魚之神日本料理 (已結業)

前星期六放工想去午餐，找錯了方向就放棄了。這個星期看清楚地圖，原來正正係地鐵站出口，日日經過都見到。看了餐牌熟口熟面，和將軍澳的魚味市場是一樣的？！莫非是分店？　要了兩個套餐，友人喜愛三文魚帆立貝飯﹝$48﹞，我點了肥牛湯烏東鍋﹝$46﹞。前菜有小碟螺肉和面鼓湯。餐飲要了熱柚子蜜。　先說三文魚帆立貝飯，三文魚的選材不錯，偏肥，有口感，但不膩。帆立貝有點冰，我警告過友人出面得十度還吃甚麼魚生刺身，不過他說不介意。飯，天氣冷，飯更冷，所以他吃不下那麼多。　至於肥牛湯烏東鍋，十分肥，吃下去很保暖！烏冬不算彈牙，湯底也沒有甚麼特別。整體只算合格。　友人堅持追加一客三文魚腩刺身 ﹝$55﹞。肉質和刀功都是不錯的。看之前的食評，珍寶三文魚腩應該更佳。如果再來臨，看來要等春暖花開才來試刺身壽司了。　有趣的事，店中間有四位師傅在處理刺身壽司，每次有客人要加水點菜都是中間有位戴眼鏡的師傅發現，然後叫外邊的同事回應，莫非那人是老闆？　

講多無謂, 先去相呢幾樣係我每次去魚之味都會食的, 每次帶朋友去之前, 佢都會問我係咪傻架, 住上水去到將軍澳為左食一餐壽司但當我帶埋佢地去既時候, 佢地都會一致認同, 而且會叫我一齊再黎食今次帶左另外兩個朋友黎, 加埋我女朋友, 一行四人, 食左6百蚊有找可能d人見到係呢度既評價咁低, 唔方好食得去邊,只可以話d人唔識得叫送先小人後君子, 呢度d炸物真係超級超級勁難食, 炸蠔炸蝦炸雞軟骨, 又乾又無汁但係, 去一間食肆最緊要食佢做得好既野, 唔通你去中環鏞記果度飲茶你去食紅豆沙話人難食就唔食咩呢度最好食係醬燒三文魚壽司, 入口即溶, 講係無用, 再試完先知, 魚香留係個口到, 係勁正!仲有勁大隻既鮮甜帆立貝, 海膽, 三文魚腩, 用料都係好新鮮, 特別推介係鵝肝壽司, 係堅正!加埋個自己切既珍寶三文魚刺身, 十個滿足。

星期日family day同honey 2人世界, 我們通常都小休一下, 在將軍澳附近逛逛算了。魚之味 是我們的飯堂之一。2 X 特上角切魚生飯 $72: 魚生飯+厚切三文魚刺身+麵豉湯+飲品前菜: 厚切三文魚, 每人3大塊, 每塊1cm厚魚生好正: 海膽好多塊, 都ok新鮮, 無腥味, 跟我今天在碗屋食的數量差很遠, 魚之味 是碗屋的2倍。三文魚籽, 三文魚, 好正, 帶子滑得不得了, 帆立貝好鮮美。甜蝦就差啲喇，小怪! 敗筆是飯太酸, 廚師落太多醋。Honey好細食, 經常吃不下整碗飯。大食如我把全部吃掉都好飽!麵豉湯: 一般日本餐廳都咁上下為什麼魚之味是飯堂, 答案3 個字 “平靚正” 因為對比碗屋, 一個午餐$198, 魚之味才$72; 質素碗屋好一點; 但魚之味也不弱。推介!!

一家人諗住食餐好，怕無位一早去等，未夠六點就係門口了。理應18：00開門，只見員工行來行去，我同其它食客就on居居係門口乾企。等左10幾分鐘，問可否入去坐住等，待應只回覆：就可以•••等等。 其實俾我地入去坐住先，都好過係條街食塵丫。終於坐低左，立刻叫野食。點了一個二人餐，一個壽司拼盤。壽司質素就一般喇，感覺無咩魚嘅鮮味，特別係D三文魚子同呑拿魚。跟住D熱食就一個一個上，但係個餐嘅沙律同刺身就無左影。諗住叫待應幫幫手跟下，D待應個個蠟像咁，無嚟表情，一番揮手叫到一個，睇都無睇，只得到應酬式嘅回應：整緊•••好，咁唯有食住熱野先。D熱野食都唔錯，不過自己就唔係好接受到未食完冷就食熱。一路食到炒飯都嚟埋，我地個沙律影都無。向待應揮手加唔該，諗住再問問，個待應懶得行多步，九丈遠不禮貌地回了一句： 講喇•••沙律最後來到，講真都無咩心機食，邊有人食曬主菜先食沙律架？總結，D服務質素就•••，唔駛錢都一肚氣，要錢直頭一肚火@@，唉！

難得放日假, 訓晏左想對自己好D就去食日本野,點知水準之差真的令人有點失望侍應長期向下望, 想叫人都難...唉...終於叫左個魚生飯, 點知D飯好凍, 好散好硬, 成碗冷飯咁又無咩味, D 魚生又腥腥地..完全食不知味, 真係浪費左一日之中既第一餐

原本我地一行人想o係新都城一期間意大利餐廳食晚飯, 但等左成個鐘都未有枱, 朋友o係附近搵到呢間餐廳無乜人等位。一坐落去見到D餐具唔係洗得好乾淨, 已經心知不妙, 不過我地一大班人, 禮拜六附近餐廳都大排長龍, 所以都無理咁多。於是我地攞張ORDER紙填, 點知發覺張ORDER紙俾人填過, 再攞第二張又係俾人填過, 再攞...又係..., 原來佢地好環保, 將D ORDER紙循環再用, 我都支持環保, 但係唔該佢地擦得乾淨D啦!講返重點食物啦!炸雞軟骨, 外面層炸粉好厚, 仲硬過入面舊雞軟骨! 鰻魚玉子燒, 好似食煎蛋咁, 完全食唔到有鰻魚!三文魚刺身, 好厚身但食唔到鮮味, 仲覺得有D韌同埋有根! 三文魚軟殼蟹反卷, 上面塊三文魚又梅又冧, 好唔新鮮!壽司, D飯好鬆, 好易夾散!價格一D都唔算平, 呢度個餐牌應該係舊既, 宜家果個價錢仲貴過旺角好多日本餐廳!總結: 貴夾難食!

第一次過這裡吃飯，食物較預計好，而且價錢也合理，這次兩個人也叫魚生飯套餐(約$38-39)，套餐包括前菜、沙律、味噌湯、魚生飯及汽水，份量也頗多，味道也不錯。唯一較差是魚生中一種白色魚生很腥，真的不太接受，另外沙律的生菜很苦。

今晚叫左個228既2人餐，試一試!個餐D名5係好記得，抱歉!芒果蟹子沙拉食落口感新鮮沙律醬太少，美中不足比例份量不足剌身拼盤(三文魚，甜蝦，北寄貝....)份量每樣各2，每件都大件，而三文魚一食，就知係用 珍寶三文魚吞拿魚卷估5到10幾蚊係超市買既吞拿魚卷會出現係228蚊餐入面，平平無奇師傅將吞拿魚卷放在剌身拼盤，以為少左一樣，完全睇5出XX魚用上大量粉去炸，令到皮厚豬脾用上老水汁，火侯太大，令到D肉太老反而羅白食落口，有D甘甜，好正漢堡+蛋炒飯蛋滑，飯足料漢堡5掂，雖然有兩大件，但一咬即散，肉太老，難入口，都5知食緊D咩甜品無得俾人簡，又無係餐牌寫出味道5錯，很滑的，入口即溶環境:地方雖然不大，但還有3部LED電視，令到客人可以在任何角度欣賞 !服務:侍應服務態度，部分侍應以玩於工作，有傾有笑 !侍應咩都講出口，不雅語言大大聲出，當呢度好似無人感 !

老婆知我"好"日本菜, 但佢肚太大吾行duck遠, 所以同我係呢間小店兩個人橕枱腳慶祝生日, 純試一試既心態, 但意外地D野幾好食, 亦吾貴, 遺憾無影低D相.當日食左珍寶三文魚加油甘魚刺身 ~ 夠新鮮和牛壽司 ~ 好食 好重牛肉味taro壽司 ~ ok好食鰻魚天龍卷(鰻魚+炸蝦卷) ~ 好食(下次必食)燒鯖魚 ~ 幾好燒牛舌 ~ 好食 (下次再食)豬軟骨拉麵 ~ 好食, 湯底好味 (下次再食)埋單: 350下次會再去, 佢D野份量ok, 所以都好飽好滿足~

食左個珍寶三文魚剌身，大大舊，仲可以用刀食，都OK.之後食左個炸蠔定食晚餐，好多粉，不過炸得好“趣“，幾香口，金菇牛肉都OK銀雪西京燒，太甜!本來叫左個蒸蛋，成29分鐘都未到，個waitress 仲串串貢話o的料要整好耐，又要蒸十分鐘，我等左20鈕鐘都未有，擺到明係唔記得落單。今日去冇咩人，得幾檯客，人地兩個人可以坐4人位，我地兩個人，都唔俾我地坐4人位。全程o的小妹妹waitress 掛住傾計，同玩，叫又唔應。呢間野我只會食一次，幾好食都係咁話，又唔係平，仲要收我加一....呢o的咁既service...

區內很少日本菜，在or見到此小店的食評還可以，在新都城想不到吃什麼午餐，就來試一次。下午來二個set lunch，平均也是35-40元左右。點了一客鰻魚飯套餐和一客牛肉烏冬套餐。套餐跟一碗麵豉湯，一客沙津和中華沙津。沙津的醋幾酸，幾醒胃，我自己一向不喜歡此類沙津，不過今次沒有抗拒，把粟米、生菜栗米片等等也一一放入口中。而麵豉湯和中華沙津沒什麼特別，沒有大出錯就是了。鰻魚的面層燒得還算不錯，廷香口，不過整體來說未夠肥美。最大問題在汁和飯上，飯煮得比較上淋了一點，而汁的味道和平日吃到的燒汁有些微不一樣，沒那份香和甜，加上比例上太多汁，令到飯好像水浸了，一般一般。牛肉烏冬鍋，湯底比較清，牛肉的肥比例高，不過牛味甚少，也不夠鬆身。烏冬太淋了，也比較粉，不好吃。有機會在晚上吃多一次，試試刺身會如何。

見咁多人話好味, 咁諗住佢間野average 都ok, 咁食d最普通的野應無死啦, 咁就出事啦. 叫左三文魚壽司和鰻魚壽司, 味道都ok, 但舊飯好似唔係用珍珠米, 食落有d怪. 跟住再食個滑蛋雞柳飯, 我的認知是蛋是應該生生地的, 但佢果d係全熟的, 感覺上係蛋還蛋, 雞柳還雞柳. d飯同雞柳都好硬. 感覺係好無heart去整呢個飯, 我食到一半已經食唔到落去. 唔知係坐門的問題定點, 好似無冷氣咁, 熱到出晒汗, 又無人加茶, 感覺係無人會理你咁..可能佢其他野真係ok , 但呢d咁普通的野反而做唔好.... 我諗我唔會再幫襯呢間....

本身想打電話黎訂位先...點知佢話星期六冇得訂咁就walk-in算..係tko戲院睇完戲行過去都好近...過到去7點左右...都要等位...還好我地係第一張..唔係真係唔等...因為佢個店面唔大..真係唔知要等幾耐...還好一陣就有得入去..叫左好多野食..有d野食還不錯...但真係...佢d壽司飯唔討好....服務就係...冇人執吉碟...冇人加茶....冇人理就是.....所有野都係中規中矩~~~~~~~~

來此的目的只為 珍寶三文魚刺身因為肥大肉厚的感覺實在令人難以忘懷 !!今日, 同樣為珍寶三文魚以來, 但在店外已發現價錢有所調整, 但經思量後, 還是值得一吃, 而且口中溶化實在太大誘惑...所以, 同樣點了珍寶三文魚刺身, 當然. 沒有令人失望....不過店員們總是圍在一旁聊天, 或在店前跟店後的同事們高聲呼叫就有點.....

是日爸爸節~7點已經人流為患,等了1個小時總算成功入座珍寶三文魚刺身份量十足,新鮮之餘比想像中肥美,不錯燒牛舌很怕吃到薄薄的牛舌,但這家的牛舌厚度適中,吃得到一點的羶味,可惜味道有點淡,燒的時候多下點鹽巴或醬油會更好凡立貝壽司屬中下貨色,更遜於坊間的連鎖壽司店的出品海膽飯卷海膽的份量實在少得可憐,加上芝麻太多,完全吃不出海膽的味道有點失望燒油甘魚頭魚頭新鮮無腥味,味道亦調得剛剛好,下飯送酒兩相宜,讚~新為將軍澳人的我絕對會再來~希望下次來的時候水準依然吧