鮮選壽司 (已結業)

Donki 外賣壽司就食得多，堂食都係第一次，見網上食評好麻麻，星期日中午本著唔駛等位心態去試，結果令人好意外好驚喜，質素絕對好過壽x郎，同元x差唔多，而且坐得舒服，服務又幾好，最重點係壽司即叫即整。🥢精選壽司10件 $98 ⭐️⭐️⭐️⭐️真心覺得全部都好味同新鮮，如果要揀3件最好味，我會揀中拖、赤海蝦同甜蛋，而軍艦嘅紫菜嚟到已經唔脆，係唯一敗筆。🥢精選壽司6件 $68 ⭐️⭐️⭐️⭐️呢6件壽司正好係精選10件其中6件，再加埋碗腐皮烏冬，啱晒細食人仕，腐皮烏冬我又係覺得有驚喜，腐皮軟熟甜甜地，烏冬煙煙韌韌，仲有唔肯定係咪鰹魚嘅湯底，整個組合都好味。🥢茶碗蒸 $15 ⭐️⭐️追加一個茶碗蒸試，目測蛋蒸得幾滑，但食落會覺得太稀無乜口感，材料有冬菇魚蛋小柱等，試過就算。二人共消費：$199

而家Donki 出左午市套餐, 好抵食又新鮮。坐得舒服又唔洗排隊，性價比高。我叫左個六件壽司（三文魚、赤蝦、赤貝、鰻魚、玉子、香蔥拖羅軍轞）+腐皮烏冬set ，另附上有細沙律&甜品先至$68，所有壽司即叫即做，魚生新鮮，當中拖羅軍艦超多吞拿魚蓉，好好食。另加一set 厚身帆立貝壽司三件$50，好鮮甜。不過烏冬份量太多食唔哂。另外仲有不同類型的海鮮丼$48、廚師發辦刺身丼連烏冬$58、汁煮銀鱈魚定食$58等選擇下次會再嚟。

今日約了朋友食晚飯，7pm 前已到，等了一分鐘店員就給我們卡位，用QR code 下單，點了三文魚壽司6件$34及北海道帶子壽司拼盤3件$50,有驚喜店員話有優惠再送上一份免費魚生拼盤，有赤蝦，油金魚同鰹魚。魚生相當新鮮美味，壽司的醋飯味道也很適中，不會太鹹。之後再叫了一份天婦羅拼盤，有炸蝦魷魚同帆立貝，最後再食埋季節限定雪糕，第二驚喜是北海道哈密瓜雪糕$28。雖然話用餐時間只有60分鐘，但餐廳並不繁忙，食咗90分鐘先走，埋單時仲可以儲埋donki 會員積分。

從未到過如此趕客的餐廳，一坐低，和朋友傾談一輪，店員便每15分鐘前來催促我們下單，1小時後，店員說用餐時間只有60分鐘，我們沒有理會，想再下單，怎料已經截單，我們再坐多一會，店員再前來叫我們離開，當時餐廳還未滿座，但仍然驅趕客人離開，實在不合理！

Donki 鮮選壽司同事介紹之下得知Donki開左堂食壽司😋一聽到會覺得會唔會好多人嫁🥲原來午市都無乜人，坐得舒服，價錢仲要好抵食😋💛溫泉玉子鰻丼鰻魚好味道，粒蛋有畫龍點睛感覺😋睇到圖二都會明白😋😋💛腐皮烏冬不過不失，烏冬好咬口，腐皮有少少甜甜地，好食！💛沙律沙律比較細，味道唔錯價錢：$58 加一⭐️⭐️⭐️評分：8.5/10⭐️⭐️⭐️(午市價錢抵食，下次可以試下佢壽司或其他，地理位置唔多方便)#即日食即日打系列📍 鮮選壽司 銅鑼灣百德新街22-26號名珠城1樓

行過Donki 見無乜人就入咗去試下，諗住平時Donki 啲外賣都正正常常，點知坐低我就知道點解入面會無乜人😂餐牌上面可以點嘅嘢唔多，咁大間餐廳會期望會多啲選擇。 就住嘢食方面，壽司味道正常，但係啲飯好鬆散，而且其中一件秋刀魚壽司有魚骨，影響晚餐體驗，而其他壽司好似箱壓壽司咁，感受唔到有啲咩特色亦都唔值得咁貴，所以我諗係今次中完伏之後，我諗無下次😂另外環境方面，舖頭嘅燈光比較暗，喺外面睇落冇乜吸引性🤔️

價值同質素不成正比，服務亦未如理想。唯一好處係吾洗排隊，晚飯時間8點左右去到 都吾係等左5分鐘左右。銅鑼灣店係以餐廳送餐型式 用手機落單，就吾係迴轉壽司黎。黎單時都發現好多嘢食都已經sell out, 都冇乜嘢可以食到。整體售價係算幾高，但食物質素其實同壽司郎差吾多，大吞拿魚仲要覺得壽司郎好食d。服務上都可以話冇乜，店員上碟個陣 直接放係枱邊 乜都冇講 同茶餐廳都冇乜分別。覺得連第一次都吾洗試，嘢食都冇咩好講 全部好普通～

之前荃灣店剛開幕嘅時候幫襯過一次 個次麻麻地所以一直冇再食過隔左一段時間再比次機會 今次感覺體驗好好多.雖然款式不如壽司X咁多 不過今次嘢食都好新鮮 肥美嘢食唔錯 環境舒適 唔洗排隊👍🏻

近排天氣熱到🌞真係冇乜胃口食d熱辣辣嘅野🥵一於黎Donki鮮選壽司食時令新menu先😍🍣前菜拼盤醬油煮三文魚皮配日式厚蛋燒，日式嘅醬煮三文魚皮同港式有d唔同，係慢煮方式煮到三文魚皮d膠質出黎，口感偏冧身，醬油味道偏甜。而厚蛋燒係日本傳統高湯嘅味道，不過不失。🍣刺身拼盤有竹莢魚和油甘魚刺身，兩種魚都充滿油脂配上脆脆嘅海苔，口感豐富。日本生蠔刺身🦪原隻上有手掌咁大🫱🏻生蠔上面仲有柚子汁調味勁新鮮蠔味濃😍🍣天婦羅拼盤🍤有齊炸蝦、沙追魚、時令紅薯、炸菇，新鮮炸起。個人覺得沙追魚最好食，魚肉細嫩又無骨👍🏻🍣壽司特選箱壓壽司拼盤，有三文魚，熟蝦，星鰻同鯖魚，我最中意食飯鯖魚，魚肉肥美又带甜再配上酸酸地嘅壽司飯。另外有散叫佢地嘅時令鹽汁燒壽司，有鯛魚、油甘魚、三文魚、赤蝦，鹽汁燒再加上火炙，令魚油進一歩逼出黎🥰識食一定食呢款鹽汁燒🤓🍦甜品北海道夕張蜜瓜軟雪糕🍦好濃嘅蜜瓜味一d都唔香精🍈另外士多啤梨拼蜜瓜大福，QQ嘅大福皮入面包住士多啤梨奶油，味道偏甜配茶岩岩好👌📍#鮮選壽司 (#銅鑼灣美食)#銅鑼灣 百德新街22-26號名珠城1樓➡️𝗙𝗼𝗹𝗹𝗼𝘄左我未啊😚跟住我去飲飲食食😎

一直都唔知donki有壽司店，直至路過銅鑼灣見到路牌，search 過見餐牌啲野食唔貴，就入咗去試吓作為三文魚控，必嗌三文魚壽司拼盤、炙熱三文魚、同三文魚拖羅。全部壽司都好有水準，好食而且唔算貴。推薦三文魚拼盤，$38但有三種唔同味道。另外三文魚拖羅幾厚身，同樣抵食環境上，餐廳夠寬落，而且座位舒適。同朋友二人坐6人嘅卡位，可以一邊嘆吓壽司，一邊傾計，幾chill幾舒適。環境：4.5/5味道：4/5推薦度：4/5

成日夜晚去donki買野有時肚餓就會買壽司次次都見到呢間入面既堂食收左門今日比較早既時間同朋友係附近想食啲light d ge野諗起呢間經過左咁多次都未試過Overall壽司比想像中新鮮入面環境都比想像中大同舒服想講食過就唔再係donki 買壽司不過都係收番除非佢開到凌晨😂😂（開到12點都好呀😌）二人食左$261

好開心香港終於有多啲親民價錢嘅壽司店，今次去donki買嘢經過見到就行入去試吓。- 環境呢間環境幾好，坐位相當寛闊，枱與枱之間亦有適當嘅距離，唔會聽到隔離枱講緊啲咩。位於鬧市之中，上多一層就係人來人往嘅Donki，但係呢度嘅環境十分安靜，而且裝修好有日式風格，感覺好似食緊日本omakase咁。每張枱都會有一部平板電腦點餐，非常適合放工之後唔多想講野嘅各位打工仔！- 食物比較同類型嘅日式壽司店壽司郎，佢嘅價錢比較高，但依然比元気平。食物嘅質素都偏高，感覺上比起壽司郎好小小。食物嘅擺盤好靚，如果唔標明價錢，我以為自己食緊幾百蚊一碟嘅高級和式料理，好適合鍾意打卡嘅人去！而且每一隻碟都係唔同款，各有特色。呢度嘅上菜速度好快，我係夜晚七點半左右嘅繁忙時間去食，服務員同師傅都好爽手，落完單五分鐘都冇就已經到！

之前一直都有啲想試Donki壽司🍣星期六夜晚嚟到 見佢無乜人排隊就入咗去食😂♪ 火炙帆立貝 ($18)♪ 火炙赤蝦 ($10)有炙燒香味 照燒汁味較濃 味道不過不失~♪ 檸檬鹽手握壽司3貫 ($50)♪ 帆立貝 ($18)魷魚同帆立貝味道一般 唔算太鮮甜 呢個價錢偏貴🥺♪ 三文魚拖羅 ($15)呢個食落真係比平時啲三文魚肥美(˶‾᷄ ⁻̫ ‾᷅˵)同行朋友超鍾意 但我就還好😂❣️新鮮即磨wasabi係幾特別嘅😂但壽司質素就唔算太特別 壽司選擇唔多 而且價錢比壽司郎貴好多🥺下次都係早啲去排壽司郎好啲(´･_･`)推薦指數：🌟🌟【𝐏𝐫𝐢𝐜𝐞: 3/5 𝐅𝐨𝐨𝐝: 3/5 𝐄𝐧𝐯𝐢𝐫𝐨𝐧𝐦𝐞𝐧𝐭: 3/5】ғᴏʟʟᴏᴡ ᴍʏ ɪɢ ☞ sɪᴜ4ᴍᴀɪ_ɪɴᴛʜᴇʜᴏᴜsᴇ

第一嚟食donki壽司，見到座位好闊落，裝修都好有特式，一坐低係用QR code 落單一落單發現佢既壽司價錢唔算貴，最平$7一件，但選擇唔係好多，今次就叫咗以下壽司最好食竟然係「蟹味噌」，因為佢個蟹味幾鮮，唔會太鹹，加埋塊紫菜好脆，所以呢款壽司encore 咗幾次其他壽司就普普通通，熟食同前菜選擇太少，唔怕無乜選擇既話，呢度既好處就係坐得舒適，野食就唔好期望太高。

嗰日行去Donki，突然之間發現原來有間壽司。上網一睇先發現原來都開咗一段日子，唔知點解嚟咁多次一直都冇留意到。反正就係嗰次見到之後就記住左佢。-話說嗰日我個friend約我出去食 #壽司郎 結果我哋發現每間分店都等緊二百幾個numbers…放工咁肚餓嘅我根本冇辦法可以等😭所以我哋決定求其搵間壽司食，然後就去咗呢間唔使等位嘅 #鮮選壽司 講真去到門口嘅時候差啲唔敢入去，星期五嘅晚市時段竟然唔使等，仲要有咁多位…我哋本住試伏既心入咗去….餐廳嘅設計好簡單，一坐低就覺得好舒服。我哋兩個人坐緊一張可以六個人坐嘅枱，即刻印象分+100… 唔知點解每次同呢個friend去食嘢都係伏…所以我哋今次叻左，第一輪叫嘢食嘅時候只係叫幾件試吓先，如果唔好食嘅話就即刻走人去第二間。😂😂😂😂上菜嘅時候見到啲壽司賣相都幾靚，OK加多50分。咁肚餓嘅我哋梗係即刻試吓啦，食落又真係OK喎…我哋諗唔明點解完全冇人等位（唔知係咪大家都覺得比貴咗既價錢食Donki外賣壽司好唔抵？）不過都唔係呀，佢哋始終都係喺廚房入面整，起碼唔係擺咗雪櫃一段時間啦 同埋仲要坐得舒服喎..-不過平心而論佢哋嘅選擇係比較少，同埋價錢都唔係話十