魚眾不同酸菜魚 (馬鞍山中心)

营业中

休息中

連酸菜魚都有呀!! 以後真係唔愁落街冇嘢食😍👏🏻呢度仲有一人份嘅<<老壇酸菜生魚片>>($69)所謂嘅「一人份」其實都好有份量!叫多碗一人份嘅<<青花椒酸菜牛肉>>($69)就夠晒三個女仔食!!!因為本身佢碗餸已經好大~加上佢仲送埋大大碗飯/米線/手打薯粉!要再追加都係$10碗咋!真係唔夠食~ 爭啲啲~ 都唔使擔心👍🏻除咗有主菜: 生魚片/牛肉之外，仲可以喺十二款免費蔬菜入面揀兩款作配菜🥰老壇酸菜生魚片嗰碗我揀咗萵筍同蘿蔔💚生魚片嫩滑冇骨! 初嚐第一口係酸酸哋幾惹味~之後啲泡椒麻味開始後勁凌厲! 食得過癮!!蘿蔔超入味但難掩佢本身嘅清甜多汁! 呢個配菜💯而青花椒酸菜牛肉嗰碗，我就揀咗腐皮同黑木耳!腐皮係厚身嚡口嗰隻~口感都係有啲嚼勁，易飽肚!個湯底除咗比前者更麻辣之後，呢款仲帶有濃烈牛味!!唔鍾意食魚嘅朋友可以試吓出色嘅牛牛🐮唔食得辣嘅朋友都唔使灰心🙈因為呢度有成九款湯底!!!! 有辣有唔辣!! 任君選擇💁🏻‍♀️不得不提嘅係佢嘅薯粉認真Q彈🙌🏻鍾意煙煙韌韌嘅你一定要試٩(˃̶͈̀௰˂̶͈́)و

馬鞍山中心2021年8月已開左【魚眾不同酸菜魚】， 終於星期日11：00早上去食。（怕人多要等及疫情下， 一早開門去， 人流得幾枱，唔駛迫）服務員工2位， 如改為派紙圈或二維碼自助下單更方便， 唔駛等員工來才下單。1） 老壇鯛魚酸菜🌶配豆卜大豆芽。+。薯粉另加紅冰 （好好飲， 紅豆多又林）好耐冇飲過好飲之紅豆冰。 ＜＜8.5分＞鯛魚不太滑， 目測有12片魚， 配菜很足， 薯粉又大碗(另上）🌶2） 青花椒酸菜鱸魚🌶🌶配娃娃菜 蘿蔔。+。薯粉鱸魚好滑， 都有約12片魚， 配菜很足， 薯粉又大碗(另上）。此青花椒真的好辣🌶🌶， 唔食得辣千萬唔好試一邊食一邊流汗。味道好好， 不會死麻辣， 不會辣到變孖腸咀。3）麻辣金錢肚 8分不太入味， 但好食。（都係那句， 唔會好像 x哥之麻辣， 全部一種味， 麻到食唔出其他食物味道）總評： 鍾意此店的辣， 有層次。 9分不像四川大麻辣， 麻辣到什麼味都食唔到。（初食唔辣， 慢慢自動流汗， 又唔會辣到食唔到）餸量： 魚起碼有12片， 冇骨， 配菜多， 薯又大大碗。 一人食好飽。 8分

放左工同屋企人想食酸菜魚，所以係屋企附近食，平時見到間舖頭食飯時間都好多人排隊，仲可以叫一人份量😜，所以今次就試吓，由於時間尚早入去嗰陣仲有位，不過走嗰時就已經full晒啦🤗今次小編咩叫咗青花椒酸菜湯配鯛魚片+萵筍片+豆卜+薯粉，酸菜湯好入味，亦都有陣陣麻味，魚肉好滑，個魚皮都好爽,而且豆卜吸晒湯嗰啲精華，再加埋薯粉😲，簡直食到唔停口🙏🏻另外，仲叫咗個麻辣濃湯配牛肉+豆腐皮+蘿蔔+薯粉，感覺好似水煮牛咁，有大量嘅芽菜係底，而且豆腐皮都好吸麻辣湯，越食越辣，食食吓都流晒汗🥲整體來講，一人份量都好足，而且味道好濃郁，馬鞍山嘅朋友仔都可以試吓😮

有一日去馬鞍山見到有一間係街會排隊的店，之後終於有機會入黎食了，我1800黎剛好仲有位😎推薦青花椒酸菜魚，個人覺得呢個味先夠重口，當然想食更重口的可再揀更重口的口味🤣魚個人推鯛魚，雖然鱸魚先係正宗，但鯛魚彈口的口感一定能令你的所impress😆😆另外，佢一人酸菜魚粉面係另上的，呢點好值得like! 特別當你同朋友夾份試唔到湯時好好ps 豆腐皮係個人覺得正宗酸菜魚中最必食的野之一(當然魚都係🤣🤣 xd)

以前偶然都會返深圳食酸菜魚，不過始終廣東人口味，呢啲偶爾食下就OK。一年唔會食多過三次。馬鞍山竟然開咗一間都食得過吓喎！鯛魚味道比較淡，我都係推薦鱸魚，有啲油脂魚肉夠滑。老檀酸菜魚只係BB辣，容易入口。驚喜有萵筍可以揀，爽脆清甜。另外加咗鴨血，好滑。薯粉另外分開上，要嘅時候加入湯食，本身薯粉上嘅時候係溫暖嘅，食嘅時候唔怕唔夠熱。呢點係細心嘅。一人前酸菜魚包括選湯底，選魚，選兩味餸菜（我揀咗萵筍同豆腐皮）。另外追加鴨血同一杯熱飲。埋單$100，唔算平。

最近發現馬鞍山.新開左間酸菜魚🐟一於試試距先Order左份二人份酸菜魚.另外會配送白飯或者薯粉味道夠酸夠辣.配菜同魚肉份量都好足夠.最係仲食唔曬員工態度都好友善

超喜歡食酸菜魚但好食嘅餐廳無乜幾間，仲要住正係人稱美食沙漠嘅馬鞍山，平時想食好啲都無。但最近係屋企樓下開咗呢間魚眾不同，坦白講個名食字有少尷尬，無乜期望諗住一試，點知有驚喜喎！我食嘅時間係下午5點幾，仲諗住嘆返個下午茶，但侍應姐姐話佢地全日都係一個menu無午餐或下午茶分別。我同老公各自選咗個一人套餐。原來一樣係酸菜魚，但可以細分好多種。menu推介青花椒酸菜湯同埋老壇酸菜湯，我地就每款叫咗一碗我揀咗：青花椒酸菜湯、鯛魚、海帶，黑木耳，配米線青花椒湯底非常香濃，湯底除咗有花椒嘅香同辛辣，仲有蒜蓉令味道層次豐富。辣度近似譚仔嘅5小辣，唔會搶喉又惹味。米線彈牙，魚同埋配菜嘅份量好多。鯛魚係一大推介，有別於平時食嘅魚片一夾就散，鯛魚質地爽口彈牙，有少少時滑嫩嘅脆肉鯇，口感味道都好正！老公揀咗老壇酸菜魚湯、鱸魚片、芽菜、萵筍，配薯粉老壇酸菜魚湯味道較酸，層次比起青花椒無咁豐富，味道較單一；預設的辣度非常少，近似譚仔10小辣。薯粉彈牙唔會痴埋一嚿嚿，條條分明。鱸魚有魚味，但同一般魚片一樣，一夾就散。對於鍾意食爽口嘢嘅我就覺得普通。嘢飲跟餐+$7，都幾大杯。最近愛上飲鴛鴦，呢到嘅鴛鴦味道略嫌太重咖

以往馬鞍山「美食沙漠」這地方總被人認為是美食沙漠。自從多了新屋苑落成，加上愈來愈多有質素的食肆進駐，沙漠早以變成綠洲。這家以酸菜魚為主打的食肆。餐牌總類選擇多，其中一人份系列，系列分幾個組合，分別是主題配搭、風味湯底、美食兩款、主食一款，可以從中選擇。鯛魚片青花椒酸菜湯，其他就揀了大豆芽及萵筍及手打薯粉湯底最特別是多了青花椒，使湯底更多一種麻香味。鯛魚片爽脆彈牙，大豆芽食落爽脆，浸湯吸晒湯底精華，薯粉味道清淡，配酸菜濃湯最啱不過鱸魚片老壇酸菜湯，配料選了豆卜、豆腐皮，主食同樣選了薯粉。鱸魚比鯛魚肉質相對嫩滑，湯底酸中帶麻，喝一口味蕾已感到麻。豆卜索滿湯汁，食落特別惹味

老檀酸菜鱸魚 $75（配薯粉）配菜有娃娃菜，豆腐，鴨血(+$20)我揀左鱸魚，仲有好多其他魚揀，不過我驚其他好多骨所以就揀咗鱸魚🐟，估唔到一人份量竟然都咁多，夠兩個人食🤣🤣 除咗鱸魚同酸菜好多之外，其他配料都好足料，有兩大舊豆腐，好多娃娃菜同酸菜😚 鱸魚大大片又滑又冇骨，差唔多有成10片，最後就梗係有鴨血，爽滑入味，索晒酸菜魚啲湯汁，而且酸菜魚嘅湯底仲有幾種唔同辣度🤪 菠蘿梳打特飲 (跟餐+$12)平時啲特飲閑閑哋都要20-30$ 一杯，呢度跟餐都係$12，雖然唔係話真係有好多菠蘿🍍肉，不過都食到有少少菠蘿蓉，食完啲辣嘢整返啖 爽哂👍👍😋

每次經過呢間係馬鞍山中心馬路旁呢間酸菜魚餐廳都見到有好多人排隊，今日決定趁下午時間去試下。入面裝修整齊清潔，坐得幾舒服，適合幾個人一齊食，太多人可能未必夠位。佢個menu 有一人餐，太方便了，因為每個人食辣既程度唔一樣，一人餐可以就自己想食既湯底，我就叫左個青花椒酸菜鱸魚，朋友唔食辣，於是叫左個不辣老壇酸菜鱸魚，唔辣果個湯成偏酸，青花椒果個小辣都已經好足夠，啲魚既份量都偏多，所以$75食到酸菜菜性價比好高。

馬鞍山有咩食？去《魚眾不同酸菜魚》試試，一口氣叫左青花椒酸菜魚，土豆絲，味道如同口水雞呀！可惜今日人少，唔可以試多幾款食物，下次一定要再試埋其他菜色，舔舔脷！！

喺馬路側邊嘅地舖 入去嘅時候都冇乜人但係瞬間就已經坐滿晒人 未夠六點都咁誇張應該真係啲嘢做得好出色 ～ 呢度有一大鍋嘅 有前菜嘅 有小食等同埋見到一大盤酸菜魚真係好大 應該食唔晒呢我哋每人叫咗一碗麵 可以自由配搭①自選一種主食②自選湯底③自選兩款配料④自選飯麵♥︎ 青花椒酸菜鱸魚 萵筍 腐皮 薯粉 $75♥︎ 蕃茄生魚片 蘿蔔 腐皮 米線 $69♥︎ 王老吉 +$12 ♥︎ 咸檸樂 +$12啲魚片食唔到有骨廚師片魚肉嘅功夫真係好了得鮮魚肉嘅份量多 食極都仲有食得出好新鮮 一啲魚腥味都冇 仲係剛剛好熟 好滑溜嘅肉質青花椒酸菜湯底 都係店內推介款酸酸辣辣 非常好味 蕃茄湯底就好濃郁 係蕃茄膏開出嚟再加啲新鮮蕃茄嘅味道相對而言酸菜魚就真係比較特別好味如果多啲人一齊食可以再嗌多啲餸每人一個一人餐都已經飽到上心口

馬鞍山出咗名係美食沙漠🏜️而家竟然有酸菜魚出現，以往要食呢啲菜式都要走去九龍區覓食，估唔到近近地都有一間唔錯嘅選擇。＂魚眾不同＂平時就有一人份量嘅酸菜魚套餐，可以自選唔同嘅小食、辣度、湯底，我哋今次一家大細四個人嚟到食，就揀咗一個份量較大嘅招牌酸菜魚🐟 開頭仲擔心份量會唔會唔夠食，但係見到除咗包薯粉、米線、白飯🍚之外，佢嘅配料仲有海帶、萵筍、娃娃菜、豆腐皮、大豆芽咁豐富嘅材料。一上枱見到個份量就知道食完可以攬住個肚出去 🤰，而且鱸魚片分量多、滑得嚟又冇骨，唔會食落霉淋淋咁嘅，由於香料唔少，湯底都非常夠味唔係一味死辣。不過晚市等位非常搶手，記得要提早排隊拎位飛，再去附近商場行個圈返嚟啦～喜愛程度： 🐟🐟🐟🐟🐟

通常去食酸菜魚多數教係2人的分量😛所以要揾志同道合的人一齊去食就最岩~因為通常係麻麻辣辣🌶️🌶️唔係個個食到~最近有間魚眾不同就可以迎合唔同人士需要~無論辣同唔辣都有得選😙就算另一半唔係好食得辣都冇問題😛因為可以選唔辣的湯底🍜食法先自選一款主菜+兩款配菜~再選一種湯底，然後再配主食1款 (飯/米線/薯粉)我地選左青花椒酸菜鱸魚配腐皮+海帶🌶️薯粉🍅另一碗就係蕃茄鱸魚配萵荀+黑木耳米線米線同薯粉好細心都係分開上的🥳

以前成日話馬鞍山係美食沙漠但最近開左好多新店☺️☺️今次就試左呢間魚眾不同酸菜魚次次行過都有好多人排隊入到去覺得裝修好modern坐得幾舒服💁🏻我地一行4人叫左招牌酸菜魚（$288）🐟配料包括鱸魚片、大豆芽、豆腐皮、娃娃菜、萵筍、海帶、薯仔、闊薯粉同埋2碗飯麵上枱好大碟，4個人食啱啱好酸辣味好惹味，叫左小辣但都食到流哂汗💫 鱸魚片好滑，無骨，份量都好足其他配菜都算足料，特別鍾意豆腐皮同萵筍飯麵會分開上，可以食到咁上下先落湯另外仲叫左碟口水雞🔥因為怕太辣，所以叫左辣汁另上🙈算係一個幾貼心既安排雞肉就普普通通建議食佢地既酸菜魚比較好