鮨鮪居酒屋

营业中

休息中

就嚟去日本嘅大胃，都係等唔切約啱啱去完日本嘅胃民一齊嚟北角呢間居酒屋再食日本料理，佢地嘅二人餐非常抵食頭盤先嚟個蔬菜沙律，沙律菜非常鮮爽，麻醬落得啱啱好，有啲粟米增加口感，蕃茄仔亦好juicy好爽爆前菜唔係就咁中華沙律呀螺肉嗰啲，而係吞拿魚甜蝦塔塔2件，吞拿魚蓉打得好均勻好綿滑，上面嘅蝦肉同吞拿魚蓉口感融為一體三式刺身有八爪魚、三文魚同油甘魚，八爪魚大大片，保持濕潤彈牙，三文魚好厚切，肥瘦均等，油甘魚正值當造，極之鮮香三式壽司有三文魚壽司、油甘魚壽司同大蝦壽司，包喺壽司飯上面，有弧度更顯肉紋肥美，蝦肉超級大件爽彈，質感一絕除咗壽司，仲有芝士吉列蝦卷，有四件但都好大件，中間嘅吉列蝦炸得脆卜卜，芝士份量拿捏得宜，唔會搶味更係香濃仲有仲有芝士明太子玉子燒，餐單真係極之豐富，份量都唔係少㗎喎，每嚿玉子燒都好濕潤香滑，好多明太子鋪喺面頭，更有咬口由於冇晒香草燒三文魚頭鮫，就轉做蜆湯一煲湯有好多隻蜆，煮得鮮香甜美，天氣涼食佢補身暖胃就啱晒最後有牛奶布丁做甜品埋尾，布丁面灑上曲奇粉，更加有質感，裡面嘅布丁勁滑溜，仲要有幽幽奶香，食過就知甘香

同朋友一齊嚟咗呢間日式居酒屋🏮食個日式晚餐🤣我可能係少數去過福島県旅遊嘅香港人🤣，亦都去過 福島県会津地方，咁啱店員哥哥介紹我哋呢支 $398「會津龍が沢 純米大吟釀 生原酒」咁就試吓啦：■使用米：会津産 夢の香 100％ ■精米歩合：45％ ■日本酒度：-2.0 ■酸度：1.5 ■使用酵母：うつくしま煌酵母 ■度数：17％ ■製造元：榮川酒造（福島県）；講咗咁多資料，味道簡單講就係較subtle，口感清爽中性，唔太辛口又唔太甘口，aftertaste 乾淨🤣$168「鮪．壽司盛🍣12款」：12款壽司🍣包括有三文魚、帆立貝、牡丹蝦、海膽、吞拿魚蓉、三文魚籽、油甘魚、太卷 等，全部都新鮮幾好味🤣$68「海派甜筒」：脆卜卜嘅甜筒裏便放咗帆立貝、吞拿魚蓉、蟹籽、海膽等等，咁樣嘅組合有趣又幾好食🤣$68「清酒煮蜆」：蜆肉大大隻味道鮮甜清酒煮食到原味🤣$88「香草燒三文魚頭鮫」：三文魚頭又係大大個都黐住幾多肉，燒得幾香口🤣$55「芝士明太子玉子燒」：甜甜哋嘅玉子燒加咗芝士同埋明太子味道豐富啲🤣$22「牛奶布丁🍮」：夠晒滑，幾香牛奶味，甜甜哋食得好開心😀

鮨鮪居酒屋🏠@maguroizakaya嚟到呢間曾經光顧過日本居酒屋先發現轉咗手，店鋪環境唔算大，裝修格局都冇太大嘅改動，保留住原有嘅日式風格🎏黑板上寫滿了各款時令刺身生蠔，顯示出店家對當季食材嘅重視🖍️ 除了星期三、日同日本假期外，店內每日都有唔同品種嘅飛機魚刺身供應🗓️ 由於係從日本空運過來，保證新鮮🛫 根據當日嘅漁獲來定，每次嚟都有新驚喜，同埋賣完就冇嚕🎣日本空運飛機魚🇯🇵今次店員介紹一款高級嘅白身魚 - 碧鯛（又叫青鯛）以原條起骨切片，連埋魚骨架呈上，係對食材新鮮度極大信任🔪 每件魚肉都切得非常平均，魚肉呈淡乳白色，細膩嘅淡粉色紋理🤍 相比平時大家鍾意食嘅大拖羅，碧鯛嘅魚肉口感清甜，油脂感唔重，反而帶有一種清爽嘅口感，肉質細緻而緊實💪🏻比起傳統嘅豉油Wasabi，柚子醋汁微微帶酸嘅輕盈口感，唔會過於強烈咁蓋過魚肉嘅甘甜，反而更加提升鯛魚刺身嘅鮮味，令成件事更昇華🍊鮪·壽司盛12款🍣三文魚子軍艦｜海膽軍艦｜蔥吞拿魚腩軍艦｜三文魚腩｜油甘魚｜火炙左口魚邊｜三文魚醬油漬｜凡立貝｜海螺片｜赤蝦｜卷物｜自家製玉子壽司擺放喺日式風格嘅木梯級上面，整齊有序🍃 3款軍艦，海膽嘅味道好濃郁，入口即化

<北角高質隱世居酒屋>🤩位於北角地鐵站附近有間隱世既日本居酒屋, 一進店內都覺得充滿著日本風味. 店舖面積雖然唔算好大, 但就坐得好舒服😊 Menu有好多款食物可以選擇, 全部都好吸引.<海派甜筒> {$68}😋~ 賣相非常精緻, 造型成個雪糕cone咁. 用鱈魚片包住帶子, 海膽, 吞拿魚蓉, 入口非常有口感.<時令魚生丼> {$138}😋~ 有左右魚, 海膽, 吞拿魚蓉, 魚籽等. 滿滿一大碗海鮮丼, 刺身好新鮮又甜美, 正!<燒時令魚~ 鯡魚> {$188}😋~ 原條即叫即燒, 份量大. 好香既鮮魚香味, 肉質鮮甜. 好味!整體食物高質好味, 而且價錢合理, 絕對係性價比高, 值得回頭再食👍🍱餐廳: 鮨鮪居酒屋@maguroizakaya🍙地址: 北角錦屏街21號東發大厦A座地舖

位於北角隱世居酒屋，食物質素高，服務態度亦好。店舖裝修帶日本風格，適合同朋友聚餐或者情侶約會。店舖滿座，所以今晚坐吧枱位置前菜有 [ 混醬菠菜沙律 ] 沙律清新爽口，菠菜鮮甜配上混醬，味道好正，開胃嘅選擇[ 鮪•壽司盛12款 ] 拼盤內有12款，每款壽司新鮮好味鮪魚：肉質滑嫩三文魚腩油：脂分佈均勻，入口即化三文魚醬油漬：醬油漬味道有層次，帶出三文魚嘅鮮味油甘魚：肉質細滑海螺片 & 帆立貝：海螺片口感爽脆，帆立貝肉質肥美赤蝦：肉質鮮甜火炙左口魚邊：鮮甜肥美，入口即溶海膽軍艦 & 三文魚子軍艦：帶鹹香味嘅海膽及三文魚子蔥吞拿魚腩軍艦：吞拿魚腩鮮美卷物 & 自家製玉子：卷物內餡豐富，自家製玉子滑嫩[ 海派甜筒 ] 用鱈魚脆片包住帆立貝、三文魚籽、海膽、吞拿魚溶，口感超有層次，包有驚喜必食 [ 京蔥炒牛舌 ] 滿滿薄切牛舌，牛舌炒得剛剛好，京蔥口感爽脆小食有呢款 [ 唐揚魷魚圈 ] 外脆內嫩，味道香口，食到停唔到口

北角呢個地方，餐廳多。雖然食過既都唔少，但呢度既居酒屋就真係未試過。呢間北角站附近係熟悉既居酒屋格局。午市來到坐滿人，其實幾熱鬧。入座會送三文魚湯同甜品。如果你果日好彩，仲會送埋蒸蛋，即刻感覺好抵食。食物選擇都好豐富，壽司刺身同丼飯都好齊，亦有不同定食提供。滿瀉帶子海膽卷 $98卷物嚟講真係幾大件，而且落足料。海膽、帶子、吞拿魚蓉同蟹籽，賣相豐富靚仔，一口食晒最有滿足感。時令魚生丼 $138魚生丼呢口價有齊海膽，火炙左口魚、吞拿魚蓉、飛魚子、蟹籽、仲有老翁，而且飯量一樣咁多，加埋前面講送嘅湯、蒸蛋同甜品，好難食完會唔飽。

鮨鮪居酒屋😘😘😘細味日式居酒屋曰本之旅後回港、細味日式料理、太想吃、經過北角錦屏街、有一間日系feel居酒屋🏮、快D醫肚！✨蒸蛋$28曰式精緻小吃、高湯與蛋液拌匀、清蒸烹調、蛋香軟滑、蛋底蟹柳絲、色彩粉虹😛✨混醬菠菜沙律$42菠菜爽甜、不澀口、夾埋沙律菜、粟米粒、蕃茄仔、淋上自家混醬、並灑上芝麻、賣相一流！滋味無窮👍🏻✨吞拿魚甜蝦塔塔$52/2件有驚喜、吞拿魚蓉甜蝦粒、放置烤香脆卜卜銀鱈魚乾上、淋上蟹籽、色彩鮮艷、配搭一流！入口溶化😛✨鮨鮪刺身盛$188鎮店之寶、材料新鮮、飛機直送、性價比高質刺身、店廚細❤️製作擺設、旋轉梯級放置各式刺身、賣相吸引眼球、色彩繽紛、七款刺身、口感層次分明、肉質清甜夠爽滑！油脂分布均勻、不油膩👅👅、正👍🏻✨蟹籽三文魚炒飯$88充滿Omega 3三文魚、切粒炒飯、米粒煙靭有嚼口、飯底帶有蕃茄香味、鋪上蟹籽、錦上添花、色、香、味俱全！✨極上冰鎮藍莓鵝肝$88有創意精緻菜、將鵝肝混和藍莓、再雪凍、吃時切片、放置新鮮蘋果片上、再沾上藍莓醬、提升味蕾口烕、食🉐夠招積！口感似吃chesse Cake、濃香細滑😁鮨鮪居酒屋北角錦屏街21號東發大廈A座地舖港鐵北角站B4出口

專員搵食搵到去港島，今次係北角做完野同朋友搵左間CP值高嘅居酒屋價錢親民之餘，餐廳環境係日式木系裝修風格，感覺舒服得黎又夠日本。 鮨鮪二人餐二人餐已經包左沙律,前菜,壽司,卷飯,刺身,燒物,甜品，相當豐富，仲要唔洗加一。刺身都好新鮮，切片有三文魚,池魚,八爪魚，厚切之餘口感亦都好好。反卷係炸蝦芝士卷都唔錯，卷住嘅炸蝦部份仍然係好脆身，芝士亦都夠濃夠香，整體都唔會覺得太大負擔太膩。另外香草燒三文魚頭都有驚喜，多肉得黎有香草真係香好多，清新得黎又有魚油香。最後仲有牛奶布甸做甜品，少少嘅曲奇碎加埋好香嘅奶味布甸，唔太甜幾好

今日中午做嘢經過北角錦屏街、見到有間日式居酒屋、名稱是鮨鮪、鋪面好傳統、好有日本feel、所以入去試一試、為我開門餐廳經理十分有禮貌、笑容可掬、介紹二人套餐給我們、並且表示海鮮都是每天由日本空運到港、咁好介紹、於是我哋就叫咗個二人套餐、 裏面包括有三色刺身、三色壽司、蔬菜沙律、吞拿魚甜蝦塔塔、芝士吉列蝦卷、芝士明太子玉子燒、香草燒三文魚魚頭鮫（經理講今日三文魚魚頭鮫已沽清、所以改以新鮮鯖魚代替）、牛奶布甸.三色刺身份量大大件、章紅魚、八爪魚新鮮美味、食得出是新鮮空運貨、三色壽司、甜蝦鮮甜、三文魚美味、 因為份量都有返咁上下、所以咬感豐富、正、蔬菜沙律甜甜酸酸、食落更加開胃、下一度菜是吞拿魚甜蝦塔塔、 份量剛剛是一口份量、配埋廚師自製的醬汁、 味道喺口腔內爆發出嚟、 正跟住便是芝士明太子玉子燒、 好少食到好似今次的玉子燒、味道除咗有芝士同明太子香味、另外仲有一種燒烤木香味道、 熱辣辣、好味,跟住就是芝士吉列蝦卷、 飯卷包住脆脆的吉列蝦、香脆糯軟、 好味、今次我哋食的鯖魚、 煎得剛剛好、魚的油脂輕輕滲出嚟配埋香脆的魚肉、 除咗食得出鯖魚的新鮮、亦顯出廚師的用心、 最後是牛奶布丁、 味道清香

這間日式居酒屋cp值高很高，食物質素高，價錢超親民，下次一定要再食😙👍🏻💠混醬菠菜沙律 $42菠菜配片配上千島醬汁的 creamy 質地，吃起來清爽可口，帶有酸甜口感😋💠吞拿魚甜蝦塔塔 $52吞拿魚和蝦很鮮甜，再加上酸橙汁的清新，味道豐富😝😝蝦肉的彈牙，配上似脆身的魚片食，口感獨特☺️💠清酒煮蜆 $68檸檬的酸味與清酒突顯了蜆的鮮味😻蜆肉的鮮嫩與湯汁很夾😚💠鮨鮪刺身盛7款 $188多種海鮮的鮮味交織，從三文魚的油脂到珍寶赤蝦的甜美，各具特色😋😋每種刺身的質地不同，既有柔軟的三文魚，也有嚼勁十足的八爪魚，很高質😄💠蟹籽三文魚炒飯 $88看似平平無奇，卻十分有驚喜🫢米飯鬆軟，蟹籽的顆粒感和三文魚增加了口感的層次，食慾大層😍💠極上冰鎮藍莓鵝肝 $88鵝肝不算濃郁，對於本身不太好食鵝肝的人士，絕對值得一試😊口感很似食藍莓cheese cake 😋💠牛奶布丁 $22灑上了oreo粉，牛奶味也很特出，非常滿足☺️

📍鮨鮪居酒屋 Sushi Maguro地址：北角錦屏街21號東發大廈A座地舖姐妹們！發現了一間超值の居酒屋！隱藏在北角小街的深夜食堂🥢💯必食推介：• 鮪.壽司盛 $328滿滿12款新鮮刺身配搭！每款都係飛機即日直送，啱晒刺身控！厚切三文魚油香十足，吞拿魚腩肉質爽滑甘甜～質素完全不輸高級日料！• 蟹籽三文魚炒飯 $108濃郁蟹籽香+油香四溢三文魚粒，飯粒粒分明，超級過癮！宵夜必叫！• 櫻花蝦蒜香生蠔 $138/3隻肥美新鮮生蠔配香脆櫻花蝦，蒜香提香提鮮，一口接一口停不了～• 海派甜筒 $58偷偷跟你們說...這裡的老闆超級熱情，經常會送小食！超適合跟閨蜜來放鬆聊天～記得tag閨蜜來打卡！#港島美食 #北角美食 #日本菜 #居酒屋 #深夜食堂 #性價比之王 #刺身 #壽司 #美食推介 #hkfoodie

發掘北角一間日式居酒屋🏮食材新鮮又抵食，份量仲要大大份，性價比超高❤️大家經過嘅話可以多多支持🤩軟殼蟹沙律：大大隻軟殼蟹，配埋蟹籽真係一個好正嘅前菜鮪.壽司盛有12款唔同嘅壽司：當然唔少得嘅就係海膽壽司，超級鮮甜，仲有三文魚子同埋吞拿魚蓉佢嘅軍艦都係吸引，另外佢個玉子都好正，甜甜地鮨鮪刺身盛：三文魚、北寄貝、赤蝦、帶子、劍魚、馬刀貝，刺身新鮮不在話下，重點係大大份，入口啖啖肉嘅感覺超正超爽😏仲加咗兩串串燒：大蔥雞腿肉 ，燒雞軟骨，即叫即燒，一上枱就聞到好香牛奶布丁：食埋個布丁，呢一餐真係好滿足

北角有間特色居酒屋位於錦屏街中，走入錦屏街便會見到那紅紅的燈籠，進店便發現地方地方簡潔，卻有著日式居酒屋氛圍，朋友聚餐或家庭聚會一流。混醬菠菜沙律特製的混醬配上清爽的菠菜恰到好處，令菠菜的自然鮮味得以充分展現，讓人胃口大開。日本原條空運魚刺身 - 金線鯛 配上酸汁/風汁有日本原條空運魚刺身點可以不嚐，那金線鯛新鮮鮮嫩，口感滑順，搭配酸汁或風汁，更提升魚肉的鮮甜，風味十足。吞拿魚甜蝦塔塔頂層放上了鮮嫩的吞拿魚蓉和甜蝦，底部則是香脆的銀鱈魚干，入口香脆可口之餘，更鮮口十足，口感層次豐富，非常滋味。燒雞軟骨燒雞軟骨外焦內嫩，香脆有咬口。鹽燒雞翼鹽燒雞翼散發著誘人的香氣，外層略微焦脆，內裡卻保持多汁，讓人欲罷不能。蟹籽三文魚炒飯炒飯粒粒分明，搭配豐富的蟹籽和三文魚，口感鮮香，香口滿足。

今天和朋友慶祝生日，選擇了位於北角的日式料理小店《鮨鮪居酒屋》。我們六點入座，晚市剛開始時並未有太多客人，餐廳雖然不算大但非常整潔，大約有8張桌子和幾個吧台座位。我們點了許多美食，首先上桌的是混醬菠菜沙律，用菠菜做沙律頗為特別，清爽可口。左口魚海膽卷，左口魚入口即溶，配上新鮮的海膽，令人印象深刻，強烈推薦。清酒煮蜆，也非常美味，有淡淡的檸檬味，讓整道菜更加清新。蟹肉忌廉餅和月亮蝦餅，兩者都不會炸過頭，剛剛好，外脆內嫩，非常美味。芝士黑松露玉子燒是另一道驚喜，蛋非常滑嫩，配有黑松露的香氣，口感豐富。鮨・壽司盛10款，每一款壽司都非常新鮮，壽司飯也非常好吃。吞拿魚甜蝦塔塔，有吞拿魚腩、甜蝦和蟹籽，下面配了一塊鱈魚乾，口感獨特。最後，甜品牛奶布丁，上面有曲奇碎，濃濃的牛奶味，為這頓晚餐劃上完美的句號。

朋友介紹呢間日本居酒屋非常有驚喜，性價比極高。店內裝修日本風格，非常舒適。店員熱情款待，照顧周到👍👍🌟海派甜筒🌟賣相同手卷好相似，唯獨是佢係一點米飯都沒有🤭全部都係新鮮嘅刺身，由鬆脆可口嘅銀鱈魚乾包裹住滿滿嘅海膽、吞拿魚蓉、三文魚籽，啖啖鮮味，全部都係我嘅至愛🤤🤤鮨鮪二人餐（HK$298）🌟蔬菜沙律🌟爽脆新鮮沙律，加埋黑醋，開胃醒神🌟吞拿魚甜蝦塔塔🌟呢個絕對喜出望外，脆卜卜嘅銀鱈魚乾上面鋪咗滿滿嘅吞拿魚蓉同埋甜蝦，鮮味十足，加埋脆卜卜嘅蟹籽，口感非常豐富😋🌟三式刺身🌟（三文魚、章紅魚、八爪魚）章紅魚片甘甜清爽，脂肪豐富，口感紮實，回甘味極重，八爪魚有淡淡的海洋氣息，彈牙有咬勁，三文魚夠哂肥美🤤🌟三式壽司& 芒士吉列蝦卷 🌟食親日本菜唔食米飯硬係好似爭緊啲嘢😂，赤海蝦、三文魚腩、章紅魚壽司同埋吉列蝦卷就係恩物，既可以食到新鮮嘅材料，又可以增加飽腹感🤭🤭🤭🌟芝士明太子玉子🌟玉子夠厚身，蛋味香濃又滑，滿滿既明太子同芝士，燒得啱啱好，有豐富嘅層次感，好好味👍🌟燒香草燒三文魚頭鮫🌟大大份嘅三文魚頭鮫，燒到焦香帶脆，三文魚肉夠哂肥美😍🌟牛奶布丁🌟自家製嘅牛奶布丁香滑好味