魚川居 (金漢工業大廈)

营业中

休息中

位於九龍灣的魚川居推出了$45的特價午餐優惠，特惠價錢適用於外賣自取以及2pm後堂食，而這天我就特意於2pm蒞臨一嚐她們的跳樓價系列午餐。跳樓價套餐總共有七款，選擇足夠。落單後店員便很快送上一杯熱菜蜜，味道偏甜一點。再稍候一會，店員就送上大大碗白飯和雲吞雞了，見到都令人食指大動。雲吞雞的精髓在於湯底，有著濃郁的雞和金華火腿味，卻入口帶點香甜順喉舒服，令人不自覺就飲盡湯底，很適合在冬天享用，而裡面配有的娃娃菜則吸盡風味。菜肉雲吞共有三大粒，質地厚實，餡料都有不少啊。今天幸運地獲得雞髀的位置，份量雖然不多，但雞的肉質夠滑，跟湯底配合是雙重的順喉和溫暖無論是午餐餐牌還是特價餐牌，這裡的食物選擇也算頗多的，尤其酸菜魚和雞類特別受歡迎，希望有機會再來吃吧！

其實一直都好鍾意食哩間嘅酸菜魚，但唔知係咪近排轉左供應商，差左好多，啲魚有骨同有魚鱗，希望店長見到可以改善番個問題啦！🙏🙏如果之後有八達通俾錢就好啦 成日唔記得帶現金🤣🤣

工廠區其實都有好多隱世小店，前排就跟九龍灣附近返工既朋友搵食🍽餐廳主打主打酸菜魚/水煮魚，Lunch Time真係幾爆場😄不過勝在環境闊落夠光猛，味道有驚喜👍🏻 ▪️Lunch Set會包括埋嘢飲，選擇都好多下 🐠酸菜魚配薯粉 $62酸菜魚酸菜味香濃，生魚片無骨唔會腥，口感實淨滑身🍴每塊都好大塊😝今次叫既薯粉吸收曬D湯汁好惹味🤓唔食薯粉都可以配白飯、淮山面、烏冬同米綫都得 🐥世一無骨海南雞飯 $60個名叫「世一」咁吸引當然要叫黎試吓‼️店員都話推介架，果然冇介紹錯😍 油飯好濃香茅味🍚無骨海南雞份量好充足，睇相咁有光澤都知佢好好食啦🥳雞肉好嫩滑，值得一試 🔔另外佢地觀塘店仲有任食雞煲火鍋放題🥘多款配料任大家選擇😝而且放題都可以食到世一海南雞飯㗎👍🏻‼️仲有特別優惠‼️8月份所有日子7:30pm前埋單會有7️⃣5️⃣折大家都快啲約埋朋友仔去食啦☺️

今日叫左個星期三中午lunch set口水雞，味道係可以，但係份量太少，跟一個白飯，太淋，同埋一杯凍檸茶，要求少冰少甜，但係結果係好多冰但係有少甜，$59一個餐唔抵食

之前成日聼同事介紹公司附近開左一間幾好食既川菜/酸菜魚【魚川居】，最近lunch比較得閑就同同事一起去試下。 【魚川居】位於工廈一樓，需要行樓梯或者搭lift上一層先到到，樓梯就可以直達！ 因爲我同同事都比較鍾意食酸菜魚，所以我地都各自叫左一碗酸菜魚配薯粉。除左薯粉仲可以配白飯、淮山面、烏冬、米綫。辣度都可以自行選擇。 酸菜魚酸菜味濃，但又唔會太酸、魚肉唔會腥、無骨同好軟滑、湯濃唔會口渴口乾，薯粉又可以吸收曬D精華。 Lunch會包括埋餐飲，正常office上班族都非常夠飽！

聽同事說這家魚川居每逢午市都座無虛席，原來因為份量夠大，味道不俗，而且價格合理看看就知道，午市基本上肯定坐滿，一份午餐$54，點招牌式海南雞飯或者酸菜魚米線也不過是$60服務水平比想像好，問他們今天有什麼好吃也非常熱心推介，完全不似是茶餐廳世一無骨海南雞$60是本店唯二的推介之一看樣子就知道雞皮彈牙爽脆，亦不會太肥，雞胸跟雞腿啖啖肉，雞肉調味不多，味道較天然配上泰式酸辣汁，較像正宗的泰國正宗海南雞飯油飯散發淡淡斑蘭跟香茅的味道，飯粒分明不軟爛，相當不俗

朋友介紹工比我，下晝响九龍灣見工。朋友响九龍灣工廠區果頭番工，知我喺該區見工就約我見工之前喺附近一間叫魚川居嘅餐廳食晏。佢知道我係路痴，驚我蕩失路，於是好詳盡話我知點樣行。我跟足佢嘅指示由九龍灣地鐵站A出口開始行，穿過德福廣場1期，直行到德福戲院，見到Simplylife麵包店落隧道，再經天橋落樓梯見「Eastmark 東科商場」有間「享樂烘焙咖啡店」向前直行，過馬路見到對面「福康工業大廈」「多福找換店」直行，再過馬路，見到對面「瑞興中心」，直行見到K仔，再過馬路，見到對面LEXUS凌志汽車旗艦店，馬路邊有個指示牌，寫住「宏照道12-18」，沿住水牌直行，沿途有好多飯店，經過「鴻力工業中心」，向前繼續行，見到「德福鮮豆漿」店，再直行見到「迷你倉」、「歷山文儀中心」、「歷山迷你倉」水牌，停步留心睇睇就見到「魚川居」㗎啦。有咁清晰嘅指示，唔使10分鐘就搵到，呢個朋友真係唔話得👍🏻！「魚川居」地方好大，座位好多，中午時間多人食飯都唔使等，好快已可以入席。朋友從午餐餐牌揀左「招牌酸菜魚米線」、我就揀左「世一無骨海南雞配油飯」share黎食，每份午餐都有一杯飲品，各嗌左熱奶茶同熱檸水。平時午餐茶

地址：魚川居 (金漢工業大廈) (九龍灣)九龍灣宏冠道8號金漢工業大廈1樓5-6室環境：九龍灣返工嘅人應該唔陌生😆係DNA 餐廳舊址，呢間餐廳要上樓的，所以樓下有大個藍白魚川居招牌，好有識別性特點：出名海南雞飯同酸菜魚。 我今次食嘅酸菜魚米線， 魚片量幾多，爽滑彈牙，湯底酸菜勁多，所以酸味重好開胃野😆而米線唔會太淋，lunch 會再encour熱央：呢杯熱央比例唔錯，飲落滑溜，不過如果可以用瓦杯裝，保溫同味道應該可以保存更佳

最近九龍灣工廠區開左新既川菜餐廳，係附近返工既終於可以lunch食酸菜魚!餐廳係金漢工業大廈1樓，地下有大大個招牌，行上樓梯就到 餐廳都好大，就算食飯時間都唔洗等位，直接入去就可以午餐選擇都幾多，有海南雞、酸菜魚、肉燥飯、撈麵，每次黎到都可以試唔同既野，唔會悶世一無骨海南雞油飯 $60叫得世一，當然要試下！海南雞肉質嫩滑，而且無骨，食落好方便，油飯好香又唔會太膩，平時唔食咁多飯都不經不覺食晒。酸菜魚薯粉 $60平時唔係好食得辣，叫少辣就岩岩好。湯底都有幾多酸菜，飲落酸酸辣辣，好正！魚片份量多，而且無骨，薯粉係粗圓身，煙煙韌韌，而旦吸收晒酸菜湯底味道，好好味！午餐配埋飲品都幾抵食，如果外賣自取仲有85折，所以開左無幾耐就成為左我地既飯堂！

九龍灣工業區茶餐廳眾多，要吸引客人必須款式特別，出奇制勝，吸引客人。這間位於九龍灣工業區的茶餐廳是新試業，午餐菜式十分多，照顧到不同口味的客人，有口水雞、手撕雞、豬軟骨、酸菜魚水煮魚等，實在不是每間茶餐廳都有的特別菜式午餐時份堂食八五折，自取八折，如果有九巴員工證或學生證更有優惠。今天叫了世一無骨海南雞飯，無骨的雞食起來十分方便，而且大大件，頗為吸引。雞的肉質嫩滑，不會太大雪味，朋友叫了招牌手撕雞飯，份量也算大碟，味道普通，不算出色。環境方面，茶餐廳尚算寬敞，座位寬闊，下午茶時分的顧客不算太多。如果在九龍灣上班來來去去都是食慣三文治沙爹牛麵，也不妨試一試這間新開的茶餐廳可能你也會喜歡

九龍灣食午飯, 朋友推介- 魚川居, 餐廳位於金漢工業大廈一樓, 樓下見到餐牌上樓梯就見門囗. 餐牌有熱門酸菜魚, 水煮魚可以跟米線/烏冬/薯粉/淮山麵或者白飯.  仲有海南雞飯, 咖喱飯, 肉燥飯 , 泡飯, 魚湯飯/麵, 口水雞, 手撕雞等等美食, 真系選擇困難症發作, 可以日日黎食唔同野.  呢到地方夠大,  搵位真系相對容易, 唔會人迫迫, 或者想買返公司食外賣仲要有85折, 系85折仲要包咖啡或茶,  真系化算今日見唔少人食海南雞飯  ($60),  所以都叫一份嚟試下, 落單5分鐘左右就到, 海南雞份量唔少,  油飯好香加埋無骨海南雞,  肉質嫩滑入味, 真系要一讚.  朋友食酸菜魚薯粉, 湯底夠味連薯粉都入埋味道.下次可以試下泡飯, 魚湯飯/麵, 口水雞, 手撕雞  

講起酸菜魚既話，魚川居一定榜上有名。最近魚川居係我公司附近開咗新分店。餐廳位於金漢工業大廈一樓，我地由呢個角落位上去。入面環境非常大，我地唔駛等位就可以「長驅直進」。比起觀塘分店，九龍灣分店嘅食物款式更多，例如海南雞飯只係九龍灣分店獨有🤩- 世一無骨海南雞雞件充滿油光，肉質非常嫩滑，而且全部去骨，食落非常方便，蘸一蘸旁邊嘅酸甜醬令人更加開胃。油飯粒粒分明，不過略嫌唔夠香料味。- 酸菜桂花魚米線桂花魚肉質爽口彈牙，而且有至少十幾片魚肉。配菜包括酸菜同芽菜嘅份量幾多。湯頭酸勁十足，辣味溫和，入口幾舒服😚- 檸檬茶味道不過不失，唔會過酸。個人認為無骨海南雞幾抵食，不過桂花魚米線就貴咗少少。餐廳大部份時間唔使排隊，啱晒我呢啲只有一小時食飯時間嘅打工仔🤣

.#哈比四圍食 #九龍灣 #九龍灣美食好耐冇浦頭😆最近返工忙到氣都冇得抖丫🙈不過，美食還需要食的😋呢日趁唔係太忙就行遠少少食個lunch，午飯時間就預咗會比較多人，但呢度勝在地方夠大，佔咗成層，所以都唔需要等好耐都有位了😚🐔 海南雞飯 $60行入餐廳都見好多人叫呢個，好似好正咁😆所以我又叫一份嚟試下，嘩！都好多飯吓，我就食唔哂嘅，個油飯好香面層有啲炸蒜，撈埋一齊食好好味，而主角海南雞份量都好多，而且啖啖肉，最緊要係夠滑又夠入味😋

魚川居開左分店啦😊觀塘果間魚川居好受歡迎，最近係九龍灣金漢工業大廈開左分店，而家仲係試業中😛呢間餐廳係工廈附近，位置有少少隱蔽，不過其實都幾易揾係間文具舖隔離個入口上一層就到，有大大個招牌所以一啲都唔難揾😆🔻中午時間已經見到好多人幫襯，大部分都係果頭番工嘅人，環境都幾寬敞，仲有卡位可以坐😛午餐有好多選擇，價錢一啲都唔貴👍🏼🔻試左佢嘅招牌酸菜魚配薯粉 $60呢個酸菜魚可以飯或者各類粉麵😺辣度可以揀小辣/正常/加辣🌶🌶🌶個餐仲包埋餐飲，所以好抵食😻份量仲要好多，面頭舖滿魚，下面有勁多酸菜/芽菜同薯粉😆味道夠曬麻辣，啲魚好滑好嫩，個湯底夠酸，連啲薯粉都好入味😛味道非常好😊🔻佢仲有另一個招牌菜就係無敵無骨海南雞😋下次有機會一定再試😆

魚川居疫情期間都好少出去，見到開始有少少緩和嘅時候，同老婆鍾意呀都去返食堂食啦，對我來講好似過咗一年咁耐今日行去九龍灣嘅MegaBox，當然都係睇吓工廈有咩特別好食，因為都知道依區嘅工廈都出名多選擇，餐廳位於工廈嘅一樓，有直接嘅出入口，因為鍾意食酸菜魚嘅我哋度見到呢間餐廳做緊午市嘅優惠當然就要去試下啦，原來餐廳仲提供左平安卡學生證優惠酸菜魚米線，呢個當然喺邊點啊，佢哋嘅酸菜魚，湯底10分濃郁，而且雨嘅份量都好多，絕對比出邊嘅多好多，而且佢哋嘅魚肉都非常之嫩滑，依個米線絕對係100分之選海南雞飯，呢個又係一個令我喜出望外嘅選擇到佢哋嘅海南雞十分嫩滑而且脂肪唔算好多，海南雞配油飯係特別好味雖然係一樓嘅餐廳，但係有直接嘅出入口我覺得都幾方便，而且佢哋嘅食物質素絕對係一流，絕對係出邊再搵唔到性價比咁高