今日咁啱就係菠蘿味嘅啫喱，然後再加上薄薄地一層嘅花奶喺面，可以話成件事相當懷舊～ 相當有feel～ 啲回憶返晒嚟！

深水埗鋸扒，豉油西餐📍地點：深水埗🍽️菜式：港式西餐💰人均消費：午餐 HK$80~150🔖服務費：❎🧻餐巾/ 濕紙巾：✅ / ❎🪑座位類型：方枱/ 卡位📝落單方式：侍應生落單【鐵板美國肉眼牛扒、意粉】💰HK$98+8鐵板上，肉眼大大塊，配薯菜，另叫白意粉。建議跟黑椒汁夠味道。【鐵板珍寳什扒】💰HK$88雞扒皮夠脆，豬扒帶肥唔會乾柴，珍寶腸𠝹花煎得香口，一樣跟薯菜，同樣建議跟黑椒汁夠味道。【煎雞扒通粉、火腿炒蛋配芝士火腿牛角包】💰HK$59滑蛋少油，但仍然嫩滑。牛角包鬆軟。【瑞士汁雞中翼6隻】💰HK$38 跟餐加配雞中翼好大隻，6隻38蚊，幾抵食。.馬德里餐廳🏷️深水埗福榮街120-122號地舖

呢間港式冰室開喺深水埗，環境光猛，卡位坐得舒服！餐牌配搭吸引，而且價錢又不貴，值得一試~點雜扒餐套餐! 雜扒有豬雞扒、司華力腸同流心煎蛋，包咗餐湯，配菜可以揀咗薯條，跟多一杯紅豆冰（+$7）已經好豐富！豬雞扒嘅肉質都軟腍，配上黑椒汁底，味道幾夾；司華力腸帶煙熏香; 若果多點調味汁會更好，薯條索曬啲汁，會更好味。另一份即點了七成熟既西冷牛扒，鬆軟易入口，有牛味！羅宋湯，酸酸地非常開胃，完全不會膩，湯裡的配菜也非常好吃～白湯忌廉湯即白滑入口～另外+$18 有法式牛油薯蓉焗田螺或＋$38瑞士汁雞中翼～

鐵板餐是香港的一種特式餐點🍴搭配肉扒的醬汁倒在鐵板上💦高溫的鐵板令醬汁迅速蒸發成為煙霧🌫️發出吱吱聲響，成為鐵板餐的一大特色😃踏入餐廳的大門🚪懷舊式的裝潢，感覺寧靜舒適☺️位置就腳，人氣頗高，氣氛熱鬧🙌提供7-8款美味鐵板餐🔥其中以鐵板西冷牛扒最為受歡迎🐮牛扒份量甚大，厚度超過一厘米🥩肉質鮮嫩，口感腍身😙有齊豬扒、雞扒，司華力腸、煎蛋、薯條🍟非常豐富，名副其實「大件夾抵食」🤩新鮮的海鮮與濃郁的奶油和芝士相結合🦐白汁好重忌廉味，芝士有拉絲效果🧀有青口、魷魚 、蝦 、龍脷柳等海鮮🐟表面色澤金黃，口感層次豐富🥹