鮮入圍煮 (已搬遷) 新店位置

今晚約左老友去打邊爐，呢間火鍋常常滿座，現在openrice可以book位，方便了好多。一坐下，店員就會奉上各式配料混醬。有幾張食物紙，上面有湯底、肉類、丸、餃、麵、菜、飲品等等可供選擇。仲可以自行到店內的海鮮區選購是日新鮮岩食的各類海鮮。十分新鮮。今日由於只得我跟朋友來打邊爐，所以便沒有機會吃太多款式。好耐冇黎食，好掛住個花膠雞湯底。所以今晚主打是跟朋友來治治花膠雞湯癮。點了花膠雞鍋，店員會整鍋送上，為我們把半隻雞件剪成一件件，方便我們進食。等了一會兒，滾了，好香好濃。我們急不及待即一人飲了兩碗花膠雞湯，先食一下雞件，又香滑又啖啖肉，入面仲有好多花膠，正，十分滋補足料。真是大滿足。當我們飲夠湯後，便開始打邊爐了。今次點了西班牙豬腩肉，價錢抵食，份量不少，肉質紅潤。滿滿的豬味，經過快涮後，薄薄的豬肉好濃味又好咬口，正。鮮入圍煮的丸子、餃子都十分有名，出名又好味又大隻足料。今次點了帶子水餃。大大粒，共有4粒，我跟朋友一人食了兩粒。皮薄餡靚。入面大大粒帶子，好鮮甜，混和了豬肉，又啖啖肉又惹味，好正。點了一個稻庭烏冬，經過煮後，配上了雞湯湯底，好滋味，烏冬又滑滑的，十分滋味。唐生菜爽脆，菜好

前日聽同事介紹話呢間火鍋店好正，好新鮮。趁同事生日，於是訂位慶祝。訂位時，接聽同事話可以拎旦糕上去，免費嘅。環境都算唔錯，但坐就非常迫，加上門外嘅時候已經聽到好多普通話，有好多內地男人好似飲醉咗咁樣，不停叫囂，講嘢非常非常大聲！經常性行來行去周圍敬酒。我地成班同事根本好難傾計！我坐落去嘅時候，發現非常非常唔舒服。因為地下好立次次，好似好耐未拖過地咁樣，間中仲聞一陣陣嘅酸寒味。至於食物質素我又唔覺得非常好，因為叫咗一碟蝦，蝦好似已經死咗好一段時間，唔太新鮮。牛肉亦都唔覺得好鮮紅色，而且價錢都唔平。分量而且好少，如果你係五個人以上的話根本係唔夠食。湯底落咗好多味精，未打完邊爐就已經非常口渴，我哋飲嘢仲多過食嘢。這服務態度都非常麻麻，經常性出現走單，同埋職員面口一啲都唔好。除咗典型黑好黑面之外，對香港食客好似唔太有耐性咁樣，對職員會同內地食客打牙較，變相經常出現職員掛住吹水，而忽略其他食客嘅要求。職員拎個蛋糕出嚟，竟然冇幫我地雪，仲理直氣壯咁樣話，佢哋從來冇講過會借出雪櫃幫我地雪蛋糕。要雪櫃的話係另外收費。我哋今次慶祝生日嘅飯局相當不愉快

一入到去坐，我地成班已經被不禮貌對待。。比人呼呼喝喝。成間鋪點解全部都係招待內地同胞嘅...........好似去左深圳咁。算啦，心諗可能食物新鮮好好食呢？開始食嘢，見到個碗，嘩，勁污穢! 叫左碟蝦，個樣係好靚，但係啲肉"霉"嘅.....小朋友食到都lur左出嚟....啲牛肉又好大陣雪藏味，唉都冇心機再食。同個frd罵爆點解揀呢間，伏到七彩。。。。返到屋企個肚仲有啲唔舒服，真係唔會再去囉～埋單果陣個價錢仲要係貴。唉～

打邊爐一向無分季節，所以是夜來到登打士街的「鮮入圍煮」，餐廳位於登打士廣場2樓，可以選擇行樓梯或搭升降機到餐廳。星期四晚上餐廳都幾乎滿座，幸好預早訂位，去到不需要再等。餐廳佈置以模仿懷舊街市作主題，而且是用上大排檔檯凳，什是懷舊，充滿大排檔地踎的風味。餐廳內有肉檔，還有小型海鮮檔可以即劏海鮮，如想食海鮮的話可以加點。醬料都是有炸蒜、蒜蓉、辣椒、香蔥、豉油等等。肉類、海鮮都少不免，然後其他配料，菜、粟米、肉丸、水餃、響鈴同炸魚皮都應有盡有。而飲品平均十多元一支，價錢偏高。蕃茄薯仔湯用上新鮮蕃茄和薯仔，湯頭不算清甜，帶少許酸，相信落了茄膏，味道有點化學。手切安格斯牛肉非常新鮮，色澤鮮紅，紋理都好靚，牛肉味好濃郁，肉質入口嫩滑有咬口，咬下去口裡充滿肉汁！蟹籽鮮蝦滑手打蝦滑，份量挺多，質感十分爽口彈牙，也很新鮮，蝦滑也很有嚼頭！炸響鈴 炸響鈴非常脆，打邊爐一流。稻庭手打烏冬烏冬的質感滑溜煙韌，口感彈牙，也特別軟滑。

四個人吃了3000塊，食物很一般，香港市場118一斤的虎蝦這裡要118一隻，龍蝦288一隻size小到可憐，貝類裡面有沙，花膠雞湯底也完全不如北京的行運打邊爐，總體很失望！整間店完全看不到一桌香港本人客人，全部都是遊客，為什麼會出名，這是一個謎。。。

好耐之前黎過一次，今晚終於再黎過。人氣不減，座無虛席，仲係咁多人等位，好多都係操國語的遊客，揚名中外。再點念念不忘的濃厚原隻花膠湯(小)($268)，兩個人叫小已經夠啦。個煲一上，店員會幫你剪開隻雞，待水滾之後就可以先飲湯，原汁原味，湯呈金黃色，貌似勁濃雞油，但飲落非常鮮甜，仲好粘口。煲內的材料絕不欺場，有半隻雞同6舊花膠，飲完湯食埋花膠同雞都已經8成飽。另外點左手切安格斯牛肉($188)同芝士流心牛丸 ($38)手切安格斯牛肉份量都多，夠薄，牛味濃，肉質鬆軟，易咬。芝士流心牛丸好特別，芝十多有流心效果，食果陣要小心。眼見好多人自攜飲品，又有客人自己打開雪櫃拎飲品，有D奇怪~

服務到底可以有幾差我覺得d服務生連基本尊重都無開頭我哋唔識order左一個細嘅花膠雞湯 $2xx之後發現唔夠同佢講可唔可以換過大嘅d侍應說 “你哋帶多個細囉 都一樣嘅啫”但個大嘅只係$3xx都算 死死地氣叫多個細嘅我同我朋友出去睇下d海鮮搵吓啲蜆咁嘅嘢幾錢 (我哋都唔係好知其實係乜)嗰個阿伯話$108一斤 咁我哋問佢一斤有幾多粒佢話10粒到 我哋同行有8個人所以我哋問佢咁會唔會有得斤半咁樣佢話有 咁我哋咪話咁要斤半啦俾錢嗰陣見佢收 3 $3xx咪問吓佢係咪打錯 有個侍應過嚟拎左張單之後拎咗去問返嚟同我地講話 佢係話$108半斤喎下我話冇可能因為我同我朋友一齊出去睇一齊聽到一齊落order如果佢話半斤$108我哋有乜可能會問佢咁有冇斤半咁樣所以我哋兩個係非常sure但個侍應嘅態度已經非常差話賣海鮮嗰個已經賣咗好多年 唔會錯話佢哋不嬲都係咁賣完全係覺得一定係我哋聽錯咁由於我同個friend都非常肯定 佢突然間勁惡咁轉身揸爛張單 之後走咗去返嚟話幫你地改咗張單啦睇一睇 點知仲貴多$100 係咪玩嘢.....我哋再問佢 佢又過嚟拎走左張單今次終於改返啱 但啲態度係超級超級差到我哋走嗰陣 d侍應

由當年新開張便幫襯左好多次，好鍾意佢嘅花膠雞煲，好濃，好好味，佢係勁難book位，打極電話都唔通，試過親身上去book枱添。事隔左段時間再上去幫襯，由於電話又係長期無人聽，咁就6點上去walkin碰運氣，有枱嘅，不過要同人搭枱，好啦，我同朋友都唔介意嘅，跟住話限時一個半小時，嘩，打邊爐個半鐘真係好chur囉，咁由於朋友未試過食，咁個半鐘就個半鐘。一坐低發現自己好似置身大陸嘅火鍋店，比國語包圍，全部都係內地人，然後花膠雞嚟左，好咸，花膠勁腥，差左好多，我地兩個女仔叫左半隻雞煲，牛肉（$188），鮮枝竹，花膠蝦丸，冬瓜，唐生菜，油炸鬼，烏冬，3支可樂，埋單八百幾，其實真心好唔抵。我估以後都唔會再嚟。我曾經都好捧場，一個月食3次，真係幾鍾意間嘢嘅，但係今晚之後就唔會再幫襯。

好耐之前已經聽過鮮入圍煮大名聽講要早一個月book位先有得食今晚終於可以試到果真座無虛席好熱鬧佢最出名原隻雞煲花膠湯今晚朋友想食辛辣所以叫左四川麻辣火湯底又辛辣又香食物叫左羊肉片手切安格斯牛肉蟹子墨汁墨魚滑脆魚腩水魷個手切安格斯牛肉不得了賣相好靚 食慾大增切得好平均 好薄落湯幾秒就熟入口即溶好正呀必叫羊肉片都非常薄羊肉味都出岩哂鐘意食羊既朋友蟹子墨汁墨魚滑賣相都好好非常烏黑色一個碗仔但份量都唔少我鐘意切大粒d放湯非常彈牙非常有咬口脆魚腩 都好新鮮真係爽脆 啖啖肉好好味睇黎真係要快d再訂位要黎食過

一間選了上乘，湯底極之美味的火鍋店，仲有一個海鮮魚檔，俾你挑選海鮮，價錢公道，質素極高，次次黎都有食佢哋唔同嘅蜆，醉雞鍋絕對係值得推介，隻雞新鮮冇雪味，藥材味香噴噴，絕對係火鍋湯底不二之選

這間火鍋店一直以黎都有好多人食，每次想食的時候都會book唔到位，今次好醒預早訂位，所以去到就唔需要再等啦!餐廳位於登打士廣場2樓，可以選擇行樓梯或搭升降機到餐廳。餐廳佈置以懷舊街市作主題，而且是用圓枱，什為懷舊。餐廳內有個小型魚檔，如想食海鮮便要到這裡選購。濃厚原隻雞煲花膠湯(小)($268)，兩三年前黎講呢度打邊爐，已經試過這個湯底，對佢念念不忘，所以今次再黎食這個湯底!水滾後先飲湯，湯非常鮮甜，而且粘口。煲內有半隻雞及6隻花膠，雞肉嫩滑。我們每人也飲了2大碗才開始打邊爐。脆肉鯇魚片($63)，魚肉夠薄切，爽口彈牙，中間唔會太多魚骨!手切安格斯牛肉($188)，牛肉份量都算幾多，油脂唔算好多，牛肉味濃，肉質都算鬆軟。新鮮淮山($35)，呢個湯底冇可能唔食D吸味的食物。淮山完全吸收了湯的味道，非常鮮甜!炙燒芝心丸($32)，這款芝士丸係我最愛吃的，丸中心有流心芝士，特別惹味!羊肉片($68)，羊肉的羶味都唔算太濃。桂花蚌($138)，桂花蚌鮮甜，肉質爽脆!總括黎講，餐廳環境感覺懷舊，像去了舊式街市打邊爐，食物質素都唔錯，有機會會同多D朋友黎食!

前幾年見到呢間打邊爐嘅係用花膠煲雞湯底，嗰陣已經好想試。但嗰陣佢長期爆滿，點預約都預約唔到！真係好鬼灰。之後就冇咗回事！直到前排機緣巧合下，有朋友係外國返左黎話想試吓呢間！咁我就試吓book位la! 而家冇幾年前咁難book，但試完之後我終於明白，點解佢長期都咁多人！佢個花膠雞湯真係超級好飲！完全唔覺得有味精同屋企阿媽煲嗰啲冇乜分別！實在太感動啦估唔到打邊爐啲湯都可以飲得返！但係唔知係咪我記錯呢佢之前有一個蟹粉醬我都好想試㗎！今次佢就唔覺眼有定係佢已經冇咗啦？

這天來到了登打士廣場的這家叫鮮入圍煮的火鍋店， 這裡的裝修很有特色 弄得像街市一樣， 能看到師傅切肉， 還有魚缸， 裡面有各種新鮮的海鮮，感覺新奇尼。今日想吃得清淡點 ，所以湯底就選了$78粟米濃湯， 再點了$35甜栗米 ，粟米清甜爽脆。至於菜料方面，當然不少得平時都有食的稻庭手打烏冬 ，$58鮮雞件等等 。雞件夠肥美，而且本來以為是雞柳，當職員送到上枱時，才知道是真雞，哈哈，有雞翼，有雞胸等部位。$28稻庭烏冬夠彈牙 ，加上吸了粟米湯的甜味，變得更好味 ，彈牙中有微甜，和微微粟米味。朋友點了$48響鈴 ，$32魚皮餃 ，$88毛肚和$88墨汁墨魚滑 。墨魚滑加了墨汁後，賣相黑黑的，口感彈牙可口 。毛肚眼見是墨綠色的 ，上網查了之後，才知道原來新鮮毛肚的顏色就是綠綠的啊， 真是長知識了。兩人埋單連加一服務費，以及人頭醬料費（每位$10） ，大概$523，平均$262一個人。

每一次來這裡都坐滿客人，非常熱鬧，很地道的裝潢。每次我們都會點花膠雞湯，蛋黃色的湯，充滿雞香，軟滑濃厚。不手軟，大約有4-6片花膠，咀唇都充滿膠質，次次都喝了一大半才肯收手。必點的就一定是花竹蝦，非常大隻生猛，多數都有我的下臂那麼長，非常鮮甜厚肉，啖啖都爽口彈牙，大多數都會有豐滿的蝦膏，這才是真正的蝦！新鮮的程度可以用刺生的食法！但其實餐廳以前並沒有提供這服務，但我們仍然希望能夠試試刺身食法，果然不出所料，非常鮮甜彈牙又黏口！現在他們也有這個服務了，讚！第二必點就是鮮竹笙並不是間間火鍋店都有新鮮，而且這裡的竹笙份量多又大隻，吸滿湯汁，很鮮味又爽口！曾經我們也有嚐過隻活北寄的刺身食，一隻手都差點拿不住，肉實爽口，新鮮鮮甜，完全不用沾豉油，讚！牛肉類的有牛胸爽(必點！白色薄薄一片，焯1秒就夠了，口感獨特又爽口，充滿油香)、本地手切牛(新鮮，個人偏愛本地牛，因為比較有口感和肉味濃)和雪花肥牛(脂肪分佈均勻，不油膩又新鮮)。他們的海鮮就是主打，雖然價錢是偏高，但是物有所值。聽說他們的胡椒豬肚湯也很不錯，下次就來試試吧！

呢到最好食就係佢既花膠湯底火鍋 首先一上個煲就飲佢既湯先 味道鮮甜 花膠味重 落足料既 所以都值回票價 火鍋配料都新鮮既 叫左肥牛 同埋呢到d 丸都幾好食 不過坐就唔係太舒服 呢到似大排擋既格調