魚米 (V Walk)

营业中

休息中

平時黎黎去去都係食M記，三哥，大家樂早餐，已經諗唔到可以食咩。之前魚米做特價早餐有條迷你油條，為左食佢，果期變左常客，而家冇左就冇再食過。不過食厭晒其他又走過黎食下特價餐，大碗抵食。

諗住簡簡單單食碗米線，叫咗個八寶米線，我唔識形容好似將啲廚餘煮米線咁😥 個樣非常之唔開胃，求其食咗幾嚿牛肉幾口米線，兩粒丸都係求其食咗一啖😥 腩肉腐竹唔想掂，酸菜都唔好食 🤢 還好杯鴛鴦正常。但係另外有一樣嘢佢哋要改善，就係商場入邊嘅清潔工會推架大垃圾車入嚟收垃圾，其實已經唔算逼，佢嘅垃圾車就咁泊喺我後邊隔籬，再將嗰個啡色冚掀起就撞到我個膊頭 🤢 希望佢哋可以注意一下，最好店入邊啲姐姐提點吓啲清潔工🤢

窮人恩物，$28 full set 早餐睇吓相先Mini 油炸鬼有驚喜，暖暖哋，仲要鬆軟😱平時其他餐廳通常硬骨骨，但呢個值得回頭吃👍🏻蛋不流心，改望埋就更好😂，不過$28無投訴啦，好過大乜乜果兩間😅五香肉丁一般水平，公仔麵都不錯，不太淋，我like😃叫咗杯濃啲嘅凍檸茶，佢都做到，又要講，$28無投訴😂想食平早餐，可廖考下面餐牌朝早八點，環境清幽，可以慢嘆餐廳座位餐具都乾淨南昌西鐵上蓋商場內，都有呢個價錢嘅早餐，又要講多次，無投訴🤣🤣🤣

走入呢間老字號嘅汕頭小食店，我頭先真係瞓緊覺都會醒，嘩，果然係人龍店！先嚟個沙爹牛肉粒，啖啖肉，香噴噴嘅沙爹味真係撲鼻，肉質又嫩滑得嚟唔乾身。跟住上檯嘅就係蒸鯪魚皮蛋瘦肉粥，個粥真係幼滑得滯，皮蛋嘅醇香同鯪魚嘅鮮甜夾埋一齊，簡直係百搭組合！不得唔提下芝麻糊，香濃到即刻令人心情大好，質感順滑得黎又唔係太甜，建議餐後食佢，正！夜晚甜品檔時段嘅黑芝麻糊真係可以再等一等啦！嚟到呢度，個人已經係回味無窮，實在係一個滿足嘅晚餐。下次再約三五知己，再嚟順噏陣鬼佬坐喺度飲茶食糕點😍🥢🍲！

今日嚟到V Walk 諗住求其食個下午茶叫左2份酸辣乍醬魚腐魚湯米線點知又有驚喜！份米線勁大份🤩🤩唔算太辣又好香👼🏻我同朋友都嚇親💖🥹啲料又足 唔會淨係得幾舊肉43元就有得食 好推薦！仲要包埋飲品🎀本來想叫多杯芋圓奶茶好可惜店員話已經冇曬🥺🥺🥺Anyway 呢到服務態度也非常出色就算星期日都唔算太多人食完又有得慢慢坐陣好評！店內環境整潔舒適，員工熱情友好🌸大家經過V WALK 都可以入嚟試試～～～

呢個係新商場，都好多食肆，見到下午茶時段又想食魚點了幾款，四人食，樣樣都熱辣辣的，係個豬扒比較油，其他都好好味。馬友好香好新鮮，配個肉燥飯都唔錯豬扒就有四塊不大的，但份量都夠，只是比較油，小朋友喜歡，配個菜飯。酸菜腩肉魚腐米線，真心不錯，湯好惹味，好正有下次。人唔多，坐得舒服，得三枱人，兩個侍應。

今晚六點半大概只有5成客，一共四張檯，有兩個樓面。餐廳裝橫企理。叫左烤魚一份。左口魚，酸菜味。加一可樂。我: 唔該，啲芫荽咁多泥？阿叔: 係咩？(轉身繼續樹懶mode步伐去做其他野)可樂罐上有發霉/黑色/定唔知道生鏽漬，仲送左塊生菜葉係個罐比我慶祝生日😊其實湯味道, 材料，性價比不低。喺多咗啲風土人情味(泥味)，好似去左他鄉，好有心思知道香港人好期待旅行~ 不過廚房應該好污糟，食物處理方法好那渣。我就大菌食細菌，不過帶同小朋友嘅唔好博啦。注: 收支付寶，八達通，現金。

店里环境还可以 但真不知道咋回事 点了个烤鱼 居然出了个炸熟的小蟑螂 店员也很无语 立马给换了一盘。也没有给优惠 不过也无所谓了 不会再去了。店员业务也不熟 用个openrice优惠劵 搞了半天也搞不明白。

魚米真係犀利，開到到處都係，平時見係連鎖店，以為好似快餐店咁，興趣不大。今日行經南昌v walk商場，行到累想搵個地方坐下食d野，但又唔想食太貴當正餐，就揀左魚米。首先一讚服務態度十分好，宜家真係好少快餐茶餐廳形式的餐館可以保持良好服務態度水準，特別係個個阿哥，十分好招呼，真係服務員的典範，內心都感到要多謝佢。講返野食，我們見呢度有魚鍋，就點了魚湯左口魚配白飯，又點了酸菜黑魚片米線，呢度實在抵食，我們再點了魚湯韭菜餃，椒鹽多春魚，炸腐皮魚角，真係好豐富。特別一提個魚湯類別真係好好味，魚湯夠香濃又不膩，而且飲落還覺得很美顏，絕對值得推薦。我再想推介韭菜餃，大大粒好足料,皮薄肉多，泡在魚湯裡吃也是超好吃的。另外炸腐皮魚角同椒鹽多春魚就多多香多多脆，可以就咁食，十分香脆滋味，泡到魚湯裡另一番口味，真係好好的配搭啊。以後去魚米食飯，就知道要點咩野食配搭啦。

一間餐廳可以滿足哂成家人口味👍媽媽繼續放假mood 罷煮🤭約埋婆婆出去食飯，我同婆婆又想食辣嘢但爸爸又想清清地同埋又要顧及天天感受行完商場發現最好嘅選擇就係#魚米 🤣🤣媽媽同婆婆就嗌咗個🔥麻辣烤魚🥘（海鱸魚）配米線海鱸魚煎到脆卜卜再擺上麻辣湯底嘅烤鍋上枱，湯底一邊滾一邊食慢慢滲入魚肉同米線越食越過癮。🤩爸爸同天天就可以share食🐟左口魚魚湯配白飯香煎左口魚，魚骨都煎酥脆可口，魚身啖啖肉啱晒天天👦BB，仲有一大🍲碗魚湯另上配一碟🍚白飯，兩父子都夠食👍另外嗌咗兩碟小食墨魚春卷同埋魚片頭兩樣都真材實料淡淡魚肉👍當然唔少得叫埋天天最鍾意嘅炸豆沙煎堆仔做甜品 🫶

今日唔試都唔知原來魚米係咁好食🤭以為佢只係獨沽一味！佢哋餐牌既選擇都好多，令到我地一下唔覺意叫左超多嘢食😅😅我哋叫左一個烤魚餐，另外仲叫左一個二人餐同一份雞翼小食😹不過都真係勁抵，埋單都係$265，$300都唔使🤩🤩原條烤魚配刀削烏冬 $88+（$4轉烏冬）佢原條烤魚有成6款魚揀，本身諗住揀黃花魚，不過最後揀咗一條叫珍珠斑既烤魚，因為從來未食過，而且覺得特別啲🥰烤魚一上檯，我已經讚，因為佢擺盤入面配料都好足，包括鮮腐竹、白蘿蔔、蕃茄、芽菜，仲有寛粉條，勁正😋😋佢跟餐仲可以配飯/米粉、麵或烏冬；至於魚肉質非常彈牙，加上烤魚外皮都一樣好好食🤣🤣媽咪愛不惜口🤤🤤香茅雞翼 $25呢個入口超級香脆同夠味，我一個人食晒4隻🫣佢啲雞肉勁嫩滑，一啲都唔會整到過曬龍👍👍二人套餐 $139蒸封黃花魚米粉呢個都係原條煎魚😋份量一樣係咁多，米粉大碗到嚇親我🤣不過米粉索曬魚湯，超鮮甜又爽口👍黃花魚肉質鮮嫩幼滑，煎香入口好正😋果醋豬軟骨菜飯豬軟骨煮到超淋、而且果醋煮到甜甜地，入口勁滋味，超級送飯😋😋😋都係除咗魚外必點之一🙌椒鹽多春魚呢個炸到勁香，平時我係唔鍾意食多春魚，但係今日一試愛上左😳入口好香口好酥脆，我食到

我好鍾意食🐟，奶白色的🐟湯更係我嘅至愛💕當然女仔飲多D魚湯皮膚靚D，對傷口復原都好好！不過煮魚湯都好大學問，功夫亦好多，所以今次我去左坊間搵到真正的「魚湯」健康美食！原條鮮魚 + 米粉我揀左黃花魚，輕輕煎香散發令人流口水的魚味~而且米粉我覺得個口感比平時食的唔同，幾有驚喜~ 下次食呢間大家必點一下米粉~魚湯係奶白色，唔係造作的奶白，係飲得出魚味唔重味精~ 飲完好舒服🥰酸辣盧魚 + 米線未食齋睇都已經好吸引，酸酸甜甜咁樣，熱住上，下面配菜都好夠、亦好入味，聞到未食都流口水啦🤤黑糖涼粉奶茶、涼粉紅豆冰配料都幾足，唔駛刻意講都係微甜，唔會有罪惡感~小食：魚湯餃子白菜豬肉餡料，加蘿蔔，魚湯都有微調帶點咸味~魚湯魚蛋魚片呢個湯底同魚湯米粉又有少少唔同，而且去食魚餐廳點可以唔試下魚蛋魚片，都無令人失望，軟綿綿滑口~白灼黃沙豬膶有少少生，不過放埋入去麵食都可以接受，爽口，補血必選！甜品：南北杏木瓜雪耳只有凍食，如果有熱食可能會更好，不過都係微甜，木瓜亦好香甜，雪耳爽口，唔覺唔覺又食晒lu~

💁🏻‍♀️呢排ig好多酸菜魚，我都唔執輸黎魚米食酸菜魚😙環境似一般冰室，大部份都係卡位。►酸辣黃立䱽魚🐟（配米線）$88 & 酸菜黑魚片 🐠（配飯）$65本身係打算試原條鮮魚，但溝通上有啲誤會變左2味酸菜魚😂😂😂因為食食下先醒起就照食🫣，2味都有啲寬粉墊底，慢慢索哂啲湯味🤤，黑魚片比較滑身啲，咪道都唔錯😝►香茅雞翼 🐓$25炸得好香脆，如果香茅味再出啲就更好。►果醋豬軟骨 🐷$42豬軟骨炆到好冧好入味，唔會太酸，雖然其貌不揚但食落有小小驚喜😮。►南北杏木瓜雪耳 ❄️$11唔甜，木瓜一咬就化開，雪耳份量都幾多，抵食😋

前排戒口無野好食，唯有叫碗魚湯補一補😪*香爐烤魚石斑 魚湯底🐟 $88簡值係一人烤魚， 原條煎到金黃酥脆，裡面仲有粗薯粉、蘿蔔、南瓜，配料豐富 btw好似俾漏左鴨血🤔🤷🏾‍♀️*原條香煎黃立倉米線🐟 $52煎得香脆可口，魚皮灑左胡椒同鹽， 略嫌重手咗而魚湯鮮甜嘅，但調味都係重手*魚湯白菜豬肉餃子🥟 $18見到特價好似幾抵，一碗有五粒，皮唔算厚，不過唔好期望入面好多餡😂#hkfoodpic #hkfoods #hkigfood #foodiehk #foodie #hkfoodie #hkfoodieblogger #hkfoodies #元朗美食 #元朗 #元朗黃店 #香港美食 #香港美食日記 #香港好去處 #相機食先 #食好西 #一路食一路post #魚米 #魚湯

見圖以為我哋去食甜品？其實我哋都係去魚！😂😂見偽韓仔咁乖乖，陪我同婆婆食，我地叫左個甜品開心下姐🥳嗰日探完朋友，我哋就去咗V Walk 搵食，中意食酸菜魚既我，見到有烤魚，就緊係唔會放過😅呢間連鎖魚湯米線專門店-魚米，新出既烤魚😍價錢唔使$100就食到啦！出面真係絕無僅有🤩因為佢哋係平日都係快開魚湯產品，所以呢個烤魚質素都唔錯㗎！另外佢哋原條魚系列，更加係佢地最出名既菜色，我平時都食開，今次都有叫比偽韓仔，我地揀左黃花魚，冇咁多骨，小朋友都容易食👍🏻帶偽韓仔出去食飯，又點會唔叫特飲😂我哋叫咗杯水蜜桃QQ椰果，酸酸甜甜開解渴，我最黎再叫咗個飯後甜品，豆沙之麻球，外皮炸到脆卜卜，又唔會好油膩，幾好食架！$18仲有6粒咁多😍