高星菜館

营业中

休息中

夜晚同朋友嚟到大排檔食飯，今次試呢間高星～叫咗3個餸，全部都大大碟！價錢正常 我覺得都算抵食😉- 西蘭花炒鮮魷 正正常常，都好夠味🤗 鍾意再重味啲嘅可以沾隔離碟蝦醬，好香濃嘅蝦醬味～- 海蜇手撕雞 同預想嘅樣唔同，但食落又幾得意，個醬汁係芥末味，配搭幾清新，有驚喜～ 不過啲海蜇唔夠爽，食落似粉皮多啲😂- 黃金豆腐 新鮮滾熱辣，又炸得外皮好香脆，豆腐嫩滑，蛋黃味好足👍3個人最後係食唔晒啲餸嘅🤣 份量真係好足，味道又唔錯，以後同朋友食飯又多個選擇喇😆

啲餸嘅味道幾好食特別係蠔餅啲服務態度真係幾好都幾細心等嘅時間唔長好快就有得食速度勁快之後實際嚐到菜餚後，發現味道相當不錯仲發現咗有打邊爐、燒烤、打冷嘢全部都值得推薦去食

打風後，難得35知已放假，聚首一堂，當然是開開心心大排檔啤一啤佢，不得不提這裏的炸物非常鬆脆，尤其係酥炸蠔仔粒，大碟又抵食，小炒王風味十足，辣子雞辣到啱啱好，值得推介

食大排檔重點就係要熱辣辣有風味夠鑊氣。我個人覺得做到哂。今次叫左個羊腩煲同牛舌係重點推介羊腩煲份量多連配料（冬菇、支竹、荀、馬蹄）都好好食。好入味👍🏻腐乳醬唔會太淡。牛舌有好多種煮法、足足有一板紙。我連續兩次去食都係簡冧酒鐵板，原來我對牛脷都唔係太大嘅興趣不過佢食落真係好正。侍應反應都好快，有禮貌。雖然忙喺上嚟佢會同你講轉頭幫你。但佢真係轉頭就會返黎。唔係敷衍你因為好多其他既大排檔比我嘅感覺係⋯啲侍應都好惡🙈同佢講每一句野都要快狠準。如果唔係就會有面色睇

高星菜館今日屋企無煮飯，所以出左街食，見到有自己最鍾意既蠔餅，當然立即點！之後再點多左個高星小炒王，因為有啲香口野，又有啲蔬菜，一餸兩用！蠔餅好有驚喜，蠔夠大粒，無臭味，餅身炸得夠脆，送飯一流！小炸王有炸香左既腰果同豬頸肉，肉汁再同啲菜撈埋一齊，同樣送飯一流！

附近大排檔林立，而我就比較鍾意呢一間多過其他。因為佢價錢唔係最貴，份量都算多。椒鹽鮮魷，炸得剛好，粉夠哂薄，唔會成口粉，鮮魷的確新鮮，又夠大舊。西檸雞，同樣皮薄，炸得香脆，唔會好濟，檸檬味十足，個汁送飯一流。沙嗲金菇肥牛煲，十分足料，除左金菇外，仲有一啲雜菜，調味剛好，不會太咸，而肥牛都唔會煮得太熟，唔會鞋。炸大腸，大腸肥瘦適中，咬落去唔會成口油，外皮炸得香脆，每一啖都會將入邊嘅油擠出來，點上甜酸醬同樣係送飯一流嘅組合！

係元朗人都知呢條街好多嘢食，呢間平時都好多人，食物水準唔差呢日假期前更加座滿人，熱熱鬧鬧預祝新年來臨小菜煲仔菜多款選擇，價錢同區差不多豉椒鵝腸試過好多地方叫呢個小菜都有臊味，但呢度無呢種問題之餘仲好爽口彈牙椒鹽九肚魚魷魚九肚魚個人麻麻但魷魚幾新鮮，火喉十足咸魚芥蘭煲！上枱熱騰騰，芥蘭翠嫩配咸魚好惹味

早排同呀媽個個周末都係血拼年貨🥵攞我命大掃除😭仲有一年一度既蒸蘿蔔膠🤪忙死啦～終於有時間出返個post～狗年最後一篇中伏食評～請笑納💁🏼‍♀️🤦🏼‍♀️·椒鹽九肚魚💰HKD88大大碟份量多、炸得都幾靚幾黃金炸皮係酥脆果種，我幾喜歡，九肚魚嫩滑，係炸到岩岩熟果種😋椒鹽味道好夠，唔洗點喼汁都好好味☺️整體滿意👍🏻·黑椒牛仔骨煲💰HKD108伏！就係講緊呢碟啦🤨說好的牛仔骨煲呢🤔上碟變左鐵板，落單果時又無講架喎，上菜仲要我開口問佢，先話「係呀～我地而家轉左鐵板呀！」😑隔幾分鐘，我又見到有一個個煲送去隔離枱🤷🏼‍♀️🤷🏼‍♀️如果好食都算啦，煮得勁油、啲牛又勁肥，真係食到落口既都無幾多舊，底部勁多薯仔，係度扮大碟🤷🏼‍♀️薯仔就唔差既，但真係太油，食唔落！👎🏻

晚上11時半路過高星菜館，見客人都很多所以外賣一個椒鹽鴨舌回家一試！當我開始吃第一啖的時候，覺得味道都很好，皮雖然不脆，但是吃了大約五六粒鴨舌之後覺得非常油膩，已經吃不下了，在盒底全部都是油，最終浪費了，仲要$118 好貴，量不多😩幸好，買了b仔腸粉

同朋友去左高星食生日飯，個炸豬手個個食到有贊無彈！豉椒炒蜆好肥美！黃金蝦又好夠味！正！仲有蠔仔粥，豉油王炒面，都唔差！老闆好好人，幫我地雪蛋糕，仲提供埋膠叉紙碟！服務好！

同最好既朋友食生日前席飯!識左超過10年+大家都已經唔係好介意外表~(其實可能係我不修邊幅, 收完工好懶再打扮出去XD)基於種種原因呢餐突然定落黎既生日飯就食得平凡dd~由於我十分鐘情大排檔, 有一種香港市井既地道感覺!加上係大排檔食飯好多野都可以接受多D,唔會太介意衛生,環境,其他食客聲量,如果平時要去食普通餐廳, 以上既幾點都好容易成為減分既原因!有時輕輕鬆鬆三五知己食飯傾下計嘈D都可以好享受~!一坐低就叫左2枝生力清啤($28/1)先 (好似係普遍最低卡路里啤酒之一)侍應貼心準備冰桶~啤酒都算凍!睇過下好多想食既海鮮都賣晒! 果陣係9點鐘...><!無晒肉蟹,又無花螺~~~咁聽下介紹就揀左以下幾款:油鹽水浸大蜆 $118朋友話好鹹, 我覺得ok, 大頭菜絲係有少少鹹, 粉絲吸晒d汁又好好食...反而主角大蜆唔夠鮮甜.....避風塘炒羔蟹 $168隻蟹好細羔都好少....炸蒜好鹹......蟹肉炸到乾晒, 身又無咩肉食>_<差唔多我一個人食晒成隻椒鹽三色 $108本身係魷魚,雞軟骨同九肚魚既組合,因為記得朋友想食豆腐, 所以就問可唔可以轉~侍應話可以

一行四人，四餸一麵先來沙爹肥牛粉絲煲唉，一上枱，簡直驚嚇！牛肉湯？冇沙爹味，肥牛嚡，水汪汪椒鹽鮮魷夠香口，但咸味不夠，問佢攞淮鹽，加咗後超美味干燒伊麵冇油冇味冇靈氣雞肉蝦醬西蘭花味道出奇地夾，如果再濃啲就好了。後加個乾葱豆豉雞煲，合格

今次點了3樣野：回味小炒皇，夠鑊氣。今次比上次更加多料！䜴油皇炒麵，香噴噴。食剩一半打包！乾䓤豆䜴雞煲：香濃！大大碟，份量十足！如果係一大班人食就最好！我地2個人3樣嘢，打包2合！

到高星食晚飯，叫左四個野味小菜，脆炸乳鴿、蒜蓉鮮魷白菜仔、薑蔥蠔煲同蠔仔粥，乳鴿肉質鮮嫩，外皮脆卜卜，都幾野味！蒜蓉鮮魷點蝦醬，咸香味絕不能少！薑蔥蠔既蠔都好足料，蠔身好肥美，好大隻，一個煲都有起碼八隻蠔，鮮甜肉質煎香左更好吃！稍稍遜色既係個一鍋蠔仔粥，雖然料好足，好多蠔仔，但係成煲粥無乜味道，非常淡，加調味料又怪怪的，可以不試！

叫左3個送：炸乳鴿，香脆、肉嫩，我地3個人食左2隻；蠔仔粥，多蠔仔，足料，但味道一般；白菜炒鮮魷，熱騰騰上枱就好好食，菜無渣，鮮魷唔點蝦醬都好夠味，飲左罐可樂，夠凍。