鮨處松戶 (彩星集團大廈)

营业中

休息中

繼上次個朋友帶我食完八海山之後 佢今次又帶我去尖沙咀食另一間日本野今次呢間係樓上舖 全層都係佢地 所以都幾大幾多枱入面設計有啲庭園feel 幾有日本風坐低見到餐牌勁多野想食其實一入到去就見到有個位 放左勁多海鮮有魚 有生蠔 有象拔蚌 有魚 仲有好多見到更加期待揀左刺身拼盤 有6款刺身加海膽魚子 刺身都幾新鮮 個蝦勁甜 個海膽一啲腥味都冇嗌左個炸雞翼 出面炸到勁脆 入面好滑好 juicy 加啲檸檬汁冇甘熱氣嗌左牛舌串燒 燒得岩岩好 唔會勁乾勁鞋

佢個入口有少少隱敝 用少少時間就會搵得到入面環境幾有趣同我想像嘅有少少出面有少少似係日本住嘅民宿甘佢都有要除鞋坐嘅榻榻米不過我都係鐘意坐番正當枱櫈雜錦刺身 有海膽，牡丹蝦，呑拿魚，帶子，深海池肉，油甘魚，三文魚樣樣都好新鮮 特別鐘意食油甘魚 好肥油脂好豐富又唔會太漏牛油菌帶子帶子好大粒好厚身 用牛油再煮帶子同菇 牛油同帶子夾得天衣無縫咸鮮海鮮火鍋不得了 勁多海鮮 有三文魚 油甘魚 帶子 生蠔個湯勁甜勁重海鮮味 個烏冬索晒啲味 正

最近聽同事介紹，公司附近有間隱世日本菜，評價都幾好，終於都有機會嚟食吓。特上刺身拼盤刺身份量都幾足，分別有吞拿魚腩，赤貝，大赤蝦，加拿大海膽，三文魚子，吞拿魚赤身，同埋兩款白身魚。相信款式會隨着季節有改變，今日拼盤上嘅刺身都非常新鮮，而且有豐富油脂。海膽見到啲籽粒粒分明，食落唔苦唔係一陣怪味嗰種，撈埋啲三文魚子一齊食爆哂汁~沖繩苦瓜炒蛋一向唔食苦瓜嘅我哋決定試一試呢個店員推介嘅苦瓜炒蛋，真係完全唔苦，加埋木魚嘅炒蛋味道勁夾，估唔到咁有驚喜。白鱔串燒勁厚肉嘅白鱔燒出嚟同坊間嘅鰻魚好大分別，肉質超級彈牙同埋充滿油脂，而且醬汁甜甜地，都幾夾。沖繩豬手豬手烹調時間十分足夠，令到豬手可以好淋，夠晒入味，食得出煮嘅過程有用到酒，令到味道更昇華。日式雜錦烏冬最後上嘅烏冬份量都唔細，有天婦羅蝦、蟹柳、菜、菇、溫泉蛋同雞肉，都幾多嘢食，夠晒滿足。總結餐廳喺同區來講算收費合理，食物質素亦都係高於預期，加上裝潢幾有特色，所以都會推薦比朋友黎試下👍🏻。

咁啱同朋友食飯個幾日唔太食得生冷野，所以都係叫熟食為主🥹但朋友為咗過吓口癮，所以都嗌咗盤雜錦刺身🤣其中有海膽啦、牡丹蝦、赤貝、拖羅、同埋啲深海池魚等等⋯⋯ 色澤都幾靚，而且食落新鮮～最欣賞係拖羅同埋海膽🤣 油脂分布平均，有魚香味；而海膽亦有佢獨特嘅甜味✨而且冇我最怕嘅苦味👍🏼但唯一係每片嘅size可以大返啲，相對性格比都會高返啲🤏🏻🤣沖繩苦瓜炒蛋 — 平時我會怕苦瓜苦，所以唔敢食🫢但呢隻沖繩種嘅，真係唔同啲，冇陣苦味喎🫣佢連埋啲豚肉片一齊炒，口感更豐富～但如果多啲蛋，可以包實舊苦瓜就更正🤣燒白鱔 — 厚肉，冇骨，夠juicy。每人一串好滿足🥰呢個推介👍🏼最後再嗌咗個天婦羅烏冬～有冬菇、蛋、蟹柳、天婦羅、金菇等等，埋上讚歧烏冬，都幾豐富👍🏼湯底係鰹魚湯，所以都會飲埋啲湯🤣 但係如果天婦羅係另上會更好🥹因為浸到淋哂，有少少影響口感。但整體嚟講味道都不錯，所以都推介💕

朋友帶路去左尖沙咀一橦商廈入面嘅日式料理店到左大廈仲要再轉𨋢先到一出𨋢見到忍者龜嘅銅雕像又幾特別喎呢間料理店地方好大有兩間大嘅廂房可以私人宴會又有個大嘅壽司bar枱中間仲有個流水擺設見到咁嘅格局仲諗住價錢都唔會平啦點知其實又好親民咋喎！⭐️鮨處松户海鮮沙律掛上招牌名嘅海鮮沙律相當唔錯用左唔同嘅角切魚生、玉子、天娜羅脆脆同新鮮生菜混合醬汁係和風汁微酸輕柔⭐️平目魚薄切平目魚魚味清淡配上辣蘿蔔蓉同酸汁食幾鮮美⭐️沖繩黑糖豬手豬手燉煮到好淋好淋啲豬軟骨全部都好滑溜超豐富嘅骨膠原～⭐️忌廉薯餅唔食飯食薯餅滿足澱粉欲望薯餅外脆內軟一啖入口啲忌廉薯蓉爆發出黎香滑⭐️鍋仔烏冬簡簡單單嘅熱鍋載住滑溜烏冬頂上一隻香脆炸蝦佢呢度仲有啲鍋物都幾吸引天氣凍黎shabu shabu 都正！

松戶特製中卷呢個卷物超滿足，帶子+吞拿魚蓉+三文魚呢子，鮮味十足又勁滿足😋海鮮沙律沙律配刺身加埋脆脆，幾種口感加埋一齊好豐富👍🏻配埋個汁食有驚喜和風汁左口魚薄切第一次冇燒過咁食😱，師傅刀工好，切到薄薄一片，配埋個和風汁超級夾日式炸雞 + 蒜片炒雞腎炸雞外面香脆入面Juicey! 落幾滴檸檬汁成個雞即刻甜咗又消膩👍🏻雞腎就鐵板上，熱辣辣又勁香蒜味，配嘢飲一流🍺明太子蛋餅+明太子炒飯明太子滿瀉非常足料，炒飯似鐵板燒咁粒粒分明又煙韌，身為明太子控嘅我非常滿意🤤餐廳環境好闊落，都有唔少日本人幫襯，仲有啤酒添啊，希望下一次可以飲埋佢個啤酒🍻😝

二月最尾一日決定食好啲，喺公司附近食鮨處松戶。一入去就見到啲房，喺要除鞋入去㗎，真係好有風味。我哋坐喺流水擺設隔離，都好似去咗日本咁。松戶特製中卷賣相好靚，上面係三文魚子同吞拿魚蓉，紫菜同飯入面包咗鮮帶子同紫蘇葉，食落好清新。鮨處松戶海鮮沙律沙律好有驚喜，上面鋪滿咗炸物嘅麵衣，沙律菜好新鮮，仲有三文魚子、角切嘅帶子、吞拿魚、油甘魚、三文魚，口感即刻豐富咗好多，佢嘅汁唔會太酸，同沙律菜好夾，大家都一定要試吓。和風汁左口魚薄切左口魚超新鮮，食落爽口彈牙，同裙邊好唔同。和風汁帶啲酸，同個刺身好夾。日式炸雞炸雞份量都幾多，唔係好多炸粉嗰種炸雞，咬落外脆內熱，啲雞肉都幾嫩滑。蒜片炒雞腎好香牛油味，雞腎唔會太咸，咬落夠爽口。朋友中意食蒜片，話炒得好香口。明太子蛋卷賣相好靚，木魚乾喺幼條嘅，口感好過平時嗰啲大大塊嘅。蛋卷入面有好多明太子，仲有少少明太子嘅辣，好好食。明太子蘆筍炒飯金黃色炒飯配橙紅色明太子同埋綠色蘆筍粒真係好吸引。喺炒飯粒粒分明，都係有少少明太子本身有嘅辣，越食越想食，最後忍唔住食咗好多。個人認為呢間餐廳各方面都好得體，啱晒特別日子慶祝，或者請朋友食飯。

星期六lunch, 下午1點多唔太多人定食menu , 多款選擇二人行，我們選擇了單點，比較吸引薯仔沙律$68洋蔥太多，有點辣不過薯仔味很香意大利風蔥吞拿魚法包$130吞拿魚他他加了洋蔥再配上芥末醬口感味道很特別要即食！放得太耐麵包變得很硬雜錦壽司（特上）$559大toro 入口即溶油金魚超級推薦海膽不太新鮮海鮮茶壺湯$78香濃鮮甜海鮮味，飲完仲可以食埋海鮮份量剛好，唔洗怕飲得太飽食唔落野麵豉醬煮鯖魚$78鯖魚炆煮得剛好配上甜甜的麵豉醬，很開胃大推薦

日本菜大家就食得多壽司、刺身、拉麵、鐵板燒、壽喜燒等等等等但日本家常菜大家又試過未？今次去嘅呢間居酒屋用上當地食材炮製出日本鄉土菜同樣令我地食過翻尋味鮨處松户海鮮沙律大大盤沙律係新鮮羅馬生菜配角切魚生面頭仲有啲天娜羅炸粉碎增加口感和風汁清爽一道清新嘅開胃菜忌廉薯餅有三件薯餅外層炸得香脆金黃入面係流心軟滑忌廉薯蓉沖繩苦瓜炒肉片苦瓜係沖繩有名嘅食材切成薄片炒蛋同肉片入口唔苦但個回甘係會慢慢出黎👍👍好好食！沖繩黑糖豬手呢個又用上沖繩名物豬手超淋滑輕輕一夾已經可以將骨肉分開豬手中間嘅軟骨已經燉煮到淋晒入口變成豐富骨膠原🥰🥰🥰鍋仔烏冬簡簡單單嘅烏冬用上小鐵鍋盛載更能保溫烏冬入口彈牙湯頭甜膩完美嘅澱粉質結尾❤️

環境好chill又坐得舒服,店舖間格很寬敞,店員又Nice,選好食物在靜待時也忍不住四處打咭,首先來客芝麻炸鷄翼,惹味又好味,先醒醒胃,再來客牛油帶子更加啖啖肉。今次試了多款刺身,有牡丹蝦,帶子,油甘魚,三文魚和吞拿魚,更有一客海胆和大粒魚子,可一次過嘗盡它的鮮味。係時候食啲澱粉質,所以來一客日式燒薄餅,各種醬料很惹味。再來個天婦羅炸蝦烏冬煱,已經大半飽啦,最後是一品料理選了蒜香鐵板和牛粒,實在完美。

位處尖沙咀蘋果專門店著名商廈樓上,人流多不在話下,但店內卻有清泉流水,令人有一刻恬靜享受用餐環境的感覺。先來一客小吃帶子牛油燒,大大隻帶子滿滿油香,為這頓晚餐帶來美味的開始,之後當然必試雜錦刺身,有三文、吞拿、帶子、池魚、油甘魚和牡丹蝦,最正就是兩大塊海膽配上鮮魚子,魚生真係好掂。跟著那個日式蟹肉大阪燒薄餅,很足料好味。一品料理要了鐵板蒜片和牛,簡直齒頰留香,也差不多啦,來個天婦羅炸蝦烏冬鍋,足料有雞肉蟹柳等等,埋單人均約四佰多元,也真抵食。

突然很懷念四年前東京旅遊時，在上野曾光顧過的一間古古舊舊、幾十年前的裝修沒變過的一間日本料理店。那是一間吃壽司魚生和日式小炒的店，那裡沒有華麗的裝修，燈光保持著暗淡和暖的色調，吃的是地道風情。疫情漸漸過去，計劃了三月尾的旅程又因航班問題，在隨時飛不成的狀態下，又思念著這些地道和味，唯有在這邊箱尋尋吃吃，好一解內心思緒。終於被我發現隱蔽在廣東道鬧市一不起眼，連樓下大堂也不見有廣告牌宣傳的一幢商業大廈，在這裡給我找到了一間，完全有上野那店的感覺之料理店 - 鮨處松戶。今晚約了一朋友，就在這裡閒聊往事一番。一入座發現食客，都是一些白領商務客人，忙碌了一天三兩個人來到這裡，吃點喝點，好解一日的辛勞。這店入口有江戶時代日式風格的裝修，店中有石磨流水日式庭園的感覺，座位闊落，彼此相談就不怕前後側耳聽到了。先點的是日本凍蕃茄沙律作前菜，蕃茄算新鮮醬汁酸度恰好。豚肉雞蛋炒凉瓜也炒得香口，當中加入了銀牙，與凉瓜一齊是合襯，既爽口又清新的伴清酒美食。明太子蛋卷，當然不要與日本玉子燒的軟滑度作比較，加入明太子之後，咸香得來煎得也好味。和風酸汁左口魚薄切，有點辛辣這與左口魚是否新鮮無關，是和風的配答，伴酒確是

通常喺公司附近放工之後一班朋友約食飯，好容易選擇日本菜，一係約韓國菜，不過當然日本菜係九成時間嘅選擇，今晚同事話嚟食飯，於是就喺廣東道附近一路搵，搵吓啲新餐廳。廣東道Apple樓上嘅商業大廈原來有間開咗一段時間嘅日本居酒屋同食廚師發辦嘅餐廳，夜晚七點幾去到，竟然差唔多全場滿座，勁多商務客。幾個人當然樣樣都叫啲，叫刺身同熟食。先來一個沙律，好簡單嘅蕃茄豆腐沙律，呢個冇乜特別，純粹開下胃。我哋叫咗一個刺身拼盤，有好多唔同嘅刺身，海膽、拖羅、赤貝仲有一啲比較特別嘅魚生。另外叫咗熟食，好似南蠻雞都幾好。我最鍾意食魚，於是叫咗份燒白鱔，都處理得幾好。松前燒，真係無聽過，仲要係白子，熱食加青檸真係幾特別。我鍾意食油份高嘅魚，所以加咗份左口魚裙邊，好正。仲叫咗份燒魷魚，肉地煙韌彈牙，火候啱啱好。尾聲叫咗個炒飯，幾有鑊氣。呢度氣氛幾好，價錢又相宜，係唔錯嘅選擇。

話說首次到訪🇯🇵 鮨處松戶 的時候，應該也有5至6年前吧～當時下課後與媽媽來吃晚餐，多年前真的好年輕呀，現在已經畢業好久了🤣!!! 多年沒來，裝潢沒變，有點回至以前的感覺呢。服務員推介下，吃了好幾款食物😚，味道都不錯耶～ 「 雜錦刺身🐟 」 刺身大大盆，味道新鮮✨! 有三文魚、吞拿魚、油甘魚、帶子、牡丹蝦、海膽等笑，色彩繽紛，質素不錯。 「 忌廉薯餅🥔$80 」 薯餅外脆內軟，軟心內餡，蘸點沙律醬更好。「 鮨處松戶海鮮沙律🥗$95 」 不愧為招牌沙律，味道真的不錯耶! 不但有三文魚、吞拿魚、三文魚子，又有天婦羅碎增加口感唷! 「 牛肉豆腐鍋🍲$150 」 熱辣辣的豆腐鍋，冬天吃超適合☺️! 壽喜燒湯底好入味呀~

⛩️ 同朋友食飯傾計，最緊要坐得舒服，餐廳大部份係卡位，仲有幾個榻榻米包廂，裝修夠曬日本風。🎗 女生食量唔多，今餐主要點，刺身，壽司，沙律，飽肚野就唔啱我啦。🐟 雜錦刺身 (上) $380海膽，立魚，吞拿魚，油甘魚，三文魚，帶子，牡丹蝦上碟沒有花巧的擺設，更加著重食物的質素，我個人特別喜歡立魚，帶子是厚切的， 牡丹蝦大大隻，鮮甜爽彈，這個價錢包海膽，性價比幾高，刺身相當新鮮肥美。🍅 日本凍蕃茄零捨甜美，清清味蕾，再嚟下一道菜。🍣 雜錦壽司(上) $350海膽，蟹肉，吞拿魚腩，帶子蟹子，青瓜 等等🦈 脆炸右口魚有驚喜，右口魚肉質非常嫩滑，起骨後砌開幾件小小的。另外，主骨連同魚鰭一起炸，非常酥脆，連骨都食曬。🎎 總的來說，餐廳座位不多，因為每個卡位都幾大，坐得舒服，所以要早啲訂位。同時，刺身由日籍師傅主理， 好專業; 服務員人數充足; 整體的用餐體驗唔錯。