鰻一炭燒鰻魚飯

营业中

休息中

每個食材都用心制作，特別係串燒同 蒲燒鰻魚飯 ， 可能係即叫即整，所以覺得特別好味， 每樣嘢都熱辣辣 ， 特別推介係佢個麵豉湯 ， 用淨啲鰻魚下欗部份都攞嚟淆湯 ， 好鮮甜。 蟹子沙律略為唔夠凍，如果冷凍些會更好味。坐位就係迫D，因為舖位不大，坐滿只可容納30人。唯獨略嚴餐廳冷氣不夠，希望可以改善下。初初睇食評，話店員服務欠佳，吾執台和水都無杯。我沒有遇到這情況，應該係店家改善了。下次要帶爸媽嚟試下，性價比高，值得推介。

讚1 價錢唔算貴既2 旺角黎講 侍應服務係幾有心機 會解釋啲鰻係乜黎彈1 真係見住廚房用炭燒既 但上到檯 鰻魚真係骨硬 可能係因為用美洲鰻 肉好硬 骨都好硬 鰻魚汁係入唔到去魚度 唔好食既

這間位於旺角的鰻一炭燒鰻魚飯，主打鰻魚，這裏的鰻魚全部以炭火即叫即燒，新鮮熱辣，另外還有串燒及幾款小食，價錢合理，又不設加一收費。炭火蒲燒鰻魚飯鰻魚不算厚肉但勝在燒至皮帶焦香，肉質甘香，十分新鮮，另外還配上鰻魚蘿蔔麵豉湯。炭火仙台燒牛舌芯飯牛舌舖滿了飯面，用炭火燒至有陣陣焦香，不厚不薄，入口略有咬口，但又不會太乾，送飯一流。鹽燒雞皮雞皮燒至金黃香脆，完全不油膩，而且十分惹味。炭燒菠蘿菠蘿燒至香甜，而且入口無渣。

開業未夠三個月香港少見既平價鰻魚飯😮‍💨😮‍💨係東京！都食到勁苦炭燒鰻魚既我立即bookmark完過幾日就要試野食ok 都見到誠意位不過服務就有改善空間（拉落少少了解下🫶🏻）平日無咁多人可能會好啲對我地黎講佢地既服務比野食質素更深印象😅所以總體我地覺得體驗一般⍥ 鰻魚拼牛舌芯飯 ❙ $98⍥ 鰻魚拼雪花牛肉飯 ❙ $98已包餐湯·前菜·主食餐湯：淮山蕃茄鰻魚粒蛋花湯👍🏻👍🏻😍好好飲 夠熱又夠多料我平時都好少飲晒出邊既餐湯呢到⋯我飲晒🥰前菜：醃蘿蔔爽係爽但唔夠凍唔夠酸我自己醃真係仲好味😅😅蒲燒乾瑤柱絲就咁食有些少鹹🤗撈飯唔錯既鰻魚飯：鰻魚來自美洲 係炭火即燒對我黎講唔算太肥美但厚度令人滿意😆無細骨 啖啖肉 表現唔差不過始終炭燒 😅邊位少少焦黑都在所難免味道自然都受到影響旁邊仲有啲店家先炭燒後酥炸既鰻魚骨粒食落甜甜地好香脆 口感非常好我地都係第一次食 初初我以為係油炸鬼囉😂😂！！呢個位幾有心思同誠意米飯用左珍珠米 口感我鍾意而且值得一讚既係！好！夠！熱👍🏻鰻魚汁唔會過甜或過鹹😳份量拿捏得岩岩好唔會令米飯過份濕潤飯量對男士黎講可能少左啲不過食晒成個餐都夠飽牛舌芯：都有三大片牛舌芯

本身對呢間店都有啲期望本人喜歡饅魚飯，知道旺角新開左間，就同同事去試下見到蒲燒饅魚飯（大）都唔算貴就點左呢個饅魚好薄身，而且燒太耐，個皮又燶又韌個皮真係咬唔開，講真有啲過份…前菜酸蘿蔔，表面好酸但唔入味，完全唔岩味咁另外果個前菜唔知咩嚟，問店員佢話佢都唔知望落有啲似漬物個湯先最耐人尋味唔係麵豉湯黎問左店員，係用饅魚碎，饅魚骨，蕃茄，同蛋花煲既湯日式料理真係第一次見有蛋花既湯但個湯真心怪味，同好似有dd變味咁，總之好怪同事點既午餐牛肉飯牛肉有啲咸同埋唔知點解有大量芝麻，做成奇怪口感呢款係細既饅魚飯詳細同大既饅魚飯一樣呢間店真係試一次就夠總括然而就係失望

係旺角行街經過呢間炭燒鰻魚飯專門店，俾佢門口嘅直播屏幕吸引到，見到廚房實時燒鰻魚好有誠意，而且喺香港食鰻魚飯價錢都唔平，呢間又唔算貴喎，一於試吓！🌟炭火白燒鰻魚飯 $118成份定食附送魚湯同自家製前菜—鰻魚汁燒瑤柱絲，好香口送飯一流。而鰻魚飯面頭有脆炸鰻魚骨同紫菜，口感得意又豐富，餐廳宣傳話喺用美洲鰻鱺，肉質彈牙厚實，用鹽調味過之後先用炭火燒，食落皮脆肉嫩，鮮甜之餘好香炭火味，白飯係用日本AAA級夢美人珍珠米，香甜煙靭有黏性，同鰻魚好夾。🌟鹽燒牛舌芯 $58一份有五大塊牛舌，每塊都好厚而且好重牛味，油脂都十分豐富，燒到啱啱好唔會好老。餐廳座位唔多，晚市需要排隊等一段時間，建議可以早少少嚟。推介指數：8/10

鰻一炭燒鰻魚飯，位於旺角山東街，地點方便，日式裝修、木系設計，真係好有鰻魚專門店既風格✨主打當然係炭燒鰻魚，仲有牛舌芯、雪花牛肉、串燒等，坐無虛席，入到門口人人枱面都係一盒盒既鰻魚飯超有feel😍飲返杯咸檸七降降溫就開餐🍹炭火蒲燒鰻魚飯🍱依度既名物梗係要食下，雖然叫左細(碗上)但都唔細，仲配埋湯同配菜，上枱超級香炭燒既香味，鰻魚好厚身，一食就知炭燒，個燒烤味好正😗肉質嫩滑，可以加啲鰻魚汁係飯度，多啲風味🤞🏻鹽燒牛舌芯，係我最鍾意既日式燒物之一，燒得好香，濃烈既牛味，好味😋赤蝦天婦羅🍤，都幾大隻，準備左蛋黃醬同天婦羅汁，當炸物或者天婦羅食都得🥢粉唔厚，都OK抵食既小食👍🏻串燒時間，炭燒京葱雞肉串，燒得都係好香，雞肉相當嫩，汁燒雞頸肉，豬頸肉就食得多，雞頸肉就細舊啲，但肉質有咬口，都幾特別幾好味😝我個人最鍾意啲專心只做一件事既店💟高質鰻魚飯，價錢超親民，推薦一齊「鰻活」一下！🐠🐟🐡

講起好食嘅炭火即叫即燒的鰻魚飯，大家以為要去中環幾百蚊一位先食到，這間位於旺角麥花臣球場對面的新店非常值得推薦號稱鰻魚飯專門店，餐廳外面電視直播師傅燒鰻魚感覺好吸引，最重要係價錢真係唔貴，蒲燒鰻魚飯價錢由$88起，全日免收加一服務費超加分，除了鰻魚飯也有各類不同的串燒、小食，所以最近兩個星期已經嚟咗兩次，性價比超高蒲燒鰻魚飯 （大盛$118）非常欣賞他們的自家製醬汁，師傅特別用上鰻魚骨及多種材料熬製，而且鰻魚非常厚身，可以吃到炭火直燒的風味，肉質微甜有彈性，食完真係覺得好幸福，當日非常肚餓點了大盛，比想像中大好多，分咗唔少俾朋友食，份量絕對大方非常滿意蒲燒鰻魚拼牛舌飯 （$98）心多多乜都想試吓，揀呢款就最啱，牛舌夠嫩燒得幾香，加上海鹽的點綴味道唔錯，但是主角還是燒鰻魚，朋友話下次一定會點鰻魚飯，因為唔夠喉😂—————————————————鰻一炭燒鰻魚飯 (旺角)旺角山東街84號地舖—————————————————#hkfood #hkfoods #hkfoodstagram #hkfoodshare #hkfoodlover #hkfoodie #hkfoodieblogger

講到食日本野，首先應該諗起刺身壽司，之後拉麵，壽喜燒等，其實鰻魚飯都係我好喜愛既一款日本菜，不過香港好似比較少專門店，最近響旺角就搵到間。餐廳佈置以木系為主，牆身有啲日本山水以及鰻魚掛畫，重點係隔住塊玻璃睇到師傅響度炭燒鰻魚同串燒，令我更加期待！① 炭火蒲燒鰻魚飯（大）$118② 鰻魚拼牛舌芯飯 $98揭開蓋見到鰻魚鋪滿飯盒，炭燒鰻魚特別香，厚身肥美但不覺膩。旁邊有脆魚骨以及芝麻紫菜，枱上仲有鰻魚汁可以隨便加，我媽話好難得可以食晒咁大碗飯！另一款飯一半是鰻魚，一半是牛舌芯，偏爽口有嚼勁，都好食。配菜有醃蘿蔔同瑤柱絲，幾特別，撈飯一流！而個湯唔係一般麵豉湯，而係蕃茄蛋花湯，仲有海帶同唔確定係淮山定薯仔，味道清甜，口感豐富，好飲！③ 鹽燒雞皮 $18④ 汁燒雞頸肉 $18既然係炭燒，當然要試埋串燒，雞皮脆口，雞頸肉爽口，點少少海鹽食更加正！食物質素好，價錢唔算貴，性價比非常高，下次要試下個鰻魚蛋包飯同日式炸鰻魚！

係旺角食飯 向來都係多人 尤其假期/假期前夕🗓️今次仲要揀咗呢間新開既炭燒鰻魚專門店🐟離遠都已經見到個堆排緊隊既人龍 一場黎到唯有等吓喇😳等位既時候可以順便欣賞一下佢直播緊燒鰻魚既情況😆不過有得睇又未有得食 係一種殘忍既引誘🫢店內既環境比較細 每次可以入到既人唔會太多 要耐心啲喇➷🪐 炭火蒲燒鰻魚飯鰻魚飯有大細之分 可以因應個人食量而決定因為我地都想叫啲小食 所以就揀咗細既份量😆搽咗蒲燒汁既鰻魚會比較腍身啲 不過味道就會濃郁啲 §🪐 炭火白燒鰻魚飯而白燒鰻魚相對上肉質會比較實淨 炭燒味道會較突出口感同食燒鱔有啲相似🤏🏼魚味就會更重🐟兩者都會有脆炸魚骨做配菜 可以增加口感😌就算叫細份 都唔需要擔心鰻魚既份量😋§🪐 鹽燒雞皮🪐 炭燒雞軟骨🪐 赤蝦天婦羅小食款式唔算特別多 都係俾大家點綴一下過口癮🫢質素上中規中矩 俾多個選擇大家😂➷專門食炭燒鰻魚既專門店唔多 所以人多都係正常想去拜訪的話 記得預留時間⌚️➷🧸🌞 𝗖.𝗼𝗼𝗸𝗶𝗻𝗴𝗯𝗲𝗮𝗿推介指數 👉🏼👉🏼7️⃣🌟

◐蒲燒鰻魚飯｜炸鰻魚｜串燒｜即叫即燒旺角新開蒲燒鰻魚丼飯，炭火爐燒，有燒烤味道，自己放題咁淋上鰻魚汁，仲有瑤柱絲撈飯好正🥺🥺 鰻魚如果再肥美d就更好啦🥰🥰小食方面，有串燒等，試左炸鰻魚，外皮脆身香口👍🏽⎊ 蒲燒鰻魚丼飯 $118🤭🤭有白燒未試，可能濃味就揀蒲燒🥰⎊鰻魚牛舌丼飯$98牛舌有3 件，燒得都香口，有得試晒2 樣嘢🥺⎊炸鰻魚 $38有海苔和香辣口味，辣味唔算辣，海苔可能更好下次試先

之前去名古屋，專登去食左幾餐燒鰻魚，味道真係好難忘！ 上網見到喺旺角都開咗間，主打炭火生燒鰻魚的餐廳，所以立即去試吓！餐廳裝潢簡約，菜式都以鰻魚為主，除此之外還有炭火串燒、日式小食及沙律🥗識點一定要點（大）炭火蒲燒鰻魚飯，用日式盒盛載住，有兩排滿滿的鰻魚，濃郁的蒲燒醬汁，融入肥美的鰻魚中，令其味道更鮮甜，鰻魚口感細膩帶有炭香！朋友點了鰻魚拼牛舌芯飯，一排燒鰻魚一排燒牛舌芯，薄切牛舌芯爽彈有嚼勁，肉味香濃！ 而家天氣咁熱，蟹籽沙律清爽好味每個套餐都配有白飯及海帶湯，湯底好足料，還加入淮山粒、雞蛋等，好好味！ 店員服務好又細心，見到我手沾了醬汁，立即遞上濕紙巾🥰

今晚經過旺角球場見到呢間鰻魚專門店男友見到門口餐牌好吸引就提議入去試下～餐廳入內裝潢以淺木系為主配上深木色餐桌牆身掛有日本海的掛飾及大摺扇整個配搭舒服和諧而滿有日本氣息仲有一面透明玻璃窗可以睇到師傅們用炭火燒鰻魚睇吓餐牌先～除鰻魚飯外仲有一些串燒選擇，即叫即燒～蒲燒鰻魚拼雪花牛肉飯 $98賣相好靚～前菜問過店員先知醬油漬乾瑤柱食落爽口柔綿而調味適中麵豉湯鮮美細膩，原來湯內有鰻魚粒及三文魚粒蒲燒鰻魚散發淡淡炭燒香氣外層微焦而內裡鮮美軟綿細密飯內仲有一些烤得酥脆的鰻魚骨夠哂香口～雪花牛肉片微焦，食落肉味濃厚而柔軟白燒鰻魚飯 $88白燒指鰻魚配少許鹽直火炭燒師傅控制火候剛好，鰻魚外層金黃帶脆食落鮮美軟嫩而不帶腥而配Wasabi及醬油令魚的鮮味更為突出炭燒油甘魚鮫 $58賣相不錯～魚鮫外脆帶焦香，而內裡肉質滑嫩細緻整體性價比高，估唔到呢個價錢食到咁好味環境舒適，價錢合理，服務周到，不收加一值得再來享受美食～

呢間係麥花臣附近嘅新餐廳最近好受歡迎大熱天時都頗多人排隊等食餐廳專賣鰻魚但亦可選擇拼牛肉/ 牛舌芯/ 天婦羅所有鰻魚都是即叫即用炭爐去燒再配上自製嘅蒲燒汁，十分可口𓂅 炭火蒲燒鰻魚飯 ( ᴴᴷᴰ 118 / 大 )鰻魚飯用上日式便當盒呈上，很有回到日本的感覺這裡的鰻魚都偏瘦、無骨、而且都切得薄薄的配上紫菜碎跟珍珠米來吃真的幾過癮🥰不過稍嫌份量少，不論是鰻魚或是飯都是薄薄一層𓂅 蒲燒鰻魚拼雪花牛肉飯 ( ᴴᴷᴰ 98 ) 這個鰻魚倒是燒焦了一點點，但跟炭香相輔相成(?)雪花牛肉也是偏瘦，吃下口感跟味道也是合格的

香港極少有鳗魚專門店，見到旺角有間專食鰻魚就特登過嚟試吓。鋪頭唔大，入面有玻璃窗可以見到師傅用炭火燒鰻魚。除咗鰻魚，其實仲有其他食物，牛舌、牛肉、天婦羅、串燒等。但係重點一定係佢哋嘅白燒同蒲燒鰻魚飯。叫咗一個蒲燒鰻魚飯(大)鰻魚兩排鋪滿長方形飯盒，仲有紫菜同炸鰻魚骨粒點綴。鰻魚非常之淋而且非常有油香，鰻魚皮膠質好重，同平時啲行貨好大分別。枱面調味料有七味粉、山椒粉、鹽、鰻魚汁。小食之中，炸鰻魚骨同炸鰻魚都好好味。鰻魚用咗近尾部啲骨，比起飯面啲更加香脆。炸鰻魚可以揀香辣或者紫菜味，食落口味似中式炸物，但係好食嘅。