影片
食家推介
朋友好钟意食酸菜鱼，今晚拣左鱼你相聚试下。七点到达，门口已经开始要等位，但等得唔算耐，约5-6分钟就入得。餐厅地方唔算好大，有少量卡位。大盘酸菜鱼 $268呢度有四款鱼可以选择：鲷鱼片、鲈鱼片、生鱼片、龙利柳。而汤底就有三款选择：老坛酸菜汤、藤花椒酸菜汤、柠檬酸菜汤。我哋今晚就试鲷鱼片柠檬酸菜鱼。大盘酸菜鱼估唔到真系咁大盘，超出我地预期。套餐仲包2个主食，主食可拣薯粉/白饭/米线。入面除左有酸菜鱼、马铃薯、莴笋、豆腐、豆腐皮、大豆芽、娃娃菜、金针菇、海带仲有阔薯粉，好足料。朋友唔太食得辣，柠檬酸汤辣度刚刚好，仲有淡淡柠檬酸味，清新开胃。鲷鱼片口感爽脆鲜甜，柠檬汤底无盖过鱼嘅味道。大大片薯仔片，娃娃菜好吸汤，其他配料份量亦多。花胶浓汤鸡煲 $75套餐同样包一款主食，花胶鸡汤底浓厚，有少少黏口。花胶就唔多，有两块。但鸡肉份量足够，仲有娃娃菜做配料。以一人餐黎讲，都抵食。热柚子蜜 +$7冻柠檬茶 +$5
继续阅读
店舖环境宽敞，枱够晒大，即使系叫到成枱都系嘢都好够放，餐厅有好多其他套餐可以拣，就算一个人都可以有好多选择🤣大盘生鱼片酸菜鱼👍👍👍（2-4位） $268汤底非常鲜甜，生鱼片够嫩滑，一啲骨都冇，呢盆大大盆嘅酸菜鱼入边劲多配料，金菇，大豆芽，粉条等…..套餐仲会包两份主食，可以拣薯粉米线或者白饭，建议如果系两个人想叫嘅话，一定要准备1GB既胃🙈泡椒凤爪$38凤爪食落好爽滑，唔系食落「腍啤啤」𠮶只，泡椒味非常重，唔算太辣，食到少少辣嘅都可以试吓麻辣鸡肾$38鸡肾份量十足，非常入味，但系略嫌辣咗少少，盖过咗佢原有嘅味道
继续阅读
🐟 2-4人份鲷鱼片藤花椒酸菜鱼 $268呢间酸菜鱼算系香港食到嘅味数一数二正宗嘅，藤花椒酸菜汤真系超级正😭🌶️上枱𠮶阵大碗到吓亲，两个人真系唔系几食得晒，事关佢除咗咁大碗酸菜鱼仲有两碗主食，可以拣白饭米线或者薯粉，而且本身酸菜鱼入面都有大量宽粉😳 Menu好细心咁有讲到唔同鱼嘅口感，可以自行根据喜好去拣食咩鱼，而小编最爱就系鲷鱼片，每块都非常爽脆，仲有吸晒汤汁嘅芽菜、宽粉同豆腐，辣得好过瘾🤤🤤.💰人均消费：～$350.🍽味道: 4/5🏙环境: 4/5👨🏼🍳服务: 4/5💧卫生: 4/5💰价钱: 4/5
继续阅读
朋友仔今日过左来小西湾探我，当然要同佢食佢至钟意既酸菜鱼啦！🔅大盆酸菜鱼套餐 配 白饭 2 碗拣左鲷鱼片酸菜鱼，配老坛酸菜汤鲷鱼片口感爽脆、鲜甜，汤底有花椒、八角、酸菜，增加左唔小香气同层次感而家因为系二人份量，配菜超级足料，有：阔薯粉、薯仔、莴笋、豆腐、豆腐皮、大豆芽、娃娃菜、金针菇、海带，样样都有，如果只得2个人食，啲锅一定足够！🔅 花胶浓汤鸡煲 配 米线花胶浓汤鸡煲真系一味好滋补的美食，滑嫩的鸡肉，口感丰富。配上Q弹既花胶，真系好正，浓郁既汤底，真系比人有一种醇厚的口感，配埋米线，真系一流！真系好岩而家冻冻地既日子食！🔅青椒皮蛋四川小食，青椒配皮蛋连埋啲麻辣酱汁，真系够晒野味！🔅 凉拌海蜇凉浸浸既海蜇，配上酱汁，味道鲜甜爽口，海蜇底系生菜丝，配搭一齐食，爽脆度倍增！
继续阅读
前几日放工后去咗朋友新居入伙，佢介绍咗附近富景商场嘅「鱼你相聚」试下。呢间餐厅主打酸菜鱼，但因为有朋友唔食得辣，佢哋好贴心，提供咗唔辣嘅汤底选择，真系好方便！🐟🍲我哋拣咗一人套餐 - 鱼肉拣咗鲷鱼，鱼肉滑嫩冇骨 - 汤底拣咗蕃茄浓汤汤底，酸酸甜甜，完全唔辣，但又好开胃，啱晒唔食辣嘅朋友！ - 配菜包两款，我哋拣咗豆卜同莴笋，豆卜吸晒汤汁，入味又多汁；莴笋清甜爽口，平衡咗蕃茄汤嘅浓郁味道。 - 粉面底方面，我哋选咗手工薯粉，薯粉条爽滑弹牙，吸晒汤底嘅鲜味，真系一流！ 因为几个朋友一齐食，我哋仲额外加咗几款配料落去： - 肥牛：肉质鲜嫩，放落汤底煮一煮就好好味。 - 肥肠：处理得干净冇腥味，口感烟韧，非常惹味。 - 黄喉：爽脆弹牙，系汤底配菜嘅好选择。 份量真系好够，几个人一齐分著食，气氛好开心，食得好爽！煲仔饭 佢哋啲煲仔饭都好出名，点咗一个窝蛋牛肉饭： - 牛肉系免治牛肉，但味道浓郁，牛肉味比一般蒸饭嘅牛肉重好多，仲有啲似山竹牛肉嘅质感，但更特别！ - 饭焦煮得非常好，脆卜卜又唔会太硬，系煲仔饭嘅灵魂所在，呢个真系加分位！小食 另外仲试咗两款小食： - 盐焗凤爪：香料味浓，凤爪淋身入味，分量都几大。 - 凉拌海蜇：海蜇爽脆，味道清新，系啱晒热辣辣饭菜后嘅清爽选择。甜品 最后梗系要试佢哋嘅特色甜品红糖糍粑： 糍粑外层煎得金黄香脆，配埋红糖浆一齐食，外脆内糯，甜而不腻，真系完美嘅收尾！「鱼你相聚」嘅食物选择多样，味道好，而且份量足够，价钱合理，真系好啱一班朋友或者屋企人聚餐！下次去小西湾一定会再试其他汤底同菜式！😋🍲🍽️ 鱼你相聚柴湾小西湾道18号富景商场地下49-50号舖
继续阅读