鮮入圍煮 (已搬遷) 新店位置

朋友帶我去旺角打邊邊，但要行2層樓梯（2間舖中間的樓梯行上去）可能時間尚早，人唔多；裝修有點像街市有四款調味的材料火鍋配料款式都好多我哋選了：花膠鷄湯（半隻）：半隻鷄的份量都唔少鷄夠嫩滑，鶏脾大大隻; 仲有厚厚的花膠，但想食冧D，就要煲耐D啦。其他枱就有待應分湯，而我哋就自己分貴妃蚌：大大隻，即叫即劏，夠新鮮帶子水餃：夠大粒，真係有粒帶子喺裏面㗎！我哋仲叫咗支竹/鮮淮山/豆苗等...... 材料都新鮮

這家餐廳昨晚和個內地朋友來吃，她看到網評就想來吃。先前沒預定就從6點等到7點半才能吃。 食物方面還可以但就是貴，兩個人吃了1300港幣，弄到我要去樓下取錢真是搞笑，信用卡都不收連信用卡費用都可以省下來的餐廳真的必須要給差評。 全店感覺9成都是內地人來吃，聽到說好好吃好滿足，聽到真的是笑出來了，感覺好像在大陸沒東西吃一樣....我在大陸吃火鍋給得出這價格好吃幾倍。 這價格直接能在尖沙咀看海的餐廳吃了。 服務也沒什麼服務也言，還要加一，真是呵呵笑了 真心希望這餐廳別那麼小器，信用卡都不收，要人拿幾10幾張100來賣單。 差評

來這裡吃過幾次，之前幾次都是吃花膠湯底，前幾次的感覺不錯，雖然花膠開始愈來愈少，但食物還是不錯的，湯底都沒有太咸，吃完後雖有一點點口渴，但整體還是ok。這天和朋友再來吃，想試一下其他湯底就出事了。這次點了醉雞湯底，喝了兩三碗湯，回家後除了口渴還超頭痛，人非常的累。喝了很多很多水之後才好一點點，但第二天還是頭痛口渴了一整天! 超辛苦! 味精真的太多了吧!???p.s. 一半以上的客人都是大陸人，他們通常都是walk in，然後沒位子就跟店員大聲理論。現在不只裝潢像街市，氣氛也愈來愈像了!

我地終於黎到鮮入為煮喇!!!! 要早一個月book枱，我地就睇下係咪真係咁正！環境裝修到似大排檔，仲有個檔口俾係揀海鮮，又有肉檔切牛肉，的確好有新鮮感。由於係限時，我地一坐低就揀湯底，我地揀左原隻雞花膠煲！聽到都覺得正啦~個湯底一黎就先一人飲一碗先，好濃嘅雞湯，花膠都唔少呀，好足料，好正呀！D野食陸陸續續上枱，有手切牛肉，薑汁皮蛋貢丸，芝士牛丸，響鈴，冰豆腐，油炸鬼，鵝腸，龍蝦丸，叫到成枱都係野食，好豐富呀！樣樣都唔錯，特別推介係薑汁皮蛋貢丸同鵝腸，反而芝士牛丸嘅芝士太濃，遮左牛丸嘅味道。依度人流的確好高，夠鐘就真係要走架喇，所以都要把握時間，下次再黎試下佢D海鮮！

今晚氣溫下降，正是打邊爐嘅好時機。平時經過這間食肆，都見好多人排隊，今日訂了六點鐘打邊爐，已經見有輪候隊伍， 忽然覺得自己好精明，否則可能要等兩個鐘才能夠有位吃晚飯。呢間食肆好特別，鋪面刻意裝修成大排檔模樣，很有懷舊氣氛。但另一邊卻有一排魚缸， 打造成街市的格局，有各式海鮮以供食客即場選擇。甫坐下，侍應即送上醬料及選料紙，由於每枱限時兩個鐘，所以都係唔好諗咁多，即揀佢哋嘅招牌湯底~濃厚原隻雞煲花膠湯湯好快送上，侍應幫忙剪開隻雞，開大個火， 滾起每人即飲一大碗湯，嘩！ 鮮甜到吖！好有雞味呀！然後即刻食咗隻雞翼同雞髀，留返個雞殼慢慢煲……可能隻雞煲得時間啱啱好，啲肉好鮮嫩，重留有好重雞味。再食雞湯內嘅花膠，大大件，有五至六件，以$238嘅價錢，呢個雞煲花膠湯，算好抵。之後加埋花膠雲吞， 超大粒，好彈牙。再食手切安格斯牛肉，少少油花，好嫩滑，冇得輸。西洋菜好嫩，吸曬所有花膠雞湯，非常好味道。今次食飯得兩個人，唔能夠叫得太多嘢食，下次會叫齊一大枱人，試多啲火鍋料，但就一定會再 encore 原隻雞煲花膠湯。

今日終於去咗一間想試好耐，但係又一直都無機會試嘅餐廳---鮮入圍煮。喺旺角鬧市嘅樓上舖意外地可以做到大排檔嘅氣氛，連餐具都選用70、80年代常見嘅碗、匙羹等等。欣賞完裝修就講吓野食……濃厚原隻雞煲花膠湯---好明顯呢間又係湯底行先，雞同花膠都好足料，湯頭好香雞味，好濃厚；花膠好大同好厚肉，一啖食唔哂成舊；雖然我搶輸咗隻雞脾，但係雞背都好滑。每人飲咗兩碗湯先落野食，侍應好快幫我哋加湯，服務唔錯。呢道最特別一定要講吓佢個「海鮮檔」，所有生猛海鮮都係自己去水池選擇，可以保證係最新鮮！怕食唔哂，所以淨係叫咗貴妃蚌我只可以講：海鮮真係要新鮮先會特別鮮甜；另外點咗鮮魚卜，食得出新鮮，大大隻一啲都唔腥，正！打邊爐一定要食牛肉，手切安格斯牛肉雖然無本地手切牛咁濃牛味，但係入口都好軟淋，油脂好足；朋友點咗西班牙黑毛豬午餐肉，食得好滋味，不過我個人對午餐肉唔係太感興趣，朋友推介：鍾意食午餐肉嘅朋友可以試吓。另外，仲叫咗原粒帶子水餃、芝士流心牛丸同埋娃娃菜，最後以爽滑彈牙嘅稻庭手打烏冬作結，完美！

呢排天氣凍，媽媽又鐘意食花膠，成日聽人講呢度個雞煲好正，終於抽到時間黎鮮入圍煮喇。環境睇落似街市，好親民，而且剛好六點黎到已經好多人。員工好體貼，可能見到我媽行動有點唔方便，就好友善主動甘安排我地坐靠牆位，未食已加分。🥘花膠雞煲（細）$238一坐低就點左個細既花膠雞煲，員工隨即係我地面前剪開隻雞，之後滾一陣就可以開食得啦。湯底雞味非常濃郁、鮮甜，我同媽各自飲左兩大碗先開始食。花膠厚實，數量算幾多，雞肉可能因熬關係唔太滑，但正因為甘先顯得真材實料。🐂芝士牛丸 $38好耐無食過牛丸，牛肉味濃，結實有彈性。要小心熱，因為一咬開芝士就流哂出黎，好惹味，咸左少許外都幾好食。🐂新鮮牛柏葉（黑毛肚）$78牛柏葉識食梗係食黑色啦！因為無經過漂白先係靚貨，食落爽脆彈牙。👍🏻新鮮田雞（隻）$22/1叫左兩隻，超級新鮮，食落超級清甜，超好味，必食😍。記得睇時間食，太熟就無甘滑架啦😝。🍴鮮淮山 $35爽滑既口感，有營養價值又好食。🍴皇帝菜 $35皇帝菜洗得乾淨，夠新鮮食得放心。

作为一个上海小吃货，回香港办事是一定要踩点我最爱的打边炉的。【鲜入围煮】想必也是大家耳熟能详的餐厅之一，三年前就在香港的旺角街区做得风生水起，现在更是一位难求😞 跨年前和探店伙伴们相约上海开了一年之久【楼上】打打边炉香港人对饮食要求非常高，吃火锅除了食材新鲜，还要求不时不食，新鲜火锅食材是必须要的，汤底方面更是讲究十足。店里比较著名的有花胶鸡、胡椒猪肚包鸡、鸡煲蟹粉酱油锅，汤底可饮可烫是这家店独有的，吸引着各地游客。关于环境：可以说是一般中透着不一般。香港建筑城区相对来说老旧，在旺角这个地方尤为突出，让我有一种老上海菜市场里面搭着台子打边炉的赶脚。虽然破旧但是复古，港味十足，很有古惑仔的味道。店里可以港币现金付款、当然国人横行的年代，支付宝也都不是事儿了。花胶鸡锅底：汤底点的细煲，花胶煲鸡，据说采用原只鲜鸡加入了优质花胶炮制，鸡肉炖煮到位，一撕就烂，入味的鸡肉吃起来不显单调。滋补养颜的花胶绝对深受女士欢迎，既满足了味蕾又补充了胶原蛋白，一举两得。重点是花胶的质地，肥而厚实，如图可见，绝对不是煮一下就化开找不到的，金黄色的汤底香到爆炸，放菜之前直接两碗下肚，别有一番滋味。汤底相比我经常去

冬天真係好想日日打邊爐，前排成日係旺角登打士街見到「鮮入圍煮」招牌，之前聽朋友講過一試難忘，所以襯男朋友生日早兩星期卜位，帶佢去食足料既花膠雞鍋🤤岩哂又想打邊爐但又唔想咁熱氣雖然除左花膠雞湯底，都有其他湯底比大家選擇，有招牌可先入為主他，讓這豬肚胡椒雞湯，川芎魚頭湯等，但我哋一早已經比花膠雞湯吸引，今日必食呢個卜左1800入座，已經有好多人打緊邊爐好熱鬧，坐低左見到有人walkin但都無位, full booking, 好膠一早有訂位～個煲嚟到，一開始有專人幫我地剪開半隻雞，店員叫我地先飲湯同食雞、花膠。我地叫左半隻雞鍋 $238一開始撈果時都數到至少5舊大花膠，絕對值得去食！加上成度雞都燉得好嫩滑，連我唔鍾意食雞胸肉嘅人，呢度嘅雞胸部位都比佢整到好滑身，連個口感我都鍾意食😁飲完湯，湯剩返一半繼續打邊爐，就叫店員加湯，提供嘅加湯同原本湯底都一樣咁濃，唔會驚冇咗雞湯嘅鮮味～我同男朋友係愛牛之人，所以叫左A級手切肥牛，肉同根既紋好分明都幼細，食落口感又滑又好咬口，以為會太多食唔落不過牛質素太頂級了，好有胃口清哂成盤😁另外叫左手打蝦滑，日本蟹柳條、脆鯇魚骨腩、薑汁皮蛋頁丸啲嘢食亦都好快嚟到，

這間水準極差，價格又高。點了個最基本的蕃茄薯仔湯底，味道都是茄膏，連蕃茄薯仔都是實實的，超難吃，其他食品都是垃圾水平。另外，全場都是大陸人，仲要扮大排擋，要搭枱，各位香港人睇路！

雞煲的確係鮮，不過以呢個價錢去食埋海鮮既話就貴咗d。服務又唔係話熱情，雞煲上咗黎又冇幫我地剪，一隻雞都係我地自己去督開。其實台與台之間環境好擠迫，店員經常係我地擺野張鄧來來回回跨過去拎野俾另外一張台....提早半個鐘去都係硬性唔俾我地提早入台，唯有企係外面等。

呢到主打既菜式會係雞煲同埋海鮮 因為話明鮮入圍住 海鮮個鮮 哈哈 咁一行六個人就黎到呢到打邊爐 最岩就係而家呢種天氣啦 我地叫左海鮮同肥牛 呢到肥牛都幾好食架 好鮮甜又有肉既質感

盼了很久，周末终于和老婆还有好朋友约了此处。真的没有让人失望。这次点了大份的鸡汤锅底，足够四个人吃。先喝了汤，十分鲜美。再涮肉，点了手切鲜牛肉和牛肋骨，还点了羊肉，十分嫩滑美味。还有碗鱼片也很爽口。最赞的是竹笙，吸饱了汤汁，浓郁鲜香。总体来说，十分满意，下次还会再来试试这里的海鲜品种。

話說對上一次食呢間野是上年既事,都係因為佢個花膠雞煲令我仲記得，不過因為價錢都比較貴，所以不能常食。今日因朋友生日去食，個煲依然夠味，上左枱會有專人剪開d雞,味道香濃，可加一次湯，之後只係加水另外要介紹帶子水餃好食，芝士流心牛丸好食，內有濃濃芝士，手切牛肉（好似係牛肋咩）價錢$188個隻。炸魚皮好食，獨立包裝，上次食鱔$98幾塊都唔差，今次試脆骨腩$78（只得三舊係有點肉，之後就骨，再搭多兩個半魚頭，試一次就夠）啤酒夠凍$33枝，薯粉稍為腍左點，無口感

有朋友生日，所以一星期前訂座打邊爐慶祝，入到去當下環境非常焗促，座位之間空間不大，食物還算ok ！不過抵唔抵食就見人見致，不過都值得試下！湯底味道濃郁同嘢食都幾新鮮