高橋沾麵製作所 (已結業)

晏晝經過奧海城去咗入面嘅 Food Republic，諗住隨隨便便食個快餐，揀咗一陣都唔係好揀到餐廳，見到有間食沾麵嘅高橋沾麵製作所，諗住特別少少試一試，見佢有個高橋龍蝦沾麵，張相有個龍蝦鉗好似幾吸引，就叫咗一個嚟食，預咗一定會圖文不符，始終幾十蚊唔通真係會有咩龍蝦食咩，所以抱住個隨隨便便嘅心態去食，個汁係石頭鍋上餐，出餐嘅時候滾到出晒煙，其實見到感覺都唔錯，個麵就另上，仲有流心蛋、豚肉同埋其他配料，啲麵我覺得軟硬適中，留心蛋就一般般流心，個沾麵汁其實好似龍蝦湯，個汁杰身咗少少，不過可以接受，雖然冇隻龍蝦鉗俾你，但係入面都有龍蝦肉，老實講龍蝦肉唔算多，但係價錢對比我覺得都合理，個麵都幾掛汁，至於個豚肉稍肥但係都幾腍，肉身未做到焦香效果，不過味道都唔差，特別係以 food court 嚟講，質素算唔錯。

唔想食沾面所以簡左佢嘅自選拉面加吉列豬扒，咁就中左伏，叉燒超薄切加陣味燶燶地，湯底冇味嘅要加勁多七味粉先食到。塊豬扒先係極品，食得出好勁鬆肉粉加埋果陣油溢味，食左半塊就想嘔，我平時幾難食都唔會浪費食物都頂唔順要放棄佢。仲要成個餐加埋成百蚊，好後悔唔食豚王簡左尼間野，簡直係貼錢買難受，可能佢主打沾面會好啲，但係點都唔會再試，尼間野真係不可一不可再平時中伏都係食完就算，尼間野係伏到要上嚟寫食評唱衰佢，。

大家都知奧海城food court 入面有好多餐廳～今次簡左食日本野極上3L廣島蠔赤海老拉麵 $86大大隻蠔配上沙律醬同埋甜甜地的醬～有糖心蛋一隻、紫菜一塊、木耳同埋筍 仲有超多塊叉燒 叉燒有微微燒過 係幼麵款豚肉魚介沾麵 $68呢款比較偏重口味 會dd 因為好濃縮 入面係有豚肉 其他同上面一樣配料 不過就係粗麵 有咬口的質感～勝在份量超多 大碗到超飽肚啦🤣高橋沾麵製作所 (大角咀)大角咀海庭道18號奧海城2期1樓大食代5號舖

位於奧海城 Food Court的「高橋沾麵製作所」主打價錢實惠，由日藉大廚高橋先生及松浦先生主理，提供多款特色沾麵和拉麵，更有極上3L廣島蠔及特色小食。「豚肉魚介沾麵」$68魚介湯上枱時仍然保持湯滾，湯底濃稠不過偏咸，麵質有咬口，配有6片薄切燒豚肉，肉質較乾身。「極上3L廣島蠔豚肉拉麵 」$86拉麵湯底同樣偏咸，配料有櫻花蝦、木耳絲、溏心蛋和數片豚肉薄片；極上3L廣島蠔肉質尚算飽滿，份量有手拳般大，可惜炸粉較厚，配上沙律醬和生蠔蘸醬。✨食物味道不過不失，勝在價錢實惠

同朋友經過奧海城諗住行下food court以為無乜野食時發現呢間幾多人排隊於是叫左幾樣試下海老沾麵一出餐個石鍋熱辣辣，滋滋聲拎去座位時有點重要小心食落個蝦味幾重，食食下飲下水清下味蕾會好啲但基本上粗麵唔怕好硬，沾啲湯食唔會好漏重口味人士可以try秘製辛拉麵湯底頗辣，中意剌激既朋友肯定會喜歡麵底係幼麵，食到最後啲湯都無哂炸雞丼雖然有一隻溏心蛋同少少醬汁但略嫌飯有少少乾飯有啲硬，加埋炸雞要加水飲先無咁乾哽炸鮮奶卷同章魚丸子正常發揮，不過不失經過既朋友都可以一戰食物水準都係預料之上～價錢都平均可接受

約左朋友放工睇戲，睇戲前要醫一醫肚成個food court比較吸引嘅都係呢間日本沾麵最正係幾十蚊就食到龍蝦🦞沾麵睇到我流晒口水🤤一於試一試🌟高橋龍蝦沾麵($77)沾麵汁用石頭鍋上餐，上枱仲係滾到出晒煙入面真係有好多龍蝦肉😋仲有啲熬煮湯底嘅豚肉沾麵係粗熱麵，麵質軟硬適中沾麵超掛汁🤩入口啖啖都係龍蝦味🌟極上3L廣島蠔豚骨拉麵($79)就咁睇menu對3L大細冇乜概念一上枱就有驚喜🥳成隻手板咁大炸粉上得好薄，蠔炸到剛剛好，咬落去仲有爆漿叉燒經過火炙，入口帶微焦香拉麵用咗幼麵，豚骨湯甜而不油膩另外要讚味付玉唔使加錢，酒香吸引👍🏻-整體每人唔使$100就食到飽仲可以食到龍蝦🦞同蠔🦪性價比極高🤗值得下次encore

到奧海城2期food court吃飯，貪其多選擇，今次選了沾麵，價格不高，決定試試高橋龍蝦沾麵 $77一取餐已見到沾麵湯超級熱辣辣，份量不少，將麵沾進去，麵質很煙韌不會太淋，龍蝦湯亦很鮮味，不錯極上3L廣島蠔豚骨拉麵 $79先嘗一口拉麵，豚骨湯底很香，味蛋半生熟超正，重點是蠔有2隻，每隻有巴掌大，脆漿很薄很酥脆，而且沒有油膩感，蠔味亦非常新鮮，一口咬下十分滿足，推介！food court環境很乾淨明亮其他餐牌

*****關注我 帶你睇更多真實食評*****如果有睇開我食評嘅人都知 有唔少餐廳都係拉面同沾面我鐘意食 並唔係重口味 而係因為個膠質感今次呢間餐廳 由佢岩岩開張 我已經bookmark左好耐 只係一直有其他野想食又或者唔去個頭無試到終於今日有機會試到 我一黎就直接叫個最貴嘅16號極上3L廣島蠔龍蝦沾麵雖然話最貴 但都係99蚊碗面一黎到 個湯因為用石頭鍋所以仲滾但賣相就。。。。同張圖差咁遠 由大龍蝦變左小龍蝦😂😂😂同埋佢係無比menu個cream 我🥲 (扣你分先）味到方面：佢個湯似咸左再膠質左嘅西餐廳龍蝦湯湯入面會有龍蝦 肉粒 感覺唔錯但個麵就炒曬車 老實講 個沾面係粗面但唔爽佢係有種就黎煮過頭嘅口感 我希望係得我個碗係咁 我會再翻食 下次再係咁就鬧爆你！！！炸生蠔 大隻 以呢個價 出面餐廳淨係得個面佢仲有2隻生蠔 抵食如果你睇埋佢其實menu 其實個價真係好平如果呢個價出面食 應該會係d 垃圾拉面上面仲有粟米🤣🤣*****關注我 帶你睇更多真實食評*****

今日去左奧海城行街，諗住hae食就入左去大食代度快速揾啲野食下，點知遇到驚喜！見到呢間高橋沾麵製作所就俾佢吸引住，因為唔多foodcourt係會有日本沾麵食，佢仲要有幾多款式，價錢好吸引，都係六十幾至九十幾蚊。見佢好似好平，我就食個最名貴既： 🔸️極上3L廣島蠔龍蝦沾麵（$99，9／10）佢既沾麵個湯係用石鍋上，超級滾超級澎湃，可以keep住沾湯既熱度。湯底係凍上，可以keep住彈牙口感，嗰碗沾麵都好大碗，有成6塊叉燒，好足料！ 另外佢配嗰兩隻3L廣島蠔真係超級大隻🤤 ，炸得超脆身好香口！個沾湯我都十分之欣賞，湯底濃郁有杰度仲超級有龍蝦味，仲有好多龍蝦肉喺入面！以一百蚊都唔駛既價錢就食到咁豐富咁好味既沾麵。推介！

奧海城foodcourt都幾多野食，今次就試下之後睇馬田推薦既高橋沾麵製作所，有拉麵、沾麵、丼飯食，但係黎到緊係試左沾麵先😋沾麵最平$68 就食到！好抵食！  1️⃣豚肉魚介沾麵（$68） 用石鍋上，成個沾麵汁仲係熱辣辣滾緊好吸引🤩面頭有魚介粉，入面仲有啲叉燒，湯底係好濃，每條麵一沾落去基本都可以掛曬汁。麵既配料就有半隻溏心蛋、紫菜、竹筍、三片叉燒。叉燒有燒過，帶啲油脂感，不過就偏薄。另外麵質都唔夠彈牙，似係普通既麵既質感。不夠總體黎講，係幾好食既，而且個價錢啊抵食啊！

叫咗個龍蝦沾麵，本身同圖完全不相符都算，點知啲烏冬勁難食，難食到第一次要打食評⋯龍蝦汁偏咸，龍蝦肉得丁屎兩三粒⋯唉～係我食過咁多間沾麵最難食嘅一次，佢唔係一般嘅難食！無下次😓

今日經過食街見到有拉麵店🍜，竟然唔洗$80可以食到一碗，即刻買一碗來試吓😋==============================環境：==============================食物：🍜濃厚豚骨叉燒拉麵$59⭐️⭐️⭐️⭐️湯底：好濃豬骨🐷味，有少少蘿蔔🥕味，有d似中式豬骨湯，幾好飲（不過返屋企之後都幾口渴）💦💦💦💦🍜拉麵：麵質彈牙，唔會一pat pat🐷叉燒：比較薄同埋多肥膏，但有用火槍燒過，所以幾香🤤🥚流心蛋：無咩醬油味，食返雞蛋原味😋==============================餐牌：

跟朋友等睇戲就決定在奧海城的foodcourt 快手食晚餐。見網上評價不錯，加上餐牌上的選擇都幾吸引，就決定食這家沾麵。-✦ 海老沾麵｜$66-沾麵湯以燒熱的石頭鍋上，十分滾燙，讓湯保持溫度，但湯底內找不到餐單上滿滿的底料之餘，湯底鹹得令人難以下咽，要向吧枱取一杯熱水稀釋才可以勉強入口。而且吃不出蝦的鮮味，為保持濃稠度掛麵，像是加了不少澱粉水。麵質偏淋，粉感重，叉燒也是乾乾薄薄的兩片-吃了不到一半就停下手了，完全沒有意欲再吃一口。而且下單時向職員説了不用加配餐飲，結果八達通付完款才發現加配了，也不得退款。。。

去奧海城睇戲，最方便就是到大食代Food court搵食，今次揀了好像都幾多人光顧的高橋沾麵製作所。主打是沾麵類，而我卻點了碗濃厚豚骨叉燒拉麵🍜濃厚豚骨叉燒拉麵，配料有炙燒叉燒、紫菜、筍、木耳及溏心蛋。現在吃一碗日式拉麵，動輒八九十元或以上，六十多元一碗已買少見少，因此，這碗拉麵的配料也沒有鋪得滿滿的那麼誇張。湯底的豬骨味香而不油膩，拉麵軟硬度適中，爽滑但不算好彈牙。溏心蛋入味，蛋黃亦夠溏心。半肥瘦叉燒充滿炙燒香氣，軟稔易咬！$63一碗的價錢而言，這樣的質素都算對得住價錢。

本應想去既餐廳無開，就上網search下附近有咩食，見到呢間沾麵評論好似唔錯，不嬲都鍾意食沾麵既我就決定試試🐒🦞高橋龍蝦沾麵$79本應期待個湯汁會好濃郁，會有陣陣龍蝦湯既味👀oh…伏了！食落完全無龍蝦味，湯汁有種老火湯既瓜味，龍蝦肉有3小粒，望落似係小龍蝦食落都係無味既，呢款真係唔洗試😐🦐極上3L廣島蠔赤海老沾麵$93比起龍蝦沾麵，呢款比較放得入口，湯汁都有蝦味，唔算好濃～但止小食得出係海老🦐吉列廣島蠔都係大隻，炸得香脆唔油膩，帶微微腥味，點燒汁沙律醬可以減少腥味🙈✩叉燒偏薄，無咬口亦無任何赤燒脂肪香，好普通既肉片✩湯汁濃稠適中，每條麵條呢都掛湯👍🏻仲有小量角切🥩✩麵質偏粗身，尚算彈牙，但係麵粉感比較重，咬多幾啖開始會漿住同痴牙😬