高橋

营业中

休息中

呢間店我係第二次去試。第一次食嘅係燒飛魚🐟沾麵，係好食嘅，美中不足係沾湯唔夠濃亦唔夠鹹。一如以往，如果間店嘅湯同麵個味道係好，我係會比多次機會佢嘅。特製燒飛魚🐟鹽味拉麵🍜香味 (5/5) - 直接滿分！燒飛魚🐟嘅香味比上次我食沾湯更加特出，感覺好似直接聞緊一條剛燒好嘅魚咁，冇誇張。湯頭 (5/5) - 又係滿分啦喂！燒飛魚🐟唔單止香，仲完美地反映左响個湯道，又濃又夠味！麵條 (4.5/5) - 中太麵至太麵之間，偏向扁身，口感順滑。麵香非常夠，好食，掛湯正常，夠做啦！配料 (4/5) - 又係兩款叉燒。第一款，豬肩肉，薄切，相當爽口，肉味亦相當香濃。第二款，豬腩肉。唔算炆得好稔嗰種，少少柴，不過肉味都係香濃。荀乾，有驚喜！荀紋好清楚，又脆又甜，冇荀臭味，上盛之選！溏口蛋，同上次食沾麵隻蛋一Q樣，淡口，蛋香唔夠，呢吓扣左分。整體 - 值得推薦 👍👍👍👍👍

咁啱同同事食晏，呢間店就响附近，就佢啦！回家做左陣 research，原來係過江龍店，仲要响日本某某平台 3.66 評分。不過咁，評分一回事，係咪好野，食過就知。特製燒飛魚🐟沾麵🍜香味 (3/5) - 還好，正常水平。麵條 (4/5) - 中細麵同中太麵之間啦，唔粗唔幼，方形直麵，呢類麵配沾麵都好常見。小麥香幾夠，夠滑溜。沾湯 (3/5) - 報稱係用豬骨，雞骨，同燒飛魚一齊煲個湯。同一般煮干，魚介口味嘅湯頭一樣，只要有魚存在，魚嘅味道係會搶左豬骨同雞骨。不過佢打正旗號叫燒飛魚🐟沾麵🍜，魚味做主角好合情合理。只可惜，濃度同鹹度作為沾湯來講係不足，質地太薄，個麵盡左力都掛唔起d湯，要邊食麵邊潷啖湯一齊食先夠味。因為個湯本身個味係好的，所以3分我認為合理。配料 (3.5/5) - 因為點左特製，所以叉燒有兩款，第一款叉燒係類似ham咁口味，夠鹹香，又夠嫩滑！另一款叉燒就正常水平，估計係里脊肉，肉質較扎實。蛋就彈一彈佢，冇乜蛋香，似白烚，冇加味醃過。其他蔥，荀，海苔都係正正常常。整體 - 可以一試。如果你係淡麗口味愛好者的話，你可能會喜歡。

109蚊 一碗咩燒飛魚味增叉燒拉麵。拉麵🍜難食，湯底非常普通。叉燒又薄又柴。本身好期待食一碗好食的拉麵🍜但係真係非常失望😞希望大家唔好中伏142蚊買單 連罐可樂🥤同三隻餃子🥟，個餃子其實不錯ge 算幾好食。但係咁ge拉麵賣109蚊，我真係覺得求其買包10蚊拉麵自己翻去煮冇咁嬲

前日經過Mikiki, 正當想食日本野但壽司店過左飛，周圍行見到呢間新開高橋拉麵，一見到門面有塊大牌有沾麵食，就即刻轉軚黎試下！事關本人非常喜歡吃沾麵，去到邊間日日餐廳，餐牌一有沾麵，一定會點左先算！😌見有其他食客話東京銀座食過，我地之前都只係食過香港幾間唔同拉麵店嘅沾麵，其實對我黎講都好好味，今次見發酵味噌咁特別，就即刻點左！因為屋企人事前食左野，加上8點幾見餐廳唔多人唔肯定好唔好食，所以今次晚餐點得唔多...先來個發醇味噌拌麵即係沾麵 $69，新開張仲有優惠減$10👍😌！餐牌話個汁好味要加白飯$16，最鍾意食日本米就一於加！的確冇令我失望！麵質係有彈性有咬口嘅質感，個汁除左有鰹魚味，仲有好濃嘅味噌味😋，有d 肉碎，如果可以加粒流心蛋就好！撈白飯其實都好味，只係嫌碗飯細碗左d，及對我黎講碗麵辣左d... 但我地最後連汁都清晒！👍 細沙律$20，蔬菜新鮮，唐揚雞5件$39 真係好抵，大大舊肉，仲要外脆內嫩，清晒！店內一貫日式設計，侍應後生，服務算細心，最緊要竟然唔使加一感覺物超所值👍，下次一定會再幫襯！😌

本身喺日本銀座食過呢一間拉麵，可以話係我心目中的前三位，每一次喺日本食臨尾都得要加個白飯，估唔到有一日發現香港竟然開咗一間，還原到都算幾高，拉麵上到嚟熱辣辣，可以話係一解相思之苦。咁啱嚟到做緊優惠，正價拉麵可以減$10 ，所以都坐低食咗一個拉麵做午餐，今次食嘅係特製燒飛魚鹽味拉麵，味道好好。另外，服務質素我覺得呢間舖頭做得唔錯，店員都好細心而且有禮貌，當然香港同日本食拉麵嘅分別就係風味不同，喺日本食店員會由你入嚟嗰一刻直至到離開店舖都會以日式禮儀去招待同感謝客人，但係喺香港食到差唔多嘅味道，我相信已經不能要求更多。

諗住新開張入去這個商場的拉麵店嘗試他們的燒飛魚鹽味拉麵，但係他們的叉燒薄得很，簡直就係打邊爐牛肉的厚度，味精量極多食完口渴非常。真的不會再去這樣的水準。唔…. 去

有一種味噌叫做發酵味噌🙄…… 個名雖然怪怪地，但係又行咗入去試吓咩味… (人生充滿著矛盾👉🏻👈🏻）發酵味噌拌麵🍜：獨特的發酵味噌風味，少少辣，加上肉碎，味道濃郁，不錯。拌麵麵條彈牙，比起拉麵，拌麵是比較有新鮮感👍🏻燒飛魚鹽味拉麵🍲：拉麵麵條口感適中，配上燒飛魚和鹽味調味料，味道獨特日式餃子🥟：皮薄的一口餃子，雖然味道不錯，但未能令人留下特別印象。餃子醬料亦沒有特色。整體性價比不高，希望餐廳能夠改進一些細節，提供更好的體驗。🌟食評指數：7.5/10💁🏻‍♀️人均消費（lunch）～HKD80🗺️ 地址：1/F Mikiki, San Po Kwong👀想睇更多餐廳分享，請like & follow @_jolly.foodie_ 🤍#spkfood #spkjollyfoodie #JKHK

終於一嚐呢間開左一排既拉麵沾麵過江龍🤔▪️ 燒飛魚沾麵（5.5/10）+ 溏心蛋（6.5/10）💲79 + 13慢煮豬肩薄身嫩口，推廣期內追蹤社交平台仲會送多一份🤣個沾麵湯同預期中有出入，實在太過水同稀，但就都有啲角切豚肉粒🤯而麵條係比較幼軟身，根本唔係好掛到野😢個人真係唔太識欣賞個湯頭，始終都係鍾意稠身魚介湯嗰種👉🏻👈🏻溏心蛋有蛋香，醬油味可以更濃🥚🔎 整體評分（6/10）

之前去東京銀座食過高橋拉麵，當時覺得係全銀座最好食嘅拉麵，所以一直念念不忘。直到今日行過見到同名嘅拉麵，入去望下師傅話係用同日本一樣嘅formula製成，就試一試佢。真心，香港拉麵店入面佢一定算top 10%好食。同東京店味道相比還原度甚高，價錢亦都唔算貴。個魚湯夠濃，棉質夠煙靭彈牙，just right for me.另外，亦都叫左份炸雞 $39有5件大大件，以宜家乜都越賣越貴嚟講真係算好唔錯。希望佢可以做落去，保持水準。

位於Mikiki 2樓的拉麵店，平時食開豬骨湯或雞白湯，第一次食魚湯拉麵。一入去店員會比一杯飲品我，我以為係熱茶，點知原來係一杯暖暖的魚湯，好好飲。我叫咗特製飛魚鹽味拉麵，佢個麵係粗麵，好有口感，冇鹼水味，配濃味的湯底好夾。以為魚湯會有腥味，點知冇腥味仲好清甜，可能係燒飛魚，所以有少少煙熏味，湯底好特別。配料有竹筍，因為唔食筍所以走筍，紫菜，糖心蛋，京蔥和叉燒。叉燒係切到好薄，而且冇臊味。糖心蛋好入味，甜甜地，好好味。套餐可以配餃子，餃子皮薄多餡，味道都OK。唔知係咪因為價錢有啲貴，下午時間去全店得我一枱客，不過服務，食物和環境真的不錯，下次有機會會再去。

上年年中開關之後喺日本銀座食過之後已經念念不忘,估唔到真係會喺香港開分店👍👍,無論湯底,配料,同麵嘅質地同我喺日本食嘅一樣,唯一唔同嘅香港食會貴過日本少少,但過江龍一般都會貴d,始終香港地租金人工同日本唔同,香港而家嘅拉麵店甚少會用粗身麵,佢呢個麵質口感Q彈,幼麵已經食到厭哂,之前食左燒飛魚湯底,已經好正,但我更加鍾意佢嘅背脂醬油,有d類似烤魚乾嘅香味,上面d好薄嘅應該叫慢煮豬肩好軟熟好香,可惜地點太遠,如果唔係的話,我日日食都可以..

高橋沾麵是一家知名的拉麵店，以其獨特的湯頭和豐富的配料而聞名。他們的招牌菜之一是燒飛魚湯拉麵，這道菜品讓我留下了深刻的印象。首先，湯頭是這道拉麵的亮點之一。燒飛魚湯頭濃郁而有層次感，帶有淡淡的魚香味，讓人回味無窮。它的口感滑順，帶有一絲絲的粘稠感，讓人感到舒服和滿足。其次，麵條的質量非常出色。麵條彈牙有嚼勁，完美地吸附了湯頭的風味。每一口都充滿了滿滿的滿足感，讓人無法停止品嚐。此外，配料也是這道拉麵的亮點之一。除了傳統的叉燒、蔥花和海苔之外，還有一塊燒飛魚片放在湯面上，增添了豐富的風味和口感。這道拉麵的配料組合非常出色，每一口都能感受到不同的層次和風味。總的來說，高橋沾麵的燒飛魚湯拉麵給我留下了深刻的印象。它的湯頭濃郁、麵條彈牙，配料豐富，味道美味。如果你是一個拉麵愛好者，我強烈推薦你嘗試這道菜品。它絕對能夠滿足你的味蕾，帶給你一個美味的用餐體驗。

見到呢間新開張拉麵，走咗去試！明太子豬肉餃子真係特別又好食呀！餃子皮薄薄嫩滑，包裹住豬肉。可以感受到餃子嘅嚼勁同埋明太子嘅鮮味，明太子有一種濃郁嘅海鮮味道，同埋豬肉嘅肉汁結合得恰到好處。再鹽味叉燒拉麵真係鹹香美味，叉燒肉煮得剛剛好，肉質鮮嫩多汁，可以感受到它的嫩滑口感同埋那種濃郁的肉味。麵條彈牙有嚼勁，配上鹽味湯底，真係一種獨特的滋味。湯底帶有一種濃郁的鹹味，與叉燒肉的香氣相互融合，非常好食，如果你鍾意鹹香的拉麵同埋多汁的叉燒肉，鹽味叉燒拉麵絕對係你嘅最愛。

第一次食咁熟的(溏心?!)蛋【#香港美食_餐廳】來自日本的燒飛魚湯拉麵終於係香港開店喇，開店幾日後，咁啱經過見冇咩人，就入去試下。特製燒飛魚鹽味拉麵($99)第一次食呢種味道，啖啖魚香味但都夠濃郁，鐘意魚湯拉麵值得一試，但我地都係鐘意豬骨湯多D 😆第一次食拉麵的溏心蛋係咁咁咁熟，有待改善。叉燒就一塊厚一塊薄，正常發揮，沒太大驚豔。

2024.1.4 新年快樂🎉🎉哩幾日聽到主管同我講，mikiki開左間新既拉麵店，以飛魚湯底為主，所以今日放假決定黎寫我今年第一篇既食評😃睇左一陣餐牌，我點左特制燒飛魚鹽味拉+炸雞😃🍲🍲湯底係濃郁既小魚湯，味道清甜冇魚腥味，鹹味適中😃🍜🍜麵係曲太麵，食落煙韌順滑，口感十足。而且麵量都幾多，一定食得飽😂🍥🍥配菜方面有紫菜，竹筍，青蔥京蔥，糖心蛋，以及叉燒。叉燒有兩款，有低温制， 另外有傳統做法。🐷低溫叉燒食落口感柔軟有彈性，冇豬腥味冇血水，味道清爽😊🐽傳統做法的叉燒好香醬油味，食落入口即溶，唔肥膩而且鹹香十足😃🍳糖心蛋流心程度大，蛋味十足，因為唔係味玉所以味道係偏淡，唔鐘意濃味既人啱曬😃🐔另外仲叫左份炸雞小食，一份有4件，外表酥脆度唔夠， 但內裏肉汁算多，鹹香適中，如果等油温高啲個陣再翻炸一次就會再脆啲🤔店內約有500-600尺左右，以淺色木制裝潢，檯櫈，筷子盒都係木制品😃地方算寬敞，而且光線充足😃吧檯約10個坐位，而且有提供掛勾同埋藤製籃比客人放背囊以及手袋之類的😃方檯目測約6-7張左右，但反而冇提供掛勾藤製籃，如果考慮放藤製籃係櫈底就完美啦🤔場內有播放近幾年既流行J-pop，