鬼金棒辣麻牛骨湯拉麵

营业中

休息中

圍方🟫鬼金棒牛骨辣麻拉麵🍜！重口味拉麵 唔使去到日本 近近地已經有得食1/ 味玉辣麻牛骨沾麵🍜小辣小麻🌶️我都幾鐘意食沾麵, 分開湯同埋麵更加可以品嚐到湯既味道🐄牛腿骨熬製而成既牛骨湯底好香🤠叫左小辣小麻一D都唔激烈 岩岩好🌶️拉麵夠硬好有口感🌶️薄切炙燒和牛好味🥩2/ 辣麻味噌拉麵，小辣小麻，仲叫咗增量叉燒 😬😬見到D肥美既叉燒已經流哂口水🤤炆煮得軟腍入味，入口即溶🤤拉麵夠哂粗 食到好飽😬仲有大量蔥 好岩我地口味🫢3/ 煎餃六隻 皮夠薄 脆卜卜 正哂

早排去開大圍圍方買嘢，突然諗起呢間新開日本🇯🇵嘢🍥🍜。有日本拉麵、小食、特色飲品，座位舒適，食物款式多👍🏻.《增量叉燒x2味噌拉麵》 🍜 $140幾足料，有兩嚿大大塊增量日式叉燒、玉米條🌽、蔥花等😍。有熱味噌湯，夠重味 同 rich！麵底夠多，係屬於粗啲嘅拉麵，掛汁👍🏼《牛油拌麵》🍲 $105極豐富、份量好多，有唔同拌麵餸🤩 啱晒食量比較大嘅你。湯底係牛油底，比較creamy滑。未食已經聞到湯底好香🤤 幼身拉麵嘅軟硬度啱啱好，幾彈牙！《煎餃（六隻)》 🥟 $45有成六大隻，肉汁多！《汽水》🥤 $15配埋拉麵食👍🏻👍🏻

✨鬼金棒牛骨辣麻拉麵✨地址：大圍車公廟路 18 號圍方 2 樓 221B住喺大圍嘅朋友話呢間開店差不多三個月的拉麵舖啲牛筋好淋好惹味，今日特登同媽咪嚟使吓🤗～芫荽辣麻牛骨拉麵$120見到「芫荽」呢兩個字點俾媽咪食就一定冇錯，因為佢係「芫荽控」🤣果然一上枱就有驚喜，有好多芫荽鋪晒喺上面，正❤️撥開啲芫荽就見到下面兩塊個名係慢煮叉燒嘅肉肉，點解食起上嚟咁似牛嘅，問問店員，原來其實係安格斯牛扒來的，仲好！我呢兩塊牛的質素相當，口感嫩滑，，入口即溶，牛味濃郁👍拉麵煮得也是剛剛好，軟硬度適中，湯底非常濃郁，～A4和牛辣麻牛骨拉麵$165呢個其實同上面嗰個拉麵冇乜分別，湯底一樣的香濃，收貴啲梗係有原因嘅，咪就係牛肉係升級版，變咗做和牛，所以更加滑，物有所值，絕對值得一試😍～牛筋終於出場啦，就係特登為呢個嚟食，難怪朋友讚口不絕，牛筋經過長時間慢燉，筋都軟綿綿的，完全沒有一絲老硬😄醬汁恰到好處，甜鹹度適中，與牛筋完美匹配，食到停唔到口，連冇乜牙的媽咪也讚口不絕🤣

一路都想試鬼金棒，但係成日都要排隊，咁啱嚟到圍方見到佢新開就試吓佢啦！有自助水機有冰水可以唔使叫嘢飲叫咗個高辣小麻 以譚仔食大辣嘅我嚟講我覺得佢有中辣咁上下另外佢係日式嗰種辣味，唔係大陸嗰種辣男朋友嗌咗高麻小辣，牛骨湯的確重味啲冇俾啲辣冚住麻就應該係加咗花椒油，味道都唔錯每碗有兩片牛肉一隻糖心蛋，有啲洋蔥仲有牛筋，牛筋好食洋蔥水呢食食吓可以解辣同埋幾fresh，牛肉好味，但係少咗啲啦不過以呢個價錢嚟講都正正常常啦味玉就正正常常啦湯底因為辣已經完全試唔到，有機會要試吓唔辣餃子啱啱上枱就脆都唔錯掛住食，唔記得影相另外冷氣好凍，好舒服😌

鬼金棒 - 大圍新店地址：大圍車公廟路 18 號圍方 2 樓 221B話說六年前同fd去日本旅行，順路探吓喺東京讀書嘅朋友，佢帶我去食日本嘅鬼金棒，喺當地讀書嘅朋友介紹，一定介紹當地人先知嘅美食🥰 嗰陣嘅我揀咗大辣🫠🤭 諗住難得嚟到一定要試吓大辣🥵，唔食得辣嘅千祈唔好亂試😂 辣到飛起🥵🥵 不過舊叉燒真係超大嚿超好食超好食！跟住返到香港，冇耐之後鬼金棒就嚟咗香港開分店，好墟冚，排隊排勁耐先食到😍 尖沙咀同銅鑼灣分店都食過😋😋 咁啱約咗朋友去圍方，原來都開咗鬼金棒，即刻拉個朋友去食😍😍店裡採用self-service形式，QR code落單，仲有水機可以自行斟水👍👍 梗係斟凍水👍👍 咁先配得上熱騰騰嘅拉麵增量叉燒辣麻味噌拉麵 $120又食到我心心念念嘅叉燒麻辣味噌拉麵😍😍😍自從喺東京食完一碗大辣，就唔敢再挑戰😂😂所以我都係食返中辣🤭🤭 湯底如常濃郁又麻辣，叉燒同日本一樣超級熟嫩😍 增量牛叉燒辣麻牛骨拉麵 $135留意到牛骨拉麵嘅碗同味噌拉麵嘅碗係唔一樣嘅，牛骨拉麵嘅碗會寫住牛骨🤣 我每次嚟都係食叉燒拉麵，所以都忍唔住試咗一啖朋友嗌嘅牛骨拉麵。湯底依然都係十分濃郁，牛骨都好入味。煎餃$45一

以麻辣為主嘅拉麵🍜店，辣度同麻度分為5個level ，分別不辣、小辣、中辣：高級辣、鬼增辣，食得辣快啲黎挑戰下最辣個嗰level啦！😎😎🔸味玉辣麻牛骨拉麵💰110湯底融合牛骨同辣椒嘅香氣，叫佐小麻小辣，湯底濃郁帶有微妙嘅辣味。拉麵粗身彈牙有嚼勁，呢碗仲有味玉，煮得剛好嘅溏心蛋必食吖! 牛骨就煮得軟腍入味～🔸增量牛叉燒辣麻牛骨拉麵💰135牛叉燒肉質鮮嫩多汁，都有大約5塊～湯底都係小麻小辣，食落無想像中辣🤣呢碗想食糖心蛋就要另加！🔸煎餃（六隻）即叫即煎皮比較薄，配搭已調配好嘅微辣同醋嘅醬汁🥟

2024年6月11日 星期二今日晏晝唔需要返工，終於有機會嚟圍方試吓呢間開咗張冇幾耐嘅拉麵店一行到門口就已經好清晰見到餐牌標誌鬼既圖案，特色既裝修有如置身日本拉麵店既感覺餐廳裡面有幾塊大玻璃採取自然光，令到成間餐廳更光猛同空間感更大，枱與枱之間有足夠距離，店員走動拎食物都唔怕撞到顧客，而且餐廳仲有吧枱，可以清晰見到師傅煮麵添食物可以用網上點餐，夠晒方便而且圖文並茂，除咗拉麵之外都可以叫沾麵，有辣有唔辣，辣度同麻度可以自行控制，所以我叫咗小麻小辣嘅增量牛叉燒辣麻牛骨沾麵，再加一份玉米荀同飲品食拉麵當然唔少得要有波子汽水啦，有氣之餘又夠晒涼快，最啱就係呢一種炎熱嘅天氣之下飲，即時透心涼等咗一陣沾麵就送到，湯同麵係分開上既首先個湯熱辣辣，第一口飲落去已經有好濃郁嘅牛骨味，小麻小辣令到個湯底幾惹味，但係又唔會奪取咗牛骨嘅味道，加上個湯底唔會太稀，完全可以令麵條做到掛汁嘅效果至於麵條就好彈牙，比起一般拉麵粗身少少，更加容易掛汁之餘，食落去都更有口感，而且唔會煮到好腍一咬就散不得不提既仲有牛叉燒，一般嚟講拉麵嘅叉燒都係用豬肉整，但係呢間餐廳竟然用上牛肉，效果出奇地夾，牛肉半生熟可以見到紋理好清晰，

圍方新開咗【鬼金棒】屋企附近又多咗一間食堂啦🤤鬼金棒主打「辣麻味噌牛骨湯拉麵」唔好畀佢個名嚇親呀！所有拉麵都可以揀無麻無辣喔唔食辣人士都可以試下.//芫荽辣麻牛骨拉麵（無辣）//拉麵上有一座芫荽山🤩好澎湃！第一次食牛叉燒，原來都幾好食，焦香嫩滑搭配牛骨湯底及麵條，濃郁掛汁，但又有種清新嘅感覺.//增量叉燒辣麻味噌拉麵//叉燒好大塊喔！！半肥半瘦，夠晒嫩滑！！味噌湯咸香濃郁！！.//煎餃子//金黃金黃，咬落去好多汁～～

最近喺圍方開咗一間以辣麻味噌牛骨湯為主打嘅拉麵舖. 豬骨湯拉麵就成日都食. 牛骨湯都係第一次雖然佢顯示每一款嘅拉麵都係辣麻. 但其實所有拉麵都可以揀無辣. 咁帶埋小朋友嚟食都得啦🐮增量牛叉燒辣麻牛骨沾麵 (無辣)湯底以40 kg巨大牛骨長時間熬成. 濃香味美麵條爽彈. 掛湯力強牛叉燒經慢煮、煎香、薄切三個步驟. 令到外皮焦脆肉質香嫩. 加上軟爛牛筋賞味配合帶俾我拉麵嘅全新體驗🐷芫荽辣麻味噌拉麵愛西荽人士必叫. 拉麵上鋪滿滿滿嘅芫荽叉燒以各種香料慢火燜煮過夜. 令到又腍又厚身. 入口即溶. 味道鹹中帶甜另一個特點就係麵條以三種不同粗幼度嘅面要組合而成. 可以完美吸收湯底湯底則以特製唐辛子、頂級和歌山葡萄山椒同香麻油製作而成. 辣得嚟好過癮🥟煎餃子好欣賞佢嘅餃子煎得好金黃皮薄餡多唔會好乾身

鬼金棒副品牌辣麻牛骨湯拉麵開到第三間，現在港九新界各有一間，第三分店在大圍圍方，位置相當偏僻，在商場一樓的一端最角落的位置，話需如此，由於新商場，加上售賣麻辣味麵店包括鬼金棒只有兩間，我平日晚市去相當多人，有八成滿，座位大約三十個，好多都是一家人來，叫外賣的也相當多。由於這新店鋪較大又新，員工比尖沙咀及銅鑼灣多，人多又年青，全店氛圍都好地道街坊，有客人穿拖鞋及底衫，有小童走來走去，環境很嘈吵。細看餐牌，價錢除了A4和牛拉麵之外，其他售價還可以，除了牛骨湯外，還有味噌豬骨湯頭。我點選了味玉麻辣牛骨湯拉麵及附加一碟牛筋。要用二維碼點選菜式，我以八達通結帳，食品正價連加一服務費是$159.5。飲用水可以自行取水杯到飲水機取水，有暖水室温水及冰水選擇。拉麵湯頭辣度是小麻辣，我是怕辣的人，但這個麻辣程度可以接受。麵條的梘水味重，似乎煮麵梘水揈唔去，所以很像吃汕頭粉麵舖的牛腩麵一樣。牛筋我愛吃，雖然入味也不錯，但可能不太夠汁，牛筋凍了黏埋一堆，像橡膠一樣，後期很難夾起。

拉麵唔一定要到日本先有得食，今天來到大圍「鬼金棒牛骨辣麻拉麵」，品嚐東京過江龍拉麵店。店內燈光鮮明，環境潔淨，內裡還設有吧枱，讓客人可看到師傅用心制作每碗拉麵。 這裡主打辣麻拉麵，麻及辣分了不同程度，兩者均可自由配搭。 而湯底亦有兩款選擇，分別是味噌湯及牛骨湯。 😋是日選擇：1️⃣味玉辣麻牛骨拉麵（小辣、無麻）🍽牛骨湯香濃牛骨味，幼身拉麵，更易掛湯，配上牛肉、牛筋、蔥、雞蛋，味道豐富。 2️⃣炒豆芽菜味噌拉麵（無辣、無麻）🍽叉燒肥瘦適中，很入味。拉麵粗身，爽口彈牙，吸收了濃厚味噌湯的味道。 3️⃣煎餃子 🍽外皮皮薄，香脆，內裡餡料滿滿。4️⃣波子汽水🍽感覺清涼，爽！

呢間係鬼金棒既姊妹店，今次佢地開左喺圍方，住新界既朋友仔終於唔洗出九龍同港島都食到啦！增量牛叉燒辣麻牛骨拉麵 $135用西冷做叉燒，肉質軟嫩，肉汁惹味。拉麵彈牙，高湯辣中帶麻 ，辣度同麻度都可以揀，分五個level:無、小、中、大、鬼增。我就唔敢挑戰鬼增喇！如果食得辣既朋友可以挑戰下！招牌牛骨湯底拉麵(原味） $100牛骨湯底濃香，除左叉燒，仲有洋蔥、香蔥、玉米筍同牛筋作為配料。不過略嫌有少少油膩，只能說辣麻牛骨底好味好多！

So far 食過三次第一次食覺得麻麻但有時拉麵癮起 見佢又近屋企所以見順路又食多兩次坦白講 無食評講得咁差可能因為我係食辣果款見其他人話難食都係原味/牛骨果d我叫左大辣 辣度同胡椒濃度都係揀大我覺得對平時食譚仔中辣既我好適合但佢隻辣係好多辣粉 好多胡椒既辣 湯入面仲有好多洋蔥粒 同薑粒第一次食覺得有少少奇怪再食第二次第三次就會覺得別有一番風味係一種食完會想再食既味道麵係用粗拉麵我自己中意食粗多過幼因為麵香味出d同飽肚d不過我唔太中意佢用即棄木筷子明明堂食都似外賣我覺得食麵用返日本尖筷子食係最正至於d配料 我覺得舊豬肉係好好食佢個味道似平時米線舖d豬軟骨甜甜地 肉質煮到好軟 好香不過個溏心蛋就差d頭兩次去食到係實心 做唔到流心既狀態第三次食就好左 有返dd流心一碗拉麵$105佢無收加一 可能因為落單自己用QR code 斟水又要自己出去環境新裝修係舒適既坐靠窗位有市景睇 望下天都幾寫意總的而言 絕對唔係超好食 唔需要跨區入黎食但住得近間唔中食下係ok ge

過去喺旺角食過，鍾意佢大大碗，又夠重口味🤭知道佢喺大圍新開，仲有新湯底（牛骨湯），冇理由唔試🤩味玉辣麻牛骨拉麵▫️麻辣牛骨湯底，要咗小麻小辣，個人覺得突顯唔到個牛味，下次要試牛骨清湯。▫️慢煮牛肉好好食，因為經過慢煮，牛肉唔「un」，牛肉味突出，牛筋唔會太腍，幾好味。▫️麵底係幼拉麵，食落有啲似雲吞麵，加上煮得過腍，有啲失望。點菜嗰陣時唔知係幼拉麵，如果有得轉粗拉麵會比較好，讓食客彈性大啲。▫️糖心蛋蛋味非常濃郁，淡淡的醬油味，蛋黃入口即溶🤤特製麻辣味噌拉麵▫️味噌湯底唔啱晒重口味嘅人，唔係太鹹，配上麻辣令到湯底又辣又鹹嘅感覺唔錯。▫️豬腩肉肥瘦適中，唔怕一咬落口成啖肥膏。醃到好入味，份量非常大方。▫️麵底係粗拉麵，質感熟透偏硬，飽腹感🆙煎餃（六隻）▫️$45價格和份量合理▫️略嫌煎到皮都淋晒，有點太油環境、服務▫️由於係手機落單，自助式斟水，所以未能在服務上評價什麼。▫️其他裝修比較簡約，除了小食之外，拉麵價錢偏高。

🍜味玉辣麻味噌拉麵 $105第一啖試下個湯底已經有濃厚既味噌味🥰辣度係小辣同小麻，食落十分平衡😆唔會比任何一方搶咗味道既主動權。五花叉燒非常大舊👏🏻但係肉質唔柴唔老，麵質較粗，麵既味道唔怕被搶，加上流心既味玉🍳同爽口既芽菜，整體感覺非常配合🎉.🍜增量牛叉燒辣麻牛骨拉麵 $120 加味玉 $15湯底非常驚喜，濃郁既牛味，配合洋蔥既甜，將提升至另一層次。配料有4塊牛叉燒😍食落十分柔軟，嫩滑，加上有輕輕燒過表面，同時帶出燒烤既香味🤩牛筋亦非常腍，好入味。麵質較幼，相當掛湯，每食一啖牛味都充斥住成個口腔！.🥟餃子賣相出色，焦黃部分非常可觀，外皮亦唔會太厚，肉餡足料！.📍 鬼金棒牛骨辣麻拉麵 尖沙咀、銅鑼灣、大圍