魚眾不同酸菜魚 (天一商場)

营业中

休息中

成日聽人講話呢間好食就叫咗個酸菜魚外賣 個份量都幾多 差唔多兩個人食一份都夠飽個湯都幾好味 不過唔係幾夠酸 辣味比較多配菜都幾多 魚就有五塊左右 啲魚係魚柳 冇雪味不過外賣就有啲貴 堂食就會抵好多

耐唔耐就會想食呢間既酸菜魚，呢間酸菜魚既魚有分魚柳同魚片，個人覺得配魚柳比較好食，魚片有少少腥湯底方面：選擇都好多，有老檀，金湯，蕃茄等等，試過幾隻，覺得老檀最正仲要少辣椒，因為正常既話，真係太辣，頂唔順配菜方面，有萵苣，薯仔，芽菜，金菇等等，配料都唔少喎...鍾情於萵苣同金菇，夠爽口咁正既湯底，梗係配白飯啦，我仲嫌一碗唔夠㖭，其實仲有薯粉或米線任君選擇，寫寫下，又想再叫黎食㖭未食過既朋友，建議先試老檀酸菜魚

食過一次，當時剛開張冇幾耐，老闆比較親切風趣，幾十蚊一人一大碗酸菜魚，不辣的有番茄湯底，其他基本都係有辣度的，份量比較大碗，味道也算可以，突然想食酸菜魚的話，都係一個唔錯的選擇

今日經過天日商場，發現原來呢度有好多唔同嘅餐廳，最後揀咗呢一間魚眾不同酸菜魚，店面裝修一般，但係見到佢嘅食物好似幾吸引。呢度選擇大概分左牛肉同魚，而每一款都有七個口味，套餐仲可以揀白飯、米線或者薯粉同贈送兩個配菜，今次試咗金湯酸菜魚同香辣牛肉。金湯酸菜魚入面有青花椒同辣椒，味道比較辣唔食得辣嘅朋友建議小辣同小辣椒，而配菜就選擇了萵筍同大豆芽，萵筍爽脆同埋酸菜魚建議選擇生魚片。香辣牛肉真心推薦，味道香濃，牛肉鮮嫩較為厚身，唔會好似一般平時食到嘅平價生肉咁用普通肥牛，而配料方面我選擇了金針菇同豆卜，豆卜吸收了湯底之後變得非常美味。套餐分量十足，一個人食一個餐十分足夠，套餐個人建議選擇白飯配搭，因為米線是分開上的，比較淡味。

疫情期間，相信會有好多人好掛住大陸嘅擼串、湘川菜、牛肉火鍋等等。由於屯元天實在太接近大陸，而且呢區都有不少同胞居住，所以要喺大西北呢邊揾到類似嘅風味餐廳真係好容易。今日試食酸菜魚(另有酸菜魚火鍋)一人一鍋係賣點，價錢都係大約$60/位，真係超值。酸菜魚及酸菜牛肉均有七款湯底，可按照自己接受辣嘅程度選擇。如果唔鍾意食大嚿嚿嘅魚塊，可以係落單時轉為魚片。每個餐，除了可配白飯/米線/蕃薯粉外。每碗都再贈送兩款配菜，分別有萵筍/腐皮/金菇/豆腐/薯仔/大豆芽/娃娃菜/生菜/豆卜等等。今日分別試咗🌶️老壇酸菜魚及🌶️🌶️金湯酸菜魚，老壇即係最常食嗰款，如果係用石鍋上嘅話，湯底夠滾應該更加好食。而金湯就多咗青花椒及麻味，湯係比較辣，但就唔油。唔好以為個湯碗好細唔夠食，其實齋食魚及配菜，飲兩啖湯都已經好飽。

一般川菜看見的酸菜魚，都是一大盤適合一大群朋友分享的份量，不過，這次餐廳主打的是一人份量酸菜魚套餐。除了酸菜魚之外，還有酸菜牛肉可供選擇。配菜方面，每日亦有多款配料供客人任選兩款。第一碗酸菜魚我們選擇了豆卜，金菇，湯底為金湯，相對偏麻香，而且酸度較低，對於不太喜愛重口味的人，這個是不錯的選擇，加上配菜比較容易吸收湯汁，配搭令人容易接受。而另一碗酸菜魚我們則選擇了土豆、萵筍，配菜煮得剛好，雖然我們點的是外賣，但它們仍保留有爽脆的口感，同時又吸收了湯的味道，整體酸度辣度掌握到位，十分過癮。主食有米飯和薯粉，我們各點了一碗，薯粉的種類比較類似是水晶粉的幼度，加上異於配菜，薯粉煮得過火，口感軟爛，筷子一夾就斷，令人失望。整體而言，食物份量偏多，湯底有由不同酸度和辣度組合的選擇，味道整體都是偏鹹的。而配菜和主食都有多款選項，食客可以自由選擇自己喜愛的配搭，不過建議大家堂食，因為外賣始終未及堂食有風味，食物品質也會有一定的影響。突然想吃酸菜魚，但又未能及時找到友人相伴，不妨試試這個可以自私食的酸菜魚。

優點：服務態度算好，湯底味道夠辣唔太淡其實幾好味缺點：份量實在太少，只有3塊魚，平時鍾意大豆製品嘅我揀配菜要豆腐豆腐皮，但豆腐食落已經變酸懷疑所有食材都放高溫環境下好長時間（因為鋪頭面積唔太，有個出餐位可以望到廚房入面，一望就望到佢地放一大盤豆腐係近爐頭附近，心諗都知中伏）。粉絲好碎唔係完整咁一條條出餐速度真係好慢，鋪頭唔大理論上應該冇咁多單，但我平日去食lunch都等咗最少半個鐘先有得食，就算唔係食飯時間都起碼15-20分鐘，如果急住醫肚真係唔好揀呢間，有定心理準備食飯時間隨時等一個鐘。價錢對比同一商場其他食肆＆份量我認為略貴。

其實本人一直都好仲意食酸菜魚，所以知道商場新開左間專食酸菜魚嘅餐廳魚眾不同就即刻忍唔住一試。餐單嘅食物選擇種類唔算多，價錢都算係街坊價，通常都係叫一種款式免費配兩種配料例如金菇豆腐薯仔等等再送一碗白飯，如果本身比較細食既話，我就建議叫一款酸菜魚再加錢追加一碗白飯，因為對於細食嘅人黎講，呢到既酸菜魚雖然話係一人份量，但始終係有d大份。餐廳員工嘅服務態度好好，會同你主動推薦番有咩啱食，如果你係驚食辣嘅佢亦會好貼心禁推薦番唔辣蕃茄湯比你，不過有時亦會出現漏單既情況。個人覺得呢到d酸菜魚適合一d鍾意食魚但唔鍾意成日要挑d魚骨出嚟嘅人，因為呢度啲酸菜魚全部都係採用冇骨嘅魚肉（應該係冰鮮魚柳？），不過魚肉嘅份量就有d少，主要都係配料同湯多，d湯本身嘅味好足，對於一d唔食得辣嘅人嚟講，呢度嘅酸菜魚就有一定嘅挑戰性，因為真係會好辣，不過整體味道都算唔錯。

作為九龍人，好少去元屯天一帶，無意中去咗呢個商場，有啲似大陸，餐廳都有啲大陸風味。第一次聽魚眾不同酸菜魚，決定試吓間餐廳係先俾錢，後坐低。酸菜魚款式都算多，全部都係一人份量。見到已經分泌大量口水。一碗可以配兩個餸，同埋揀飯、蕃薯粉或米線。老壇酸菜魚配生菜豆腐 米線朋友叫咗呢個，少少辣好惹味，生菜特別索味好正，感覺呢個湯底有少少藥材味。青花椒酸菜魚配萵筍豆卜薯粉比起上邊嗰個辣，非常惹味初頭食覺得辣，食食吓，個底辣味越來越少，唔知係個底冇咁辣，定係條脷慣咗。唯一失色係，萵筍煮得唔夠淋～同埋個人覺得配白飯應該好食啲。叫杯凍檸茶解下辣~~Menu～～仲有其他款式酸菜魚，亦都有唔辣。除咗魚仲有牛。另外值得一提，天水圍店嘅侍應服務態度好好，不論收銀、帶位定上菜，都好熱心同有禮貌。不過餐廳唔算好好坐，有少少迫。

#魚眾不同酸菜魚 街坊價酸菜魚，仲要60蚊大大兜超抵食 湯底好正好濃烈，食得辣既一定好鍾意 每款湯底用多種調味料煮成，各有唔同風味 老壇酸菜魚既酸菜酸中帶甜 唔食得辣既可以試呢款 魚肉都幾大塊，肉質嫩滑，而且份量都算多 金湯酸菜魚既辣係泡椒果隻辣 呢隻辣食落後勁比較強 - 鋪頭仲出左火鍋外賣 用佢特製既湯底打邊爐，一定食得好過癮！

料太少！叫左個麻辣酸菜魚，得3舊魚！！！！打開蓋果下真係嬲咗！全部都系湯水，本身仲勁期待！我加嘅配料係豆腐同埋金針菇，d配料真系令人無語，得個丁D，仲要$78加埋運費$20，唔抵食，反正以後都唔會食呢間，真心5建議。

晚飯時段入去，全場爆滿既。餐廳環境唔錯，座得幾舒服。但點菜方式有別一般餐廳，似係快餐店咁既，要先係收銀位置點菜，稍後就會有侍應攞比你。對於第一次係本地食酸菜魚既我望住張菜單真係有d苦惱☹️但有個侍應姐姐好主動咁話幫我地介紹，雖然菜單上有魚同牛兩款唔同選擇，但佢推薦食魚，所以我地都揀左魚。辣度方面最少都1隻辣椒，最多3隻，唔想要辣仲有個蕃茄湯底。等左大慨10分鐘就有得食喇！個酸菜魚同碗暑粉係分開既，湯底幾乎滿瀉咁濟。

今次唔係第一次黎食，食過幾次問題Ok，始終係天水圍可以搵到咁經濟實惠既川菜快餐唔容易！首先講魚，好老實60蚊都唔使既魚，對佢要求同期望都唔好太高，預咗係雪貨，但口感可以接受到既。跟著味道，我覺得呢個係佢既精髓。因為完全係靠呢個湯底先吊到啲味出黎，而且問道算正宗，同係大酒樓川菜館果啲差唔多，但呢度只需要60蚊有找。臨走前見到佢有外賣火鍋配料賣，價錢唔貴，值得一試。如果無爐可以比按金租好似幾方便。不過而家啲爐咁平我諗應該唔會有人特登租呱

今晚朋友介紹了這間剛開不久的川味店，環境簡約，需要親自去收銀枱點餐給錢，之後老闆會給一個震動機你，但震動機震代表有侍應拿食物過來，不用自己去拿。青花椒酸菜魚——這道菜比較麻多過辣，如果不能吃辣的也能試試，另外可以自由加配菜，這道菜加了金針菇，娃娃菜和豆腐，湯底的味道比較像煳辣的味道，很惹味，配菜吸收了湯的精華非常美味，而客人可以選擇米線/紅薯粉/白飯，本人是點了一份米線的，但吃完後，還剩很多渴和配菜，便再點了一碗白飯，配合白飯一起吃更加入味開胃，個人推薦點白飯來配搭。老壇酸菜魚—— 這個酸辣味比較重，配菜有豆皮和娃娃菜，酸菜選用了陳年老壇，非常入味，湯底酸酸辣辣，配合紅薯粉令人食指大動。蕃茄味酸菜魚——配菜有窩笋和豆皮，蕃茄味濃郁鮮甜，配合魚塊很嫩滑可口，窩笋新鮮爽脆，豆皮軟硬適中，不能吃辣的朋友可以嘗試下。

份量是很多的基本上一盆是夠兩個人吃的但最低消費是$56，還是踏踏實實地叫吧酸菜魚還好，魚的質素也不會要求太多畢竟才是$56但牛肉$66，老實說有點失望牛肉是用肥牛，但非常不新鮮，完成沒有肉味，似是國內$18任食火鍋那種肉