魚事者 (威德閣)

营业中

休息中

餐廳主打魚麵同埋魚湯而且佢地大部份菜色都同魚有關我本身都幾鐘意食魚, 之前同同事食過覺得好好食特別佢地個白雪雪魚湯真係好香濃 又唔會太猩印象分都幾高但早排同同事再食多次今次就有點小失望了佢個湯底變得好淡... 個辣醬都冇上次咁香但不得不說佢個"炸魚無薯條" 係幾出色用左魚餅扮薯條 肉眼睇 係分唔到但食落口煙煙韌韌 幾得意同埋佢個蒜油香雞翼都唔錯 炸得幾香口不過有DD貴蕃茄薯仔湯底就不過不失希望下次去個白雪雪魚湯會好似之前咁好食啦

個豬手炸到乾爭爭咁，仲要切到超大舊，唔問佢攞把刀來切，真係唔知點擺入口。由開業幫襯到依家，雖然個中性打扮既女服務員成日埋單計錯數，但睇住d食物質素每況越下，真係可以以後唔洗幫襯，寫呢篇食評既目的係唔想有其他人中伏

今日見到袋鼠外賣有半價優惠，之前有睇過佢嘅報道好似幾有心機，所以諗住試吓呢一間餐廳。我哋叫咗紫菜四寶芫荽魚麵，白雪雪魚湯魚麵，原味燒賣同埋魚湯翡翠苗。芫荽魚麵同白雪雪魚湯魚麵乜味都冇。個感覺似係溝咗勁多水。魚麵一啲都唔彈牙亦都冇魚味。配料我哋都叫咗幾多嘢，但全部食落去都好一般冇乜特別似平時街市買到嘅料。魚湯翡翠苗好啲，個湯都算濃郁，不過30幾蚊一兜咁細碗個價錢真係幾貴。原味燒賣完全唔知自己食緊乜，仲衰過街邊$10燒賣，咬落去好似食緊一嚿少量彈牙嘅膠。我唔明點解呢間可以攞到米芝蓮推介？ AVOIDDDDDD. 如果比原價嘅話我會食到好嬲兼投訴

今晚自己一個人食飯，住港島嘅我想試下新餐廳，想搵D價格相宜但又有特色嘅料理，見到米芝蓮推薦呢間位於炮台山嘅小店，裝修係我鐘意嘅風格，加上我好鍾意食魚🐟，就選擇左呢度。平台夜晚七點半入座，人唔多，無需等位，可能係餐廳位於內街。order左好多人推薦嘅魚薯條🍟，配上黑松露醬香脆可口但完全唔油膩，份量好大，一個人食完有少少飽😅餐廳主打魚麵及魚湯，主食選擇番茄薯仔魚湯，配上漁腐、牛肉丸、魚皮餃，好香嘅魚味，唔係一般行貨，好爽口。湯底魚味唔算太出，但屬於原汁原味冇點加味精嘅味道。魚麵感覺一般，因為比較硬身，難咬，難消化，希望下次可以食到軟糯爽口嘅口感。其實呢間店仍有好多創意嘅料理，例如牛油果魚皮🥑，不過今次自己一個冇機會嘗試。下次會再來～

下午茶時間，同朋友嚟到炮台山，行咗一陣見到呢間幾靚嘅鋪頭~門外有menu可以睇下，見到魚麵好似幾得意喎~ 仲見到有米芝蓮logo，一於試下先！Tea time就一於嗌個下午茶餐同朋友share試下啦~另外再嗌咗個「自由點三餸麵」 同埋 佢哋推介菜式「蝦頭油炸蝦球魚麵撈」~ 嘢飲就嗌咗陳皮檸檬，好似養生啲下午茶餐雙拼$43下午茶有單拼同雙拼~ 今次我哋揀咗「迷你紫菜兩寶魚湯魚麵」+「炸魚無薯條」好奇心驅使下，我哋問咗個staff啲薯條點解叫呢個名haha, 原來入面係用大量魚肉製作，唔係平時嗰啲薯條嚟！(而且仲係米芝蓮推介菜式!!)食落去 外面都炸得夠脆口，內裡煙煙軔軔，食落都有啲魚味~同松露醬都幾夾個「迷你紫菜兩寶魚湯魚麵」個碗睇落真係有啲迷你，不過啲餸都幾大份喎，鋪滿咗個碗面，抵食啊！自由點三餸麵 $63朋友叫咗個三餸湯麵~ 餸/湯/麵 都係自己揀，而且都有好多選項(選擇困難症發作!!)最後叫咗個 雞扒+蝦卷+芫荽配米線&木魚湯~ 一上枱，忍唔住「嘩」一聲，係滿滿嘅芫荽啊!! 試咗朋友一啖湯，都幾好飲喎~ 有清清地嘅木魚香但又唔會淡到無味朋友話好欣賞個雞扒，外皮煎得夠香夠脆，入面都算

服務態度同能力可以話係甚至比唔上茶餐廳🙅🏿🙅🏿我已經坐到好貼 比同一個侍應踢到凳4次！！注意係4次 重點係一句道歉都冇👎👎服務質素完全冇辦法達到米芝蓮推介級環境狹窄 檯凳有明顯搖動當日用餐時有客人在外面等候但老闆依然和員工在用餐檯開會講返食物圖中嘅吉列豬排勞魚麵可以話係一個失敗魚麵呢種食物根本唔適合撈同醬料完全唔夾 唔入味想知道諗呢項菜式時有冇經過思考😿魚麵彈牙係一個優點但係換個方面諗一樣只有油味嘅食物 仲要花咁多時間咀嚼會唔會好食💀💀除左小食勉強會推介其他真係完全唔值得光顧會話所謂「米芝蓮推介」只係一個德不配位嘅噱頭建議大家光顧前三思🫂🙏🏻

睇住魚事者 開店到做到有分店一直都有食開都鍾意佢個炸魚條見耐冇食 食下啦其實佢兜醬好少我見冇哂醬 問佢拎多兜醬 佢竟然話要收多$5係既 你要多款醬 收$5 好合理丫但說實 我係點哂d 醬，d 魚條未食哂先問你拎最氣頂 我話你地比咁少醬 都根本唔夠點阿姐話 可能今日比多左魚條我笑死我 你孤寒 但仲講到益左我 比多左魚條你呀冇問你收多錢就皇恩浩蕩啦其實 我已經叫左個撈麵我係口痕先另叫個小食我經濟d大可以食完個麵就算唔係話叫個小食好巴閉 只係諗住開心食下野你就同我計住計住 D醬真係咁矜貴？ 我決定唔食喇 但你咁慳 我怕你番用我食剩既比下一手，所以我決定撈埋我d 撈麵醬先走應該都冇下次 入openrice 睇先見人話衛生唔好懷疑有蝨乸，講完我都形住痕痕地唔知係口痕定身痕

災難級數睇色已經知個湯無味魚麵成舊粉咁春卷魚蛋同街市買無分別侍應十問九唔應仲要西面用QR code落單但個menu同枱面個menu唔一樣明明係佢地問題要個客硬食唔係9bothew都唔會中伏， 坐又坐得唔舒服， 丁屎位坐4 個人災難級數睇色已經知個湯無味魚麵成舊粉咁春卷魚蛋同街市買無分別侍應十問九唔應仲要西面用QR code落單但個menu同枱面個menu唔一樣明明係佢地問題要個客硬食唔係9bothew都唔會中伏

餐牌入邊幾乎所有菜式都同魚有關，真係佩服老闆嘅創意叫咗三樣嘢最鍾意就係炸魚無薯條，口感似煙靭啲嘅炸魚腐，食得出魚香味，仲有四款醬汁俾大家揀，在場見到幾乎每一枱都會點蝦頭油炸蝦球撈魚麵炸蝦球爽口彈牙，不過魚麵醬汁就普通啲，蝦頭油味道唔夠重，似沙律醬，而且同個蝦球好似唔關事咁芫荽魚麵芫荽湯底清清淡淡，不過芫荽魚麵真係完全冇芫荽味，芫荽控表示有啲失望。

天氣熱到個人冇晒胃口，好想搵啲清爽冰涼嘅嘢食，見到呢間攞咗米芝蓮嘅食店，就入去試吓佢哋出名嘅魚麵叫咗個冷麵，魚麵爽滑，冷麵汁清新，配埋杯少爺啤，個人即刻降溫🧊聽店員講先知原來魚麵係好低卡，搞到我即刻想叫多份😏再叫多咗份芫荽燒賣，燒賣彈牙，有芫荽香，店員推介佢哋嘅自家魚辣醬，真係將個鮮味昇華咗。扮墨西哥魚皮都好得意，即係將魚皮變咗nachos咁食，估唔到都好好送酒🍻環境都好好，有啲Cafe嘅感覺，下次想試埋其他小食同埋湯魚麵，服務都好好，店員好主動介紹餐廳嘅招牌食品，唔怪得知拎到米芝蓮，一定會再返去！🙌🏻

米芝蓮推介砲台山美食有創意我鍾意去到晏晝食飯唔使等位就即刻可以入去啦呢間嘢都幾得意同有創意最入面嗰啲嘢食大部分都係用魚做嘅嘢原來用魚做嘅美食得可以有好多種裝修用上淺藍色幾清新同舒服啲menu又整得靚嚟到就梗係食魚麵啦叫咗個撈魚麵同埋炸魚條(個樣貌似薯條)啲魚麵食落去煙煙韌韌又彈牙咁樣不過啲炸魚條就偏幼少少, 如果粗少少可能會再有咬口啲不過點埋佢個汁都幾夾不過如果份量再多啲就好了我係女仔食完都只係啱啱好男仔可能就未必夠飽要嗌多少少

曾經買過好多次外賣，今日諗住去堂食，食物堂食比外賣有驚喜，尤其是係魚薯條。但是食食吓覺得比嘢咬好痕，食到最尾嘢飲都飲唔落，因為兩邊手臂和腳眼露出的地方都俾嘢咬，懷疑是有蝨，衛生環境有很大的改善空間。付錢時話俾店員聽佢都冇乜反應，下次不會再堂食。

絕對無第二次，想食嘅真係無必要試。份量少過茶記下午茶，奶茶水咁款，懶創新無驚喜，講到尾差到痹，自己人昆自己人？面得拳頭咁多湯得1/5水，醬1/4兜哈哈人才9588🙂‍↕️🙂‍↕️🙂‍↕️🙂‍↕️🙂‍↕️🙂‍↕️🙂‍↕️🙂‍↕️

通常想寫食評都係因為覺得餐聽未如理想， 估唔到呢一間啱啱先至再次獲得米芝蓮推介餐廳 都會令到我要寫食評。公司喺附近，之前食過一次堂食覺得OK，成日心思思想叫外賣拎上公司食。見到佢社交媒體網站有個link可以直接畀卡嗌外賣自取，仲可以自備盒好似好環保咁（環保l），即刻嗌咗個外賣，跟住諗住自己拎盒落去裝，但落到去已經包好曬 ，一共 五件膠，已經冇拎交餐具，咁就只能夠怪自己冇 喺餐廳直接叫。上到去公司帶住期待試下個餐，叫咗自選四個餸。 湯同埋餸係分開，雖然個湯都有魚味，但係非常之咸！鹹到飲唔到！可以當係豉油點下就算，到最後我係飲唔曬。至於啲餸我係叫咗魚腐，魚肉春捲， 墨魚卷，魚餅。 可能因為冇浸湯，一開頭就咁食落就油少少，但係墨魚卷都叫做脆皮，一浸湯係好食啲，因為啲油落曬啲湯度，個湯更加飲唔到，失望之極，一定唔會有下次！

聽就聽得多，終於試了”魚事者”，米芝蓮嘅推介。撈魚麵和薯(魚)條都好香口，可以吃過不停，連奶茶都香過人，不過一定要熱食，凍咗會差好遠。呢個價錢，如果我住附近一定經常幫襯。