鮮丼家

营业中

休息中

同男朋友講放工想食好D👯‍♀️就一齊去鮮丼家食飯😚👍上網見到好似有人推介一於就去試下係龍定鳳🤓🤓🤓但係因為晏就食得太飽雖然見到刺身好想食但係都真係食唔到個飯👻所以我就叫咗個刺身沙律食❤️男朋友就叫咗五色刺身丼飯🌸有蝦、油甘魚、三文魚、蟹籽同北極貝刺身沙律嘅刺身唔算少（但係如果要比嘅話，十和田嘅刺身明顯多D）有吞拿魚、三文魚細細粒食落中規中矩有好多麻醬所以都食唔到D 菜咩味覺得如果麻醬淋咗菜後尾先加刺身on top會好D刺身飯嘅刺身就幾出色油甘魚同三文魚好厚身😛👌好有鮮味蟹籽好足料好夠撈飯珍珠米好正常唔算好黏亦唔算好硬小結😀店舖有D 細唔敢坐耐D 怕阻人做生意兩三個人去食下嘢會好D店員哥哥好親切～

阿sir為馬拉松添新跑鞋，响何文田上樓鋪振興完經濟後，到晚餐時段當然响呢區食完先回府啦，估唔到行到一條短短嘅勝利道，已經有5間以上日本食肆，我哋就揀咗間裝修平實、價錢親民嘅小店一試。豚肉壽喜燒 $78🥢🥢🥢就係响門口見有壽喜燒，被吸引了，套餐有麵豉湯、沙律、白飯、豚肉壽喜燒鍋，鍋物材料超級多－豚肉片、蛋、娃娃菜、豆腐、芋絲、獅子狗卷等等，總之食極都仲有咁。豚肉無雪味，食到淡淡豚肉香，湯底略咸唔夠甜，整體嚟講算ok角切魚生飯 $55🥢🥢🥢套餐有麵豉湯、沙律、丼飯，魚生鋪滿成碗飯，勁吸睛，三文魚粒厚切充滿油脂，唯一被貶係個飯，有d爛同一嚿嚿，如果唔係就可稱上物超所值芝麻雞翼 $33🥢🥢🥢叫得芝麻雞翼，就當然係芝麻做主角啦，可惜芝麻不足又唔夠香，幸好雞翼熱辣辣同滑，挽回些少分數汽水 $10二人共消費：$176 (不設加一)

只會在冬天才供應的鮮丼家熱鍋令我特別在寒冬下想起。這個冬天第一次食，暖暖身。從前食過牛肉牛乳濃湯，好食，今次再encore。等了一會套餐送上來了，十分豐富。即使這是一個鍋物套餐，也會跟配一碗味噌湯，另外還有配菜和白飯。白飯可以加$10轉配烏冬，雖然食有湯的配麵食好像比較好，但要額外加$10好像不太抵，就照舊跟飯。整個套餐的重點必定是這個牛肉牛乳濃湯($78)。不是很多地方會供應牛乳湯，喝下去熱騰騰很舒服，不算很濃但也清楚飲到牛乳味，再加上湯裡有點牛肉味，兩隻味道也很夾。牛肉放在面，每一塊都很大塊，有牛味，不是那些脂肪多過肉的平價牛肉。裡面的配料也不少，例如有雞蛋、蔬菜、獅子狗、冬菇、芋絲、豆腐等，全部吸收了湯的精華令人胃口大開。牛乳湯配著白飯也好食，變作有牛乳味道的白飯，感覺不會有太多添加，不少人都把湯全喝掉呢！$78在何文田區食個質素不錯分量大的晚餐算是挺值的了。不過服務普通環境也比較狹窄，不要expect太多；大概是價錢和分量取勝。

放學黎到勝利道同同學一起食飯見到呢間門面感覺好似唔錯入去一試無防叫左2款丼滑蛋牛肉丼飯 同滑蛋豬扒丼飯結果圖文不乎出黎睇落睇落個樣都知佢唔系滑蛋佢應該叫蒸蛋牛肉先岩完全唔覺得系日式既野食吉列豬扒竟然放埋入蛋入面一起蒸咁既樣 林哂不突止 仲要淡而無味飯底又濕又林蒸完飯d倒汗水？！不過佢三文魚丼飯反而okay三文魚大塊又真系厚對得住個價錢總結呢間野如果要試都系試魚生刺身好了丼飯既話就唔好試....

不過不失既一個lunch，冇試過佢魚生，唔知道係咩口味，不過我食左既係滑蛋雞肉飯，朋友食既係鰻魚飯，大家都覺得還好，不過份量好足，見到都幾多學生哥幫襯，午市時間可能會有少少逼，但都唔洗等好耐既。至於環境細都接受到，但menu有少少烏糟，唔係好鐘意餐廳meun烏糟，不過呢個價錢都唔會話預到野食好好食，總體黎講不過不失。我朋友都覺得個鰻魚飯還好，唔叫難食，但都唔算好好食，諗唔到食咩都可以食呢間既，可以再試佢個海鮮飯，可能會出色S

因為喺附近返學嘅原因，所以就想試吓食日本野。然後嚟到呢間食，就試咗個咖喱豬扒飯！個份量比想像中多，啲汁又唔會話好淡味，覺得可以一試。同埋價錢都唔會話好貴啱晒學生同埋放lunch嘅上班族去食。

其實本來就唔系要入呢間食既，係走去隔離的兄弟邦食午餐，正是中午時份好多人食，本來就是在兄弟邦等緊位，有位好心的店員話叫我地過隔離，都係一樣，就諗住應該一樣，就叫店員問佢拎常餐公仔麵紙揀野食，我唔知係咪呢邊唔做碟頭飯同公仔麵餐，個女店員即刻黑我地面，仲話「你地全部都食麵架」，即刻態度勁差，你唔做我地生意咪算囉，我走返過隔離等位啫，佢又唔係，照比我地落單但又要黑我地面，同隔離啲伙記天同地比，你去過都知隔離兄弟邦啲Staff態度十分好，我同我班fd心諗，你唔想比我地食麵餐咪算囉，又唔係得罪你，冇咪叫返我地過隔離食，何必要咁樣呢，結論就是我地食平野阻住佢做生意，同知道兄弟邦個店員冇心，但點左我地過隔離，食到一肚氣，完。

性價比幾高的。老實講，佢既刺身就唔伯食落去覺得＂哇，好正呀＂個啲嫁喇。不過叫做係個頭附近想食日本野既頂癮之選擇因為勝利道仲有一兩間日本野都係比較高檔／貴既。宜間就平民啲。其實叫個丼飯，有得自己自由拼搭，日本野車仔面咁，Ｄ刺身有厚切，係幾爽的！不過環境係差咁Ｄ，迫迫地搭枱係必然。有時都要等下位，不過其實可能唔係好多人知？！其實佢同隔離兄弟幫係同一間，兩邊可以互相叫對方既野食，所以其實就算宜邊鮮丼家無唒位，其實可以入兄弟幫（仲新裝修，闊落Ｄ）嗌丼飯食～～試過晏就去食，因為附近都多學校，所以其實會要同Ｄ學生哥迫。夜晚亦試過近近地嗌過外賣送上門，以前唔忙既時段都肯做，宜家就唔知嚕～

happy friday個心已經散哂，一於行遠啲落去勝利道食家鄉菜——日本野呢條街有好多間日本餐廳但成日排長龍嘅唔多，而 鮮丼家 就係其中一間要排隊等位嘅餐廳。呢一日我哋比附近啲中學生快咗少少，直入唔駛等，原來間鋪頭除咗轉角嗰個鋪位，其實隔離都係佢嘅，不過lunch time都係一位難求㗎啦，唯有行快幾步啦！涼涼地想食啲熱野，我就叫咗個咖喱豬扒飯，$52，定食黎既，有麵豉湯，有小食（日式螺肉），仲有杯飲品，可以揀柚子蜜果d or罐裝可樂。吉列豬扒個炸粉厚度適中，剛好痴住塊豬扒唔會未咬先甩，豬扒就肉質結實，有咬口。咖哩汁就日式做法，甜甜地，撈飯食一流！過幾日再嚟試吓其他先

在旺角想找一家性價比高的丼飯是十分困難，多是價錢貴但刺身新鮮程度較低。以前的鮮丼家價錢相宜，刺身份量亦不算少。我亦光顧過不下十次。最愛的還是他家的壽喜鍋。不過昨天再次光顧時，發現壽喜鍋已經沒有了，多了燒物選擇。我便膽粗粗地點了五色丼飯、汁燒茄子及蔥雞肉串。燒物完全讓人失望，沒有必要再試一次。先說說汁燒茄子，茄子皮全部去掉，燒物未完全燒好便上碟，完全像蒸茄子一樣，亦無醬料淋在茄子上。而蔥雞肉串更是過份，大蔥根本還沒完全燒好，感覺像吃生蔥一樣。我還是建議取消燒物，還我壽喜鍋吧！另外丼飯的刺身並未像以前一樣覆蓋整個飯，份量看上去比較少，新鮮程度亦大不如前，尤其是拖羅，吃下去苦澀的。如果是食物成本上漲了，我寧願他們加價也不要因價就貨。

很久沒來吃丼飯，今晚過來緬懷一下。看過餐牌後，我們還是點了以往的套餐。三文魚腩，比以往薄了，但算新鮮。角切魚生飯，魚生比例較多，飯吃完了還有魚生沒吃完，而飯是溫熱的，有酸醋香。海膽拖羅飯，是友人最愛！價格不算貴，性價比高。

同事推介鮮丼家，今日終於有機會食到喇店舖細，坐位唔多，好在一個人食有位。Lunch set：魚生飯。$52。有麵豉湯、3粒螺肉、一罐飲品、魚生飯。老老實實，我覺得係幾抵食！因為三文魚真係切得夠厚，好過食爭鮮嗰啲🤪！同埋都有好多片但就無乜三文魚味。可能我本身食得濃味，要加好多豉油先夠味。但啲飯真係好食既，好明顯係珍珠米！ 麵豉湯內面無湯料，得湯，普普通通，無乜特別。蘆薈汁，應該係韓式飲品，得個甜字。總結：呢間可以有下次既

係旺角嘅日式餐廳一直有幾個大問題、連鎖丶貴又唔飽丶仲要收得唔便。其實大家肯走多10-15分鐘、已經有好多選擇。呢間開左一段時間、有一個舖位到隔離都攞埋做。難得中午經過唔駛排隊、坐係對窗bar 位。佢哋menu 都算簡單清楚、order 魚生丼、即叫即做、等十分鐘不到。份量足夠丶新鮮材料、另外餐包嘢飲。唯一地方偏少、不過都適合一個人食。埋單$140，算中上CP值。下次可以試試熱食、好似$50-60就有得食。

鮮丼家係我係勝利道其中一家最愛的餐廳之一, 因為可以遠離西洋菜街的人群, 又無gam 逼, 但係野食有得選擇之餘質素又比女人街果D好, 價錢又唔算貴, 性價比係幾高。而餐廳係近培正果邊, 所以如果撞正佢地放lunch 時間, 都要等下位。而我最喜歡食的係三文魚丼, 一個set 有汽水有湯有碟前菜 (通常係墨魚咀, 爽爽的)重點係有8片厚切的三文魚, 鮮丼家一片厚切的三文魚等如「爭X」的4、5片, 要買4、5舊「爭X」的三文魚壽司先等如佢一片, gam 我不如食呢到啦,反正都要買番夠4、50蚊先夠飽, 而且質素真係差好遠。所以我一想食壽司/三文魚之類我就會2話不說落黎勝利道開飯。

放工黎到，時間尚早，又唔洗等位，係門口見到餐牌，價錢相宜，就去試下。叫咗滑蛋鰻魚丼飯，無記錯係 $55 ，男友叫咗五色魚生丼飯，好似 $7x，仲叫多咗個小食芝士年糕。每個丼飯包熱茶，麵豉湯同前菜 (胡麻醬菜沙律)。嘢食好快送到，等咗只係5分鐘，麵豉湯好濃味，啱晒重口味嘅我。滑蛋鰻魚丼飯，d蛋好滑，仲有金菇，鰻魚份量都唔少，個汁甜甜地，d飯都幾多，整體好好味。芝士年糕啱啱炸起就上枱，好熱辣辣，d芝士"必"晒出黎，不過食一件就夠，有少少漏。最後埋單三樣嘢加埋 $200 到，係附近好難搵到咁抵食喇宜家👍