鮮入圍煮 (已搬遷) 新店位置

朋友好鐘意打邊爐，如果唔係佢強烈推介我都唔會知，佢裝修花左心思，模仿街市，有豬肉牛肉檔，重有海鮮檔(真係有海鮮可以點)坐既都係大排檔檯凳，唔算好舒服，侍應服務都良好。不過唔知係咪有係內地大力宣傳，感覺全間餐廳都係內地遊客…佢既花膠雞無得彈！濃。鮮。甜！雞亦都夠嫩唔老。記住係打邊爐前要盡情飲，因為之後加既湯就已經係普通雞湯另外有叫手切牛肉，賣相同味道都好好。其實如果唔叫海鮮，每人大約200蚊，咁既質素黎講算好好！

一早聽聞呢間好出名的邊爐餐廳，之前無機會食，今日終於試到。一入到餐廳入面，好似街市嘅，有海鮮賣，俾你自己挑選，用作打邊爐的材料。另外啲枱凳擺設就好似大排檔。見到墻上有一個貼紙寫住佢喺上海開咗分店。一坐低，侍應推介我地叫花膠雞湯，話9成人都係叫呢個煲，理所當然就叫咗呢一個湯底。一上湯個侍應會幫手將半隻雞分到細細份俾我地食，見到湯底材料非常豐富有半隻雞加花膠，超足料，我和友人先飲左碗雞湯再放材料入去打邊爐。手切安格斯牛肉，牛肉好薄，好新鮮，脂肪分佈均勻。脆肉鯇骨腩，打邊爐一定要有，好脆好爽口。炸響鈴非常脆，用嚟打邊爐一流。元粒帶子水餃，咬開來會見到有粒帶子係入面，好爽口，啲肉好新鮮。仲有娃娃菜，娃娃菜好新鮮，放係湯度煮左好耐，好好味。仲叫左2枝啤酒$20/枝。

聽friends講都話呢間幾好食, 我就去試下啦. 叫左個花膠湯底既雞煲, 一上個煲就先飲碗湯先, 真係唔錯, 幾好飲有花膠都煮得夠熟, 不過呢到座位就坐得不太舒服, 因為係膠既, 似大排檔FEEL!

晚上帶爸爸吃晚飯，到了旺角一間樓上火鍋店，店舖的裝飾挺有趣，環境就像路面海鮮市場旁，海鮮款式應有盡有，可以即時選購新鮮海鮮，我們選了香濃的四川麻辣湯底。當然少不了混醬～～手切安格斯牛肉，挺厚身，牛肉味濃，放下麻辣湯撈三下左右可吃。蟹籽墨汁墨魚滑，份量挺多，質感十分爽口彈牙，也很新鮮，吃到也有墨魚粒很有嚼頭。薑汁皮蛋貢丸，這個挺有驚喜，咬下也是薑汁和皮蛋，滿是肉汁，口感一流。皇帝菜、西洋菜也很新鮮翠綠。火鍋的話，汽水是總不能缺少的，兩款土耳其果汁汽水都夠蘋果和檸檬味，整體來說，食物款式多、新鮮，適合和朋友聚聚、吃吃火鍋～～

如果無記錯, 已經第6,7次食, 每一次都覺得好滿足, 今日我地walk-in, 諗住都應該食唔到, 可能因為仲早, 估唔到有位俾我哋食😍😍 雖然限時, 但係我哋都唔介意, 如果book唔到嘅朋友, 都可以試吓碰碰運氣! 好快就已經爆場啦~ 當然要order花膠雞煲湯底, 湯依然濃郁, 見到聞到已經好想飲, 侍應會幫手剪開雞, 雞肉仍然鮮嫩! 花膠份量唔少, 而且好入味, 食完花膠同雞其實已經一半飽, 好正! 個湯真係好好味, 夠濃夠香! 而且呢度嘅火鍋材料都好新鮮, 非常滿意👍🏻

聽左呢間野都好一段時間, 始終未有機會試下. 今日決定試下呢間野首先講上去8點到上去, 由於晚飯時間, 留下好多人等緊搭LIFT. 等左好幾部LIFT都未到, 有D唔耐煩, 決定行上去. 橫掂都係2/F.身水身汗行到上到去入面都幾IMPRESSIVE. 因而有個漁缸. 可能冇乜人留意呢樣野, 但係對一間樓面唔夠1000呎既 地方黎講,  呢個係一個投資黎. 聽我阿爸講做呢D 海鮮缸好唔容易, D水又要靚, 又要泵水, 又要有漁皇打理(係呀, 叫漁皇 lol). 果然用鮮字黎取勝, 未食既時候我都EXPECT到佢D 海鮮會幾OK. 店內有好多港產片海報, 淨係呢樣都值得要支持下一上菜飲左佢個花膠湯先, 出色. 好怕D 湯得個好鹹字. 呢個湯飲到鮮味, 感覺都幾真材實料. 幾開胃.. 飲左2/3碗, 搞到之後唔係食得太多食左幾樣覺得幾好, 第一樣係象拔蚌, 新鮮, 顏色帶光潭, 刀功唔錯, 每一塊都幾平均. 有生食有熟食 之後有食蝦, 海蝦黎. 咬落去幾爽口, 都幾多肉. 最後講個牛丸, 好似比較少人講呢個牛丸, 講真呢個幾驚喜. 平時好食既牛丸, 你會形容佢係爽身, 一係好似基哥咁講"香

之前朋友介紹過鮮入圍煮的花膠雞湯，趁夏天來臨前食返次火鍋。餐館擺設走懷舊港式大排檔路線，雖然已有不少座位，但食客也多，幸好訂了位。雞煲花膠湯 - 這裡的招牌湯底，見周圍的食客也點了這個，很吸引似的。湯底非常吸晴，有起碼六至七隻花膠，還有整隻雞，店員貼心幫忙把雞剪細，並溫馨提示煮其他食物前先飲一碗湯。湯濃而不鹹，花膠挺厚身，並無欺場。原粒帶子水餃 - 水餃有兩至三粒細帶子，足料。爽口花膠雲吞 - 豬肉混入了花膠粒作餡料，增添口感。金牌牛肉丸 - 看似平平無奇的牛丸，入口彈牙而且味道濃郁，有驚喜。個人喜好食火鍋會點蔬菜，皇帝菜夠新鮮。花膠雞湯果然名不虛傳，其他食材水準亦高。

食店採用了大排檔形式，選海鮮可以直接出去海鮮櫃檯選，選好海鮮即場清理好跟住給你所以絕對新鮮，而坐的位置都同港式大排檔好似，座位是沒有椅背，如果腰骨唔係太好的話都會幾辛苦。花膠雞湯底，湯底的花膠多到淨系食花膠都差唔多飽，雞都有半只，湯底太多料都食唔曬。薑汁皮蛋貢丸，值得推介。另外西班牙黑毛豬，估唔到咁好食。味道: 花膠濃湯冇得輸環境: 都算擠迫服務: 服務員比較cool，但有改善空間衛生: 都算乾淨抵食: 味道是成正比因為價錢都係偏高

之前有朋友提議過嚟呢間打邊爐聚舊，因為時間唔啱就唔到: 一係就太早，一係就太夜。所以放棄咗，今次時間夾得啱就嚟一次。首先牆身有九龍皇帝寫毛筆字；環境係一個乾淨的街市，有得即劏海鮮； 同時又充滿大排檔地踎的風味。醬料簡而精， 由於食物夠鮮，所以醬料唔係重點。濃厚原隻雞煲花膠湯(小)有成隻雞，雞肉好嫩滑，有好多塊花膠，花膠吸曬啲雞湯好入味。西班牙豬腩肉就算淥超過十秒，啲肉都唔會韌。皇帝菜新鮮，同花膠的味道好夾。爆炸薑汁皮蛋貢丸入面有薑同皮蛋粒，咬一口，湯汁略略流出唔會燙親個口，又食到皮蛋薑味。鮮腐竹滾幾滾，腐竹就腍。土耳其果汁汽水分別叫咗蘋果同埋檸檬味，但係我比較鍾意蘋果味多啲， 檸檬比較濃，蘋果清香，有氣，似飲緊冇酒精氣酒。

鮮入圍煮 聽就聽得多啦因為朋友們都大讚佢既花膠雞湯打邊爐今日終於有機會同朋友黎試一試濃厚原隻雞煲花膠湯四個人揀左大份有一隻雞 仲有好多花膠店員之後會幫手剪開成雞件煲滾後先同朋友飲返碗湯濃稠湯汁清甜好味道花膠爽口 膠質豐富雞件肉質嫩滑 份量都十分多一飲每人就飲左滿滿兩碗 然後加湯打邊爐蜂巢豆腐吸晒甜甜湯底 食落軟綿 好味道娃娃菜新鮮生菜 健康之選准山又一款養生必點 清爽又得 煮耐d綿綿又得響鈴鮮炸酥脆可口 浸一浸湯吸d湯汁 正金針菇打邊爐必點之一美國A級手切牛肉牛肉雪花花紋好靚 食落牛肉味濃 肉質軟滑桂花蚌有位置可以自選海鮮見桂花蚌大大隻好新鮮 十分吸引清左內臟位洗得乾淨 清甜好味

今次由表姐帶路 揾到黎登打士街廣場既樓上餐廳 鮮入圍煮這間餐廳我曾經在電台聽見節目主持人介紹 推介這裏的花膠湯底 想不到終於能親身品嚐一下🤗毫無懸念三個女人坐下 立刻叫咗個原隻雞煲花膠湯 落力補足一下骨膠原 雖然點細煲 但來頭不細 足足有七八塊大花膠 雞湯充滿膠質 雞肉鮮嫩又甜 其他餸菜未上枱前我哋已經每人飲了兩碗湯👍🏻續添既係雞湯 而唔係一般味精水呀！打邊爐又怎可以沒有牛肉 手切安格斯肥牛肥瘦均勻 超滑身 媲美滑牛既質感！油麥菜打邊爐真係一絕 好新鮮！墨魚滑有墨魚粒 彈牙好吃 炸芋頭粉得太好味！媽媽起勢食最後仲追加一碟！打響鈴亦都唔輸蝕 脆！香！🤤重點全晚個個搶食的是鮮鵝腸😍很肥美 又不至於條條肥膏 輕輕十幾秒已經很爽脆 餐廳處理得非常之好完全沒有難聞的臭味 十分出色👍🏻👍🏻👍🏻難得有玻璃樽裝汽水 當然要和親人碰一碰杯☺️成間餐廳打扮成一個舊式街市和大排檔 很特別！

個電話真係好難打，打成30次都無人聽要個電話黎做咩嫁呢？我地今次係openrice到book想留半隻花膠雞湯底都咁難😑最終係靠朋友幫我留左，真心係幾好食既個湯底，料就ok啦。如果一班人既不防試試不過要預早幾日前book

一個月前已經上網訂位，終於可以在正常晚飯時間品嚐我們最愛的花膠🐔湯火鍋。不用像之前5:30前來排隊。味道依然如舊，花膠🐔湯底味濃，超級味美。唯一不滿是店內大部份是國內遊客，他們不顧別人，不停在店內走來走去，常常碰撞，非常滋擾。

好好！好好食既打邊爐！聽就聽得多 食都係第一次 #鮮入圍煮 ！✅手切安格斯肥牛 勁厚 入田即溶 超好味✅個湯底豬骨湯好濃郁，最後放個粉絲落去 吸哂d湯 食到停唔到口✅食完先知佢出名花膠雞湯，我下次一定要再食😍 有無人join✅佢每一份野都夠晒大碟,抵讚#鮮入圍煮#打邊爐必食人均消費：$100-200好味指數： 1️⃣2️⃣3️⃣4️⃣5️⃣6️⃣7️⃣8️⃣ 9️⃣ 9/10分回頭指數：99%❤️❤️❤️❤️❤️❤️❤️❤️❤️❤️❤️地址：鮮入圍煮 (旺角)旺角登打士街43H號登打士廣場2樓#hkfood #hkfoodstagram #hkfoodieblogger #hkfoods #hkfoodielife #hkfoodie #hkfoodpic #ctfoodie#hkfoodshare#cteateat

公司出錢請食飯，梗係揀啲平時嫌貴又唔捨得食嘅餐廳啦。呢間餐廳早有所聞，當時仲未成為熱店，之後見評價咁高，同事話好想食咁就試下啦。首先有book枱都要等半個鐘...🙈相信未黎過都會聽過呢度嘅花膠雞湯，但啲花膠呢？完全係生日份量....即係細件、細件、好細件（重要事情講三次）一大煲得三四件小花膠，當然我唔排除啲花膠煲到熔左🙈 之後嗰度啲人會叫你另外加錢加多碟花膠！後來我地發現所有野都係細細碟，啲海鮮貴到high high，一隻普通size蟶子都舊幾水，到底有無眼花，就算公司請都唔好意思叫啦...🙈 其實大家唔需要期望咁高，食材同普通火鍋站差不多，咁嘅價錢要好食過呢度根本唔難。仲有超級多大陸人，啲侍應基本上十問九唔應，完全無人理你，除非你講國語....