鯉魚門大興餐廳

营业中

休息中

家人生日，決定帶他們去鯉魚門度食海鮮。上網見到這間的CP值很高，決意一試。初時入去餐廳裏面，感覺有點愕然，因為裝修比較一般，感覺似茶餐廳。服務員殷勤的招待令我們覺得很好。1）先來粟米魚肚羹很大大的份量2）芝士焗龍蝦伊麵好味呀 不過冇乜cheese 味3）老闆送咗炒大蝦不錯 好入味4）炒蟶子呢個真係真心推介，因為很軟軟也有鮮味其實食到這裏已經很飽，因為份量也很大，再來就是5）椒鹽瀨尿蝦這個我覺得一般。6）蒸扇貝呢個真係唔錯喎，而且大大粒7）炸蠔呢個炸得好味 8）豉油雞好入味好滑9）炒生菜油油地10）炒飯大大碟最後我們要打包那個炒飯和豉油雞回家。真心推介這間餐廳！

首先，喺度食評，有嗰句講嗰句，得就得，唔得就唔得，昨天偕友人前往鯉魚門大興餐廳，據聞他們的海鮮套餐抵食，每位$408，冇加一，連埋生果盤有12道餸。其實喺一個星期前已訂枱，按金$500，去到大興老闆安排我們上咗一樓，不過都係得一間房，如果坐12人會有啲迫，坐低咗，首先嚟個粟米魚肚羹，其他餸菜都陸續上檯，嚟到上湯龍蝦伊面，龍蝦細隻冇乜肉，反而沙巴龍躉都唔錯，至於蟶子、肉蟹以至瀨尿蝦都係細隻，不過羗蔥蟹就炒得幾入味，最後嚟個楊州炒飯同豉油雞，食埋個西瓜走人。坦白講，以呢個價錢喺鯉魚門食海鮮，不能苛求太多😀

之前試過在大興餐廳食海鮮餐，非常棒！最近餐廳新推出外賣任選4款海鮮餐，我立即去訂訂試試外賣。今次4款分別選擇了黃金蝦、薑蔥蟹、芝士龍蝦伊麵及西蘭花炒斑片。非常抵吃！4人份量4款只是$1000。即使冬天，外賣來到都不會涼了，蝦仍然很脆口！家人起初怕不夠吃，所以另外加錢加了份量，以及另外加了個蠔皇扣鮑魚，鮑魚不會硬，好淋，小朋友也能吃。讚！大家不想煮飯可以叫這個外賣！4人餐平均每人都只是$250，非常抵吃！下次打算試吓椒鹽賴尿蝦及炒蟶子，聽聞都好好食。

同爹地媽咪三個人嚟食海鮮套餐，平時出去食海鮮，啲餸唔係少就係無肉，但呢間人均$408，唔計水果的話足足有11碟餸，出去食真係唔止呢個價，仲要碟碟都份量十足，啖啖肉，真係食唔晒仲要打包走！老闆同老闆娘都好好人呀～熱情好客！打算下次同朋友聚會之類都會再嚟食過，本來擔心如果十幾個人嚟但仍然按人頭計的話，份量會唔會都係一樣，不過放心，份量會按人數增加，唔駛擔心食唔飽！

真係唔好睇小一間平平無奇咁嘅茶記茶記嘅外貌 但質素高未試過之前好質疑 😂食過之後 隔個月就食 大約$400位 但真係飽到可以拎住個肚走仲要樣樣都大件 新鮮 味道好 淨係芝士龍蝦伊面同大隻賴尿蝦 都夠哂數！

2023年團年飯要食餐飽！鯉魚門大興海鮮餐廳店面細，看不出是酒家，原來還有房及餐枱在樓上！海鮮餐每位$408，12道菜份量大，五個人叫了4位餐，都食唔晒，剩返炒飯和豉油雞！欣賞龍蝦芝士伊麵、黃金蝦、蒸扇貝、果皮蒸鮑魚😋😋，要批評是炒蟶子味道偏咸、蒸魚沙巴龍躉肉質係木、送嘅一支250 ml汽水細枝唔夠喉，添飲要$45 支！由油塘地鐵站行去餐廳要十分鐘！精明的消費者記得經過家興買支500 ml汽水帶埋去飲！

平時去鯉魚門食海鮮，最驚俾人劏到一頸血， 今日朋友介紹嚟大興餐廳， 佢有海鮮套餐劃一收費咁就唔驚啦。 朋友一早訂好枱，揀好晒所有海鮮同埋烹調方法 。 當日到咗餐廳都全院滿座， 另外人齊通知侍應姐姐，就好快上到菜。 而呢個價錢食到咁多款海鮮CP值都算高。 初時諗住食海鮮未必好飽， 但食到最後都係太飽食唔晒。 總括黎講覺得海鮮方面係不錯嘅， 但係到最尾上嘅炒飯同埋雞就比海鮮差。

一家人去咗大興食海鮮，老細會預返人頭去整餸，其實都算抵食 叫咗個set有8個海鮮、一雞一菜一飯一碟生果，人均都係400幾仲包杯嘢飲tim~ 薑蔥炒蟹 係勁惹味，味道好濃芝士龍蝦伊面，相對上啲龍蝦就無咁彈牙，食得出唔係新鮮，但味道對得住個價咖蒸鮑魚都清理得好乾淨，好味又夠熱Menu係炒蟶子，但無貨轉咗做炒象拔蚌仔。都好大粒又好夠味呢個象拔蚌好彈好好食椒鹽賴尿蝦都好入味蒸扇貝蒸沙巴斑，好味至於雞、生菜嗰啲就冇影到啦，同埋炒飯都唔算好食，但係就非常大碟，一定會食到勁飽同滿足會再翻兜啊

好友相聚定左去鯉魚門食海鮮🦞約左晚餐咁就早啲去埋附近三家村石礦場行下～🥰睇埋日落🌄食飯剛剛好🥰海鮮套餐如上（以店家為準）8款海鮮已經好期待😚果皮蒸鮑魚大大隻真材實料😚陣陣陳皮香蒜蓉粉絲蒸元貝鮮甜美味 炒香左既蒜茸豉椒炒聖子香濃 爽脆芝士上湯龍蝦伊麵大大盤 滿滿既麵唔會太淋椒鹽瀨尿蝦香脆惹味彈牙砵酒蠔大大隻炸到金黃色 香口油鹽浸花甲鮮甜美味😋😋😋清蒸沙巴斑好大條又爽口彈牙正呀整體來講價錢合理仲好大份好好味😋

香港食海鮮通常都不平，如果一大班親戚朋友就更加煩，又怕不岩食又怕叫太多～所以好推薦鯉魚門的大興，餐廳已經預先安排好每人9款的海鮮套餐，超適合一大班人去，每位都只需要$348‼️ 豉椒炒蟶子、芝士龍蝦伊麵和椒鹽瀨尿蝦都是全枱人的大愛👅好新鮮又煮得好有鑊氣，推薦⭐️🔖 份量非常多，10個人去食叫8人份量已經好足夠，所以每人只需要$2xx就食到九大簋海鮮餐🤩

家庭做節團聚，晚上訂了來大興食海鮮大餐。先來是鮑魚，蒸得非常好，很鮮味。龍蝦伊麵，醬汁濃，龍蝦彈牙，配合很好。粉絲蒸扇貝，清甜可口，粉絲吸了扇貝汁，配合扇貝一齊食用，正！豉椒炒蜆，帶點微辣，令人好想再食再食。清蒸沙巴躉，很肥美，斤兩足，油脂多，好味。黃金蝦，外脆內嫩，鹹鴨蛋汁做得好好。砵酒蠔，醬汁做得出色，蠔也炸到恰到好處。之後來就是要令大胃人士吃得飽的炒飯。味道不過不失。花甲湯：花甲的鮮味完全帶入湯中，非常鮮味， 好味！最後就有雞，菜和飯後果 為這豐盛的一餐劃上句號。

朋友介紹$368/人海鮮餐，約埋兩個朋友一齊去食，12道餸，碟碟麵都份量十足，好難食得晒😂特別介紹上湯龍蝦伊麵，🦞龍蝦份量都好多，啖啖肉，好鮮味。蒜蓉粉絲蒸元貝，蒜蓉溝埋粉絲好好味，元貝好大粒。果皮蒸鮑魚，鮑魚好大隻，並且起埋出嚟同清洗乾淨，食之前唔使同隻鮑魚搏鬥一番😂夠腍又爽口。我至愛嘅薑蔥炒蟹🦀蟹肉好鮮甜，好香好惹味。椒鹽瀨尿蝦，瀨尿蝦唔止大大隻，仲要有膏，炒得好香口，但略嫌炸得乾了少少。清蒸沙巴斑一上枱，同枱三人對望了一下，同一個問題，點解咁大條魚嘅，點食啊🤨豉油雞和炒飯完全食唔落，因為實在太飽，唯有打包。$368完全回本，份量十足，做法一點也不馬虎，值得推介。

朋友到鯉魚門拍美照，推介這間餐廳的海鮮餐，完全是喜出望外！他們的位置就在鯉魚門體育館旁邊，非常方便。我們要預早預訂，他們即日購買新鮮的水產。晚巿主要是這一款海鮮套餐：每一碟海鮮的份量也很充足，我們一行六人，吃到滿肚腸肥之餘，也盛滿了五個飯盒！上湯龍蝦伊面：份量非常多，龍蝦啖啖肉，非常爽甜，很新鮮！伊麵軟硬適中，吸了龍蝦的汁，好吃！果皮蒸鮑魚：大大隻，也很爽，配上果皮的獨特香味，很好吃，另外餐廳已經幫手起了出來，方便進食。豉椒炒蟶子：蟶子非常飽滿也很嫩滑！配上豉椒汁很惹味，是我最愛的菜色！蒜蓉粉絲蒸扇貝：粉絲吸收了蒜泥的香味，惹味非常，帶子很大粒！薑蔥蟹：我超愛吃惹味的薑蔥，蟹有不少蟹膏，啖啖肉！不過可能因為炸過的關係，咬蟹殼時要小心，朋友被蟹殼碎塞了在牙縫，痛苦了很久，哈哈。椒鹽瀨尿蝦：非常大隻！！！朋友們最愛，不但椒鹽味很入味，蝦膏也非常多！即使朋友們已經表示很飽，但也忍不住要繼續吃。花甲湯：很鮮甜，花甲也很新鮮。清蒸沙巴斑：魚肉嫩滑，就像平日去飲宴吃那些大海斑的感覺。其實另外還有豉油雞以及楊州炒飯，不過因為我們實在太太太飽了，所以全部打包，哈哈。楊州炒飯我吃了一口，吵得乾身，一點也

噗嚕噗嚕龍蝦從大海游到魚缸再游到圓滾滾的餐桌上牠看著我 我也看著牠.今次黎到鯉魚門三家村食海鮮🦞成個餐總共有12道菜食完飽到上心口 最後實在太飽有碟炒飯同埋雞原封不動比友人打包左返屋企🙈.食物同埋價錢按人頭計算每人大約$300 唔洗加一2個頭比2份冇頭嘅話就唔洗俾錢👍（留意返哩度係6人份量）.唔逐道菜介紹啦 講下我最鍾意嘅幾道菜😂.第一道菜係龍蝦伊麵但筆者同友人都係妹仔肚鍾意食伊麵多過龍蝦😂啲伊麵索曬龍蝦嘅汁 真心好好食連個伊麵底都咁正可想而知啲龍蝦都好好食😝.然後豉椒炒象拔蚌真係超惹味夠鑊氣之餘 鹹度適中象拔蚌仲好鮮甜全檯人都好鍾意食💕.最後一定要講埋椒鹽瀨尿蝦隻瀨尿蝦真係痴左線大過我個頭😂😂😂所以師傅將一隻斬開3段黎炒連個殼都好香脆惹味！打開個殼 入面仲收埋好多膏真係好飽都要食埋佢😝

朋友生日，去咗鯉魚門嘅大興餐廳食海鮮慶祝，叫咗芝士焗龍蝦，砵酒煎蠔，清蒸海班，兩條友食唔使叫咁多餸，芝士焗龍蝦，好多芝士，龍蝦肉好鮮甜，砵酒煎蠔，好大隻蠔，味道濃郁，砵酒味香，海班係沙巴，肉質普通，早知唔食佢，下次來就叫其他食物，都唔食沙巴，好在有啤酒飲，食飽再行去地鉄站當散步。