魚八日本料理 (已結業)

廈門街越來越多特式餐餐廳，中、日、泰、台、英、美包羅萬有。而魚八位於最入的位置，有兩層，地下那層是吧枱式，很有置身於日本的感覺。晚上8:30前有happy hour，一杯beer+三串串燒，只是$98，作為頭盤，是很不錯的選擇。順帶一提，這套餐還包括了沙律和前菜，正！點了海膽蟹籽軍鑑，好睇又好食，最緊要夠新鮮。再來便是筆者最愛的玉子，熱騰騰，又不會散開，不用沾沙律醬，蛋味亦已散發出來。最後亦點了個炒菜，其實也可點選炒雜菇，兩樣都好吃的。

午餐時間經過灣仔 見到這餐廳貼著一時前埋單有八五折✨ 即管試試。✨點了一個豚肉生薑燒賣相不錯份量頗多 足足一碗白飯配上一整碟肉 配菜也多味道相當好吃新鮮炒出 熱騰騰送上特別好吃！炸餃子也好吃一讚！八五折後八十幾元 抵食！

到星期五啦終於！今日中午嚟食魚八🤑🤑.前一日就bk定唔洗驚冇位🥴 1點前離座仲有discount arr!!! 餐就包左主食、味噌湯同甜品🤗🤗.叫左角切魚生飯($125)🐽🐽 份量好多下，魚生粒滿滿的，好新鮮的又冇個d雪櫃味！d飯仲會有小小暖暖地🤪🤪.甜品係紅豆糯米糍嚟嘅，唔會太甜，而且食落好煙韌😉#hk #hkfoods #hkfoodie #hkfooddiary#hkfoodblogger#hkdessert#coffee#hkig#goodwest#hkfoodies#hkfoodporn#foodies#hkigers#hkfoodblogshare#好味道#好西#香港好西#香港美食

今日經過灣仔，約咗朋友食午餐，唔知食咩好。灣仔出名食嘢貴，經過廈門街見到呢間日本料理，門口係日系裝修，好似幾新，就入咗去食。餐廳原來都有兩層，上到去環境都算舒適，一點前埋單仲可以有八折優惠。我就普普通通揀咗個雞扒定食，雞扒定食呢度燒得好香，而且面上好似有蜜汁定燒汁咁，雞扒夠話滑，而且仲配有少少菜，唔會太油膩。麵豉湯都夠味，完全係足料，入面仲有啲豆腐，呢個定食價錢八折之後都係大概70蚊左右，性價比非常高。

同朋友上完堂之後周圍搵嘢食，明明身處灣仔，但係發覺四圍好多店鋪都收咗。行下行下就走咗嚟廈門街嘅呢間日本嘢。我嗌咗咖哩豬排飯。咖哩嚟講，實在唔太出眾，唔辣，偏甜，典型日本咖哩，唔難食，但稱唔上好食。豬扒嚟講，因為我同朋友十點幾last order時間先入席，佢唯有即席炸俾我，所以上菜時好熱，值得一讚嘅係外皮，好脆。可惜豬扒就認真麻麻，聲稱係黑豚，但油脂嚟講絕對達唔到我對黑䐁嘅標準，甚至有少少「鞋」。或者試過日本嘅炸豬扒真係返唔到轉頭，但作為喺香港用嚟止癮嘅替代品亦略有不足。配菜反而好食，甜酸度適中，有種清新嘅感覺。另外我地嗌咗兩碟小食，分別係蛋卷同餃子。先講餃子：餃子嚟講，除咗夠熱之外真係無咩特別，餡料有點少，食落無滿足感，味道方面算係達標。蛋卷方面就比較出色，蛋煎得算好，唔會太老，不過如果中間保留少少蛋汁嘅話我會喜出望外，鍾意佢配搭沙律醬，食落有另一種體會。朋友叫咗饅魚飯我無試到，不過氣味幾香。最後，啤酒嚟講，都係大家飲開嘅asahi咁，日本製個人認為麥味比較重，不過33蛟300幾ml，值唔值就見仁見智。

有人收工ａｄｈｏｃ約左朋友食飯唔知食乜好。。諗起利東街的地球裝飾。。去完望一望就喺附近「搵食」了行到街尾見到間門口好細。。但係一睇就知係食日本野既小店！同朋友都好鐘意食日本野。。。所以就決定入去試下了入面都真係好細，唔多位。。。原來仲有２樓。。都係得１０零個位因為唔知食物質素如何。。所以都係叫ｄ安全食物。。。同埋都唔打算叫太貴住。。諗住好食。。。下次再食貴ｄ～第一樣點左鰻魚飯ｏｋａｙ啦。。無骨。。唔錯。。。不過又未到ｗｏｗ一聲！第二樣係牛肉粒。。。都唔錯。。幾淋！炸芝士波。。。呢個係一定唔會出事既～特別係新鮮炸起。。最後仲有點左個４色海膽卷本身唔食ｗａｓａｂｉ。所以食唔到青色的魚子。。。我地本身好想食牛油果軟殼蟹卷。。可以賣曬軟殼蟹。。下次有機會再去試下先～～

食完下午茶， 晚上不想食太多， 想搵間食小食飲啤酒， 見到這間小店有串燒就入了去， 小店門面較少毫不起眼，原來上面還有一層，地方都幾寬敞， 平日夜晚，人流不多， 是吹水飲酒的好地方。因為兩人都不餓， 只想吹吹水飲酒，點了牛舌，雞翼，牛肉露筍，沙律。估唔到牛舌香脆 有咬口又不太硬，牛肉露筍都非常好味， 雞翼是開邊再燒， 燒乾了一些，相對失色。食完都忍唔住追加了一串牛舌， 再試了一串雞腎，雞腎都是香脆可口，用來嘆啤酒一流， 當日不是太飽可能會再追加， 以這個價錢的串燒 真是值得推介。

這是我們家人的飯堂，每當需要聚會時，除了家裡吃外，到這兒便是首選，特別愛這裡的池魚刺身與燒牛舌，刺身好吃與否我不敢說，很多時候刺身新鮮不新鮮很是主宰味道，但牛舌不同，並非新鮮與否一事那麼簡單決定，還要看看調味及拿掐火喉的技巧，當然肉本身亦是關鍵，而這裡牛舌的精彩在於火路掌握得好之餘，肉質十分細嫩，再配上少少黑椒，算是我從小食過以來最好的了，因為今晚人不多，平日愛吃的今晚也沒有點，反而試了帶子，吉列豬扒等平日少吃的，但是味道亦十分好，還有就是生蠔，是我在訂位時預留的，十分肥美，而且今次的比之前數次吃都肥美，可能今次的來貨關係吧。值體都十分滿意，只是學寫食評不久，才遲了介紹此食店。

呢度都可以話係家庭聚會必定首選。事關佢水準高，出品有誠意。今晚只3個人捧場，但都不減我哋對佢嘅好評。之前提過，小弟並唔好動物內臟或者係心目中較為肉酸嘅部位如舌、腳、頸、耳等部位，但偏偏呢度最撚手嘅就係串燒牛舌。我女朋友講話佢食咗咁多年咁多間，未食過好似呢間咁有咁高水準。就係可惜我唔食，否則我都會加把咀加插下意見。是日精選係生蠔。肥、美、爽、甜、嫩、滑。直情將所有好處集合喺一身，但並非日日有貨，要訂位時問。帶子刺身好鮮甜。特別一提係甜蝦，佢並唔係一般其他食肆嘅大小，係寧寧舍舍大隻啲。本身屋企人係食開牡丹蝦，但見佢呢度嘅甜蝦咁大隻都轉咗口味。其他如免治雞肉串、芝麻雞翼等嘅水準都非常高，服務又好，遺憾在價錢略微偏貴。

灣仔午餐嚟講都算係平價日本料理，因為一點前埋單有85折。餐廳裝修都係有日本風味，而且有兩層， 下層主要係bar檯為主，上層就會係比較寬敞。座位都唔算少，之前其實都食過，覺得都ok之前食過燒雞扒飯，覺得都幾好食，我今次就想試下其他唔同嘅食物今日想食烏冬，就叫咗餃子烏冬烏冬分量好多，餃子都有三隻， 餃子大大隻味道都唔錯，個糖心蛋幾好食， 烏冬對女仔嚟講份量多，會好飽。午餐大概70至100蚊左右，如果唔叫刺身飯就會相對地價格相宜，而且午餐仲包一個小甜品，都算唔錯啦。

湯的味道還可以，很夠熱。四色刺身飯，刺身冇 鮮呀，帶子雖然算多件，但完全沒有鮮味，鏍肉亦一樣缺鲜味，只是夠爽口。店員態度很好有禮價格一般，但午餐這質素不會再去考慮.

灣仔一到lunch time 就好似淪陷甘呀，到處都係人，所以為有揀早d 食or 遲d 食呀！今次早d 食，去食日本野，好彩唔駛排隊！鯖魚定食條魚又真係幾好味喎，燒得剛剛好，魚肉好滑，好juicy 無乾爭爭。糖心蛋烏冬清清地，份量都唔迷你呀！配四個加州卷，無咪special.和風豬肉，唔係甘人味三色海鮮丼魚子好新鮮，海膽就唔係貴價款既！

係幾好食嘅，就算賣晒啲咩，入坐前，職員都會講比人聽先安排入座。四色飯，好新鮮，份量可以多5-10%。麵豉湯都好好味，有蘿白同冬菇，比較少有，算係用心諗過。我最唔明係，點解係比清水，唔係茶。奉茶嘅話，會更好

朋友生日🎂想吃日本料理，毫無懸念就在這兒訂枱。無論是熱食如串燒，茶漬飯，茶壺湯，抑或刺生，魚生飯都從未停止帶來驚喜😍。食物在水準以上，店員的服務態度也好，燈光和店面設計是微暗令人放鬆的氣氛。無論是一個人來happy hour,抑或兩個人尋常晚飯，又或是與三兩知已飲酒聚會🍻，都是一個值得推薦的好地方。留意一下，差不多每次都會有日本人幫襯，可想而知食店的水準是絕對有保證的👍🏻👍🏻

返工食lunch時不時會好想食魚生飯😌小編食左個帶子海膽四色飯🍚，而店員都好nice，肯幫唔食海膽既朋友換左三文魚🐠！四種魚生包括海膽、帶子、螺、三文魚籽。海膽都幾大舊，三文魚籽甜味都唔錯。帶子質素確實有待改善，明顯係雪藏貨，較薄同好黏身。螺都係無乜味道，新鮮程度覺得一般般！應該就唔會再去了...